ءزۇمىرات وبۇل ءۇرىمجى قالاسى سايباق رايونىنىڭ حالىق قۇرىلتايى ۋاكىلدەرى سايلاۋىنا قاتىناسىپ داۋىس بەردى ءارى اۋداندىق، اۋىلدىق حالىق قۇرىلتايلارىنىڭ سايلاۋ قىزمەتىنە تەكسەرۋ - زەرتتەۋ جۇرگىزدى، جەتەكشىلىك ەتتى
جالپى بارىستىق حالىق دەموكراتياسىن ساۋلەلەندىرىپ، كەزەك اۋىستىرۋ سايلاۋى قىزمەتىن جوعارى ساپامەن ورىنداۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 7 - ايدىڭ 11 - كۇنى ۇرىمجىدەن حابارلايدى. 7 - ايدىڭ 10 - كۇنى اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل تۇراقتى كوميتەت باسشىلىق القاسىنىڭ مۇشەلەرىن باستاپ، ءۇرىمجى قالاسى سايباق رايونى دوستىق سولتۇستىك جولى ءمالىسى دوستىق الەۋمەتتىك اۋماعى سايلاۋ اۋماعىنداعى اۆتونوميالى رايوندىق حالىق قۇرىلتايى تۇراقتى كوميتەتى ورگانىنىڭ داۋىس بەرۋ پۋنكتىنە بارىپ، ورگان كادرلارىمەن بىرگە داۋىس بەرۋگە قاتىناسىپ، سايباق رايونىنىڭ 19 - كەزەكتى حالىق قۇرىلتايى ۋاكىلدەرىن زاڭ بويىنشا سايلادى.
داۋىس بەرۋ پۋنكتىندە مەملەكەت گەربى تۇسىرىلگەن قىزىل ءتۇستى بەلەت ساندىعى ءدال ورتاعا قويىلىپ، ناقتى ورىن ايبىندى دا دۋماندى بەينەگە شومدى. ءزۇمىرات وبۇل سايلاۋ ىستەرى جونىندەگى تۇسىنىكتى دەن قويا تىڭداپ، سايلاۋ كۋالىگىن الىپ قىزمەتكەرلەردىڭ تەكسەرۋىنە تاپسىرىپ، ءبىر سايلاۋ بەلەتىن الدى. سونان سوڭ ول سايلاۋ بەلەتىن تولتىرۋ ورنىندا سايلاۋ بەلەتىن مۇقيات تولتىرعاننان كەيىن، بەلەت ساندىعىنىڭ الدىنا بارىپ، سالتاناتپەن ءوزىنىڭ ءبىر بەلەتىن تاستادى.
داۋىس بەرگەننەن كەيىن، ءزۇمىرات وبۇل موري قازاق اۆتونوميالى اۋدانىنىڭ، شونجى اۋدانىنىڭ ءىشىنارا اۋىل - قالاشىقتارىنا بارىپ، ءارقايسى سايلاۋ اۋماقتارىنىڭ داۋىس بەرىپ سايلاۋ قىزمەتىنە تەكسەرۋ - زەرتتەۋ جۇرگىزدى، جەتەكشىلىك ەتتى، نەگىزگى ساتىداعى قىزمەتكەرلەرمەن، سايلاۋشىلارمەن ىقىلاسپەن اڭگىمەلەسىپ، ۋاكىل كانديداتتارىن حابارلاندىرۋ، بەلەت تاستاۋ ناقتى ورنىن ۇيىمداستىرۋ سياقتى بۋىندارداعى قىزمەتتەردىڭ تياناقتانۋ جاعدايىن ۇعىستى. ول بىلاي دەپ اتاپ كورسەتتى: حالىق قۇرىلتايى ۋاكىلدەرىن سايلاۋ − حالىق قۇرىلتايى ءتۇزىمىنىڭ نەگىزى، حالىقتىڭ وزىنە - ءوزى قوجايىن بولۋىنىڭ ماڭىزدى بەينەسى. باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، كەزەك اۋىستىرۋ سايلاۋى قىزمەتىن ويداعىداي ىستەۋ جاۋاپكەرشىلىك سەزىمىن جانە بورىشتىلىق سەزىمىن كۇشەيتىپ، دەن قويا ۇيىمداستىرىپ، جان - جاقتى دايىندالىپ، ۇگىتتەۋ، جەتەكشىلىك ەتۋدى ىشكەرىلەي، ناقتى ىستەپ، سايلاۋشىلاردىڭ جاعدايدى ءبىلۋ ۇقىعىن، سايلاۋ ۇقىعىن، باقىلاۋ ۇقىعىن زاڭ بويىنشا قامتاماسىز ەتىپ، كەزەك اۋىستىرۋ سايلاۋىنىڭ ءتۇرلى قىزمەتتەرىن جوعارى ساپامەن ورىنداۋ كەرەك.
ءزۇمىرات وبۇل ناقتى ورىندا ”چيشينبان“ شونجى حالىق قۇرىلتايى ۋاكىلدەرى يۇنجيا تۇعىرىنداعى ۋاكىلدەردىڭ مىندەت وتەۋىن باسقارۋ، قوعام جاعدايى مەن حالىق تىلەگىن جيناۋ، ۇسىنىستاردى ءبىر جاقتى ەتۋدى قاداعالاۋ سياقتى يقۋاتتىق كورسەتپەلەردى كوردى، ول بىلاي دەپ باسا دارىپتەدى: ينفورماتسيالاندىرۋدى تۇتقا ەتىپ، حالىق قۇرىلتايىنىڭ زاڭ شىعارۋ، باقىلاۋ جانە ۋاكىلدەر قىزمەتى ارناسىن ونان ارى كەڭەيتىپ، قىزمەتتىڭ سيفرلانۋعا، زەردەلىلەنۋگە تيپ جاڭالاۋىن ىلگەرىلەتىپ، اناعۇرلىم ويداعىداي تۇردە ۋاكىلدەردىڭ مىندەت وتەۋىنە قىزمەت وتەۋ، ۋاكىلدەردىڭ رولىن ساۋلەلەندىرۋ، حالىقتىڭ وزىنە - ءوزى قوجايىن بولۋىن ايگىلەۋ كەرەك.
ءزۇمىرات وبۇل مىنالاردى تالاپ ەتتى: كەزەك اۋىستىرۋ ءتارتىبىن قاتايتىپ، كەزەك اۋىستىرۋ سايلاۋى قىزمەتىنىڭ جالپى بارىسىن باقىلاۋدى كۇشەيتىپ، سايلاۋ قىزمەتىنىڭ ستيلى پاك، سالتى دۇرىس بولۋىنا شىنايى كەپىلدىك ەتىپ، حالىق رازى بولاتىن ۋاكىلدەردى سايلاپ شىعۋ كەرەك. كەزەك اۋىستىرۋ جونىندەگى ۇگىت تەبىنىن ارتتىرىپ، جالپى بارىستىق حالىق دەموكراتياسىندىق حالىق قۇرىلتايى حيكايالارىن ويداعىداي بايانداپ، كەزەك اۋىستىرۋ سايلاۋى زاڭىن، زاڭ - ەرەجەلەرىن، سايلاۋشىلاردىڭ ۇقىعىن، بورىشىن كەڭ كولەمدە ۇگىتتەپ، جالپى حالىق ات سالىساتىن تاماشا كەزەك اۋىستىرۋ رايىن قالىپتاستىرۋ كەرەك. دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، حالىقتان اقىل - كەڭەس الۋعا، حالىقتىڭ قاجەتىن ۇعىسۋعا تاباندى بولىپ، نەگىزگى ساتى حالىق قۇرىلتايىنىڭ مىندەت وتەۋ نەگىزىن ۇزدىكسىز بەكەمدەپ، حالىق قۇرىلتايى ۋاكىلدەرى بايلانىس شەبىن ويداعىداي قۇرىپ جانە ودان ويداعىداي پايدالانىپ، ۋاكىلدەر مەن حالىق بۇقاراسىنىڭ بايلانىسىن ۇدايىلاندىرا كۇشەيتىپ، حالىق تۇرمىسىنداعى ناقتى ىستەردى شىن مانىندە بۇقارا رازى بولاتىنداي ءبىتىرىپ، قۇلشىنا ءتۇزىم ابزالدىلىعىن باسقارۋ ونىمدىلىگىنە اينالدىرۋ كەرەك.
لي نيڭپيڭ تەكسەرۋ - زەرتتەۋگە، جەتەكشىلىك ەتۋگە قاتىناستى.
