”’15 - بەسجىلدىقتى‘ باستاۋ، قادام تاستاۋ“ جەلىلەس نەگىزگى تاقىرىپتىق اقپارات جاريالاۋ ءماجىلىسىنىڭ 6 - ءماجىلىسى وتكىزىلدى
التاي حالىقارالىق ىقپالعا يە قار - مۇز ەكونوميكاسى شوعىرلانعان رايون قۇرادى
انار بۇلت \ شينجياڭ گازەتىنىڭ ءتىلشىسى جاڭ تيڭ 7 - ايدىڭ 10 - كۇنى ۇرىمجىدەن حابارلايدى. 7 - ايدىڭ 10 - كۇنى ”’15 - بەسجىلدىقتى‘ باستاۋ، قادام تاستاۋ“ جەلىلەس نەگىزگى تاقىرىپتىق اقپارات جاريالاۋ ءماجىلىسىنىڭ 6 - ءماجىلىسى ۇرىمجىدە وتكىزىلدى، اقپارات جاريالاۋ ءماجىلىسى ”التاي بايلىق ارتىقشىلىعىنا سۇيەنىپ قار - مۇز ەكونوميكاسى شوعىرلانعان رايون قۇرادى“ دەگەندى نەگىزگى تاقىرىپ ەتىپ، ”14 - بەسجىلدىقتان“ بەرى التاي ايماعىنىڭ ەكونوميكالىق، قوعامدىق دامۋدا قول جەتكىزگەن ناتيجەلەرىن، سونداي - اق ”15 - بەسجىلدىق“ مەزگىلىندەگى باستى دامۋ بەتالىسى مەن ماڭىزدى تۇيىندەرىن تانىستىردى.
”14 - بەسجىلدىقتان“ بەرى، التاي ايماعى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ”مۇزدى القاپ، قارلى دالا دا باعالى بايلىق“ سىندى دامۋ ۇستانىمىن ىشكەرىلەي امالياتتا ايگىلەپ، حالىق تۇرمىسىنا تىعىز جاناسىپ، قار - مۇز كاسىپ سالاسىنىڭ ساپاسىن جوعارىلاتىپ دارەجەسىن ءوسىرۋدى، تۇتاس وڭىرلىك ەكونوميكانىڭ ورنىقتى جاقسارۋىن ىلگەرىلەتىپ، ”14 - بەسجىلدىق“ جوبانىڭ ءتۇرلى نىسانا - مىندەتتەرىن تابىسپەن ورىندادى. 2025 - جىلى وڭىرلىك ءوندىرىس جالپى قۇنى 48 ميلليارد 421 ميلليون يۋانعا جەتىپ، ”13 - بەسجىلدىقتىڭ“ سوڭىنداعىدان ％22. 39 ارتتى. ساياحات كاسىبى ”جەكە تۇيىندە باستاماشى بولۋدان“ ”تۇتاس ءوڭىر بىرگە ىلگەرىلەۋگە“ وزگەردى، قار - مۇز كاسىپ سالاسى ەكونوميكانىڭ ارتۋىن جەبەيتىن، بۇقارانىڭ كىرىسىن ارتتىرۋعا باستايتىن وزەكتى تىرەكتى كاسىپ سالاسىنا اينالدى.
اقپارات جاريالاۋ ماجىلىسىندە التاي ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى مۇحتار كارىمبەك مىنالاردى ءبىلدىردى: ”15 - بەسجىلدىق“ مەزگىلى − التاي ايماعىنىڭ بۇكىل ەلمەن، بۇكىل شينجياڭمەن بىرگە سوتسياليستىك وسىزامانداندىرۋدى نەگىزىنەن جۇزەگە اسىرۋىنىڭ شەشۋشى كەزەڭى، سونداي - اق نەگىزدى بەكەمدەۋدىڭ قامال الۋ مەزگىلى ءارى جاپپاي كۇش سالۋدىڭ قامال الۋ مەزگىلى. ايماعىمىز مەملەكەت بەلگىلەگەن قار - مۇز ەكونوميكاسىن دامىتۋ ستراتەگيالىق ورنىن مىقتاپ يگەرىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي تياناقتاندىرىپ، حالىق تۇرمىسىن الدىمەن ويلاستىرۋعا، كاسىپ سالاسى ارقىلى كۇش ۇستەۋگە، تۇتاس ءوڭىر بويىنشا ءبىر تۇتاس جوسپارلاۋعا تاباندى بولىپ، ”سۋىق بايلىقتىڭ“ ”جىلۋ قوزعالىس قۋاتىن“ ۇزدىكسىز جارىققا شىعارۋىن ىلگەرىلەتەدى.
الداعى 5 جىلدا التاي ايماعى نازاردى كاسىپ سالاسى شوعىرىن دامىتۋعا شوعىرلاندىرىپ، قار - مۇز ورتالىعى قالاسىن كۇشەيتىپ، ”5A دارەجەلى كورىنىس ءوڭىرى + 5S دارەجەلى قار شاڭعى الاڭى“ ىقپالداستىق ۇلگىسى جونىندە بەلسەنە ىزدەنىس جاساپ، قار - مۇز سالاماتتىق كۇتىنۋى، جارىس ىستەرىن جۇرگىزۋ، قار - مۇز مادەنيەت جاسامپازدىعى، جابدىق جاساۋ سياقتى كوپ نەگىزدى كاسىپ كۇيىن جەتىلدىرىپ، تۇتاس تىزبەكتى، شوعىرلانعان قار - مۇز كاسىپ سالاسى شەبىن قۇرادى. ”قار - مۇز +“ توعىسپالى كاسىپ كۇيىن ۇزدىكسىز تەرەڭدەتىپ، ەرەكشەلىككە يە قار - مۇز شاعىن قالاشىعىن، سارا قار - مۇز جەلىسىن قالىپتاستىرىپ، ەلىتۋ ۇلگىسىندەگى حالىقتىق سالت - سانا قار - مۇزىن باستان كەشىرۋ ونىمدەرىن شىعارىپ، تۇتاس وڭىرلىك، تۇتاس ماۋسىمدىق ساياحاتتىڭ ىشكى قوزعاۋشى كۇشىن جانداندىرادى. قار - مۇزدى باستان كەشىرۋ ونىمدەرىن ۇزدىكسىز بايىتىپ، جوعارى دەڭگەيلى قار - مۇز كاسىپ كۇيىن ورنالاستىرىپ، ەرەكشەلىككە يە قار قىستاعى مەن سارا ساياحات جەلىسىن تۇلعالاپ، قار - مۇز بەن ەگىن، مال شارۋاشىلىعىنىڭ، مادەنيەت - ساياحات كاسىپ سالاسىنىڭ تەرەڭدەي توعىسۋىن ىلگەرىلەتەدى.
سوڭعى جىلدارى التاي ايماعى نەگىزدىك قۇرىلعىلارداعى ولقىلىقتاردى ۇزدىكسىز تولىقتاپ، اۆياتسيا، تەمىر جول، جوعارى قارقىندى جول، ساياحات تاس جولى سىندى ستەرەولدى قاتىناس جۇيەسىن كەمەلدەندىرىپ، قار - مۇز الاڭ - سارايلارى نەگىزدىك قۇرىلعىلارىنىڭ دەڭگەيىن جوعارىلاتىپ، زەردەلى ساياحاتتىق قىزمەت وتەۋدى جاپپاي اتقارىپ، قار - مۇز سالاسىنىڭ ولشەم جۇيەسىن اقاۋسىزداندىرىپ، قار - مۇز ارناۋلى فينانستىق قىزمەت وتەۋىندە جاڭالىق اشىپ، ساياحاتشىلاردىڭ ءجۇرىس - تۇرىس، ۋاقىتشا تۇرۋ، ساياحاتتىق ويىندى سەزىنۋىن جان - جاقتى جوعارىلاتتى. كاسىپ سالاسى ارقىلى حالىققا تيىمدىلىك جەتكىزۋ بەتالىسىنا تاباندى بولىپ، قار - مۇز شەبەرلىگىنە باۋلۋدى ۇدايىلاندىرىپ ورىستەتىپ، جەرگىلىكتى ورىنداعى كاسىپپەن شۇعىلدانۋشىلار قوسىنىن زورايتىپ، اس - سۋ، قونالقى، قاتىناس سياقتى قاتىستى كاسىپ سالالارىنىڭ دامۋىن جەبەپ، جالپى 100 مىڭنان استام ادامدى جۇمىستانۋعا جەتەكتەپ، ءار ۇلت بۇقاراسىنىڭ ”قار - مۇز كەسەسىن“ ورنىقتى تۇردە مىقتاپ ۇستاپ، دامۋ جەتىستىكتەرىنەن بىرگە يگىلىكتەنۋىنە مۇمكىندىك جاسادى.
قازىر التاي ايماعى تۇتاس وڭىرلىك، تۇتاس ماۋسىمدىق ساياحات جاعدايىن بىرتىندەپ قالىپتاستىرىپ، قار - مۇز ماركاسىنىڭ ىقپالىن ۇزدىكسىز جوعارىلاتىپ، كاسىپ سالاسى ساپاسى جوعارىلاعان، قىزمەت وتەۋ دەڭگەيى جوعارىلاعان، حالىق تۇرمىسى ونىمدىلىگى ارتقان تاماشا جاعداي ارقىلى جۇڭگو ۇلگىسىندەگى وسىزاماندانعان التاي امالياتىنىڭ تىڭ ساتىعا كوتەرىلۋىن قۇلشىنا ىلگەرىلەتۋدە.
