− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (5)
□ شينحۋا اگەنتتىگىنىڭ تىلشىلەرى حۋاڭ يۋە، يان فۋجيڭ
”105 جىل قاجىماي ـ تالماي كۇرەس جۇرگىزۋ ارقىلى قۇدىرەتتى جۇڭگو كوممۋنيستىك پارتياسىن سومدادى.“ 7 ـ ايدىڭ 1 ـ كۇنى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ پارتيامىزدىڭ 100 جىلدان استام ۋاقىت كۇرەس جۇرگىزۋىنىڭ ۇلى تابىستارى مەن تاريحي ٴمانىن تەرەڭ اشىپ كورسەتتى.
100 جىلدا شىڭدالىپ، جاپا ـ ماشاقاتتا شۇعىلالى تابىستار جاراتتى. قۇرىلعان كەزدە نەبارى 50 نەشە پارتيا مۇشەسى بار بولۋدان بۇگىنگى تاڭدا ٴبىر ميلليارد 400 ميلليوننان استام حالىق سانى بار ٴىرى ەلگە باسشىلىق ەتكەن دۇنيە جۇزىندەگى ٴبىرىنشى ٴىرى بيلىك باسىنداعى ساياسي پارتيا رەتىندە، جۇڭگو كوممۋنيستىك پارتياسى باستان ـ اياق ٴداۋىردىڭ الدىڭعى لەگىندە ٴجۇرىپ، قيىندىقتاردان قامال الۋدىڭ ەڭ الدىڭعى شەبىندە تۇرىپ، جۇڭگو حالقىنا باسشىلىق ەتىپ تاريحتان وشپەس ورىن الاتىن تاريحي ۇلى ىستەر جاراتىپ، ايبىندى شۇعىلالى ەپوس جازدى ٴارى ٴوزىن الۋەتتەندىردى.
اۋەلگى ماقساتتى، بورىشتى كوزدەپ، ورنىقتى قاداممەن الىستارعا جەتتى −
2026 ـ جىلى 6 ـ ايدىڭ 24 ـ كۇنى، شاندۇڭنىڭ دىجوۋى، كۇن قاپىرىق ىستىق، باس شۋجي شي جينپيڭ وسى اراعا كەلىپ، ەگىنجايدى ارالاپ كولەمدى استىق ەگەتىن ديقان سياقتىلارمەن ەگىس جۇمىسىن كەڭەسىپ، ديقانداردىڭ ۇيىنە بارىپ اڭگىمەلەسىپ، تەرەڭ ىقىلاسپەن بىلاي دەدى: ”ٴبىز اۋەلگى ماقساتتى ۇمىتپاي، بورىشتى ەستە بەرىك ساقتاپ، جاڭا ۇزاق جورىقتى ٴبىر نيەتپەن سەلبەسىپ ويداعىداي باسىپ، اناعۇرلىم نۇرلى بولاشاق اشىپ، حالىقتىڭ تاماشا تۇرمىسقا تالپىنىسىن ۇزدىكسىز قاناعاتتاندىرۋىمىز كەرەك“.
اۋەلگى ماقسات قۇرىشتاي بەرىك بولدى، بورىش الاۋداي جالىندادى. قۇرىلعان كەزدەن باستاپ جۇڭگو كوممۋنيستىك پارتياسى كوممۋنيزمدى ۇلى مۇرات ەتىپ، حالىقتىڭ باقىتىن كوزدەۋدى، ۇلتتىڭ گۇلدەنۋىن كوزدەۋدى اۋەلگى ماقسات، بورىش سانادى.
ماركسيزمگە بولعان سەنىمدى مۇرات ەتۋدەن اينىمادى، سوتسياليزم مەن كوممۋنيزم سەنىمىندە بۇلجىماي تاباندى بولدى، ۇرپاقتار بويى جۇڭگو كوممۋنيستەرى ٴومىر مەن ٴولىم سىناعىندا ەرىك ـ جىگەرىن وزگەرتپەدى، سان ـ ساناقسىز حاۋىپ ـ قاتەر الدىندا العان بەتىنەن قايتپادى.
باس شۋجي شي جينپيڭ بىلاي دەپ تەرەڭ اتاپ كورسەتتى: ”پارتيانىڭ اۋەلگى ماقساتى مەن بورىشى − پارتيانىڭ سيپاتىنىڭ، ٴتۇبىرلى ماقساتىنىڭ، مۇرات ـ سەنىمىنىڭ، كۇرەس نىساناسىنىڭ شوعىرلى بەينەسى، ول پارتيامىزدى ماڭگى اينىماۋعا ىنتالاندىرىپ، پارتيامىزدى قاجىرلىلىقپەن العا باسۋعا جەبەپ كەلەدى“.
حالىقتى باستاپ ”ٴۇش ۇلكەن تاۋدى“ اۋدارىپ تاستاۋدان جالپى بارىستىق حالىق دەموكراتياسىن دامىتىپ، حالىقتىڭ وزىنە ـ ٴوزى قوجايىن بولۋىنا كەپىلدىك ەتۋگە دەيىن؛ بىرىنشىدەن كەدەي، ەكىنشىدەن اق بولۋ نەگىزىندە ىشەر اس، كيەر كيىم ماسەلەسىن نەگىزىنەن شەشۋدى ىلگەرىلەتۋدەن كەدەيلىكتەن ارىلتۋدان قامال الۋ شايقاسىنىڭ جەڭىسىنە ۋاعىندا قول جەتكىزۋگە، جاپپاي دوڭگەلەك داۋلەتتى قوعامدى ۋاعىندا قۇرىپ شىعۋعا، بىرگە بايۋدى تىڭعىلىقتى ىلگەرىلەتۋگە دەيىن...
حالىقتىڭ تىلەگى − جەڭىستىڭ تياناعى. جۇڭگو كوممۋنيستىك پارتياسى ەڭ كەڭ حالىقتىڭ اراسىندا تۇرىپ، باستان ـ اياق وزگەرمەيتىن اۋەلگى ماقسات جانە بورىشپەن مەملەكەتتىڭ دامۋىن، ۇلتتىڭ العا باسۋىن، حالىقتىڭ باقىتىن ۇزدىكسىز تىڭ بەلەستەرگە كوتەردى ٴارى ٴجۇز ميلليونداعان جۇڭگو حالقىنىڭ شىن جۇرەكتەن قولداۋىنا يە بولدى.
رۋحاني ەڭسەسىن كوتەرىپ، اساۋ تولقىنداردان قورىقپادى −
شاڭحاي، تايپيڭحۋ كولىنىڭ جاعاسىنداعى جۇڭگو كوممۋنيستىك پارتياسى 1 ـ قۇرىلتايى ەسكەرتكىش سارايىندا ادامدار قايشالىسادى. 2025 ـ جىلى شامامەن 3 ميلليون 230 مىڭ ادام (رەت) وسى جەرگە كەلىپ، جۇڭگو كوممۋنيستىك پارتياسىنىڭ ”ۇلى باستاماسىمەن“ تانىستى.
تاريح قايدان باستالسا، رۋح سول جەردە تۋىندايدى. پارتيا قۇرىلعاندىعىنىڭ 100 جىلدىعى بايلانىسىمەن باس شۋجي شي جينپيڭ تۇڭعىش رەت ”ۇلى پارتيا قۇرۋ رۋحىن“ العا قويىپ، جۇڭگو كوممۋنيستەرىنىڭ تار جول، تايعاق كەشۋلەردى باسىپ، اسقار تاۋ، اساۋ وزەندەردەن وتۋدەگى رۋحاني قۇپيا سيفرىن ايقىن اشىپ كورسەتتى.
100 نەشە جىلدان بەرى، پارتيامىز سان تاۋقىمەتتى باستان وتكەرسە دە قۇلاماۋدا، تولاسسىز شۇعىلالى تابىستارعا قول جەتكىزسە دە داندايسىماۋدا ”توڭكەرىسكە بارىن سالاتىن قۇدىرەتتى رۋحىنا سۇيەندى“. رۋح بار جەردە جان دا بار، كۇش ـ قۋات تا بار.
جيڭگاڭشان رۋحىنان، ۇزاق جورىق رۋحىنان لەي فىڭ رۋحىنا، داچيڭ رۋحىنا دەيىن، ودان ”حالىق ٴۇشىن قىزمەت ىستەيتىن كومپىستىك، جاڭالىق اشا داميتىن ەگەيلىك، قاجىرلىلىقپەن كۇرەس جۇرگىزەتىن مويىماستىق“ رۋحىنا، ايدى بارلاۋ رۋحىنا دەيىن... جۇڭگو كوممۋنيستىك پارتياسى ۇزاق ۋاقىت كۇرەس جۇرگىزۋ بارىسىندا ۇلى پارتيا قۇرۋ رۋحىن قاينار ەتكەن جۇڭگو كوممۋنيستەرىنىڭ رۋحاني شەجىرەسىن قالىپتاستىرىپ، ۇلتتى گۇلدەندىرۋدىڭ ەڭ مىعىم كۇشى بولىپ قۇيىلىپ، پارتيامىزدىڭ تاريح كوشىندە ەڭسەسىن اسقاق ۇستاپ، الدىڭعى لەكتە جۇرۋىنە تىرەك بولدى.
وزىنە ـ ٴوزى توڭكەرىس جاساۋدى ىلگەرىلەتىپ، تىرشىلىك تىنىسىن ماڭگى ساقتادى −
2026 ـ جىلى 6 ـ ايدىڭ 30 ـ كۇنى ورتالىق كوميتەت ۇيىمداستىرۋ ٴبولىمى جاريالاعان پارتيا ىشىندەگى ەڭ جاڭا ساناق ساندى مالىمەتىندە كورسەتىلۋىنشە، 2025 ـ جىلدىڭ سوڭىنا دەيىن جۇڭگو كوممۋنيستىك پارتياسى مۇشەلەرىنىڭ جالپى سانى 101 ميلليون 286 مىڭ بولىپ، الدىڭعى جىلداعىدان ناق ٴبىر ميلليون 15 مىڭ ارتقان.
توڭكەرىسشىلەر ماڭگى قارتايمايدى. باس شۋجي شي جينپيڭ پارتيامىزدىڭ ”ٴوزىن الۋەتتەندىرۋگە باسا ٴمان بەرىپ، باستان ـ اياق جالىندى ومىرشەڭ كۇشكە تولى بولاتىن“ تاڭداۋلى قاسيەتىن تەرەڭ اشىپ كورسەتتى.
100 نەشە جىلدىق پارتيا تاريحىنىڭ ٴوزى جاماندى داتتاپ، جاقسىنى ماداقتايتىن وزىنە ـ ٴوزى توڭكەرىس جاساۋ تاريحى. توڭكەرىس مەزگىلىنەن تارتىپ بەيبىت داۋىرگە دەيىن، رەفورما جاساۋ، ەسىك اشۋدان گۇلدەنۋگە بەت الۋعا دەيىن پارتيامىز ٴارقايسى مەزگىلدە وزىندىك قۇرىلىسقا باسا ٴمان بەرىپ، پارتيانى قاتاڭ باسقارىپ، قاتاڭ جونگە سالدى.
جاڭا داۋىرگە قادام تاستاعاننان كەيىن، پارتيا ورتالىق كوميتەتى پارتيانى جاپپاي قاتاڭ باسقارۋدى ”ٴتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، پىشاق ٴدۇزىن ىشكە قاراتىپ، سۇيەكتى قىرا وتىرىپ ۋىتتى ايداپ، كۇشتى دارىمەن اۋرۋدى ەمدەپ، قاتاڭ جازا ارقىلى بىلىقپالىقتى وڭاپ، وزىنە ـ ٴوزى توڭكەرىس جاساۋدىڭ ”كەشەندى شاراسىن“ العا قويىپ، تىنىشتىق، بىلىقپالىق، كوركەيۋ، قۇلدىراۋ سىندى تاريحتىڭ قايتالانۋىنان قۇتىلۋدىڭ ەكىنشى جاۋابىن تاۋىپ شىقتى. شي جينپيڭ جولداستى ۇيتقى ەتكەن پارتيا ورتالىق كوميتەتى ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى داۋىرلىك تاقىرىپتى ارقاۋ ەتە وتىرىپ ٴبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭ پارتيا قۇرىلىسى يدەياسىن قالىپتاستىردى.
100 جىلدان استام بوران ـ شاشىندى باستان وتكەردى، اسىرەسە، جاڭا داۋىردەن بەرى، جۇڭگو كوممۋنيستىك پارتياسى توڭكەرىستىك شىڭدالۋ بارىسىندا اناعۇرلىم پارمەندى، اناعۇرلىم ومىرشەڭ كۇشكە تولى بولىپ، جۇڭحۋا ۇلتىنىڭ دەسە دەگەندەي پارمەندى باسشىلىق ۇيتقىسىنا اينالدى.
تار جول، تايعاق كەشۋلەردى باستان وتكەرىپ، كۇرەس جىگەرىن ونان ارى شىڭداپ، سان ـ ساناقسىز سىننان ٴوتىپ، قۇرىشتاي شىڭدالدى.
باس شۋجي شي جينپيڭ سالتاناتتى تۇردە بىلاي دەپ جاريالادى: ”بۇگىنگى تاڭدا پارتيامىز دامىپ الەمدە زور ىقپالعا يە دۇنيە جۇزىندەگى ٴبىرىنشى ٴىرى بيلىك باسىنداعى پارتياعا اينالىپ، حالىقتىڭ شىن جۇرەكتەن قورعاۋىنا جانە قولداۋىنا يە بولدى، ول جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى، ناعىز دەسە دەگەندەي ۇلى، داڭقتى، دۇرىس پارتيا“.
العا باسۋ جولىندا مىعىم تىرەك بولدى، پارتيانىڭ باسشىلىعى قۇرىشتاي بەرىك.
ٴۇش قىساڭ سۋ تاسىمالى جاڭا ارناسى سياقتى كەلەلى ينجەنەريالار قۇرىلىس باستادى، جۇمىستاندىرۋ، وقۋ ـ اعارتۋ، ەنەرگيا سياقتى سالالاردىڭ ”15 ـ بەسجىلدىق“ ارناۋلى جوباسى ىركەس ـ تىركەس جاريالاندى... 2026 ـ جىلدىڭ ورتاسىنا كەلدىك، وڭىرلەر، تاراۋلار پارتيا ورتالىق كوميتەتى بەلگىلەگەن ستراتەگيالىق ورنالاستىرۋدى كوزدەپ، ناقتى شارالارمەن ”15 ـ بەسجىلدىقتا“ تاماشا باستاما اشۋعا قۇلشىنۋدا.
پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ − جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ ٴتۇبىرلى كەپىلى. باس شۋجي شي جينپيڭ بىلاي دەپ باسا دارىپتەدى: ”جاعداي نەعۇرلىم كۇردەلى دە قۇبىلمالى، مىندەت جاپالى دا اۋىر بولعان سايىن، پارتيانىڭ باسشىلىعى سىندى وسى ەڭ ۇلكەن ارتىقشىلىققا سولعۇرلىم ويداعىداي تاباندى بولۋ، ودان ويداعىداي پايدالانۋ، ونى ويداعىداي دامىتۋ كەرەك.“
اسقار تاۋلاردىڭ ايباتى شوقىسىندا، شالقار تەڭىزدەگى ٴۇمىت ماياكتا. كەلگەن جولىمىزعا قايىرىلا قاراساق، پارتيا حالىققا باسشىلىق ەتىپ ماشاقاتتى جولداردى باسىپ ٴوتىپ، وزگەرىس بارىسىندا ەكپىندەي ىلگەرىلەدى، ٴاربىر شىندىق جۇڭگو كوممۋنيستىك پارتياسىنىڭ شەكسىز قۇدىرەتتى باسشىلىق قۋاتقا يە ەكەندىگىن، بوران ـ شاشىنعا جولىققاندا جۇڭگو حالقىنىڭ ەڭ سەنىمدى سۇيەنىشى ەكەندىگىن ٴشۇباسىز دالەلدەدى.
جاڭا جورىققا قادام تاستادىق، اناعۇرلىم جاپالى مىندەت، كەلەلى بورىش ارقالاپ وتىرمىز، ”ەكىنى تۇراقتاندىرۋدىڭ“ شەشۋشى ٴمانىن، ٴسوز جوق، اناعۇرلىم تەرەڭ ٴتۇسىنىپ، ”ەكىنى قورعاۋدى“ اناعۇرلىم باتىل ورىنداپ، پارتيانىڭ جاپپاي باسشىلىعىنا بۇلجىماي تاباندى بولىپ جانە ونى كۇشەيتىپ، جۇڭگوشا سوتسياليزم ىستەرىنىڭ باستان ـ اياق دۇرىس بەتالىسپەن ورنىقتى العا ىلگەرىلەۋىنە شىنايى كەپىلدىك ەتۋىمىز كەرەك.
العا باسۋ جولىندا ەل بىرلىگىنەن قامال تۇرعىزىپ، ىنتىماقتاسا كۇرەس جۇرگىزۋ ارىنى بوگەۋ بەرمەيدى.
”پارتيا ۇيىمى − ەڭ ۇلكەن سۇيەنىشىمىز، پارتيا مۇشەلەرى − ەڭ ۇلكەن بايلىعىمىز. ٴارقانداي قيىنشىلىق الدىندا ٴبىر نيەتپەن ىنتىماقتاسا ىستەسەك قيىن سەزىلمەيدى“. حالىق سارايىندا ”1 ـ شىلدە وردەنىنىڭ“ يەگەرى، جيلين ولكەسى چاڭچۇن قالاسى كۋانچىڭ رايونى چاڭشان حۋايۋان الەۋمەتتىك اۋماعى پارتكومىنىڭ ٴبىرىنشى شۋجيى ۋ ياچيننىڭ سويلەگەن ٴسوزى قاراپايىم دا كۇشتى بولىپ، بۇكىل الاڭدا ۇندەستىك تۋدىردى.
30 نەشە جىل نەگىزگى ساتىدا قىزمەت ىستەۋ بارىسىندا ۋ ياچين حالىق تۇرمىسىنداعى كىشى ـ گىرىم ىستەردى بۇقارانىڭ كوڭىلىنەن شىعاتىنداي ىستەپ، شىن ىقىلاسىمەن كورشىلەردىڭ ٴبىر نيەتپەن ىزگىلىككە ۇمتىلاتىن قۇدىرەتتى كۇشىن ۇيىستىردى. ”الەۋمەتتىك اۋماق كادرلارى بەينە ’لاۋلاعان جالىن‘ سياقتى كوپشىلىكتىڭ جۇرەگىن جىلىتۋى كەرەك.“ ۋ ياچين بىلاي دەدى: ٴبىز، ٴسوز جوق، قالىڭ بۇقارانى پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىرىپ، باستاپ، نەگىزگى ساتى پارتيا ۇيىمىنىڭ جاۋىنگەر قورعانىن ۇزدىكسىز كۇشەيتىپ قۇرىپ، پارتيا مەن حالىقتى اناعۇرلىم ەتەنە ەتۋىمىز كەرەك.
قيىندىقتاردان قامال العان سايىن، ىنتىماق ـ بىرلىك نىعايا تۇسەدى؛ اسۋلاردان اسقان سايىن، قادام سولعۇرلىم بىركەلكى بولادى.
”ميلليونداعان جۇمىسشى ـ شارۋانى وياتىپ، ٴبىر نيەتپەن ىستەيتىن“ توڭكەرىس كەزەڭدەرىنەن رەفورما جاساپ، ەسىك اشۋدىڭ باستاپقى مەزگىلىندە ”ٴبىر نيەتپەن ىنتىماقتاسىپ العا قاراۋعا“ ۇندەۋگە دەيىن، ودان جاڭا داۋىردە پارتيا تۋى استىندا ”قۇرىشتاي“ ىنتىماقتاسۋدى باسا دارىپتەۋگە دەيىن... پارتيا تاريحى − پارتيانىڭ حالىقتى ىنتىماقتاسا كۇرەس جۇرگىزۋگە باستاپ، ۇزدىكسىز جەڭىستەرگە قول جەتكىزگەن كۇرەس جۇرگىزۋ تاريحى.
قيىنشىلىقتاردى ەڭسەرىپ، بوران ـ شاشىندى ۇزاق جولدى باسىپ وتتىك. ۇزدىكسىز كۇرەس جۇرگىزىپ، ارماندى ورىنداۋ، گۇلدەنۋ ساپارىنا اتتاندىق.
جاڭا جورىققا قادام تاستاعاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيامىزدى اناعۇرلىم قۇدىرەتتى ەتىپ سومداپ، حالىقتى ىنتىماقتاستىرىپ، باستاپ، گۇلدەنۋ ەرىك ـ جىگەرىن شىڭداپ، ىنتىماق كۇش ـ قۋاتىن ۇيىستىرىپ، ويدى ٴبىر جەرگە شوعىرلاندىرىپ، كۇشتى ٴبىر جەرگە جۇمساپ، بوران ـ شاشىننان تايسالماي العا ىلگەرىلەسەك، ٴسوز جوق، تىڭ دا ۇلى كۇرەستەر ارقىلى جاڭا تاريحي شۇعىلالى ەڭبەك جاراتاتىن بولامىز.
(شينحۋا اگەنتتىگىنىڭ 7 ـ ايدىڭ 9 ـ كۇنى بەيجيڭنەن بەرگەن حابارى)
