تۋرا جولمەن جۇرسەڭ، بارلىق ادام ىلەسەدى
− 2026 - جىلدىڭ الدىڭعى جارتى جىلىنداعى جۇڭگو مەملەكەت باسشىسى ديپلوماتياسى جونىندە ەستەلىك
□ شينحۋا اگەنتتىگىنىڭ تىلشىلەرى
تاريح 2026 - جىلعا قادام تاستاعاندا دۇنيە جۇزىندە 100 جىلدىق وزگەرىس جەدەل قۇبىلىپ، حالىقارالىق جاعدايدا، تىپتەن، وزگەرىس پەن بىلىقپالىق ارالاستى. بارعان سايىن كورنەكتىلەنگەن ءبىر قىدىرۋ داۋىرلىك قيىن ماسەلەلەر الدىندا ادامدار جۇڭگوعا زور ءۇمىت ارتتى.
”جۇڭگو باستان - اياق تاريحتىڭ دۇرىس جاعىندا تۇرىپ، حالىقپەن جۇرەكتەس بولىپ، الەمنىڭ يگىلىگىن كوزدەپ، ءار ەلمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى“. 1 - ايدىڭ 16 - كۇنى ءتوراعا شي جينپيڭ شەتەلدىڭ جۇڭگودا تۇراتىن جاڭادان تاعايىندالعان باس ەلشىلەرىنە سويلەگەن سوزىندە وسىنى باتىل جاريالادى.
تۋرا جولمەن جۇرسەڭ، بارلىق ادام ىلەسەدى.
”15 - بەسجىلدىقتىڭ“ باستاما جىلىندا جۇڭگو مەملەكەت باسشىسى ديپلوماتياسىندا جوعارى ورلەۋ كوتەرىلدى، ءار ەلدىڭ ”شىعىسقا نازار اۋدارۋى“ سىندى ءداۋىر اعىمى وركەشتەنە تولقىدى. ءتوراعا شي جينپيڭ جول باستاپ، رول ۇستاپ، جاڭا جورىققا قادام تاستاعان جۇڭگو سەنىمدى بەينەمەن دۇنيە جۇزىنە قۇشاق اشىپ، شىن ىقىلاستى قالاۋىمەن دامۋ ورايىن ورتاقتاسىپ، ەرلىكپەن جاۋاپكەرشىلىك ارقالاۋ ارقىلى الەمدىك باسقارۋعا جەتەكشىلىك ەتىپ، ادامزات وركەنيەتىنىڭ العا باسۋ ىستەرىنىڭ ارشىندى قاداممەن العا تارتۋىن ىلگەرىلەتتى.
(1)
جاز باسى كەزى، بەيجيڭ، ەكى رەتكى مەملەكەت باسشىسى ديپلوماتياسى قيمىلى كۇللى دۇنيەنىڭ نازارىن اۋداردى.
5 - ايدىڭ 14 - كۇنىنەن 15 - كۇنىنە دەيىن ءتوراعا شي جينپيڭ جۇڭگوعا مەملەكەتتىك ساپارمەن كەلگەن امەريكا زۇڭتۇڭى ترامپپەن ديدارلاستى. حالىق سارايىنان جۇڭنانحايعا دەيىن ەكى ەلدىڭ مەملەكەت باسشىلارى ىشكەرىلەي ديدارلاسىپ كەڭەستى. ەكى جاق ”سىندارلى ستراتەگيالىق ورنىقتى قاتىناس“ سىندى جاڭا ورىندى تۇراقتاندىرىپ، جۇڭگو مەن امەريكانىڭ الداعى 3 جىلداعى، ءتىپتى، ودان دا ۇزاق ۋاقىتتاعى قاتىناسىنا ستراتەگيالىق جەتەكشىلىك ازىرلەدى.
ءبىر اپتاعا جەتپەيتىن ۋاقىتتان سوڭ، ءتوراعا شي جينپيڭنىڭ ۇسىنىسىمەن رەسەي زۇڭتۇڭى پۋتين جۇڭگوداعى 25 - رەتكى مەملەكەتتىك ساپارىن باستادى. 5 - ايدىڭ 20 - كۇنى جۇڭگو مەن رەسەيدىڭ مەملەكەت باسشىلارى 10عا جۋىق ماڭىزدى قيمىلعا ىلگەرىندى - كەيىندى قاتىناستى، ىشكەرىلەي پىكىر اۋىستىرۋ تۇستەن بۇرىننان كەشكە دەيىن جالعاستى. ەكى جاق كوپتەگەن بىرلەسكەن مالىمدەمەلەرگە، سەلبەستىك حۇجاتتارىنا قول قويىسىپ، اۋمالى - توكپەلى زور وزگەرىس جاعدايىندا ”ءارقانداي كۇشتى بوران - شاشىندا تاۋداي مىزعىمايتىن“ ءىرى ەل جاۋاپكەرشىلىگىن ايگىلەدى.
”مەن ترامپ زۇڭتۇڭمەن بىرگە جۇڭگو − امەريكا قاتىناسى سىندى وسى الىپ كەمەگە جاقسى جول باستاپ، رولدى جاقسى ۇستاپ، 2026 - جىلدى جۇڭگو − امەريكا قاتىناسىنداعى بۇرىنعىعا مۇراگەر، كەيىنگىگە بۇيداگەر بولاتىن تاريحي سيپاتتى، بەلگى سيپاتتى جىلعا اينالدىرۋدى قالايمىن“.
”جۇڭگو − رەسەي دوستىعى سىندى ۇلى ءىس تاريحي اۋقىم مەن ءداۋىر اعىمىنا ۇيلەسەدى، مىزعىمايدى، ءسوز جوق، ورنىقتى قاداممەن الىسقا جەتىپ، ارىنداي العا تارتىپ، ۇزدىكسىز تىڭ تارتىمدى داستان جازادى“.
ءتوراعا شي جينپيڭنىڭ ءىرى ەلدەر قاتىناسى جونىندە جوسپار جاساپ، جەتەكشىلىك ەتۋى الەمدى كوكەيىنە بۇككەن، بيىكتە تۇرىپ الىسقا كوز جىبەرگەن كوسەمدىك كەلبەتىن ايگىلەدى.
ءىرى ەلدەر قاتىناسى دۇنيە ءجۇزىنىڭ ستراتەگيالىق ورنىقتىلىعىنا سايادى، ءىرى ەلدەر ەرەكشە جاۋاپكەرشىلىك ارقالاپ وتىر. بىلتىر 12 - ايدا فرانسيا زۇڭتۇڭى ماكروننىڭ جۇڭگوعا ساپارلاي كەلۋىنەن باستاپ، فرانسيا، انگليا، امەريكا، رەسەي سىندى بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ 4 تۇراقتى القا ەلىنىڭ باسشىلارى جارتى جىل ىشىندە تۇگەلدەي جۇڭگوعا ساپارلاي كەلدى، جۇڭگو ”الەمدىك ديپلوماتيانىڭ ماڭىزدى تورابىنا“ اينالدى.
قىم - قۋىت، كۇردەلى حالىقارالىق جاعداي الدىندا، ءتوراعا شي جينپيڭ نەگىزگى ءىرى ەلدەردىڭ باسشىلارىمەن ستراتەگيالىق بايلانىستى جاسامپازدىقپەن تەرەڭدەتىپ، بەيبىت قاتار تۇراتىن، جالپى جاقتان ورنىقتى، بىركەلكى داميتىن ءىرى ەلدەر قاتىناسى ارناسىن قالىپتاستىرۋدى ىلگەرىلەتتى.
ەۆروپا − كوپ ۇيەكتەنگەن دۇنيە ءجۇزىنىڭ ماڭىزدى ءبىر ۇيەگى. 2026 - جىلى جاڭا جىل جانە كوكتەم مەرەكەسىنەن كەيىن، ءتوراعا شي جينپيڭ كەزدەسكەن تۇڭعىش شەتەلدىك قوناقتاردىڭ ءبارى ەۆروپادان كەلدى.
يرلانديا، فينلانديا، انگليا، گەرمانيا، يسپانيا، سەربيا... ىركەس - تىركەس جەتكەن ەۆروپا ەلدەرى باسشىلارى مەن ىلەسە كەلگەن زور كولەمدى ەكونوميكا - ساۋدا ۋاكىلدەر ۇيىرمەسى ”جۇڭگو مەن ەۆروپا قارسىلاس ەمەس، قايتا سەرىكتەر“، ”سەلبەستىك باسەكەدەن ۇستەم تۇرادى، ورتاق تانىم الاۋىزدىقتان ۇستەم تۇرادى“ دەگەندى ايگىلەدى، مىنە بۇل ەكى جاقتىڭ ورتاق تانىمى، حالىق تىلەگى.
توڭىرەك − دامۋ مەن گۇلدەنۋدىڭ ماڭىزدى نەگىزى، جۇڭگو ديپلوماتياسىنىڭ الدىمەن ەسكەرەتىن بەتالىسى. قازىر توڭىرەك جاعدايى جانە دۇنيە ءجۇزى وزگەرىسى ىشكەرىلەي ىقپالداستىق جاساۋدا. دۇنيە جۇزىندەگى جەرى ەڭ كەڭ، كورشى ەلدەرى ەڭ كوپ ەلدەردىڭ ءبىرى رەتىندە، جۇڭگو توڭىرەكتى الەمدىك كوز ايامەن باعامداپ، توڭىرەكتىك تاعدىرلاس ورتاق تۇلعا قۇرۋدى ىلگەرىلەتۋگە كۇش سالدى.
6 - ايدىڭ 8 - كۇنىنەن 9 - كۇنىنە دەيىن باس شۋجي شي جينپيڭ بيىل تۇڭعىش رەت ساپاردا بولىپ، تاۋ - وزەندەرى جالعاسقان سوتسياليستىك دوس كورشى ەل چاۋشيانعا باردى. 21 قوناق كۇتۋ موتوتسيكلى جول بويى قورعادى، الىپ سۋرەتى جين رىچىڭ الاڭىنىڭ قاق ورتاسىنا ءىلىندى، ىقىلاستى پيوڭياڭ قالا تۇرعىندارى وزدىكتەرىنەن كوشەنىڭ ەكى جاعىنا جينالدى... ەڭ قۇرمەتتى سيلى قوناققا چاۋشيان جاق ەڭ سالتاناتتى، ەڭ ىقىلاستى سي - قۇرمەت كورسەتتى.
”جۇڭگو مەن چاۋشياننىڭ ءداستۇرلى دوستىعىنا جاڭا داۋىرلىك مازمۇن جانە قۋاتتى قوزعاۋشى كۇش قوسىپ، ەكى ەلدىڭ سوتسياليزم ىستەرىنىڭ جانە ءوڭىردىڭ بەيبىتشىلىگى مەن دامۋىنىڭ ءتىپتى دە كوركەم بولاشاعىن اشۋ كەرەك“. ىستىق ىقىلاستى، دوستىق رايدا باس شۋجي شي جينپيڭ باس شۋجي جين جىڭىنمەن جۇڭگو − چاۋشيان قاتىناسىن دامىتۋ ۇلى جوسپارىن بىرگە اقىلداسىپ، ءبىر قىدىرۋ جاڭا ماڭىزدى ورتاق تانىمعا كەلدى.
دوستار ارالاسقان سايىن جاقىن بولادى، كورشىلەر ارالاسقان سايىن ەتەنە بولادى. جىل باسىنان بەرى، جۇڭگونىڭ توڭىرەكتەگى كورشى ەلدەرمەن ىقپالداستىعى جيىلەدى:
كورەيا زۇڭتۇڭى لي زايميڭ جۇڭگونى جاڭا جىلدا تۇڭعىش ساپارلاي باراتىن نىسانالى جەرى ەتتى؛ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لين ۆيەتنامنىڭ مەملەكەت ءتوراعاسى بولىپ سايلانعاننان كەيىن الدىمەن جۇڭگوعا ساپارلاي كەلدى؛ تۇڭلۇننىڭ تاعى دا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بولعاننان كەيىنگى تۇڭعىش رەت ساپارعا شىققانداعى نىسانالى جەرى دە جۇڭگو بولدى...
اناعۇرلىم جوعارى دەڭگەيدەگى ستراتەگيالىق مانگە يە جۇڭگو − ۆيەتنام تاعدىرلاس ورتاق تۇلعاسىن قۇرۋدى ىلگەرىلەتۋ؛ جاڭا داۋىردەگى جالپى جاعدايدا بىردەي جۇڭگو − لاوس تاعدىرلاس ورتاق تۇلعاسىن قول ۇستاسا تۇلعالاۋ؛ جۇڭگو − بيرما تاعدىرلاس ورتاق تۇلعاسىن جەدەل قۇرۋ؛ جاڭا داۋىردەگى جۇڭگو − بانگلادەش تاعدىرلاس ورتاق تۇلعاسىن قۇرۋدى جاريالاۋ... ”تاعدىرلاس ورتاق تۇلعا“ باس تاقىرىپ ەتىلگەن بىرلەسكەن مالىمدەمەلەر، بىرلەسكەن مازمۇندامالار ”تاۋ - وزەنى جالعاسۋدى، تاعدىرلاس بولۋدى“ جاندى ءتۇسىندىردى.
دۇنيە جۇزىنە نازار سالساق، جەر شارىنىڭ وڭتۇستىگى كورنەكتى كۇشەيدى، بىرلەسىپ ءوزىن الۋەتتەندىرۋ بوگەۋ بەرمەيدى. ەڭ ءىرى وركەندەپ كەلە جاتقان ەل جانە جەر شارىنىڭ وڭتۇستىگىنىڭ تالاسسىز مۇشەسى رەتىندە، جۇڭگو باستان - اياق جەر شارىنىڭ وڭتۇستىگىمەن تىلەكتەس بولىپ، جەر شارىنىڭ وڭتۇستىگىنە تامىر تارتىپ، قالىڭ وركەندەپ كەلە جاتقان ەلدەرمەن تىنىستاس، تاعدىرلاس بولدى.
5 - ايدىڭ 25 - كۇنى كەشتە حالىق سارايىندا ءتوراعا شي جينپيڭ سەربيا زۇڭتۇڭى ۆۋچيچكە ”دوستىق وردەنىن“ بەرۋ سالتىن وتكىزدى. جۇڭگو مەملەكەتىنىڭ شەتەلگە ارنالعان ەڭ جوعارى داڭق وردەنىنە يە بولعان ۆۋچيچ زۇڭتۇڭ ەرىكسىز كوزىنە ىستىق جاس الدى: ”جۇڭگو قاشاندا شاعىن ەلدەردى قۇرمەتتەپ كەلدى، قيىن - قىستاۋ ساتتەردە قاشاندا سەربيا حالقىمەن ءبىر جاقتا تۇرادى“...
ءمورالدى ادام جالعىز قالمايدى، وعان نيەتتەس سەرىك قالايدا تابىلادى. ازيا، افريكا، لاتىن امەريكاسى... بيىل الدىڭعى جارتى جىلدا جۇڭگوعا ساپارلاي كەلگەن جەر شارىنىڭ وڭتۇستىگىندەگى جانە وركەندەپ كەلە جاتقان ەلدەر باسشىلارىنىڭ اياعى ۇزىلمەدى. ءتوراعا شي جينپيڭ ولارمەن ىقىلاسپەن كەزدەستى، ىشكەرىلەي ديدارلاسىپ كەڭەستى، جەر شارىنىڭ وڭتۇستىگىنىڭ ىنتىماعى، سەلبەستىگى، بىرگە دامۋى ءۇشىن قۋاتتى بىرىككەن كۇش ۇيىستىردى.
حالىقتار دوستىعى − دۇنيە ءجۇزىنىڭ بەيبىتشىلىگى مەن دامۋىن جەبەيتىن سارقىلماس قوزعاۋشى كۇش. زيمبابۆەنىڭ ساقا جاۋىنگەرلەرىنە جاۋاپ حات جازدى، امەريكالىق دوستارعا جانە جاستار مەن ورەندەرگە جاۋاپ حات جازدى، فرانسيا حالىقارالىق مەكتەبىنىڭ جۇڭگو ءتىلى كلاسىنداعى وقىتۋشى - وقۋشىلارعا جاۋاپ حات جازدى... ءتوراعا شي جينپيڭ ءوزى كىرىسىپ، ءتۇرلى فورمالارمەن ءار ەل حالقىنا باعىتتالعان دوستىق قىزمەتىن ورىستەتىپ، مەملەكەت پەن مەملەكەت قاتىناسىنىڭ اقاۋسىز دامۋى ءۇشىن حالىق رايى نەگىزىن بەكەمدەدى.
تۇسىنىسسەڭ بوگەت بولماس قيان - قيىر شەت جاعا، مۇراتى بىرلەر تاۋ، تەڭىزدەن وتەدى. سۇيىسپەنشىلىكتى، سەنىمدىلىكتى، ءمورالدى دارىپتەيتىن جۇڭگو كۇن سايىن دۇنيە جۇزىندەگى ءار ەل، ءار سالا جاقىنداسۋدى جانە قول ۇستاسۋدى كوكسەيتىن ءىرى ەلگە اينالدى.
(2)
”وسىزاماندانعان، جاسامپازدىق كۇشكە تولى جۇڭگو وبرازى دۇنيە ءجۇزى كولەمىندە جاپپاي نازارعا ىلىكتى“. 4 - ايدا يسپانيانىڭ «دۇنيە گازەتىنىڭ» ءبىر ماقالاسىندا وسىنداي شولۋ جازىلعان.
ماقالا جاريالانۋدان بۇرىن، يسپانيانىڭ باس ءۋازىرى سانچەس ەندى عانا جۇڭگودا 4 جىلدان بەرگى 4 - رەتكى ساپاردا بولعان ەدى. نەلىكتەن جۇڭگونى ءار جىلعى ساپاردىڭ ”ەرەكشە نىسانالى جەرى“ ەتتى؟ سانچەستىڭ ءوز سوزىمەن ايتقاندا: ”جۇڭگو شۇعىلالى ناتيجە جاراتۋدا، ءسوز جوق، دۇنيە ءجۇزىنىڭ بولاشاعىندا شەشۋشى رول اتقارادى“.
4 - ايدىڭ 14 - كۇنى حالىق سارايىندا ءتوراعا شي جينپيڭ باس ءۋازىر سانچەسپەن كەزدەسكەندە جۇڭگونىڭ دامۋ جولى مەن اشىق پەيىلىن مىناداي بايىمدادى −
”جۇڭگو ۇزاق بولاشاقتىق ستراتەگيالىق نىسانا مەن كەزەڭدىك نىسانانى بىرلىككە كەلتىرىپ، ءبىر - بىرىنە جالعاستىرا ىستەيتىن تاريحي سابىرلىلىقپەن 5 جىلدىق جوبالاردى ۇزدىكسىز جاسادى جانە اتقاردى“.
”بىزدە جۇڭگو ۇلگىسىندەگى وسىزامانداندىرۋدى باتىلدىقپەن ىلگەرىلەتۋ بەكىمى دە، جوعارى دەڭگەيدە سىرتقا ەسىك اشۋ ارقىلى دۇنيە جۇزىمەن دامۋ ورايىنان بىرگە يگىلىكتەنۋ پەيىلى دە بار، ءوز دامۋىمىز ارقىلى دۇنيە ءجۇزى ەكونوميكاسىنىڭ ارتۋىنا سەنىم جانە قوزعاۋشى كۇش ۇستەيمىز“.
بارلىعىنا قۇشاق جاياتىن، جالپاق الەمگە جاقسىلىعىن توگەتىن پەيىل ءار ەل باسشىلارى مەن ءار سالا قايراتكەرلەرىن ارت - ارتىنان جۇڭگوعا قادام تاستاپ، ىشكەرىلەي ناقتى ورىندا تەكسەرۋ جۇرگىزۋ ارقىلى شىنايى، ستەرەولدى، جان - جاقتى جۇڭگونى ءتۇسىنىپ جانە تانىپ، سەلبەستىك جاساپ، تەڭ يگىلىككە كەنەلۋدىڭ كەڭ ورايىن قاراستىرۋعا باۋرادى.
بۇل جاسامپاز جۇڭگونىڭ تارتىمدىلىعى −
گەرمانيا زۇڭليى مەرزبەن كەزدەسكەندە جۇڭگو مەن گەرمانيا ەسىك اشقان، ءوزارا پايدا جەتكىزەتىن جاڭالىق اشاتىن سەرىكتەر بولۋى كەرەك ەكەندىگىن اتاپ كورسەتتى؛ بانگلادەش زۇڭليى تاريكپەن كەزدەسكەندە جاسىل، تومەن كومىر قىشقىل گازدى بولۋ، سيفرلى ەكونوميكا، ينفورماتسيا تەحنولوگياسى، جاساندى زەردە سياقتى سالالارداعى سەلبەستىك كومەسكى كۇشىن اشۋدى باسا دارىپتەدى؛ پۋتين زۇڭتۇڭمەن بىرگە ”جۇڭگو − رەسەي وقۋ - اعارتۋ جىلىنىڭ“ اشىلۋ سالتىنا قاتىناسىپ، دارىندىلاردى تاربيەلەۋ سەلبەستىگىن تەرەڭدەتىپ، ەكى ەلدىڭ جاڭالىق اشا دامۋىنا دەم بەرۋ كەرەكتىگىن ءبىلدىردى...
ءتوراعا شي جينپيڭنىڭ بولجامپازدىققا باي تەرەڭ ويلامى ءار ەلدىڭ جۇڭگومەن عىلىم - تەحنولوگيادا جاڭالىق اشۋ سەلبەستىگىن تەرەڭدەتۋ تىلەگىمەن ءبىر جەردەن شىقتى.
بەيجيڭدەگى يجۋاڭدا جۇڭگونىڭ جاڭا ەنەرگيالى، زەردەلى جاساۋ تۇتاس كاسىپ سالاسى تىزبەگىندە جاڭالىق اشۋىن ۇعىسىپ، جىجياڭنىڭ جياشيڭىندە ادام ءتارىزدى قۇلتەمىردىڭ ادامدى تاڭ قالدىراتىن ”دەربەس ساحناعا شىعۋىن“ كورىپ، سەربيا زۇڭتۇڭى ۆۋچيچ ”بۇل 22 - عاسىرعا ۇقسايدى“ دەپ ەرىكسىز القادى؛
شاڭحاي ياڭشان پورتىندا اۆتوماتتاندىرىلعان كەمەجايدىڭ اينالىمىن تاماشالاعاندا، ۋرۋگۆاي زۇڭتۇڭى ورسي قاتىستى تەحنولوگيالاردى ەنگىزىپ، ۋرۋگۆاي پورتىنىڭ زەردەلىلەنۋ دەڭگەيىن جوعارىلاتۋدى ءۇمىت ەتەتىندىگىن ءبىلدىردى؛
حۋناننىڭ چاڭشاسىندا موزامبيك زۇڭتۇڭى چاپو جاڭا ۇلگىدەگى كونتەينەرلى كراندى سىناق رەتىندە جۇرگىزىپ، جۇڭگونىڭ جوعارى دەڭگەيلى جابدىق جاساۋ سالاسىنداعى جاسامپازدىقپەن سەرپىلىس جاساۋىن تىكەلەي سەزىندى...
جۇڭگونىڭ جاڭاشا وندىرگىش كۇشتەرىنىڭ دامۋىنا شوعىرلاندىرعان ناقتى ورىنداعى تەكسەرۋلەر حالىقارالىق قوعامنىڭ جاڭالىق اشقان جۇڭگونى تۇسىنەتىن، جاڭالىق اشۋ جەتىستىكتەرىنەن بىرگە يگىلىكتەنەتىن ءداۋىر كارتيناسىنا اينالدى.
بۇل اشىق جۇڭگونىڭ باۋرامدىلىعى −
5 - ايدىڭ 1 - كۇنى ساعات نولدە وڭتۇستىك افريكانىڭ 24 توننا جاڭا الماسى شىنجىن شىعاناعى شەكارا وتكەلىندە كەدەننەن ءساتتى كىردى، بۇل ءتوراعا شي جينپيڭ 5 - ايدىڭ 1 - كۇنىنەن باستاپ افريكاداعى ديپلوماتيالىق قاتىناس ورناتقان 53 ەلگە كەدەن باجىسىن الماۋ شاراسىن جاپپاي اتقارۋدى ءوزى جاريالاعاننان كەيىن، بۇكىل ەل بويىنشا تۇڭعىش رەت يمپورت ەتىلگەن زاتقا اينالدى.
”جۇڭگونىڭ اشىق ەسىگى بارعان سايىن ايقارا اشىلادى، جوعارى ساپالى دامۋ ارقىلى دۇنيە جۇزىنە اناعۇرلىم كوپ ايقىندىلىق جانە جاڭا قوزعالىس قۋات قوسىپ، بىرگە دامۋدى، كوركەمدىكتەن ورتاق يگىلىكتەنۋدى جۇزەگە اسىرادى“. جىل باسىندا شەتەلدىڭ جۇڭگودا تۇراتىن جاڭادان تاعايىندالعان باس ەلشىلەرىنىڭ تاپسىرعان مەملەكەتتىك جولداماسىن قابىلداعاندا، ءتوراعا شي جينپيڭ ءار ەلگە شىنايى ۇسىنىس جولدادى.
جۇڭگو كەزدەسۋىنە ءۇن قوسۋشىلار ءبىر ارادا باس قوستى. مەيلى دامىعان ەلدەر بولسىن، الدە وركەندەپ كەلە جاتقان ەلدەر بولسىن، جۇڭگوعا ساپارلاي كەلگەن شەتەل باسشىلارىنىڭ كوبى ونەركاسىپ - ساۋدا سالاسىنىڭ ۋاكىلدەر ۇيىرمەسىن ەرتە كەلىپ، دۇنيە جۇزىندەگى كاسىپورىنداردىڭ ”جۇڭگومەن بىرگە ءجۇرۋ ورايمەن بىرگە جۇرگەندىك“ دەگەن وسكەلەڭ شىنايى مويىنداۋىن تولىق ايگىلەدى.
5 - ايدىڭ 14 - كۇنى جۇڭگو مەن امەريكانىڭ مەملەكەت باسشىلارى كەڭەس وتكىزگەندە، ترامپ زۇڭتۇڭ ءتوراعا شي جينپيڭگە بىرگە ساپارلاي كەلگەن امەريكا كاسىپورىنشىلارىن ءبىر - بىردەن تانىستىردى. الما، نۆيديا، تەسلا، بوين... وسى الەمدەگى تانىمال كاسىپورىنداردىڭ جاۋاپتىلارى تۇس - تۇستان مىنانى ءبىلدىردى: جۇڭگو بازارىنا بارىنشا ءمان بەرەمىز، جۇڭگودا كاسىپتەردى تەرەڭ تامىر تارتقىزىپ، جۇڭگومەن سەلبەستىكتى كۇشەيتۋدى ءۇمىت ەتەمىز.
زور ۇمىتپەن كەلىپ، مول جەتىستىكپەن قايتتى.
جۇڭگو مەن كورەيا 15 سەلبەستىك حۇجاتىنا قول قويدى، بۇل عىلىم - تەحنولوگيادا جاڭالىق اشۋ، ەكونوميكا - ساۋدا سەلبەستىگى سياقتى كوپتەگەن ءتۇيىندى سالالاردى قامتىدى؛ جۇڭگو كانادامەن ەكونوميكا - ساۋدا سەلبەستىگىنىڭ جول كارتاسى سياقتى 8 سەلبەستىك حۇجاتىنا قول قويىپ، ەلەكترلى اۆتوكولىك، قىشى سياقتى سالالارداعى ەكونوميكا - ساۋدا ماسەلەسىن ۇيلەسىمدى شەشۋ جونىندە ناقتى ورنالاستىرۋ جاسادى؛ جۇڭگو موزامبيكپەن ”ءبىر بەلدەۋ، ءبىر جولدى“ بىرگە قۇرۋ، ەكونوميكا - ساۋدا، گۋمانيتارلىق اۋىس - كۇيىس، ەمدەۋ - دەنساۋلىق ساقتاۋ سياقتى سالالاردا 20 نەشە سەلبەستىك حۇجاتىنا قول قويدى، قىزۋ شاپالاق ءۇنى 20 مينۋتتاي جالعاستى...
بۇل جۇڭگونىڭ باسقارۋىنىڭ باۋرامدىلىعى −
”ءبىز ۆيەتنام جاقپەن بىرگە قۇلشىنىپ، جۇڭگو − ۆيەتنام تاعدىرلاس ورتاق تۇلعاسى قۇرىلىسىنىڭ جوعارى قارقىنمەن دامۋ جەدەل ارناسىنا تۇسۋىنە جەتەكشىلىك ەتۋدى قالايمىز“، - دەدى 4 - ايدىڭ 15 - كۇنى باس شۋجي شي جينپيڭ حالىق سارايىندا باس شۋجي سۋ لينمەن ىقىلاستى تۇردە قوشتاسقاندا.
كەلەسى كۇنى باس شۋجي سۋ لين بەيجيڭنەن جوعارى قارقىندى پويەزگە وتىرىپ، 2400 كيلومەتردەن استام جول باسىپ، شامامەن 10 ساعاتتاي ۋاقىت جۇمساپ، ەستەن كەتپەس ساپاردى باستادى. ”جوعارى قارقىندى پويەزبەن سولتۇستىكتەن وڭتۇستىككە باردىم... ولكەلەر اراسىنداعى دامۋدىڭ تەپە - تەڭدىگىن سەزىندىم، بۇل جۇڭگونىڭ وڭىرلىك سايكەستى دامۋىنىڭ وتە جاقسى ىستەلگەندىگىن تۇسىندىرەدى“.
موزامبيك زۇڭتۇڭى چاپو جۇڭگودا ساپاردا بولعان كەزىندە باس شۋجي شي جينپيڭ 2016 - جىلى قىزمەت تەكسەرگەن چيڭحاي ولكەسى حۋجۋ تۋزۋ اۆتونوميالى اۋدانى بان - يان قىستاعىنا ارنايى كەلدى. ”مىڭ ەستىگەننەن ءبىر كورگەن ارتىق. جۇڭگونىڭ كەدەيلىكتەن ارىلتۋدان قامال الۋ ساياساتىنىڭ دالمە - ءدال اتقارىلۋىندا، بان - يان قىستاعىندا وراسان زور وزگەرىستەر تۋىلىپتى، بۇل ادامدى جەلپىندىردى“. چاپو زۇڭتۇڭ شىن جۇرەكتەن اسەرلەنە بۇل دۇنيە ءجۇزى كولەمىندە دە ۇلگىلىك مانگە يە دەدى.
جىجياڭنىڭ انجييۇي قىستاعىندا لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇن ”تۇنىق سۋ، جاسىل تاۋ − باعالى بايلىق“ دەگەن جازۋ ويىلعان الىپ تاستىڭ الدىندا ايالداپ سۋرەتكە ءتۇستى. باس شۋجي شي جينپيڭنىڭ جىجياڭدا قىزمەت ىستەگەن كەزىندە ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ ينجەنەرياسىن“ ءوزى جوسپارلاپ ىلگەرىلەتكەندىگى جونىندەگى تۇسىندىرمەنى تىڭداعاننان كەيىن، تۇڭلۇن تەڭدەسسىز كورىكتى اۋىل - قىستاق قۇرۋ سىندى وسىنداي ينجەنەريانىڭ وتە كەرەمەت ەكەندىگىن القادى.
بۇگىنگى جۇڭگو جۇڭگو ۇلگىسىندەگى وسىزامانداندىرۋدىڭ جاڭا جورىعىندا ەرلىكپەن العا باسىپ كەلەدى. بۇگىنگى دۇنيە ءجۇزى جۇڭگونىڭ جولىنان، جۇڭگونىڭ باسقارۋىنان، جۇڭگونىڭ قاعيداسىنان دامۋدىڭ شابىتى مەن العا باسۋدىڭ كۇشىنە يە بولۋدى بارعان سايىن ءۇمىت ەتىپ وتىر.
(3)
ءبىز ءومىر ءسۇرىپ وتىرعان دۇنيە ۇمىتكە دە، سىن - سايىسقا دا تولى.
”بولشەكتەنۋدىڭ، قارسىلاسۋدىڭ، نولدىك قوسىندى بەلدەسۋىنىڭ شىعار جولى جوق ەكەنى انىق، دۇنيە ءجۇزىن ورمان قاعيداسىنا قايتا قايتارۋ جۇرتقا جاقپايدى، بۇكىل جەر شارىنداعىلاردىڭ ءوزارا قارايلاسىپ، ىنتىماقتاسا سەلبەسۋى عانا بىردەن - ءبىر دۇرىس تالعام“. ادامزات قايدا بارادى دەگەن ءداۋىر سۇراۋى الدىندا ءتوراعا شي جينپيڭنىڭ ءسوزى اسقاق شىقتى.
ءداۋىر تاقىرىبىنا بىرگە جاۋاپ بەرۋگە جۇڭگو جوباسىن ازىرلەدى −
2 - ايدىڭ سوڭعى شەنىنەن بەرى، امەريكا، يزرايل، يران سوعىسى دۇنيە جۇزىنە كۇشتى ىقپال كورسەتتى، ورتا شىعىس جاعدايى ءار ەل حالقىن الاڭداتتى.
4 - ايدىڭ 14 - كۇنى امەريكا مەن يراننىڭ تۇڭعىش رەتكى كەلىسسوزى اياقتاعاننان كەيىن كوپ وتپەي، ءتوراعا شي جينپيڭ بەيجيڭدە ساپارلاي كەلگەن اراب بىرىككەن امىرلىگىنىڭ ابۋدابي پاتشا مۇراگەرى حاليدپەن كەزدەستى. ”بەيبىت قاتار تۇرۋ پرينسيبىنە تاباندى بولۋ“، ”مەملەكەتتىڭ يەلىك ۇقىعى پرينسيبىنە تاباندى بولۋ“، ”حالىقارالىق زاڭمەن باسقارۋ پرينسيبىنە تاباندى بولۋ“، ”دامۋ مەن حاۋىپسىزدىكتى ءبىر تۇتاس جوسپارلاۋعا تاباندى بولۋ“، ءتوراعا شي جينپيڭ ورتا شىعىستىڭ بەيبىتشىلىگى مەن ورنىقتىلىعىن قورعاۋ جانە جەبەۋ جونىندە 4 قۋاتتامانى العا قويدى.
مەملەكەت باسشىسى ديپلوماتياسىنىڭ جەتەكشىلىگىندە، وتكەن جارتى جىلدا جۇڭگونىڭ سىرتقى ىستەر مينيسترى ورتا شىعىس جاعدايىن توڭىرەكتەي وتىرىپ، قاتىستى ەلدەردىڭ سىرتقى ىستەر مينيسترلەرى سياقتى جوعارى دارەجەلى مانساپتىلارىمەن 30 نەشە رەت تەلەفوندا سويلەستى نەمەسە ديدارلاستى؛ جۇڭگو ۇكىمەتىنىڭ ورتا شىعىس ماسەلەسى جونىندەگى ەرەكشە ەلشىسى سول وڭىرلەرگە بارىپ دامىلسىز ساپاردا بولدى؛ جۇڭگو مەن پاكيستان شىعاناق جانە ورتا شىعىس ءوڭىرىنىڭ بەيبىتشىلىگى مەن ورنىقتىلىعىن قالپىنا كەلتىرۋ جونىندەگى 5 ءتۇرلى باستامانى جاريالادى...
ۇزاق بولاشاققا كوز جىبەرەتىن جۇڭگو جوباسى، سوعىستى توقتاتىپ بەيبىتشىلىكتى جەبەيتىن ءىرى ەل جاۋاپكەرشىلىگى حالىقارالىق قوعامنىڭ جاپپاي مويىنداۋىنا جانە قۇپتاۋىنا يە بولدى.
بىرلەسكەن مەملەكەتتەر ۇيىمىنىڭ باس حاتشىسى گۋتەررەس مىنالاردى ءبىلدىردى: بىرلەسكەن مەملەكەتتەر ۇيىمى جۇڭگو جاقتىڭ حاۋىپسىزدىك، بەيبىتشىلىك، دامۋ سياقتى سالالاردا العا قويعان جەلىلەس الەمدىك باستامالارىن القايدى، قاقتىعىستى قول ۇستاسا جويىپ، بەيبىتشىلىكتىڭ جەڭىسىنە جەتۋدى، حالىقارالىق زاڭنىڭ جەڭىسىنە جەتۋدى، كوپ جاقتىلىقتىڭ جەڭىسىنە جەتۋدى ءۇمىت ەتەدى.
بەيبىتشىلىك ادامزاتتىڭ ورتاق تىلەگى. بەيبىت دامۋ جولىمەن بۇلجىماي جۇرگەن جۇڭگو دۇنيە جۇزىندەگى ءار ەلدىڭ بەيبىت دامۋ جولىمەن بىرگە ءجۇرىپ، بەيبىتشىلىك شۇعىلاسىنىڭ ادامزات تۇرمىس كەشىرىپ جاتقان عالامشاردى ماڭگى نۇرلاندىرۋىن ءۇمىت ەتەدى.
تاباندىلىقپەن ءوز كۇشىنە سۇيەنىپ ءوزىن الۋەتتەندىرۋگە جۇڭگونىڭ ۇلگى - ونەگەسىن ازىرلەدى −
”بيىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى. تاريحقا قايىرىلا قاراساق، ءبىز جۇڭگو حالقىن ىنتىماقتاستىرىپ، باستاپ، جوقشىلىقتان، دارمەنسىزدىكتەن جۇڭگو ۇلگىسىندەگى وسىزامانداندىرۋ جولىن ءساتتى اشۋدا دەربەس، ءوزىنە - ءوزى قوجايىن بولۋعا، ءوز كۇشىنە سۇيەنىپ ءوزىن الۋەتتەندىرۋگە تاباندى بولۋعا، مەملەكەتتىڭ دامۋ، العا باسۋ تاعدىرىن ءوز قولىمىزدا بەرىك ۇستاۋعا تاباندى بولۋعا سۇيەندىك“.
6 - ايدىڭ 26 - كۇنى بانگلادەش زۇڭليى تاريكپەن كەزدەسكەندە ءتوراعا شي جينپيڭ ”ءوز جولىندا ءجۇرۋدىڭ“ تەرەڭ ءمانىن ىشكەرىلەي اتاپ كورسەتتى.
كەزدەسۋ اياقتاعاننان كەيىن، تاريك زۇڭلي جۇڭگو كوممۋنيستىك پارتياسى تاريحى كورمە سارايىنا كەلدى. جۇڭگو كوممۋنيستىك پارتياسىنىڭ قۇلاشىن كەڭ جايعان 100 جىلدىق بارىسىن ىشكەرىلەي تۇسىنگەن ول ”جۇڭگونىڭ باسشىلىق جىگىنە، اسىرەسە، ءتوراعا شي جينپيڭنىڭ ءبىر نيەتپەن ىنتىماقتاسىپ، قايتپاس جىگەرى مەن كورەگەندىگى ارقىلى جۇڭگو مەن جۇڭگو حالقىن العا باسۋعا، گۇلدەنۋگە جانە دامۋعا باستاعاندىعىنا“ شىن جۇرەكتەن ءسۇيىندى.
5 - ايدىڭ 28 - كۇنى تۇستەن بۇرىن شاڭحاي شيڭيە جولى 76 - ءنومىرلى اۋلاداعى جۇڭگو كوممۋنيستىك پارتياسىنىڭ 1 - قۇرىلتايى اشىلعان جەر سەربيا زۇڭتۇڭى ۆۋچيچ باستاعان ۋاكىلدەر ۇيىرمەسىن قارسى الدى. ”ەڭ جوڭكىلگەن وزەن - داريالار دا بەرىك جىڭىشكە اعىستان باستالادى، ەڭ تەرەڭ سەنىم، ەكىنىڭ بىرىندە، ەڭ قيىن - قىستاۋ جىلداردا دۇنيەگە كەلەدى“. الدىڭعى كۇنى كەشتە ۋايتاندا شاڭحايدىڭ وسى زامانعى گۇلدەنىپ - كوركەيگەنىن سەزىنگەن ۆۋچيچ تەرەڭ اسەر الدى، ”نەشە ۇرپاق جۇڭگو كوممۋنيستەرى ۇدەرە العا تارتىپ، باستان - اياق حالىققا قاناعاتتانارلىقتاي جاۋاپ قايتارۋعا كۇش سالىپ كەلەدى“.
ساياسي ءتۇزىم، مادەنيەت ءداستۇرى، دامۋ ساتىسى كولەمىنەن اتتاپ ءوتىپ، جاپا - ماشاقات پەن قورلىقتى باستان كەشىرگەن ۇلتتىڭ ءوزارا قۇرمەت ەتۋ، ادىلدىك، ادىلەتتىلىك، سەلبەسىپ تەڭ يگىلىكتەنۋ جونىندەگى تەرەڭ تالپىنىسىن ىشكەرىلەي تۇسىنگەن شەتەل باسشىلارى بارعان سايىن كوبەيە باستادى. جاپا - ماشاقات، شۇعىلالى تابىستار بارىسىندا قايتا - قايتا شىڭدالعان سەنىم كۇشى نەشە ۇرپاق جۇڭگولىقتاردى تاباندىلىقپەن ءوز كۇشىنە سۇيەنىپ ءوزىن الۋەتتەندىرىپ، الەمنىڭ ۇلى بىرلىگىنە تالپىنۋعا شابىتتاندىردى.
الەمنىڭ داڭعىل جولىن بىرگە باسۋعا جۇڭگونىڭ وي سالۋى −
جاز باسىنداعى تيانتاندا ەجەلگى ارشا اعاشتارى تابيعيلىعىمەن كوز تارتادى. 5 - ايدىڭ 14 - كۇنى تۇستە ءتوراعا شي جينپيڭ ترامپ زۇڭتۇڭمەن بىرگە وسىندا كەلىپ ەكسكۋرسيالادى.
”تيانتان مەن گۋگۇڭ سارايى تۇيدەي جاستى، ول ’اسپان دوڭگەلەك، جەر تورتكىل‘ دەگەن ماعىنانى بىلدىرەدى“، ”حالىقتى نەگىز ەتۋ، نەگىزدى بەكەمدەپ تىنىشتىق ورناتۋ سىندى جۇڭگونىڭ ءداستۇرلى يدەياسىن ايگىلەيدى“... ءتوراعا شي جينپيڭ جۇڭگولىقتاردىڭ دۇنيە تانىمى مەن ءومىر ءسۇرۋ فيلوسوفياسىن جاندى باياندادى.
سول كۇنى تۇستەن بۇرىن ەكى ەلدىڭ مەملەكەت باسشىلارى كەڭەسىنىڭ الدىندا، حالىق سارايىنىڭ شىعىس قاقپاسىنداعى باسپالداق تەكشەسىندە ايبىندى تيان - انمىن الاڭىنا كوز سالدى.
تيان - انمىن مىنبەسى، جۇڭگو مەملەكەتتىك مۇراجايى، حالىق قاھارماندارى ەسكەرتكىشى، الىستاعى وسى زامانعى قۇرىلىس شوعىرى... كوز جەتەر جەردىڭ بارىندە جەر - الەم كەڭەيىپ، ەرتە زامان مەن قازىرگى زامان توعىسىپ، داڭعىل جول اپ - انىق كورىنىپ تۇر.
توعان سۋى نەگە سونشا تۇنىق؟ ويتكەنى قاينارىنان ۇزىلمەي اعىپ جاتىر.
”ەگەر جۇڭحۋانىڭ 5000 جىلدىق وركەنيەتى بولماسا، جۇڭگوشا ەرەكشەلىك قايدان بولسىن“؟ ”ءبىزدىڭ ۋاقىت جونىندەگى تۇسىنىگىمىز 10 جىلدى، 100 جىلدى ەمەس، قايتا 100 جىلدى، 1000 جىلدى ولشەم ەتەدى“... ءتوراعا شي جينپيڭنىڭ تەرەڭ بايىمداۋى دۇنيە ءجۇزىنىڭ جۇڭگونى تۇسىنۋىنە وركەنيەت تۇرعىسىن اشتى.
600 جىلدان استام تاريحقا يە گۋگۇڭ سارايىندا گەرمانيا زۇڭليى مەرز باياۋ ءجۇرىپ، جۇڭحۋا وركەنيەتىنىڭ تاريحى ۇزاق ەكەندىگىن سەزىندى؛ قالىڭ تاۋلاردى قىرقالاپ سوزىلىپ جاتقان ۇلى قورعاندا ۋرۋگۆاي زۇڭتۇڭى ورسي تىنىشتىقتى قورعاۋدىڭ بايىرعى اقىل - پاراساتىن سەزىندى؛ دابىل عيماراتىنان يحىيۋان باقشاسىنا، ودان شىشاحايعا دەيىن يسپانيا باس ءۋازىرى سانچەس بەيجيڭنىڭ ءداستۇرى مەن وسى زامانىن ىشكەرىلەي ۇعىستى...
وركەنيەت، بەينە، سۋ سياقتى، ءۇن - ءتۇنسىز ءنار بەرەدى.
5000 جىلدىق جۇڭحۋا مادەنيەتىنىڭ تامىرى تولاسسىز جالعاسىپ، جۇڭگوشا ءىرى ەل ديپلوماتياسىنا وزگەشە نەگىز، تىنىس جانە جاعداي سيلادى. ءتوراعا شي جينپيڭ ءىرى پارتيانىڭ، ءىرى ەلدىڭ كوسەمى مەن دۇنيە جۇزىلىك دەڭگەيدەگى كوسەمنىڭ كورەگەندىگىمەن جەلىلەس الەمدىك باستامالاردى العا قويىپ جانە امالياتتا ايگىلەۋدى ىلگەرىلەتىپ، جۇڭگونى ءار ەلمەن قول ۇستاسا وتىرىپ ادامزاتتىڭ تاعدىرلاس ورتاق تۇلعاسىن بىرگە قۇرۋعا جەتەكتەپ، ادامزاتتىڭ دامۋى مەن العا باسۋىنا اناعۇرلىم زور ۇلەس قوساتىن تاريحي سەنىم مەن داۋىرلىك جاۋاپكەرشىلىكتى ايگىلەدى.
ترامپ زۇڭتۇڭ مىنانى ءبىلدىردى: ءتوراعا شي جينپيڭ ۇلى باسشى، جۇڭگو ۇلى مەملەكەت، مەن ءتوراعا شي جينپيڭ مەن جۇڭگو حالقىن توتەنشە قۇرمەتتەيمىن؛
پۋتين زۇڭتۇڭ مىنانى ءبىلدىردى: مەن ءتوراعا شي جينپيڭمەن تەرەڭ ءوزارا سەنىمدىلىك قاتىناسىن ورناتتىم، ءبىز رەسەي − جۇڭگو ەكى ەل حالقىن ۇزدىكسىز باقىتقا كەنەلتۋ، ءادىل دۇنيە ءجۇزى ءتارتىبىن ورناتۋ ءۇشىن تىعىز سەلبەستىك ورىستەتەمىز؛
بەلورۋسسيا زۇڭتۇڭى لۋكاشەنكو بىلاي دەدى: وسىزاماندانعان جانە گۇلدەنگەن جۇڭگو الەمدىك باسشىلىق قابىلەتتىڭ ەڭ جوعارى ولشەمىن ورناتتى، بۇل ءتوراعا شي جينپيڭنىڭ دانىشپان باسشىلىعى مەن بەرىك ساياساتىنىڭ ارقاسى؛
پاكيستان زۇڭليى شاھباز تەبىرەنە بىلاي دەدى: ءتوراعا شي جينپيڭ پاكيستان حالقىنىڭ ۇلى دوسى، سونداي - اق دۇنيە جۇزىندەگى بەيبىتشىلىكتى سۇيەتىن بارلىق حالىقتىڭ ۇلى دوسى...
شي جينپيڭ ديپلوماتيا يدەياسىنىڭ جەتەكشىلىگىندە جانە ءتوراعا شي جينپيڭنىڭ مەملەكەت باسشىسى ديپلوماتياسىنىڭ جەتەكشىلىگىندە، حالىقارالىق جاعداي قالاي قۇبىلسا دا، جۇڭگو باتىل تۇردە دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولىپ، حالىقارالىق ىقپالعا، جاڭالىق اشۋ ارقىلى جەتەكشىلىك ەتۋ قۋاتىنا، ادامگەرشىلىك ارقىلى باۋراۋ قۋاتىنا اناعۇرلىم يە ءىرى ەلدىك جاۋاپكەرشىلىك ارقالاپ، ادامزاتتىڭ تاعدىرلاس الىپ كەمەسىن ءداۋىر تولقىنىنان ەندەي وتكىزىپ، نۇرلى بولاشاققا بەت الدىرۋدى ىلگەرىلەتەدى!
(تىلشىلەر ياڭ يجۇن، سۇن ي، ما جويان، سۇن نان، فىڭ شينران)
(شينحۋا اگەنتتىگىنىڭ 7 - ايدىڭ 10 - كۇنى بەيجيڭنەن بەرگەن حابارى)
