جاڭالىق اشۋ جاۋاپناماسىن شينجياڭنىڭ بايتاق دالاسىندا جازامىز
− باس شۋجي شي جينپيڭنىڭ مەملەكەتتىك عىلىم - تەحنولوگيا سيلىعىن بەرۋ جينالىسىندا، ەكى اكادەميانىڭ اكادەميكتەر جينالىسىندا، جۇڭگو عىلىم - تەحنولوگيا قوعامىنىڭ مەملەكەتتىك 11 - قۇرىلتايىندا سويلەگەن ماڭىزدى ءسوزى شينجياڭداعى قالىڭ عىلىم - تەحنولوگيا قىزمەتكەرلەرىن بورىشتى باتىلدىقپەن ارقالاۋعا شابىتتاندىردى
□ انار بۇلت \ شينجياڭ گازەتىنىڭ تىلشىلەرى
7 - ايدىڭ 8 - كۇنى مەملەكەتتىك عىلىم - تەحنولوگيا سيلىعىن بەرۋ جينالىسى، ەكى اكادەميانىڭ اكادەميكتەر جينالىسى، جۇڭگو عىلىم - تەحنولوگيا قوعامىنىڭ مەملەكەتتىك 11 - قۇرىلتايى بەيجيڭدە اشىلدى. باس شۋجي شي جينپيڭ جينالىسقا قاتىناسىپ، مەملەكەتتىك ەڭ جوعارى عىلىم - تەحنولوگيا سيلىعىنىڭ يەگەرلەرى قاتارلىلارعا سيلىق بەردى ءارى ماڭىزدى ءسوز سويلەپ، بىلاي دەپ باسا دارىپتەدى: ”ءبىز، ءسوز جوق، تاريحي ورايدى مىقتى يگەرىپ، ءداۋىر سىن - سايىسىن قارسى الىپ، جوعارى دەڭگەيدەگى عىلىم - تەحنولوگيادا ءوز كۇشىنە سۇيەنىپ ءوزىن الۋەتتەندىرۋدى جەدەل ىلگەرىلەتىپ، 2035 - جىلعا بارعاندا عىلىم - تەحنولوگيادا قۋاتتى ەل قۇرۋ نىساناسىنا قاراي نىق قادام تاستاپ، عىلىم - تەحنولوگيادا جاڭالىق اشۋ ارقىلى جۇڭگو ۇلگىسىندەگى وسىزامانداندىرۋعا تىڭعىلىقتى تىرەك بولۋىمىز جانە جەتەكشىلىك ەتۋىمىز كەرەك“.
ىقىلاستى تاپسىرما ادامدى ەكپىندەي ىلگەرىلەۋگە جەبەيدى، رايونىمىزداعى قالىڭ عىلىم - تەحنولوگيا قىزمەتكەرلەرى ءبىر اۋىزدان مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭنىڭ بايلىق ارتىقشىلىعى مەن وڭىرلىك ورىن ابزالدىلىعىن تياناق ەتىپ، ”شەشۋشى تاياقشانى“ قۇلشىنا جاقسى جەتكىزىپ، جاڭالىق اشۋ جاۋاپناماسىن شينجياڭنىڭ بايتاق دالاسىندا جازىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە عىلىم - تەحنولوگيا كۇشىن ارنايمىز.
وڭىرلىك جاڭالىق اشۋ جۇيەسىنىڭ مىعىم كۇشىن سومدايمىز
باس شۋجي شي جينپيڭ بىلاي دەپ اتاپ كورسەتتى: عىلىم - تەحنولوگيادا جاڭالىق اشۋ بويىنشا جۇيەلىلەنگەن قامال الۋ قابىلەتىن كۇشەيتىپ، مەملەكەتتىڭ جاڭالىق اشۋ جۇيەسىنىڭ جالپى تۇلعالىق ونىمدىلىگىن جوعارىلاتۋ كەرەك.
جۇڭگو عىلىم اكادەمياسىنىڭ اكادەميگى، جۇڭگو عىلىم اكادەمياسى شينجياڭ بولىمشەسى بولىمشە پارتيا باسشىلىق گرۋپپاسىنىڭ شۋجيى، اكادەميا باستىعى شياۋ ۋىنجياۋ باس شۋجيدىڭ ماڭىزدى ءسوزىن سول جەردە تىڭداپ، ايرىقشا تەبىرەندى، ”جۇڭگو عىلىم اكادەمياسى شينجياڭ بولىمشەسى مەملەكەتتىڭ ستراتەگيالىق عىلىم - تەحنولوگيا كۇشىنىڭ نەگىزگى كۇشى بولۋ مىندەتى مەن بورىشىن باتىلدىقپەن ارقالاپ، مەملەكەتتىڭ كەلەلى قاجەتىمەن تىعىز ۇشتاستىرىپ، اۆتونوميالى رايوننىڭ ەرەكشەلىككە يە كاسىپ سالاسى جونىندە تەرەڭ ىزدەنىس جاساپ، اناعۇرلىم كوپ شەشۋشى سيپاتتى، جەتەكشىلىك سيپاتتى، جاسامپازدىق سيپاتتى عىلىم - تەحنولوگيا جەتىستىكتەرىن قۇلشىنا جاراتىپ، سوتسياليستىك وسىزاماندانعان شينجياڭ قۇرۋعا پارمەندى عىلىم - تەحنولوگيا، دارىندىلار تىرەگىن ازىرلەيدى“.
تاياۋدا عانا جاريالانعان 2025 - جىلعى مەملەكەتتىك عىلىم - تەحنولوگيا سيلىعىندا جۇڭگو عىلىم اكادەمياسى شينجياڭ فيزيكا - حيميا تەحنولوگياسىن زەرتتەۋ ورنىنداعى پان شىليە ۇجىمىنىڭ نىسانى مەملەكەتتىك جاراتىلىستىق عىلىمدار سيلىعىنىڭ 2 - دارەجەلى سيلىعىنا يە بولدى، بۇل شينجياڭ فيزيكا - حيميا تەحنولوگياسىن زەرتتەۋ ورنىنىڭ ۇزاق ۋاقىت بويى نەگىزدىك زەرتتەۋدىڭ ءبىرىنشى شەبىندە تاباندى بولىپ، قولامتالى تۇيىندەرگە بەرىلمەي، ”تەز ءونىم بەرەتىن“ جۇمىستارمەن شۇعىلدانباۋىنىڭ سۇبەلى ناتيجەسى.
پان شىليە بىلاي دەدى: ”شينجياڭ فيزيكا - حيميا تەحنولوگياسىن زەرتتەۋ ورنى ’ءتورت الدىمەن‘ جانە ’ەكى جەدەلدەتۋ، بىردە قۇلشىنۋ‘ نىسانا تالابىمەن تىعىز ۇشتاستىرىپ، ىشكى - سىرتقى جاقتا سەلبەسىپ جاڭالىق اشۋدى تەرەڭدەتىپ، جاس دارىندىلاردى جەتىلدىرۋ نەگىزىن بەكەمدەپ، جوعارى دەڭگەيدەگى عىلىم - تەحنولوگيادا ءوز كۇشىنە سۇيەنىپ ءوزىن الۋەتتەندىرۋ ءۇشىن بەرىك تىرەك ازىرلەيدى“.
”جۇڭگو ينجەنەريا اكادەمياسىنىڭ اكادەميگى، شينجياڭ داشۋەسىنىڭ پروفەسسورى وشۇر سىلام باس شۋجيدىڭ ءسوزىن سول جەردە تىڭداعاننان كەيىن تەبىرەنگەن سەزىمىن جاسىرا المادى. ول مىنالاردى ءبىلدىردى: شەشۋشى، وزەكتى تەحنولوگيالاردان قامال الۋ سەرپىنىن ارتتىرىپ، شينجياڭنىڭ ساندى مالىمەت، ەسەپتەۋ قۋاتى جانە قولدانىلمالى كورىنىس ارتىقشىلىعىن تولىق ساۋلەلەندىرىپ، كوپ ءتىلدى، كوپ مودەلدى زەردەلى ينفورماتسيالاردى ءبىر جاقتى ەتۋ سياقتى عىلىم - تەحنولوگيا جەتىستىكتەرىن كادەگە جاراتۋدى، قولدانۋدى جەبەپ، شينجياڭنىڭ ەرەكشەلىككە، ارتىقشىلىققا يە وسىزاماندانعان كاسىپ سالاسى جۇيەسى قۇرىلىسىنا قۋات ۇستەپ، وڭىرلىك ەكونوميكانىڭ، قوعامنىڭ جوعارى ساپالى دامۋىن ىلگەرىلەتەمىز.
عىلىم - تەحنولوگيالىق كاسىپ سالاسىنىڭ توعىسۋ قارقىنىن تەزدەتەمىز
”عىلىم - تەحنولوگيادا جاڭالىق اشۋدا قولدانۋ باعدارىن كورنەكتىلەندىرۋ، كاسىپ سالاسىندا جاڭالىق اشۋدا عىلمي ماسەلەلەردى العا قويۋ كەرەك“. باس شۋجيدىڭ وسى ءسوزى اۆتونوميالى رايوندىق اۋىل شارۋاشىلىق عىلىم اكادەمياسى پارتيا باسشىلىق گرۋپپاسىنىڭ ورىنباسار شۋجيى، اكادەميا باستىعى يۇي چيڭحۇيعا تەرەڭ اسەر قالدىردى، ”بۇل ءارى بىزگە قويىلعان تالاپ، ءارى بۇدان بىلايعى عىلمي زەرتتەۋ قىزمەتىنىڭ بەتالىس نۇسقاۋى. مەملەكەتتىك ساپالى ەگىن، مال شارۋاشىلىعى ونىمدەرى ماڭىزدى قامداۋ بازاسى ستراتەگيالىق ورنىن كوزدەپ، ءوزىمىز جەتىلدىرگەن سورت پەن سايكەستى تەحنولوگيانى كاسىپ سالالاندىرىپ قولدانۋدى ىلگەرىلەتىپ، جۇڭگونىڭ اس كەسەسىن مىقتاپ ۇستاۋعا شينجياڭنىڭ اۋىل شارۋاشىلىق عىلىم - تەحنولوگيا كۇشىن ارنايمىز“.
”باس شۋجي كاسىپورىننىڭ جاڭالىق اشۋداعى نەگىزگى تۇلعالىق ورنىن كۇشەيتىپ، كاسىپورىنداردىڭ جوعارى مەكتەپتەرمەن، عىلمي زەرتتەۋ ورىندارىمەن بىرگە تۇعىر ورناتۋىن، قيىن ماسەلەلەردى بىرگە شەشۋىن قولداۋدى باسا دارىپتەدى، بۇل ءبىزدىڭ دەربەس تەحنولوگيانى كاسىپ سالاسى ارتىقشىلىعىنا اينالدىرۋ سەنىمىمىزدى ءتىپتى دە كۇشەيتتى“. شينجياڭ شاننىڭ حيميا ونەركاسىبى شەكتى سەرىكتەستىگى پارتكومىنىڭ ورىنباسار شۋجيى، باس ديرەكتور ۋاڭ چيڭيىڭ بىلاي دەدى: جوعارى مەكتەپتەرمەن جانە عىلمي زەرتتەۋ ورىندارىمەن بىرلەسە وتىرىپ سايكەسىپ قامال الىپ، جاسىل، زەردەلى كومىر حيميا ونەركاسىبى كاسىپ سالاسى شوعىرىن تۇلعالاپ، شينجياڭنىڭ ەنەرگيا قۇرىلىمىن ساپالىلاندىرۋعا، دارەجەسىن جوعارىلاتۋعا قىزمەت وتەپ، وڭىرلەردىڭ جوعارى ساپالى دامۋى ءۇشىن قۋاتتى قوزعالىس قۋاتىن ۇستەيمىز.
حوتان ايماقتىق اۋىل شارۋاشىلىعى تەحنولوگياسىن جالپىلاستىرۋ ورتالىعى وسىمدىك باپتاۋ ءبولىمىنىڭ ورىنباسار باستىعى جاۋ جيافىن بىلاي دەدى: ”باس شۋجي عىلىم - تەحنولوگيانى رەال وندىرگىش كۇشكە جەدەل اينالدىرۋ ارناسىن اشۋدى اتاپ كورسەتتى. مەن اۋىل شارۋاشىلىق عىلىم - تەحنولوگياسى ارناۋلى قىزمەتكەرى رەتىندە، ءسوز جوق، تەحنولوگيانى اتىز باسىنا جەتكىزىپ، جەتىستىكتەردى ءوندىرىس جەلىسىندە قولدانامىن“.
ءتىپتى دە كوپ جاس دارىندىلاردىڭ قابىلەتىن تولىق ايگىلەۋىنە مۇمكىندىك جاسايمىز
”جاس عىلىم - تەحنولوگيا دارىندىلارى قوسىنى قۇرىلىسىن ستراتەگيالىق ينجەنەريا رەتىندە، جەتىلدىرۋ، ەنگىزۋ، پايدالانۋ قىزمەتىن جان - جاقتى ويداعىداي ىستەۋ كەرەك“. باس شۋجي شي جينپيڭنىڭ ماڭىزدى سوزىندە جاس عىلىم - تەحنولوگيا دارىندىلارىنان كۇتكەن ىقىلاستى ءۇمىتى قامتىلعان.
شينجياڭ عىلىم - تەحنولوگيا شۋەيۋانى پارتكومىنىڭ تۇراقتى مۇشەسى، ورىنباسار شۋەيۋان باستىعى ۋاڭ حاييان جاۋاپكەرشىلىگىنىڭ اۋىرلاعاندىعىن تەرەڭ سەزىندى. ول مىنالاردى ءبىلدىردى: شينجياڭ عىلىم - تەحنولوگيا شۋەيۋانى ”مايسانى تانۋ − مايسانى جەتىلدىرۋ − مايسانى قۋاتتاندىرۋ“ سىندى تۇتاس تىزبەكتى ءوسىرۋ مەحانيزمىن كۇش سالا ورناتىپ، كەلەلى مىندەتتەردەن قامال الۋ بارىسىندا ”جاقسى مايسانى“ ديناميكالى بايقاپ، شينجياڭنىڭ ەرەكشەلىككە يە كاسىپ سالاسىن ارقاۋ ەتىپ، قابىلەتتىلەر باستاماشى بولىپ ىستەيتىن جاستار ارناۋلى ورنىن قۇرىپ، جاس دارىندىلاردىڭ عىلىم - تەحنولوگيادا جاڭالىق اشۋدىڭ نەگىزگى شايقاس مايدانىندا تۋ كوتەرۋىنە مۇمكىندىك جاسايدى.
باس شۋجي شي جينپيڭ بىلاي دەپ اتاپ كورسەتتى: جۇڭگو عىلىم - تەحنولوگيا قوعامى پارتيا مەن ۇكىمەتتىڭ عىلىم - تەحنولوگيا قىزمەتكەرلەرىمەن بايلانىس جاسايتىن كوپىرى جانە دانەكەرى رەتىندە، ىزدەنىس جاساۋعا، جاڭالىق اشۋعا تاباندى بولىپ، بار كۇشپەن عىلىم - تەحنولوگيا قىزمەتكەرلەرىنە قىزمەت وتەۋى، دامۋعا جاڭالىق اشۋ ارقىلى دەم بەرۋگە قىزمەت وتەۋى، جالپى حالىقتىڭ عىلىم ساپاسىن جوعارىلاتۋعا قىزمەت وتەۋى، پارتيا مەن ۇكىمەتتىڭ عىلمي شەشىم جاساۋىنا قىزمەت وتەۋى كەرەك.
اۆتونوميالى رايوندىق عىلىم - تەحنولوگيا قوعامى عىلىم - تەحنولوگيانى جالپىلاستىرۋ ءبولىمىنىڭ (وڭتۇستىك شينجياڭ قىزمەت ءبولىمى) باستىعى پاتيما ابليكىم مىنالاردى ءبىلدىردى: باس شۋجيدىڭ تاپسىرماسىن ەستە بەرىك ساقتاپ، ”عىلىم جالپىلاستىرۋ ارقىلى شينجياڭدى نارلەندىرۋ“ ارەكەتىن ىشكەرىلەي اتقارىپ، دارىندىلارعا قىزمەت وتەۋ جۇيەسىن كەمەلدەندىرىپ، جاستار مەن نەگىزگى ساتىداعى عىلىم - تەحنولوگيا دارىندىلارىنا تىرەك بولۋ تەبىنىن ارتتىرىپ، عىلمي زەرتتەۋ قىزمەتكەرلەرىنىڭ بار ىنتا - پەيىلىمەن ەرلىكپەن بيىك شىڭدارعا شىعۋىنا مۇمكىندىك جاسايمىز.
اۆتونوميالى رايوندىق عىلىم - تەحنولوگيا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى جۋ داگاڭ مىنالاردى ءبىلدىردى: باس شۋجيدىڭ ماڭىزدى ءسوزى جاڭا داۋىردەگى شينجياڭنىڭ عىلىم - تەحنولوگيادا جاڭالىق اشۋ قىزمەتىن ونان ارى جاقسى ىستەۋگە ايقىن العا باسۋ بەتالىسىن كورسەتتى، ءتۇبىرلى بويسۇنۋ ولشەمىن ازىرلەدى. شينجياڭنىڭ ءىس جۇزىندىك جاعدايىن تياناق ەتىپ، كۇشتى شوعىرلاندىرىپ ەڭ نەگىزدىك، ەڭ ەرەكشەلىككە يە، ەڭ بولاشاعى زور سالالاردا ۇزدىكسىز قامال الىپ، كوپ ءتۇرلى شارانى قاتار قولدانىپ عىلىم - تەحنولوگيا جەتىستىكتەرىن كادەگە جاراتۋ، قولدانۋ ارناسىن ىركىلىسسىزدەندىرىپ، وقۋ - اعارتۋدىڭ، عىلىم - تەحنولوگيانىڭ، دارىندىلاردىڭ سايكەستى دامۋىن ءبىر تۇلعالى ىلگەرىلەتىپ، جاڭالىق اشۋ نەگىزىن ونان ارى بەكەمدەپ، كاسىپ سالاسىنىڭ عىلىم - تەحنولوگيالىق تىرەگىن كۇشەيتىپ، جاڭالىق اشۋ جۇيەسىنىڭ تۇتاس تۇلعالىق ونىمدىلىگىن جاپپاي جوعارىلاتامىز.
(ءتىلشى شيە حۇيبيان، قاتىناسقان تىلشىلەر ما ينيڭ، جاۋ شييا، ءپاريزات ابدۇل)
