قىستاق تۇرعىندارى نە ءۇشىن وسى ءجۇزىم سەلبەستىك كووپەراتيۆىنە كىرگىسى كەلەدى
□ انار بۇلت \ شينجياڭ گازەتىنىڭ ءتىلشىسى حى جياڭ
تاياۋدا تۇرپان قالاسى گاۋچاڭ رايونى حۇڭشيڭ اۋماعى جاي قىستاعىنداعى ءجۇزىم لياندۇڭ جىلىجاي بازاسىندا ءجۇزىم ساباعىندا پىسۋعا تاياعان تۇقىمسىز اق ءجۇزىم سامسىپ، تولىسىپ پىسقان جۇزىمدەر مولدىرەپ تۇر. جىلىجايدىڭ سىرتىندا تەك ءبىر عانا قىستاق جولى ءبولىپ تۇرعان اشىق ءجۇزىم اتىزىندا ۇقساس سورتتاعى ءجۇزىم ءالى دە ءوسۋ مەزگىلىندە تۇرعاندىقتان، پىسۋ جاعدايىن ءبىر قاراپ بىلۋگە بولادى.
”سەلبەستىك كووپەراتيۆى ءجۇزىمىنىڭ بازارعا شىعارىلۋى باسقا قىستاقتاردان 20 كۇن بۇرىن بولدى، مەجەمەن تاۋارلانۋ مولشەرى ％85تەن اسادى“، - دەدى جاي قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى، تۇرپان قالاسى دۋيۇڭ جەمىس شارۋاشىلىعى شارۋالار كاسىپتىك سەلبەستىك كووپەراتيۆىنىڭ القا باستىعى رازيام ابليم.
”20 كۇن بۇرىن بازارعا سالىنعان ءبىر مۋ جەردەگى جۇزىمنەن كىرەتىن كىرىس قانشا“؟ - دەپ سۇرادى ءتىلشى.
”2025 - جىلى 15 كۇن بۇرىن بازارعا سالىنعان، سەلبەستىك كووپەراتيۆى مۇشەلەرىنىڭ مۋ باسىنان العان ورتاشا كىرىسى 3000 يۋاننان اسقان، بيىل بازار جاعدايى ناشار بولمايدى“، - دەدى رازيام.
ول ءبىر تال ءجۇزىمدى الىپ جەرگە لاقتىرىپ: ”قاراڭىز، ءجۇزىم ەزىلىپ كەتپەيدى، سول قالپىندا تۇرادى“. رازيام بىلاي دەدى: 2025 - جىلى سەلبەستىك كووپەراتيۆىنىڭ ءجۇزىمى ۆيەتنامعا ەكسپورت ەتىلدى. بيىل ەكسپورت تاپسىرىسى مەن ەل ىشىندەگى تاپسىرىس الدەقاشان تولىپ كەتتى.
بۇگىنگى تاڭدا شەتەلگە ساتىلاتىن ءجۇزىم بۇرىن قىستاق تۇرعىندارىنىڭ نازارىندا ”قينالىپ ەكسە دە قىمباتقا ساتىلمايتىن“ ەگىس داقىلى بولاتىن.
رازيام ناعىز تۇرپاندىق، قىستاق كادرى بولۋدان بۇرىن جاس ءجۇزىم ساۋدا الاڭىندا 10 نەشە جىل شىنىققان ەدى. 2024 - جىلدىڭ باسىندا ول سىچۋاننىڭ جەمىس - جيدەك وندىرەتىن نەگىزگى وڭىرلەرىنە ارنايى بارىپ، ولشەمدەندىرىپ ەگۋدى جانە ماركالاندىرىپ ساتۋدى ۇيرەنىپ، جەرگىلىكتى ورىننىڭ تۇتاس كاسىپ سالاسى تىزبەگىنىڭ تاجىريبەلەرىنە قايتا - قايتا وي جۇگىرتتى.
ۇيرەنۋدەن قايتىپ كەلگەننەن كەيىن، رازيام سەلبەستىك كووپەراتيۆىن قۇرماقشى بولادى، كوپتەگەن قىستاق تۇرعىنى وعان قاتىناسقىسى كەلمەيدى.
ول پارتيا مۇشەلەرىن، قىستاق كادرلارىن، تەحنولوگيا شەبەرلەرىن اتتانىسقا كەلتىرىپ، 31 ادامدىق قوسىن قۇرىپ، ”پارتيا ياچەيكاسى + سەلبەستىك كووپەراتيۆى + كاسىپورىن“ ۇلگىسىن قالىپتاستىردى. وسى جىلدىڭ سوڭىندا ول ۇجىمدى باستاپ حۋنانعا، شاڭحايعا، يۇننانعا بارىپ، 13 مىڭ توننا ءجۇزىم، 3000 توننا قۇمىل قاۋىنى تاپسىرىسىنا قول قويدى. ناقتى توقتام الدىمىزدا تۇر، قىستاقتىڭ ءجۇزىم كاسىپ سالاسىندا جاڭا جول اشىلدى.
تاپسىرىس قولىمىزعا ءتيدى، ءبىراق ءجۇزىم ساپاسىنىڭ ولشەمگە جەتە الۋ - الماۋى ناعىز قيىن ماسەلە ەدى.
تۇرپاندىقتار ءجۇزىم ەككەندە نەشە مىڭ جىلدان بەرى، قانشالىق كوپ جەمىس تۇسسە، ءونىم سونشالىق مول بولادى دەگەن ءبىر قاعيدانى تانىپ جەتتى. رازيام كەرىسىنشە جەمىستى سيرەتىپ جىبەرۋدەي جولدى تاڭدادى.
باستابىندا قىستاق تۇرعىندارى مۇنى قۇپتامادى، قىستاق تۇرعىنى ءپاريزات نياز: ”جاپ - جاقسى ءجۇزىمدى كەسىپ تاستاۋ ىسىراپشىلدىق“، - دەدى.
رازيام زورلىقپەن العا جىلجىتپادى، ول ۇگىت لەكسيا جاساي ءجۇرىپ، پارتيا مۇشەلەرىن، قىستاق كادرلارىن، تەحنولوگيا شەبەرلەرىن باستاپ، ءوز اتىزىندا الدىمەن ىستەدى. جەمىس سيرەتىلگەننەن كەيىنگى ءجۇزىم شىعا سالا ساپاسى ءداستۇرلى ەگىلگەن ءجۇزىمنەن كورنەكتى جاقسى بولدى. قىستاق تۇرعىندارى ۋايىمنان بىرتىندەپ ارىلىپ، جەمىس سيرەتۋ تەحنولوگياسىن ۇيرەنە باستادى، وسى ەگجەي - تەگجەيلى ەگۋ ءتاسىلى بىرتىندەپ بۇكىل قىستاقتا جالپىلاستىرىلدى.
2024 - جىلى 7 - ايدىڭ باس شەنىندە سەلبەستىك كووپەراتيۆىنىڭ ءجۇزىمى پىسۋعا تاياپ قالدى، ساۋداگەرلەر كەلىپ باعا سۇراستىرىپ ساتىپ الدى. رازيام كووپەراتيۆ مۇشەلەرىن توقتاتىپ: ”تاعى 10 كۇن توسساق، جەمىستىڭ ءپىشىنى، جەبەسىنىڭ سالماعى ءتىپتى دە جاقسى بولادى، ەرەكشە دارەجەلى جەمىستىڭ ساتىلۋ باعاسى ءتىپتى دە جوعارى بولادى“، - دەدى.
كووپەراتيۆتىڭ كەيبىر مۇشەلەرى بازارعا شىعۋدى كەشەۋىلدەتسە، ساتۋ باعاسىن تومەندەتىپ جىبەرەدى دەپ الاڭداپ: “كەشىكتىرگەنمەن جاقسى باعادا ساتىلماي قالسا قايتەمىز“؟ - دەدى.
”مەن اسكەري انت بەرەمىن“. رازيام بىلاي دەدى: ”ەگەر وسى ەرەكشە دارەجەلى جەمىستەردىڭ ءار كيلوگرامى 6 يۋاننان اسپايتىن بولسا، باعا پارقىنا سەلبەستىك كووپەراتيۆى تولىق كەپىلدىك ەتەدى“!
كووپەراتيۆ مۇشەلەرى شىدامدىلىقپەن 10 كۇن توسقاننان كەيىن عانا ساتتى. ناتيجەدە ەرەكشە دارەجەلى جەمىستىڭ ءار كيلوگرامى 10 − 11 يۋانعا، 1 - دارەجەلى جەمىستىڭ كيلوگرامى 7 يۋانعا ساتىلدى.
”ءبىز ’جەتى ءبىر تۇتاس، ءبىردى بىتىراتۋ‘ باسقارۋ ۇلگىسىن اتقاردىق، اۋىل شارۋاشىلىق ءوندىرىس قۇرال - جابدىقتارى، ماشينالىق جۇمىس، سورت، باقىلاۋ - ولشەۋ، دەرت - دەربەزدەن، زياندى جاندىكتەردەن ساقتانۋ جانە ونى جويۋ، ساتۋ، سۋ اقىسى سياقتىلاردى ءبىر تۇتاس باسقاردىق. قىستاق تۇرعىندارى الاڭسىز ەگۋگە عانا جاۋاپتى بولىپ، قىزمەت وتەۋدى تۇگەلدەي سەلبەستىك كووپەراتيۆىنە تاپسىردى. بۇل ۇلگى ءجۇزىمنىڭ ساپاسىن جوعارىلاتۋدىڭ تەتىگى بولدى“، - دەدى رازيام.
2024 - جىلى جاي قىستاعىنىڭ قىستاق كوللەكتيۆ كىرىسى 622 مىڭ 900 يۋان، قىستاق تۇرعىندارىنىڭ جان باسىندىق كىرىسى 26 مىڭ 700 يۋان؛ 2025 - جىلى قىستاق كوللەكتيۆ كىرىسى 791 مىڭ 200 يۋان، قىستاق تۇرعىندارىنىڭ جان باسىندىق كىرىسى 29 مىڭ 500 يۋان بولدى، قازىر تۇرپان قالاسى دۋيۇڭ جەمىس شارۋاشىلىعى شارۋالار كاسىپتىك - سەلبەستىك كووپەراتيۆىنىڭ مۇشەسى 168 ادامعا جەتتى.
جىلىجاي بازاسىنىڭ سىرتىندا كووپەراتيۆ مۇشەسى اكىرام ابدوللا بيىلعى ەسەپتى جاسادى: ”ءۇيدىڭ ءجۇزىم باعىنداعى ەرەكشە دارەجەلى جەمىستىڭ، 1 - دارەجەلى جەمىستىڭ سالىستىرماسى تاعى جوعارىلادى، وعان جىل سوڭىنداعى سەلبەستىك كووپەراتيۆىنىڭ پايدا ءبولىسىن قوسقاندا، مەجەمەن 130 مىڭ يۋان كىرىس كىرگىزەمىز“.
