انار بۇلت سۋرەتتى تۇسىندىرمەسى
دۇنيە جۇزىلىك فۋتبول ساۋىتىنا تالاسۋ جارىسىن تۇندەلەتىپ كورگەندەرگە كەرەكتى ەسكەرتپە: جارىس الاڭىنىڭ دۋمانىن اسىرىپ، شينجياڭدا سالقىنداۋ
ٴتورت جىلدا ٴبىر وتكىزىلەتىن دۇنيە جۇزىلىك فۋتبول ساۋىتىنا تالاسۋ جارىسى سولتۇستىك امەريكا قۇرىلىعىندا دابىرالى ورىستەتىلۋدە.
قان قايناپ، جۇرەك وينادى، جارىسقا بايلانىستى ايعاي - سۇرەن توبەنى جارىپ وتكەندەي.
وسى ساتتە ەكراننىڭ الدىنداعى سىزگە شينجياڭنىڭ سۋىق ىشىمدىگىنەن ءبىر ستاكان دايىندالسا، وسى تۇنگى شاتتىقتى ەسەلەپ ارتتىراتىنى انىق.
ماروجني
دوپ كورگەندە جەسەڭىز، ٴسۇتتىڭ حوش ٴيىسى مۇرنىڭىزعا كەلەدى
ٴتۇن ورتاسىندا جارىس كورىپ اسەرلەنىپ تەرشىپ وتىرعاندا، الدىمەن ماروجني جەپ كورىڭىز.
بەيزاتتىق مادەني مۇرا قولونەرى قاتارىنداعى قولمەن ۇستىندە جاسالعان ماروجني سيىر ٴسۇتى، جۇمىرتقامەن جاسالىپ، جەرگىلىكتى ورىنداعى حالىقتىڭ ءسۇيىپ جەيتىن دۇنيەسىنە اينالعان.
ساراڭدوح
شينجياڭعا كەلىپ ”مۇز جەي وتىرىپ، دوپ تاماشالايىق“
مۇز قىرعىش ”شىرت-شىرت“ ەتكىزىپ، مۇز قىرىندىسىن شىنىعا تۇسىرەدى، وعان ايران مەن بال قۇيادى، جاساۋشىنىڭ قوس قولىمەن مۇز بەن شىنىنى ارلى - بەرلى ارالاستىرعانى، جارىس مايدانىنداعى جاتتىقتىرۋشىنىڭ تاكتيكالىق قولباسشىلىعىنان اۋمايدى.
جارىس ارەدىگىندە ساراڭدوحتان ءبىر شىنى ىشسەڭىز، ونىڭ راحاتى بولەك، ونە بويىڭىزعا دەيىن سالقىنداعانداي سەزىم سيلايدى.
كاۋاس
تومەن سپيرتتى ”جەرگىلىكتى سىرا“ اتانعان سۋسىندىق ورتا مايداندا سابىرعا شاقىراتىن اسپاپ سپەتتى.
كاۋاس — شينجياڭدىقتاردىڭ جاز كەشىندە كاۋاپ جەگەندە بىرگە ىشەتىن سۋسىندىعى، كەيبىرەۋلەر ونى ”جەرگىلىكتى ورىننىڭ سىراسى“ دەپ قارايدى، شىنتۋايتىندا، سۋسىن دەپ قاراعان ەڭ ۇيلەسىمدى.
جارىس كورگەن ادام ەرەكشە ”تەبىرەنەدى“، كاۋاستىڭ ٴتاتتى ٴدامى ادامدى تىنىشتاندىرادى. قىلقىلداتا ءبىر جۇتىپ العان ادام، جاتتىقتىرۋشىمەن بىرگە كەلەسى جارىم مايدانداعى ادام اۋىستىرۋ ادىسىنە سابىرلىلىقپەن تالداۋ جاسايدى.
شاۋەشەكتىڭ قارا ورىك ۋراينا سۋسىنى
دوپ كورگەندە ىشسەڭىز جادىراپ قالاسىز
دوپ كورگەن كەزدە، ۇنەمى تەبىرەنىپ، تەرلەيسىز، ءدال وسى كەزدە شاۋەشەكتىڭ قارا ورىك ۋارينا سۋسىنىنان ءبىر ستاكان ءىشىپ الساڭىز، شولىڭىزدى باسىپ، سالقىنداتادى.
شاۋەشەكتىڭ قارا ورىك ۋارينا سۋسىنى — قارا ورىك، ورىك قاعى، مەيىزدى مۇز قانتپەن بىرگە دەن قويا قايناتىپ جاسايدى. ەڭ اۋەلى، قارا ورىك سۋسىنىنان ٴبىر ۇرتتام ٴىشىپ، ونان سوڭ جۇمساق جەمىس ەتىن جەسەڭىز، ٴدامى ءتىل ۇشىندا قالادى.
شينجياڭدا دۇنيە جۇزىلىك فۋتبول ساۋىتىنا تالاسۋ جارىسىن كورگەن كەشتەردە، ماروجني ٴتاتتى ءدام سيلاپ، ساراڭدوح مۇزىمەن سالقىنداتادى، كاۋاس كوڭىل - كۇيىڭىزدى تەجەپ، شاۋەشەكتىڭ قارا ورىك ۋارينا سۋسىندىعى جازدىڭ تاماشا سۋسىندىعى قاتارىندا جادىڭىزدا قالادى.
ٴتورت جىلدا ٴبىر قايتالاناتىن فۋتبول جارىسى سالتاناتىنىڭ ”قىزۋ مارەسى" جارىس الاڭىندا بولسا، سالقىنداي وتىرىپ كورۋگە شينجياڭ لايىقتى.
