ءار ۇلت بۇقاراسىنا بىرگە تۇرىپ بىرگە ۇيرەنۋ، بىرگە قۇرىپ بىرگە يگىلىكتەنۋ، بىرگە ىستەپ بىرگە شاتتانۋ شارت - جاعدايى جاراتىلادى
شينجياڭ كىرىكپەلى ۇلگىدەگى كەمەلدى قونىستانۋ الەۋمەتتىك اۋماعى قۇرىلىسى جەتەكشى ەرەجەسىن شىعاردى
انار بۇلت \ شينجياڭ گازەتىنىڭ ءتىلشىسى ۋاڭ يايۇن 7 - ايدىڭ 10 - كۇنى ۇرىمجىدەن حابارلايدى. تاياۋدا اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى «شينجياڭ ۇيعۇر اۆتونوميالى رايونىنىڭ كىرىكپەلى ۇلگىدەگى كەمەلدى قونىستانۋ الەۋمەتتىك اۋماعى قۇرىلىسى جەتەكشى ەرەجەسىن (سىناق رەتىندە اتقارىلادى)» (تومەندە قىسقارتىلىپ «جەتەكشى ەرەجە» دەلىنەدى) شىعاردى، بۇكىل شينجياڭداعى ايماقتاردا (وبلىس، قالا) جانە اۋدانداردا (قالا، رايون) حاۋىپسىز، اقاۋسىز، قۇرىلعىلارى كەمەلدى، باسقارۋى ءتارتىپتى، ىنتىماقتى دا جاراسىمدى كىرىكپەلى ۇلگىدەگى كەمەلدى قونىستانۋ الەۋمەتتىك اۋماعىن قۇرۋ كۇشەيتىلەدى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنىڭ قاتىستى جاۋاپتىسى بىلاي دەپ تانىستىردى: كىرىكپەلى ۇلگىدەگى كەمەلدى قونىستانۋ الەۋمەتتىك اۋماعى قۇرىلىسى حالىقتى وزەك ەتۋ، ىنتىماقتاسا توعىسۋ، جاسىل دامۋ، ماسەلەنى باعدار ەتۋ، جەرگىلىكتى جاعدايعا قاراي ىستەۋ، بىرگە قۇرۋ، بىرگە باسقارۋ، بىرگە يگىلىكتەنۋ، تەجەۋ مەن جەتەكتەۋگە تەڭ ءمان بەرۋ، كوپ نەگىزدى دوستىق سىندى 8 ۇلكەن پرينسيپكە بويسۇنىپ، تۇرعىن ءۇي جانە قالا، اۋىل قۇرىلىسى سالاسىنىڭ جۇڭحۋا ۇلتى ورتاق تۇلعا تانىمىن بەكەمدەۋ، جۇڭحۋا ۇلتى ورتاق تۇلعا قۇرىلىسىن ىلگەرىلەتۋ بارىسىنداعى رولىن ساۋلەلەندىرىپ، كەڭىستىك جاعىندا كىرىگۋدى دانەكەر ەتىپ، مادەنيەت، ەكونوميكا، قوعام، پسيحولوگيا سياقتى جاقتاردا جان - جاقتى كىرىگۋگە اناعۇرلىم ويداعىداي قىزمەت وتەيدى.
«جەتەكشى ەرەجەدە» كىرىكپەلى ۇلگىدەگىكەمەلدى قونىستانۋ الەۋمەتتىك اۋماعىنىڭ قۇرىلىس نىساناسى، قۇرىلىس كولەمى، قۇرىلىس امالى سياقتى 5 جاق ارقاۋ ەتىلىپ، ناقتى تالاپتار قويىلىپ، الەۋمەتتىك قىزمەت وتەۋ قۇرىلعىلارى، قالا ىستەرى سايكەستى قۇرىلعىلارى سياقتى 8 جاقتان ولشەمدى ارناعا ءتۇسىرۋ ايقىن بەلگىلەندى. كىرىكپەلى ۇلگىدەگى كەمەلدى قونىستانۋ الەۋمەتتىك اۋماعى قۇرىلىسىندا جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلى، ءار ۇلت حالقىنىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋ قىزمەت نىساناسى ەتىلدى. كولەمى جاعىندا قالانىڭ جول تورابى، جاراتىلىستىق جەر بەدەرى نەگىز ەتىلىپ، الەۋمەتتىك اۋماققا قاراستى قونىستانۋ شاعىن رايونىنىڭ سانىمەن جانە كولەمىمەن ۇشتاستىرىلىپ، جان سانىمەن جانە جول تورابىنىڭ تىعىزدىعىمەن ۇشتاستىرىلىپ، كىرىكپەلى ۇلگىدەگى كەمەلدى قونىستانۋ الەۋمەتتىك اۋماعىنىڭ كولەمى ءبىر تۇتاس جوسپارلانىپ بەلگىلەندى. پرينسيپتىك جاقتان حالىق سانى 3000دا 12 مىڭ كولەمىندە، جاياۋ ءجۇرۋ ارالىعى 300دە 500 مەتر بولسا ۇيلەسىمدى بولادى.
كىرىكپەلى ۇلگىدەگى كەمەلدى قونىستانۋ الەۋمەتتىك اۋماعى قۇرىلىسىندا ولقىلىقتاردى تولىقتاۋ، ورگانيكالى كىرىكتىرۋ، تۇرگە ءبولىپ ىلگەرىلەتۋ، مازمۇنىن جوعارىلاتۋ، حاۋىپ - قاتەرگە توتەپ بەرۋ امالى قولدانىلىپ، قونىستانۋ الەۋمەتتىك اۋماعى مەن كونە، ەسكى شاعىن اۋماقتاردى ءتۇيىن ەتىپ، سۋ، ەلەكتر، گاز، جول، جىلۋ سياقتى قالا اكىمشىلىك نەگىزدىك قۇرىلعىلارىنىڭ كونەرۋى، ءبۇلىنۋى سياقتى ولقىلىقتاردى الدىمەن تولىقتاپ، ”قارتتار مەن بالالار“ قۇرىلعىلارىنداعى ولقىلىقتاردى كەمەلدەندىرىپ، اۆتوكولىك توقتاتۋ قۇرىلعىلارىنىڭ تاپشى بولۋى سياقتى ماسەلەلەر شەشىلىپ، الەۋمەتتىك اۋماقتىڭ ورتا تازالىعى وڭالىپ، جونگە سالىنادى. تۇرعىنداردىڭ قاجەتىنە ۇيلەسەتىن قۇرىلعى جۇيەسى مەن سيىسىمدى، اشىق الەۋمەتتىك اۋماق ورتاسىن قۇرۋ ارقىلى ءار ۇلت بۇقاراسىنا بىرگە تۇرىپ بىرگە ۇيرەنۋ، بىرگە قۇرىپ بىرگە يگىلىكتەنۋ، بىرگە ىستەپ بىرگە شاتتانۋ شارت - جاعدايى جاراتىلادى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى ءبىر ۋاقىتتا «كىرىكپەلى ۇلگىدەگى كەمەلدى قونىستانۋ الەۋمەتتىك اۋماعى قۇرىلىسى نۇسقاۋىن» باسىپ تاراتتى، باستىسى، الەۋمەتتىك اۋماقتىڭ جالپىلىق قىزمەت وتەۋ پۋنكتى، بالاباقشا، بوبەكحانا سياقتى 21 سالانى ارناعا ءتۇسىرۋ قۇرىلىسىنا باعىتتاي وتىرىپ، 108 ءتۇرلى قۇرىلىس بەلگىلەمەسى اشالاندى، مۇنىڭ 69ى مىندەتتى تۇردە سالىناتىن نىساندار (مىندەتتى تۇردە سەپتەلەدى)، 20سى قۇرىلىس جۇرگىزۋگە بولاتىن نىساندار (ولشەم بويىنشا سەپتەلەدى)، 19ى ساپانى جوعارىلاتۋ مەن سۇرانىسقا يە الەۋمەتتىك اۋماققا سايكەستى سالىناتىن نىسان (ارتىق سەپتەۋ) بولىپ، نىسان قۇرىلىسىن تەكسەرىپ وتكىزىپ الۋعا كاسىپتىك جەتەكشىلىك ەتەدى.
