شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى. 7 - ايدىڭ 11 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسىنىڭ باس شۋجيى، مەملەكەت ىستەرى كوميتەتىنىڭ باستىعى جين جىڭىنمەن «جۇڭگو − چاۋشيان دوستىق، سەلبەستىك، ءوزارا كومەكتەسۋ شارتىنا» قول قويىلعاندىعىنىڭ 65 جىلدىعى جونىندە ءوزارا قۇتتىقتاۋ تەلەگرامماسىن جولدادى.
شي جينپيڭ بىلاي دەپ اتاپ كورسەتتى: 1961 - جىلى جۇڭگو مەن چاۋشيان ەكى ەلدىڭ اعا بۋىن باسشىلارى «جۇڭگو − چاۋشيان دوستىق، سەلبەستىك، ءوزارا كومەكتەسۋ شارتىنا» قول قويىپ، ەكى ەل حالقىنىڭ ىستىق قانىمەن ۇيىسقان جاۋىنگەرلىك دوستىعىن بەكەمدەۋگە ماڭىزدى ساياسي، زاڭدىق نەگىز قالاپ، جۇڭگو مەن چاۋشياننىڭ دوستىعىن جالعاستىرۋدا، اسقاقتاتۋدا، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋدا ماڭىزدى رول اتقاردى. 65 جىلدان بەرى، ەكى جاق شارت رۋحىنان جازباي، ءوزارا قولداۋ كورسەتىپ، ىنتىماقتاسا ىستەستىك جاساپ، تىزە قوسا كۇرەس جۇرگىزىپ، جۇڭگو − چاۋشيان قاتىناسىنىڭ ۇرپاقتار بويى دوس بولۋ، تاعدىرلاس بولۋ، ءوزارا قارايلاسۋ سىندى ايقىن ەرەكشەلىگىن جاندى ءتۇسىندىردى.
شي جينپيڭ بىلاي دەپ باسا دارىپتەدى: بيىل 6 - ايدا مەن ءساتتى تۇردە چاۋشياندا مەملەكەتتىك ساپاردا بولدىم، باس شۋجي جولداسپەن جۇڭگو مەن چاۋشياننىڭ ءداستۇرلى دوستىعىن بەكەمدەۋ، جالعاستىرۋ ءارى جاڭا داۋىرلىك ءمان ۇستەۋ جونىندە ماڭىزدى ورتاق تانىمعا كەلىپ، جاڭا داۋىردەگى جۇڭگو − چاۋشيان قاتىناسىنىڭ دامۋىنا ستراتەگيالىق جەتەكشىلىك ەتىپ، جاڭا جوبا جاسادىق. جەدەل قۇبىلعان دۇنيە ءجۇزىنىڭ 100 جىلدىق وزگەرىس جاعدايى الدىندا، مەن باس شۋجي جولداسپەن ستراتەگيالىق بايلانىستى ونان ارى جيىلەتىپ، ەكى ەل قاتىناسىنىڭ دامۋ بەتالىسىن مىقتى يگەرىپ، ەكى جاقتىڭ دوستىق سەلبەستىگىنە جەتەكشىلىك ەتە وتىرىپ ەكى ەل حالقىن اناعۇرلىم ويداعىداي باقىتقا كەنەلتىپ، ءوڭىردىڭ بەيبىتشىلىگى مەن دامۋىن جەبەۋگە بەلسەندى ۇلەس قوسۋدى قالايمىن.
شي جينپيڭ بىلاي دەپ اتاپ كورسەتتى: مەن مەيلى حالىقارالىق جاعداي قالاي وزگەرسە دە، جۇڭگو پارتياسى مەن ۇكىمەتىنىڭ جۇڭگو − چاۋشيان ءداستۇرلى دوستىعىنا وسكەلەڭ ءمان بەرەتىن بەرىك تۇرعىسىنىڭ وزگەرمەيتىندىگىن، باس شۋجي جين جىڭىن جولداستىڭ چاۋشياننىڭ سوتسياليزم ىستەرىنە باسشىلىق ەتۋىن باتىل قولداۋى وزگەرمەيتىندىگىن، جۇڭگو − چاۋشيان ەكى جاقتىڭ ورتاق مۇددەسى مەن تاماشا ستراتەگيالىق ورتاسىن قورعاۋ بەرىك بەكىمى وزگەرمەيتىندىگىن قايتالاي دارىپتەۋدى قالايمىن. باس شۋجي جولداس باس بولعان چاۋشيان ەڭبەك پارتياسىنىڭ باسشىلىعىندا، چاۋشيان حالقى، ءسوز جوق، چاۋشيان ەڭبەك پارتياسى 9 - قۇرىلتايىنىڭ ءتۇرلى شەشىمدەرىن، ورنالاستىرۋلارىن جاپپاي دايەكتىلەندىرىپ، تياناقتاندىرىپ، سوتسياليستىك قۇرىلىس ىستەرىندە ۇزدىكسىز تىڭ دا اناعۇرلىم زور تابىستارعا قول جەتكىزەتىندىگىنە سەنەمىن.
جين جىڭىن مىنالاردى ءبىلدىردى: 65 جىلدىڭ الدىندا ەكى جاق «چاۋشيان − جۇڭگو دوستىق، سەلبەستىك، ءوزارا كومەكتەسۋ شارتىنا» قول قويىپ، يمپەراليزمگە قارسى تۇرىپ وزىنە - ءوزى قوجايىن بولۋ، بەيبىتشىلىك پەن سوتسياليزم ۇلى ىستەرىن جۇزەگە اسىرۋ سىندى قاندى شايقاس بارىسىندا قالىپتاسقان چاۋشيان مەن جۇڭگونىڭ جاۋىنگەرلىك دوستىعى جانە ىنتىماقتى، ءوزارا كومەكتەسۋ، سەلبەستىك جاساۋ قاتىناسىنىڭ باياندى دامۋىنا بەرىك زاڭدىق نەگىز قالادى. وتكەن ءبىر مەزگىلدە چاۋشيان مەن جۇڭگو ەكى ەل تاريحتىڭ بوران - شاشىنىن باستان كەشىرىپ، باستان - اياق ءبىر - ءبىرىن باتىل قولداپ، تىعىز سەلبەستىك جاساپ، بۇكىل دۇنيە جۇزىنە ءداستۇرلى دوستىق سەبەبىنەن ەرەكشە بولعان، ورتاق سوتسياليستىك ۇلى ىستەر سەبەبىنەن ەرەكشە بولعان، تاباندىلىقپەن جالعاستىرۋ سەبەبىنەن ەرەكشە بولعان چاۋشيان مەن جۇڭگونىڭ دوستىق قاتىناسىنىڭ ءتۇسى ماڭگى وزگەرمەيتىندىگىن جانە مىزعىمايتىندىعىن تولىق ايگىلەدى.
جين جىڭىن مىنالاردى ءبىلدىردى: چاۋشيان مەن جۇڭگونىڭ دوستىق سەلبەستىك قاتىناسى ەكى پارتيا مەن ەكى ەل حالقىنىڭ ستراتەگيالىق تالعامى جانە ورتاق باعالى بايلىعى رەتىندە، جاڭا ستراتەگيالىق بيىك تۇرعىدا دەڭگەيى جوعارىلاۋدا جانە دامۋدا، سونداي - اق كۇردەلى دە قۇبىلمالى حالىقارالىق جاعدايدا ەكى ەلدىڭ يەلىك ۇقىعىن، حاۋىپسىزدىگىن جانە دامۋ مۇددەسىن قورعاۋ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ ءۇشىن ماڭىزدى ۇلەس قوسۋدا. سوتسياليزمدى وزەك ەتكەن چاۋشيان مەن جۇڭگونىڭ ءداستۇرلى دوستىق سەلبەستىك قاتىناسىنىڭ ءداۋىردىڭ وزگەرىسى مەن ەكى ەل حالقىنىڭ تىلەگىنە ۇيلەسۋىن ىلگەرىلەتۋ، سونداي - اق ءار سالادا اناعۇرلىم جاندى دامۋدى جۇزەگە اسىرۋ − چاۋشيان پارتياسى مەن ۇكىمەتىنىڭ بۇلجىماس تۇرعىسى. مەن باس شۋجي جولداسپەن بىرگە ۇزاق تاريح پەن تاڭداۋلى ءداستۇردى نەگىز ەتكەن چاۋشيان − جۇڭگو دوستىعىنىڭ تىڭ دەڭگەيگە كوتەرىلىپ، دامۋ ارقىلى ەڭ پارمەندى، ەڭ ستراتەگيالىق سيپاتقا يە سوتسياليستىك مەملەكەتتەر ارا قاتىناستىڭ تيپتىك ۇلگىسى بولۋىنا جەتەكشىلىك ەتۋدى قالايمىن.
