− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (3)
□ شينحۋا اگەنتتىگىنىڭ تىلشىلەرى ياڭ ۋيحان، شيۇڭ فىڭ، ۋاڭ ميڭيۇي
”105 جىل قاجىماي ـ تالماي كۇرەس جۇرگىزىپ، ماركسيزمنىڭ قۇدىرەتتى ومىرشەڭ كۇشىن ايگىلەدى“. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىنداعى باس شۋجي شي جينپيڭنىڭ وسى ماڭىزدى تۇجىرىمى 100 جىلدان استام ۋاقىت كۇرەس جۇرگىزۋدىڭ تەرەڭ قورىتىندىسى بولىپ قانا قويماي، ونان دا ماڭىزدىسى، جاڭا جورىقتا ماركسيزمگە تاباندى بولۋ جانە ونى دامىتۋ جونىندەگى ايبىندى جاريالاۋ بولدى.
قىزىل كۇن كوتەرىلىپ، جولىمىزعا نۇر ـ شۇعىلاسىن شاشتى. ماركسيزم، بەينە، ايبىنمەن كوتەرىلگەن كۇن سياقتى ادامزاتتىڭ تاريحي زاڭدىلىقتى قاراستىرۋ جانە ٴوزىن ـ ٴوزى ازات ەتۋگە تالپىنۋ جولىن نۇرلاندىردى. قازان توڭكەرىسىنىڭ زەڭبىرەك ٴۇنى جۇڭگوعا ماركسيزم ـ لەنينيزمدى الا كەلىپ، جۇڭگو حالقىنا العا باسۋدىڭ ماياگىن جاعىپ بەردى.
جۇڭگو كوممۋنيستىك پارتياسى ماركسيزمدى ٴوز تۋىنا جازدى، ماركسيزم جۇڭگو سىندى بايىرعى شىعىستاعى ٴىرى ەلدىڭ ادامزات تاريحىندا بۇرىن بولىپ كورىلمەگەن دامۋ كەرەمەتىن جاراتۋىنا مۇمكىندىك بەردى.
ماركسيزمنىڭ ”جەبەسىمەن“ جۇڭگونىڭ ناقتى ٴىس جۇزىندىگىن ”كوزدەدى“ −
كوك تىرەگەن بايتەرەكتىڭ، ٴسوز جوق، تامىرى بولادى؛ تاۋ ساعالاعان سۋدىڭ، ٴسوز جوق، قاينارى بولادى. ماركسيزمدى تاڭداعاننان بەرى، جۇڭگو كوممۋنيستەرى ونى باستان ـ اياق جالعاستىردى، ودان بۇلجىمادى، ەشقاشان اۋىتقىمادى، وزگەرمەدى، باز كەشپەدى.
نەشە ۇرپاق جۇڭگو كوممۋنيستەرى ”اماليات، تانىم، قايتالاي اماليات، قايتالاي تانىم“ سىندى بۇراندا ۇلگىسىندە جوعارىلاتۋ بارىسىندا ماركسيزمنىڭ جۇڭگوشالانۋىنىڭ، زامانالانۋىنىڭ ايبىندى تاراۋىن ۇزدىكسىز جازدى.
جاڭا داۋىرگە قادام تاستاعاننان كەيىن، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا داۋىردەگى جۇڭگوشا سوتسياليزمگە تاباندى بولىپ جانە ونى دامىتىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋدىرۋدى ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى الىپ كەمەنىڭ باستان ـ اياق دۇرىس بەتالىسپەن تولقىن جارا العا ىلگەرىلەۋىنە شىنايى كەپىلدىك ەتتى.
جۇڭحۋانىڭ تاڭداۋلى ٴداستۇرلى مادەنيەتىنەن تەرەڭ ٴنار الىپ، ماركسيزمنىڭ اناعۇرلىم نەگىزگى، اناعۇرلىم تەرەڭ، اناعۇرلىم باياندى كۇش ـ قۋاتىن قاۋلاتۋىنا مۇمكىندىك جاسادى −
حىناننىڭ ان ـ ياڭىنداعى يىنشۇيدە حۋانحى وزەنى يرەلەڭدەي اعىپ، ساۋىت ـ سۇيەك جازۋى ايرىقشا كوز تارتادى. 2022 ـ جىلى 10 ـ ايدىڭ 28 ـ كۇنى پارتيا 20 ـ قۇرىلتايى جابىلعانىنا ٴبىر اپتا بولماي، باس شۋجي شي جينپيڭ وسى اراعا كەلىپ قىزمەت تەكسەردى.
يىنشۇي مۇراجايىنا كىرىپ قولا قۇرالدار، قاس تاسى بۇيىمدارى، ساۋىت ـ سۇيەك جازۋى سياقتى مادەني مۇرالاردى كوزدەن كەشىرگەندە، باس شۋجي شي جينپيڭ بىلاي دەپ تەرەڭ اتاپ كورسەتتى: ”جۇڭحۋانىڭ تاڭداۋلى ٴداستۇرلى مادەنيەتى − پارتيامىزدىڭ جاسامپازدىق نازارياسىنىڭ ’تامىرى‘، ٴبىزدىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋدەگى ٴتۇبىرلى جولىمىز − ’ەكىمەن ۇشتاستىرۋ‘ “.
كوممۋنيزم سەنىمىن، سوتسياليزم سەنىمىن جۇڭحۋا ۇلتىنىڭ مىڭ جىلدىق مۇراتىمەن تىعىز ۇشتاستىرىپ، ”داڭعىل جولمەن ٴجۇرۋ، دۇنيە كوپكە ورتاق“ دەگەندى دارىپتەدى؛ حالىقتى وزەك ەتكەن دامۋ يدەياسىن حالىقتىق يدەيامەن تىعىز ۇشتاستىرىپ، ”حالىق مەملەكەتتىڭ نەگىزى ەكەندىگىن، بيلىك جۇرگىزۋدە ٴمورالعا سۇيەنۋ كەرەكتىگىن“ دارىپتەدى؛ ادامزاتتىڭ تاعدىرلاس ورتاق تۇلعاسى ۇستانىمىن بارلىق ەلمەن دوس، جاراسىمدى وتەتىن اقىل ـ پاراساتپەن تىعىز ۇشتاستىرىپ، ”سەنىمدىلىكتى دارىپتەپ، بەرەكە ورناتۋ، جاقىنىنا مەيىرىمدى، كورشىمەن تاتۋ بولۋدى“ دارىپتەدى... ماركسيزم يدەياسىنىڭ جاۋھارى جۇڭحۋانىڭ تاڭداۋلى ٴداستۇرلى مادەنيەتىنىڭ جاۋھارىمەن توعىسىپ، جاڭا نازاريالىق ارتىقشىلىققا اينالىپ، جاڭا يدەيالىق شىڭعا ۇزدىكسىز شىقتى.
ماركسيزمنىڭ اقيقات بايتەرەگىنىڭ جۇڭحۋانىڭ بايتاق دالاسىنداعى قۇنارلى توپىراقتا تەرەڭ تامىر تارتىپ، قاۋلاپ ٴوسىپ، جالىندى تىرشىلىك تىنىسىن قاۋلاتۋىنا مۇمكىندىك جاسادى −
2017 ـ جىلى 10 ـ ايدا پارتيا 19 ـ قۇرىلتايى شي جينپيڭ جاڭا ٴداۋىر جۇڭگوشا سوتسياليزم يدەياسىن پارتيا، ٴسوز جوق، ۇزاق ۋاقىت تاباندى بولۋعا ٴتيىستى جەتەكشى يدەيا ەتىپ تۇراقتاندىردى ٴارى پارتيا ۋستاۆىنا ەنگىزدى.
جۇڭگو سۇراۋىنا، دۇنيە ٴجۇزى سۇراۋىنا، حالىق سۇراۋىنا، ٴداۋىر سۇراۋىنا عىلمي جاۋاپ بەردى، شي جينپيڭ جاڭا ٴداۋىر جۇڭگوشا سوتسياليزم يدەياسى − زامانىمىزداعى جۇڭگونىڭ ماركسيزمى، 21 ـ عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ول ماركسيزمنىڭ جۇڭگوشالانۋىنىڭ، زامانالانۋىنىڭ تىڭ سەكىرۋىن جۇزەگە اسىردى.
امالياتتىڭ قۇنارلى توپىراعىنا تامىر تارتىپ، وركەنيەتتىڭ سالقار كوشىنەن ٴنار الىپ، ۇزاق ساپاردا جۇڭگو كوممۋنيستەرى ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتىپ، ماۋ زىدۇڭ يدەياسىن، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن، شي جينپيڭ جاڭا ٴداۋىر جۇڭگوشا سوتسياليزم يدەياسىن قالىپتاستىرىپ، ماركسيزمدى بارىنشا بايىتتى جانە دامىتتى.
105 جىل بوران ـ شاشىندى باستان كەشىردى، 105 جىل شىنايى سەندى، شىنايى امالياتتا ايگىلەدى. جۇڭگو كوممۋنيستەرى باستان ـ اياق اقيقات الاۋىن بيىك ۇستاپ، مەملەكەت جاعدايىن تياناق ەتىپ، امالياتقا تامىر تارتىپ، ماركسيزم سىندى وسى ٴبىر عىلمي نازاريانى دۇنيەنى وزگەرتۋدىڭ جويقىن ۇلى كۇشىنە ۇزدىكسىز اينالدىردى.
بۇگىنگى تاڭدا ماركسيزم 21 ـ عاسىرداعى جۇڭگودا تىڭ ومىرشەڭ كۇشى قاۋلاپ، اناعۇرلىم قۇدىرەتتى، اناعۇرلىم يلاندىرۋ قۋاتىنا يە اقيقات كۇشىن ايگىلەدى.
تانىم − ارەكەتتىڭ باستاماسى، ارەكەت − تانىمنىڭ ناتيجەسى. ماركسيزمنىڭ ومىرشەڭ كۇشى كىتاپتاعى ٴبىلىم ەمەس، قايتا دۇنيەنى وزگەرتەتىن وتكىر يدەيالىق قارۋ.
”14 ـ بەسجىلدىق“ تابىسپەن اياقتادى، ”15 ـ بەسجىلدىق“ باستالدى، قادام تاستالدى، جاڭا داۋىردەگى جۇڭگو كوممۋنيستەرى تاريحي ىرىقتىلىق رۋحىمەن امالياتتىڭ دامۋىن ىلگەرىلەتىپ، ماركسيزمنىڭ ماڭگى توقىرامايتىن، كۇن سايىن جاڭارىپ وتىراتىن نازاريالىق قاسيەتىن ايگىلەدى.
”جۇڭگو كوممۋنيستىك پارتياسىنىڭ نە ٴۇشىن ىسكەر بولۋى، جۇڭگوشا سوتسياليزمنىڭ نە ٴۇشىن جاقسى بولۋى، سايىپ كەلگەندە، ماركسيزمنىڭ جارامدى بولۋىندا، جۇڭگوشالانعان، زامانالانعان ماركسيزمنىڭ جارامدى بولۋىندا“.
”دۇرىس“ نازاريا، ”جاقسى“ نازاريا عانا ەمەس، ونىڭ ۇستىنە ”جارامدى“ نازاريا، ”جاندى“ نازاريا. بۇگىنگى جۇڭگودا سوتسياليزم ىستەرىنىڭ قارىشتاپ دامۋى مەن تاسقىنداعان ومىرشەڭ كۇشى ماركسيزمنىڭ عىلميلىعى مەن اقيقات سيپاتىن تولىق سىننان وتكىزىپ، ماركسيزمنىڭ حالىقتىق سيپاتى مەن امالياتتىق سيپاتىن تولىق كورسەتتى، ماركسيزمنىڭ اشىق سيپاتى مەن داۋىرلىك سيپاتىن تولىق ايگىلەدى.
6 ـ ايدىڭ 15 ـ كۇنى مەملەكەتتىك پارتيا قۇرىلىسى قىزمەتى اڭگىمە ٴماجىلىسى بەيجيڭدە اشىلىپ، شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندە قىزمەت ورنالاستىرۋى جاسالدى. شي جينپيڭ پارتيا قۇرىلىسى يدەياسى − ”ەكىمەن ۇشتاستىرۋعا“ تاباندى بولىپ، پارتيانىڭ نازاريادا جاڭالىق اشۋىن ىلگەرىلەتۋدەگى كەلەلى تابىس، ول ماركسيزمدىك پارتيا قۇرۋ ٴىلىمىنىڭ جۇڭگوشالانۋىنىڭ، زامانالانۋىنىڭ تىڭ ٴورىسىن اشتى.
”بۇگىنگى تاڭدا ٴبىزدىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋ مىندەتىمىز جەڭىل ەمەس، قايتا اناعۇرلىم اۋىر“. جاڭا جورىققا قادام تاستاعاندا، جۇڭگو كوممۋنيستەرىنىڭ ماركسيزمدى دامىتۋ تاريحي سانالىلىعى سەرگەك ٴارى بەرىك بولدى.
اقيقات الاۋى گۇلدەندىرۋ جولىن نۇرلاندىردى.
العا باسۋ جولىندا داۋىرمەن بىرگە العا ىلگەرىلەۋگە تاباندى بولىپ، جاڭا امالياتپەن ۇشتاستىرا وتىرىپ نازاريادا جاڭالىق اشۋدى ۇزدىكسىز ىلگەرىلەتۋگە باتىل بولعاندا، جاڭا نازاريا ارقىلى جاڭا امالياتقا جەتەكشىلىك ەتۋگە شەبەر بولعاندا عانا، ٴسوز جوق، ماركسيزمنىڭ جۇڭگوشالانۋىنىڭ، زامانالانۋىنىڭ تىڭ تاراۋىن ۇزدىكسىز جازا الامىز.
بولاشاقتى بەتكە الىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىگىندە، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ تىڭ تاراۋى جازىلۋدا.
(شينحۋا اگەنتتىگىنىڭ 7 ـ ايدىڭ 7 ـ كۇنى بەيجيڭنەن بەرگەن حابارى)
