اۋىل ”اقىلماندار ۇجىمى“ اتىزدا تەحنولوگيا ۇيرەتىپ، قيىن ماسەلەلەردى شەشتى
□ انار بۇلت \ شينجياڭ گازەتىنىڭ ءتىلشىسى گى يوۋجۇن، ەرىكتى ءتىلشى زو شياۋيۇي
”اقىلماندار ۇجىمى“ ماماندارى بىزگە ناقتى دا جاقسى ءادىس ۇسىنىپ، كۇندەلىكتى قىزمەتىمىزدەگى ”ىستەي الماۋ، جاقسى ىستەي الماۋ“ سىندى قيىن ماسەلەنى شەشتى، بۇل وتە پايدالى بولدى“! 6 - ايدىڭ 21 - كۇنى سانجى حۇيزۋ اۆتونوميالى وبلىسى ورىستەتكەن ”اقىلماندار ۇجىمى· اۋىل - قىستاق ساپارى“ نەگىزگى ساتىعا قىزمەت وتەۋ قيمىلىن تىلگە العاندا، شونجى اۋدانى كارىز اۋىلى شيكارىز قىستاعى پارتيا باس ياچەيكاسىنىڭ شۋجيى يە شياۋميڭ تەرەڭ اسەرمەن وسىلاي دەدى.
يە شياۋميڭ ايتىپ وتىرعان ”ماماندار“ تۇگەلدەي سانجى وبلىسى ءوز جەرىنىڭ ءىس جۇزىندىك جاعدايىمەن ۇشتاستىرىپ، اۋىل - قالاشىق كادرلارىنان، تاراۋلارداعى كاسىپتىك تىرەكتىلەردەن جانە اۋىل - قىستاقتارداعى ەگىمشىلىك، باعىمشىلىق شەبەرلەرىنەن تاڭداپ العان ”جەرگىلىكتى ماماندار“، ”اتىز وقىمىستىلارى“. وسى رەتكى ”اقىلماندار ۇجىمى · اۋىل - قىستاق ساپارى“ قيمىلىندا ”ماماندار + كاسىپتىك تىرەكتىلەر“ اترەت قۇرۋ ۇلگىسى قولدانىلىپ، ءتۇيىندى تۇردە اۋىل - قالاشىق پارتكوم شۋجيلەرىنىڭ مىندەت وتەۋ كەشىرمەسى بار كادرلاردان بىرنەشە ”مامان“ تاڭداپ الىنىپ، قاتىستى كاسىپتىك تىرەكتىلەر سايكەستىرىلدى ءارى نەگىزگى ساتىدا ۇنەمى كەزدەسەتىن تيپتىك ماسەلەلەر ءبىر ۋاقىتتا سارالانىپ، جيناقتالىپ، اتىز باسىنا بارىپ تەحنولوگيا ۇيرەنىپ، ءبىرىنشى شەپتەگى ماسەلەلەر شەشىلدى.
اۋىلعا تامىر تارتقان وسى ”اقىلماندار ۇجىمى“ اۋىل جاعدايىنا قانىق، ەگىس جۇمىستارىن ىستەي بىلەدى، حالىقتىڭ جاعدايىن بىلەدى، كوپ جىلدان بەرى نەگىزگى ساتىنىڭ ءبىرىنشى شەبىندە توپتاعان ناقتى تاجىريبەلەرىنە سۇيەنىپ ەگىنجايلارعا، قىستاقتارعا بارىپ، ماسەلەنى بەتپە - بەت ىزدەپ، تۇيىندەر بويىنشا شەشىپ، اۋىل - قىستاقتىڭ دامۋ وي جەلىسىن رەتتەۋىنە، نەگىزگى ساتىنىڭ ءتۇرلى قىزمەتتەرىندەگى قيىن ماسەلەلەردى شەشۋىنە كومەكتەسىپ، ناقتى شارالار قولدانىپ، نەگىزگى ساتى قىزمەتىنىڭ ساپاسىن جوعارىلاتىپ ونىمدىلىگىن ارتتىرۋدى ىلگەرىلەتتى.
”بۇرىن مۇگەدەكتەرگە قوسىمشا قاراجات بەرەتىنبىز، تەك جۇمىس ءتارتىبىنىڭ ءوزى ادامنىڭ باسىن اينالدىراتىن، قازىر ۋاكىلاتان ءبىتىرۋ مىندەتتەمە كەستەسىن تولتىرساق، قوسىمشا قاراجاتتىڭ ەسەپكە كىرۋىن عانا كۇتىپ وتىرامىز، الاڭسىز بولامىز ءارى جۇمىس ىقشامدالادى“، - دەدى سانجى قالاسى بينحۋ قالاشىعى شياچۋانزى قىستاعىنىڭ تۇرعىنى لي جۇڭ.
تاياۋدا ”اقىلماندار ۇجىمى“ مۇشەلەرى شياچۋانزى قىستاعىنا بارىپ جاعداي ۇعىسىپ، تەكسەرۋ - زەرتتەۋ جۇرگىزگەندە، قىستاقتا سالالانعان، جيناقتالعان قىستاق دارەجەلى كومەكتەسىپ بىتىرەتىن، ۋاكىلاتان بىتىرەتىن 128 ىستە بۇقارانىڭ جۇمىس ءتارتىبىن انىق بىلمەۋى سىندى كەسىرلى ءتۇيىن جاپپاي ورىن تەۋىپ وتىرعاندىعىن، جۇمىس بىتىرۋدە ارلى - بەرلى شاپقىلاۋ قىستاق تۇرعىندارىنىڭ مازاسىن الاتىن ىسكە اينالعاندىعىن بايقادى. ماسەلەنىڭ ءتۇيىنىن ءداپ باسىپ تاپقاننان كەيىن، ”اقىلماندار ۇجىمى“ مۇشەلەرى دەرەۋ ولشەمدەنگەن قىزمەت وتەۋ باعدارىن ءبىر - بىردەن جاساۋ سىندى ماسەلەنى شەشۋ وي جەلىسىن ورتاعا قويدى.
سانجى قالاسى ”اقىلماندار ۇجىمى“ اشقان ”رەتسەپ“ بويىنشا، قاتىستى تاراۋلاردى ءبىر - بىردەن سايكەستىرىپ، قابىلداۋ شارتى، ءبىر جاقتى ەتۋ ءتارتىبى، ءبىر جاقتى ەتۋ ۋاقىت شەگى، ماتەريال تاپسىرۋ ولشەمى سياقتى كوڭىل بولەتىن ىستەردى ايقىنداپ، ”ءبىر ىسكە ءبىر كود، ءبىر كەستە“ سىندى «كومەكتەسۋ، ۋاكىلاتان ءبىتىرۋ قىزمەت وتەۋ باعدارناماسىن“ قالىپتاستىردى. باعدارناماعا سايكەستى ەكى ولشەمدى كود قىستاقتاعى حالىققا قولايلى اشىق جاريالاۋ تاقتاسىنا جاپسىرىلىپ، حالىققا قولايلى قىزمەت وتەۋ قولدانباسىنا باسىلىپ، بۇقارا ءنومىر جايمالاسا بولعانى، ءىس ءبىتىرۋ ناقتى ەرەجەسىن تولىق بىلە الادى. قىستاق تۇرعىندار كوميتەتىندە قىستاق دارەجەلى جالپىلىق قابىلداۋ تەرەزەسىن ءبىر ۋاقىتتا قۇرىپ، جوعارى جيىلىكتەگى حالىققا قولايلى قىزمەت وتەۋ ىستەرىن قىستاقتاردىڭ، گرۋپپالاردىڭ ءبىرىنشى شەبىنە بەيىمدەدى.
وسى شارالار تياناقتانعاننان كەيىن، شياچۋانزى قىستاعىنىڭ حالىققا قولايلى ىستەردى قىستاق دارەجەلى ورىندا ءبىتىرۋ مولشەرى ％80كە جوعارىلادى، قىستاق تۇرعىندارىنىڭ ءىس ءبىتىرۋى ”كوپ رەت شاپقىلاۋدان“ ”جاقىن ماڭدا ءبىتىرۋ، ساۋساق ۇشىمەن تەكسەرۋ، قىستاقتا بىتىرۋگە“ وزگەرىپ، حالىققا قولايلى قىزمەت وتەۋدىڭ ”ەڭ سوڭعى ءبىر كيلومەترىن“ شىن مانىندە تۇتاستىردى.
جاز ماۋسىمى ماقتا اتىزىن باپتاۋدىڭ شەشۋشى مەزگىلى. تاياۋدا قۇتىبي اۋدانى دافىڭ قالاشىعى ليانفىڭ قىستاعىنداعى ءىشىنارا ديقاندار ۋرەانى كوزسىزدىكپەن ىستەتىپ، سۋ مەن تىڭايتقىشتىڭ سالىستىرماسى تەپە - تەڭدىگىنىڭ بۇزىلۋى، توپىراق قوپسىتۋدىڭ كەنجە قالۋى سەبەبىنەن ماقتانىڭ ءوسۋى بىركەلكى بولمادى. ”اقىلماندار ۇجىمى“ مۇشەلەرى جاعدايدان حابار تاپقاننان كەيىن، اتىز باسىندا وتىرىپ ماسەلەنىڭ قاينارىن ءداپ باسىپ تاۋىپ، از مولشەردە، كوپ رەت سۋ تامشىلاتۋ، ازوتتى تىزگىندەۋ، مايسانى تولىستىرۋ سىندى سۋ مەن تىڭايتقىشتى عىلمي باسقارۋ ءادىسىن دەر كەزىندە جالپىلاستىردى.
”ماماندار تەحنولوگيانى قولما - قول ءتۇسىندىرىپ، قيىن ماسەلەمىزدى شەشتى“، - دەدى ليانفىڭ قىستاعىنىڭ تۇرعىنى ساۋ يىڭ.
جەرگىلىكتى تاجىريبەنى حالىقتى بايىتۋدىڭ ناقتى ونىمدىلىگىنە اينالدىرىپ، نەگىزگى ساتىنىڭ سىزداۋ تۇيىندەرىن باسقارۋدىڭ جارقىن تۇيىنىنە اينالدىرىپ، ”اقىلماندار ۇجىمى“ اۋىلداردى ارالاپ، حالىق تۇرمىسىنداعى قيىن ماسەلەلەردى سول جەردىڭ وزىندە ءبىر - بىردەن شەشىپ، دامۋداعى قيىنشىلىقتاردى ءبىر - بىردەن شەشىپ، اۋىل - قىستاقتى كوركەيتۋگە تىڭ ومىرشەڭ كۇش قوستى.
سانجى وبلىستىق پارتكوم ۇيىمداستىرۋ ءبولىمىنىڭ ورىنباسار باستىعى چىن پىڭ بىلاي دەدى: سانجى وبلىسى بايلىق ارتىقشىلىعى مەن نەگىزگى ساتىنىڭ ءىس جۇزىندىك جاعدايىن تياناق ەتىپ، اقىل - پاراسات ارتىقشىلىعىن تولىق ساۋلەلەندىرىپ، ”قاسىنداعى ادامدار ۇيرەتۋ، كومەكتەسۋ، جەتەكتەۋ، قاسىنداعى تاجىريبەلەر ارقىلى قيىن ماسەلەلەردى شەشۋ“ ۇلگىسى ارقىلى حالىق تۇرمىسىنداعى ۇساق ىستەردە قيىنشىلىق قىسپاعىنان قۇتىلدىرۋمەن بىرگە، ەرەكشەلىككە يە كاسىپ سالالارىنا دا دالمە - ءدال كۇش ۇستەپ، دارىندىلار ارقىلى اۋىل - قىستاق دامۋىنىڭ قوزعالىس قۋاتىن جانداندىرىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتادى.
