”اقيقاتقا تالپىنۋدى مۇرات ەتىپ، العا باسۋ بەتالىسىن باستان - اياق ءداپ باسىپ يگەردى“
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (6)
□ شينحۋا اگەنتتىگىنىڭ تىلشىلەرى لو شا، فان سىشياڭ
يدەيا − كۇش، اقيقات ساپار جولىن نۇرلاندىرادى.
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ پارتيامىزدىڭ باسقا ساياسي پارتيالار مەن ساياسي كۇشتەر تەڭەسە المايتىن تاڭداۋلى قاسيەتكە يە ەكەندىگىن 6 جاقتان تەرەڭ اشىپ كورسەتتى، مۇنىڭ ىشىندە ”اقيقاتقا تالپىنۋدى مۇرات ەتىپ، العا باسۋ بەتالىسىن باستان - اياق ءداپ باسىپ يگەرۋ“ الدىڭعى ورىنعا قويىلىپ، جۇڭگو كوممۋنيستەرىنىڭ باستان - اياق تاباندى بولىپ كەلگەن بەرىك سەنىمىن ايگىلەدى.
105 جىل بوران - شاشىن مەن جاپا - ماشاقاتتى باستان كەشىرىپ، 105 جىل ىزدەنىپ، كۇرەس جۇرگىزدى. جۇڭگو كوممۋنيستىك پارتياسىنىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ باسىپ وتكەن شۇعىلالى بارىسىنىڭ ءوزى − جۇڭگو كوممۋنيستەرىنىڭ اقيقاتقا تاباندى بولعان، مۇراتىنان اينىماعان ەرلىك داستانى. تاريح پەن اماليات مىنانى تالاسسىز دالەلدەدى: ماركسيزمدىك عىلمي نازاريانىڭ جەتەكشىلىگىنە يە بولۋ − پارتيامىزدىڭ سەنىم - نانىمدى بەكەمدەۋىنىڭ، تاريحي ىرىقتىلىقتى يگەرۋىنىڭ ءتۇبىرلى تياناعى.
اقيقات تۋىن بيىك ۇستاپ، قاجىماي - تالماي ىزدەنىس جاساۋ بارىسىندا ءومىردىڭ دۇرىس جولىمەن مىزعىماي ءجۇردى.
جۇڭگو كوممۋنيستىك پارتياسى تاريحى كورمە سارايى الاڭىندا قاسقايا بوي سوزىپ تۇرعان «سەنىم» اتتى ءمۇسىن كوپتەگەن ەكسكۋرسيالاۋشىنى ايالداپ بىرگە سۋرەتكە تۇسۋگە باۋرادى.
سەنىم كۇشى اقيقات جولىندا ىزدەنىس جاساۋدان كەلگەن. پارتيامىز دۇنيەگە كەلگەن كۇننەن باستاپ ماركسيزمدى ءوزىنىڭ تۋىنا ايشىقتاپ جازىپ، ماركسيزمدى سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ قۇدىرەتتى يدەيالىق قارۋى ەتتى.
مەملەكەتتى، حالىقتى قۇتقارۋ جولىندا ىزدەنىس جاساپ، قايتا - قايتا ساتسىزدىككە جانە جەڭىلىسكە ۇشىراعان سوناۋ جىلداردا ماركسيزم عىلمي سوتسياليزمنىڭ اقيقات نۇرىمەن قات - قابات سوقىر تۇماندى سەيىلتىپ، ازاپ - توزاپتى كوپ كورگەن كونە جۇڭگوعا، بەينە، كەنەزەسى كەۋىپ جاتقان جەرگە ىرىس جاۋىنى جاۋعانى سياقتى ءۇمىت ۇشقىنىن اكەلدى.
2012 - جىلى 11 - ايدا مەملەكەتتىك مۇراجايدا «گۇلدەنۋ جولى» كورمەسىن ەكسكۋرسيالاعاندا، باس شۋجي شي جينپيڭ كوپشىلىككە چىن ۋاڭداۋدىڭ «كوممۋنيستىك پارتيا جارناماسىن» اۋدارعان كەزدە قارا سيانى ابايسىزدا قارا شەكەر سۋى ەكەن دەپ ءىشىپ قويعان اڭگىمەسىن ايتىپ بەردى: ”اقيقاتتىڭ ءدامى ەرەكشە ءتاتتى“.
اقيقاتتىڭ ءدامى نەلىكتەن ءتاتتى؟ ماركسيزم − عىلمي نازاريا، ول تابيعات دۇنيەسى، ادامزات قوعامى، ادامزات ويى دامۋىنىڭ جالپىعا بىردەي زاڭدىلىعىن تەرەڭدەي اشىپ، ادامزات قوعامىنىڭ دامۋىنا، العا باسۋىنا ايقىن بەتالىس كورسەتتى.
لي داجاۋدىڭ ”ومىردەگى ەڭ اسقاق ارمان − اقيقات جونىندە ىزدەنىس جاساۋ“ دەگەنىنەن فاڭ جىميننىڭ ”ءبىز سەنەتىن يزم − الەمنىڭ اقيقاتى“ دەگەنگە دەيىن... جۇڭگو كوممۋنيستەرى ۇرپاقتار بويى ءبىرىنىڭ ءىزىن ءبىرى باسىپ، ارمان مەن بورىش جولىندا ولىمگە باسىن ءباي تىگىپ، اقيقاتقا تالپىنۋدى مۇرات ەتۋدەن جازبادى.
ءجۇز نەشە جىلدان بەرى پارتيامىز ىلگەرىندى - كەيىندى ماۋ زىدۇڭ يدەياسىن، دىڭ شياۋپيڭ نازارياسىن جاراتىپ، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن قالىپتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاراتىپ، پارتيا مەن حالىق ىستەرىندە ۇزدىكسىز جاڭا جاعداي اشۋعا جەتەكشىلىك ەتتى.
2017 - جىلى 10 - ايدا پارتيا 19 - قۇرىلتايى شي جينپيڭ جاڭا ءداۋىر جۇڭگوشا سوتسياليزم يدەياسىن پارتيا، ءسوز جوق، ۇزاق ۋاقىت تاباندى بولاتىن جەتەكشى يدەيا ەتىپ تۇراقتاندىردى ءارى پارتيا ۋستاۆىنا ەنگىزدى. پارتيانىڭ شۇعىلالى تۋى اناعۇرلىم جارقىراعان اقيقات نۇرىن شاشىپ، جاڭا ءداۋىردىڭ جاڭا جورىعىنا كۇشتى جەتەكشىلىك ازىرلەدى.
اقيقاتتىڭ نۇرىنان ءنار الىپ، ءداۋىر امالياتىندا نازاريالىق جاڭالىق اشۋدى تەرەڭدەتتى.
يۋەلۋشان تاۋى باۋرايىندا مىڭ جىلدىق ءبىلىم ورداسىندا وقىتۋ جۇمىسى اۋەلگىدەي جالعاسۋدا. 2020 - جىلى 9 - ايدا باس شۋجي شي جينپيڭ يۋەلۋ ءبىلىم ورداسىنا كەلىپ، ”شىندىقتى ءىس جۇزىنەن ىزدەۋ“ دەگەن ماڭدايشالىققا كوز تاستاپ، ۇزاق ويعا شومدى.
”كوممۋنيستىك پارتيا قالاي تابىسقا جەتتى؟ سوناۋ جىلدارداعى شىكۋمىنداعى، نانحۋ كولىندەگى سول قايىقتاعى سول ون نەشە ادامنان بۇگىنگى وسى دەڭگەيگە جەتتىك. وسى ارالىقتاعى باسىپ وتكەن جولدى، ءسوز جوق، انىق ءتۇسىنۋ، اقيقاتتى، ءسوز جوق، جەرگىلىكتەندىرۋ كەرەك“.
وق جاڭبىرشا جاۋعان سوعىس جىلدارىنان قاجىرلىلىقپەن شارۋاشىلىق قۇرىپ، قۇرىلىس جۇرگىزۋگە دەيىن؛ رەفورمانىڭ اساۋ تولقىنىندا ەرلىكپەن العا ىلگەرىلەۋدەن جاڭا داۋىردە قۇلاشىن كەڭ جايعانعا دەيىن... 100 نەشە جىلدان بەرى پارتيامىز يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا، شىندىققا جۇگىنىپ ناقتى ءىس ىستەۋگە تاباندى بولىپ، قوعامدىق قايشىلىق قوزعالىسى بارىسىندا اقيقاتتى اشىپ كورسەتۋگە جانە قولدانۋعا باسا ءمان بەرىپ، اماليات بارىسىندا اقيقاتتى تەكسەرۋگە جانە دامىتۋعا شەبەر بولىپ، ماركسيزمنىڭ جۇڭگو بايتاق دالاسىندا اناعۇرلىم كۇشتى، اناعۇرلىم يلاندىرۋ قۋاتىنا يە اقيقات كۇشىن كورسەتۋىنە مۇمكىندىك جاسادى.
ماركسيزم جۇڭگونى تەرەڭدەي وزگەرتتى، جۇڭگو دا ماركسيزمدى ەرەكشە بايىتتى.
جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا باس شۋجي شي جينپيڭ ”ەكىمەن ۇشتاستىرۋ“ كەلەلى تۇجىرىمىن ايقىن العا قويىپ، ماركسيزمنىڭ جۇڭگودا جاڭالىق اشا دامىتىلۋىنىڭ ىشكى مەحانيزمىن ءتۇسىندىردى.
”’ەكىنشى ۇشتاستىرۋ‘ تاعى ءبىر رەتكى يدەيانى ازات ەتۋ“ بولدى، مادەنيەتتى جالعاستىرۋ، دامىتۋ اڭگىمە ماجىلىسىندە باس شۋجي شي جينپيڭ ”ەكىنشى ۇشتاستىرۋدىڭ“ مايەكتى ءمانىن تەرەڭ اشىپ كورسەتىپ، پارتيامىزدىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋ زاڭدىلىعى جونىندەگى تانىمىن ونان ارى كەڭەيتىپ جانە تەرەڭدەتىپ، جاڭا تاريحي باستامادا پارتيانىڭ نازاريادا جاڭالىق اشۋىن ۇزدىكسىز ىلگەرىلەتۋگە عىلمي جەتەكشىلىك ازىرلەدى.
عىلىمعا عىلمي پوزيتسيامەن مامىلە جاساپ، اقيقات رۋحىمەن اقيقاتقا تالپىندى.
”ون تورتكە تاباندى بولۋ“، ”التى نازاريالىق قاسيەت“... ”1 - شىلدە“ قارساڭىندا مەملەكەتتىك پارتيا قۇرىلىسى قىزمەتى اڭگىمە ءماجىلىسى شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندە قىزمەت ورنالاستىرۋىن جاسادى. شي جينپيڭ پارتيا قۇرىلىسى يدەياسى − جاڭا داۋىردەگى پارتيانى قۇدىرەتتەندىرۋدىڭ، مەملەكەتتى قۇدىرەتتەندىرۋدىڭ تاريحي بارىسىندا قالىپتاسقان عىلمي نازاريا، ونىڭ اقيقات كۇشى مەن اماليات ۇلى كۇشى تولىق تەكسەرۋدەن ءوتىپ، جاڭا جورىقتا 100 جىلدىق ءىرى پارتيانىڭ پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋدىڭ تىڭ ءورىسىن ۇزدىكسىز اشۋىنا ءتۇبىرلى بويسۇنۋ ولشەمىن جانە ارەكەت باعدارناماسىن ازىرلەپ بەردى.
نازاريانىڭ ومىرشەڭ كۇشى جاڭالىق اشۋدا. شي جينپيڭ پارتيا قۇرىلىسى يدەياسى، شي جينپيڭ ەكونوميكا يدەياسى، شي جينپيڭ زاڭمەن باسقارۋ يدەياسى، شي جينپيڭ مادەنيەت يدەياسى، شي جينپيڭ ەكولوگيالىق وركەنيەت يدەياسى، شي جينپيڭ ارميانى قۇدىرەتتەندىرۋ يدەياسى، شي جينپيڭ ديپلوماتيا يدەياسى، جالپى تۇلعالىق مەملەكەت حاۋىپسىزدىگى كوزقاراسى سياقتىلارمەن بىرگە شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي نازاريالىق جۇيەسىنىڭ بايۋىن جانە كەمەلدەنۋىن بىرگە ىلگەرىلەتتى.
نازاريادا جاڭالىق اشۋدى داۋىرمەن بىرگە ىلگەرىلەتىپ، اناعۇرلىم قۇدىرەتتى اقيقات كۇشىن يگەردى. شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، پارتيامىز بۇكىل ەلدەگى ءار ۇلت حالقىنا باسشىلىق ەتىپ، جاڭا داۋىردە جاڭا شۇعىلالى تابىستاردى ۇزدىكسىز جاراتتى.
اقيقات كۇشىن ايگىلەپ، ۇلى ىستەردى ىستەۋ بارىسىندا ارشىندى قاداممەن كەۋدە كەرە العا تارتتى.
ماركسيزم ەجەلدەن سورەگە ءتىزىپ قوياتىن نازاريا ەمەس، قايتا جۇڭگونىڭ كەڭ - بايتاق دالاسىنا تامىر تارتقان، حالىقتىڭ ارمان - تىلەگىنە جاۋاپ قايتاراتىن عىلمي اقيقات.
اتاق - داڭق توعىسىپ، جۇلدىزدار جارقىرادى. 7 - ايدىڭ 8 - كۇنى حالىق سارايىندا ”15 - بەسجىلدىقتىڭ“ باستاما جىلىنداعى عىلىم - تەحنولوگيا سالتاناتتى جينالىسى وتكىزىلدى، باس شۋجي شي جينپيڭ جينالىسقا قاتىناسىپ، مەملەكەتتىك ەڭ جوعارى عىلىم - تەحنولوگيا سيلىعىنىڭ يەگەرلەرى قاتارلىلارعا سيلىق بەردى ءارى ماڭىزدى ءسوز سويلەدى.
جاساندى زەردە، كۆانتتىق عىلىم - تەحنولوگيا، تىرشىلىك عىلىمى، زات عىلىمى... جاڭا داۋىردە عىلىم - تەحنولوگيا العاباسارلىعى كۇن سايىن جاڭالانۋدا. باس شۋجي شي جينپيڭنىڭ عىلىم - تەحنولوگيادا جاڭالىق اشۋ جونىندەگى ءبىر قىدىرۋ جاڭا يدەياسى، جاڭا كوزقاراسى، جاڭا تۇجىرىمى ماركسيزمدىك عىلىم - تەحنولوگيا كوزقاراسىنىڭ عىلىم - تەحنولوگيانىڭ رولى جونىندەگى تانىمىن بارىنشا كەڭەيتىپ جانە تەرەڭدەتىپ، ەلىمىزدىڭ عىلىم - تەحنولوگيا ناقتى قۋاتىنىڭ ماندىك سەكىرۋدى جۇزەگە اسىرۋىنا جەتەكشىلىك ەتتى.
نازاريانىڭ قۇنى امالياتقا جەتەكشىلىك ەتۋدە، اقيقاتتىڭ كۇشى العا باسۋعا جەتەكتەۋدە.
ەكونوميكانىڭ دامۋ زاڭدىلىعىن، اۋقىمىن عىلمي يگەرىپ، جاڭا دامۋ ۇستانىمى ارقىلى جوعارى ساپالى دامۋعا جەتەكشىلىك ەتتى؛ تۇنىق سۋ، جاسىل تاۋ − باعالى بايلىق ۇستانىمىنا تاباندى بولىپ، كورىكتى جۇڭگونىڭ جاندى كارتيناسىن سالدى؛ حالىقتى وزەك ەتكەن دامۋ يدەياسىن امالياتتا ايگىلەپ، جالپى حالىقتىڭ بىرگە بايۋىن ىلگەرىلەتۋدە نىق قادام تاستادى؛ ادامزات تاعدىرلاس ورتاق تۇلعا تۋىن بيىك ۇستاپ، جۇڭگوشا ءىرى ەل ديپلوماتياسىنىڭ جاڭا جاعدايىن اشتى...
ەلىمىزدىڭ رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى باسقارۋ، مەملەكەتتى باسقارۋ، ارميانى باسقارۋ سياقتى ءتۇرلى سالالارداعى ءبىر قىدىرۋ جاڭا دا كۇردەلى تاقىرىپتارعا ءدوپ كەلگەندە، پارتيامىز ۇزدىكسىز جاڭا نازاريامەن جاڭا امالياتقا جەتەكشىلىك ەتىپ، پارتيا مەن حالىق ىستەرىنىڭ دۇرىس بەتالىسپەن العا ىلگەرىلەۋىنە شىنايى كەپىلدىك ەتتى.
ساپار نۇر سياقتى، اقيقات الاۋ ىسپەتتى.
”امالياتتىڭ دامۋى شەكسىز، ءبىزدىڭ اقيقاتتى تانۋ، نازاريادا جاڭالىق اشۋىمىز دا شەكسىز“.
اقيقات الاۋىنا ىلەسىپ، سەنىم نەگىزىن بەكەمدەپ، ستراتەگيالىق قىراعىلىقتى ساقتادىق. اۋمالى - توكپەلى ءداۋىر وزگەرىسىندە ”داۋىلدى تولقىندار سوقسا دا، مىزعىماي قاسقايىپ تۇرىپ“، دامۋدىڭ ىرىقتىلىق ۇقىعىن مىقتاپ يگەرىپ، باستان - اياق اۋەلگى ماقسات باعدارىنان جازبادىق.
اقيقات الاۋىنا ىلەسىپ، مىزعىماس ەرىك - جىگەرمەن ۇدەرە العا تارتىپ، تانىم مەن ارەكەتتىڭ بىرلىگىنە تاباندى بولدىق. شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە تاباندى بولىپ، قيىندىقتان قامال الۋدىڭ، ناقتى ىستەپ مەملەكەتتى كوركەيتۋدىڭ تەلەگەي كۇشىن توپتاپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋدىڭ ءتىپتى دە تارتىمدى داستانىن ۇزدىكسىز جازايىق!
(شينحۋا اگەنتتىگىنىڭ 7 - ايدىڭ 10 - كۇنى بەيجيڭنەن بەرگەن حابارى)
