7 - ايدىڭ 10 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن ناميبيا زۇڭتۇڭى ەندەتۆامەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان ەندەتۆا جانە ونىڭ جۇبايى ايپاۆلاسپەن بىرگە سۋرەتكە تۇسۋدە.
□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
شينحۋا اگەنتتىگىنىڭ 7 - ايدىڭ 10 - كۇنى بەيجيڭنەن بەرگەن حابارى (ءتىلشى ساۋ جيايۋە). 7 - ايدىڭ 10 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن ناميبيا زۇڭتۇڭى ەندەتۆامەن كەڭەس وتكىزدى. ەكى ەلدىڭ باسشىلارى ەكى جاقتى قاتىناستىڭ ورنىن جاڭا داۋىردەگى جۇڭگو − ناميبيا تاعدىرلاس ورتاق تۇلعاسى دەڭگەيىنە جوعارىلاتاتىندىقتارىن بىرگە جاريالادى.
شي جينپيڭ بىلاي دەپ اتاپ كورسەتتى: جۇڭگو مەن ناميبيانىڭ تەرەڭ ءداستۇرلى دوستىعى جانە ورتاق دامۋ تالپىنىسى بار. ديپلوماتيالىق قاتىناس ورناتقاننان بەرى ەكى ەل باستان - اياق تەڭ تۇرعىدا مامىلە جاساپ، ءبىرىن - ءبىرى قولداپ، دوستىق سەلبەستىكتى ۇزدىكسىز تەرەڭدەتىپ، پارمەندى تۇردە ەكى ەل حالقىنا باقىت جاراتتى. جۇڭگو كوممۋنيستىك پارتياسى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە، ناميبيا 2030 - جىلعى بولاشاقتىق نىساناعا قاراي العا باسۋدا، ەكى ەلدىڭ دوستىق سەلبەستىگىن تەرەڭدەتۋ ءدال كەزىندە بولدى، بولاشاعى نۇرلى. جۇڭگو جاق ناميبيا جاقپەن دامۋ ۇستانىمى جونىندەگى اۋىس - كۇيىستى جانە دامۋ ستراتەگياسىن ءتۇيىلىستىرۋدى كۇشەيتىپ، وزدەرىنىڭ وسىزاماندانۋىن جۇزەگە اسىرۋ جولىندا قول ۇستاسا العا باسۋدى قالايدى.
شي جينپيڭ جاڭا داۋىردەگى جۇڭگو − ناميبيا تاعدىرلاس ورتاق تۇلعاسىن قۇرۋ جونىندە 3 ءتۇرلى پىكىردى العا قويدى. ءبىرىنشى، ءوزارا قولداۋ كورسەتۋگە تاباندى بولىپ، ۇستانىمنىڭ توعىسۋىن تەرەڭدەتۋ كەرەك. ەكى جاق جوعارى جىكتەگىلەر بارىس - كەلىسىن جيىلەتىپ، ەل باسقارۋ تاجىريبەلەرىن اۋىستىرۋدى تەرەڭدەتىپ، ەكى جاقتى قاتىناستاعى جالپى جاعداي سيپاتتى، ستراتەگيالىق سيپاتتى ماسەلەلەر جونىندە ۇنەمىلىك تىلدەسۋدى ساقتاپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزدىكسىز ءبىرىن - ءبىرى قولداۋى كەرەك. ەكىنشى، سەلبەستىك كومەسكى كۇشىن اشىپ، سەلبەستىك دەڭگەيىن جوعارىلاتۋ كەرەك. جۇڭگو جاق افريكاداعى ەلىمىزبەن ديپلوماتيالىق قاتىناس ورناتقان 53 ەلگە كەدەن باجىسىن الماۋ شاراسىن جاپپاي اتقاردى، بۇل جۇڭگونىڭ جوعارى دەڭگەيدە سىرتقا ەسىك اشۋدى كەڭەيتۋدەگى كەلەلى باستاماسى، سونداي - اق افريكا ەلدەرىنىڭ جەدەل دامۋىن قولداۋداعى ”قۇت جاۋىنى“. ناميبيا جاقتىڭ كەدەن باجىسى الىنبايتىن، دارەجەسى جوعارىلاتىلعاننان كەيىنگى جۇڭگوعا شىعارىلاتىن ونىمدەر ”جاسىل ارناسىنان“، سونداي - اق باسقا دا ءتيىمدى ساياساتتاردان تولىق پايدالانىپ، ناميبيا ساپالى ونىمدەرىنىڭ جۇڭگو بازارىنا اناعۇرلىم كوپ، اناعۇرلىم تەز كىرۋىنە مۇمكىندىك جاساۋىن ءۇمىت ەتەمىن. جۇڭگو جاق ناميبيا جاقپەن نەگىزدىك قۇرىلعى قۇرىلىسى، ەنەرگيا، كەن، اۋىل شارۋاشىلىعى، وقۋ - اعارتۋ، جاستار، عىلىم - تەحنولوگيا سياقتى سالالارداعى سەلبەستىكتى تەرەڭدەتىپ، ەكى ەلدىڭ ءوزارا پايدا جەتكىزۋ سەلبەستىگىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى. ءۇشىنشى، ىنتىماقتاسا سەلبەسۋگە تاباندى بولىپ، كوپ جاقتىلىقتى قورعاۋ كەرەك. جۇڭگو مەن ناميبيا ەكى ەل جەر شارىنىڭ وڭتۇستىگىنىڭ ماڭىزدى مۇشەسى، كەڭ كولەمدى ورتاق مۇددەگە جانە قارايلاس قۇن تالپىنىسىنا يە، ىنتىماقتاسا ىستەستىك جاساۋدى كۇشەيتىپ، باتىلدىقپەن ءبىرىن - ءبىرى قولداپ، حالىقارالىق ادىلدىك پەن ادىلەتتىلىكتى بىرگە قورعاۋى كەرەك. جۇڭگو جاق ناميبيانى قامتىعان افريكا ەلدەرىمەن سايكەسۋدى ۇزدىكسىز كۇشەيتىپ، جەر شارىنىڭ وڭتۇستىگىنىڭ ىقپالى مەن كۇشىن ۇزدىكسىز زورايتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەس قوسۋدى قالايدى.
شي جينپيڭ بىلاي دەپ اتاپ كورسەتتى: افريكانىڭ مول كەن بايلىعىن اشۋىنا كومەكتەسىپ، بايلىق ارتىقشىلىعىن دامۋ قوزعالىس قۋاتىنا شىنايى اينالدىرۋ − افريكانىڭ وسىزاماندانۋ اياق الىسىن جەدەلدەتۋدەگى ماڭىزدى جول. جۇڭگو جاق ناميبيانى قامتىعان افريكا ەلدەرىمەن كەن شارۋاشىلىعى سەلبەستىگىن ۇزدىكسىز كۇشەيتىپ، 3 پرينسيپتى ءتۇيىندى تۇردە ويداعىداي يگەرۋدى قالايدى. ءبىرىنشى، ءوزارا پايدا جەتكىزىپ تەڭ يگىلىككە كەنەلۋ. افريكا جاقتىڭ مول جاراتىلىستىق بايلىعى بار، جۇڭگو جاقتىڭ وزىق تەحنولوگياسى جانە وراسان زور كولەمدى بازارى بار، ەكى جاق ءبىرىن - ءبىرى تولىقتاۋ ارتىقشىلىعىن تولىق ساۋلەلەندىرىپ، مۇددە توعىسۋىن تەرەڭدەتۋى كەرەك. ەكىنشى، دوستىق بەينەدە كەڭەسۋ. ساياسي ءوزارا سەنىمدىلىكتى بەكەمدەۋ − جۇڭگو − افريكا سەلبەستىگىنىڭ وزگەشە ارتىقشىلىعى جانە ماڭىزدى قامتاماسىزدىعى، جۇڭگو − افريكا دوستىعىنىڭ كەلەلى جاعدايىن شىعار ءتۇيىن ەتۋگە تاباندى بولىپ، سەلبەستىك بارىسىنداعى ماسەلەلەردى بايلانىس جاساۋ، كەڭەسۋ ارقىلى ۇيلەسىمدى شەشۋ كەرەك. ءۇشىنشى، ءورىس اشا العا ىلگەرىلەۋ. جۇڭگو جاق افريكا جاقپەن بازارلاندىرۋ، ساۋدالاندىرۋ پرينسيبى بويىنشا سەلبەستىك وي جەلىسىندە جاڭالىق اشىپ، جۇڭگو − افريكا كەن شارۋاشىلىعى سەلبەستىگىنىڭ ۇزدىكسىز ساپاسىن جوعارىلاتىپ دەڭگەيىن كوتەرۋدى قالايدى.
ەندەتۆا مىنالاردى ءبىلدىردى: ناميبيانىڭ جۇڭگومەن دوستىعى ارىدان باستاۋ العان، ەكى ەل قاتىناسى ۇزاق ۋاقىت جوعارى دەڭگەيدە دامىدى. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قىزۋ قۇتتىقتايمىن. جۇڭگو ۇلى مەملەكەت، ءتوراعا شي جينپيڭنىڭ دانىشپان باسشىلىعىندا، ەكونوميكالىق، قوعامدىق دامۋدا دۇنيە ءجۇزىن سۇيىندىرەتىن تابىستارعا قول جەتكىزدى. ناميبيا جاق جۇڭگومەن قاتىناسىنا ايرىقشا ءمان بەرەدى، ءبىر جۇڭگو پرينسيبىن باتىل اتقارادى. جۇڭگونىڭ تاجىريبەلەرىن ۇيرەنىپ جانە ودان ۇلگى الىپ، ىنتىماقتى كۇشەيتىپ، ءوزارا سەنىمدىلىكتى بەكەمدەپ، سەلبەستىكتى كەڭەيتىپ، ەكى ەلدىڭ جاپپاي ستراتەگيالىق سەلبەستىك سەرىكتەستىك قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. ناميبيا حالىقتىق ۇيىم پارتياسى جۇڭگو كوممۋنيستىك پارتياسىمەن پارتيالار اراسىنداعى اۋىس - كۇيىستى كۇشەيتۋدى، بايلانىس جاساۋدى، سەلبەسۋدى جيىلەتۋدى قالايدى. ناميبيا جۇڭگومەن ساۋدا بارىس - كەلىسىن كەڭەيتۋدى قالايدى، ءتىپتى دە كوپ جۇڭگو كاسىپورىندارىنىڭ ناميبياعا بارىپ قارجى قوسىپ شارۋاشىلىقتى گۇلدەندىرۋىن قارسى الادى، ەكى جاقتىڭ ونەركاسىپ، كەن شارۋاشىلىعى، نەگىزدىك قۇرىلعى، اۆياتسيا، عارىش، عىلىم - تەحنولوگيا، اۋىل شارۋاشىلىعى، سۋ يگىلىگى بايلىعى سياقتى سالالارداعى سەلبەستىكتى كۇشەيتىپ، ناميبيانىڭ ەكونوميكالىق، قوعامدىق دامۋىنا كومەكتەسۋىن ءۇمىت ەتەدى. جۇڭگو جاق ۇزاق ۋاقىتتان بەرى ناميبيانى قامتىعان افريكا ەلدەرىنە قالتقىسىز قولداۋ كورسەتىپ، كومەكتەسىپ، حالىقارالىق، وڭىرلىك ىستەردە ءادىل تۇرعىدان جازبادى، ناميبيا جاق جۇڭگو جاقپەن بايلانىس جاساۋدى، سايكەسۋدى كۇشەيتىپ، وركەندەپ كەلە جاتقان ەلدەردىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى ەكونوميكا - ساۋدا، ەمدەۋ - دەنساۋلىق ساقتاۋ، وقۋ - اعارتۋ جانە ادام كۇشى بايلىعى سياقتى سالالارداعى كوپ ءتۇرلى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن ناميبيا رەسپۋبليكاسىنىڭ جاڭا داۋىردەگى جۇڭگو − ناميبيا تاعدىرلاس ورتاق تۇلعاسىن قۇرۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا ەندەتۆا مەن جۇبايى ايپاۆلاسقا ارناپ قارسى الۋ سالتىن وتكىزدى.
ەندەتۆا كەلگەن كەزدە، قۇرمەت قاراۋىلى قاتار تۇزەپ قۇرمەت ءبىلدىردى. ەكى ەلدىڭ مەملەكەت باسشىسى كوزدەن كەشىرۋ مىنبەسىنە شىقتى، اسكەري وركەستر جۇڭگو − ناميبيا ەكى ەلدىڭ مەملەكەت ءانىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. ەندەتۆا شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
سول كۇنى كەشتە شي جينپيڭ مەن پىڭ لييۋان حالىق سارايىنىڭ جينسى زالىندا ەندەتۆا مەن كۇيەۋىنە ارناپ قارسى الۋ قوناعاسىن بەردى.
ۋاڭ ي جوعارىداعى قيمىلدارعا قاتىناستى.
