”حالىققا تەرەڭ تامىر تارتىپ، باستان - اياق بەرىك نەگىزگە يە بولدى“
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (7)
□ شينحۋا اگەنتتىگىنىڭ تىلشىلەرى ان بەي، ۋاڭ يۇيشياۋ
”پارتيامىز بيلىك دەگەنىمىز حالىق، حالىق دەگەنىمىز بيلىك ەكەنىن ەستە بەرىك ساقتاپ، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولىپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىن سانالىلىقپەن امالياتتا ايگىلەپ، تاباندىلىقپەن حالىق بۇقاراسىمەن بىرگە بولىپ، بىرگە ويلاپ، بىرگە ىستەپ، ءارقانداي داۋىلدى تولقىن شايقالتا المايتىن بەرىك نەگىزگە يە بولدى“.
باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى سوزىندە پارتيامىزدىڭ ”حالىققا تەرەڭ تامىر تارتىپ، باستان - اياق بەرىك نەگىزگە يە بولدى“ دەگەن وسى تاڭداۋلى قاسيەتىن تەرەڭ بايىمداپ، عاسىرلىق ءىرى پارتيانىڭ باياندى گۇلدەنۋىنىڭ كۇش قاينارىن ايقىن اتاپ كورسەتتى.
”حالىققا تەرەڭ تامىر تارتۋ“ ماركسيزمدىك ساياسي پارتيانىڭ ءتۇبىرلى ساياسي تۇرعىسىن ايگىلەدى −
ماركسيزم − حالىقتىڭ نازارياسى، ول حالىقتىڭ ءوز ازاتتىعىن جۇزەگە اسىرۋىنىڭ يدەيالىق جۇيەسىن تۇڭعىش رەت ورناتتى. باس شۋجي شي جينپيڭ بىلاي دەپ اتاپ كورسەتتى: ”ماركسيزمنىڭ مەملەكەت اتتاعان، ءداۋىر اتتاعان ىقپالعا يە بولۋىنىڭ سەبەبى، ونىڭ حالىقتىڭ اراسىنا تامىر تارتىپ، حالىققا سۇيەنىپ تاريحتىڭ العا باسۋىن ىلگەرىلەتەتىن دۇرىس جولدى ايقىن كورسەتكەندىگىندە“.
حالىقتىق سيپات − ماركسيزمنىڭ ەڭ ايقىن قاسيەتى. باستان - اياق حالىقپەن بىرگە بولۋ، حالىقتىڭ مۇددەسى ءۇشىن كۇرەس جۇرگىزۋ − ماركسيزمدىك ساياسي پارتيانىڭ باسقا ساياسي پارتيالاردان ءتۇبىرلى پارقى.
جۇڭگو كوممۋنيستىك پارتياسى دۇنيەگە كەلىسىمەن جۇڭگو حالقىنىڭ باقىتىن كوزدەۋدى، جۇڭحۋا ۇلتىنىڭ گۇلدەنۋىن كوزدەۋدى ءوزىنىڭ اۋەلگى ماقساتى، بورىشى ەتىپ تۇراقتاندىردى. پارتيا 7 - قۇرىلتايىندا ماقۇلدانعان پارتيا ۋستاۆىندا: ”جۇڭگو كوممۋنيستەرىندە، ءسوز جوق، بۇكىل ىنتا - پەيىلىمەن جۇڭگو حالقى ءۇشىن قىزمەت ىستەيتىن رۋح بولۋى كەرەك“ دەپ ايقىن بەلگىلەندى. 105 جىل قايراتتانا ەكپىندەي ىلگەرىلەگەن جۇڭگو كوممۋنيستىك پارتياسى باستان - اياق حالىق تۇرعىسىن ءتۇبىرلى تۇرعى، حالىقتىڭ باقىتىن كوزدەۋدى ءتۇبىرلى بورىش ەتىپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى باس ماقساتىنا تاباندى بولىپ، جۇڭگو حالقىن باستاپ تاريحي ىرىقتىلىق رۋحىمەن تاريحي ۇلى ىستەر جاراتتى.
حالىقتى بارىنەن جوعارى قويۋعا تاباندى بولۋ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ قۇن نەگىزىن قالىپتاستىردى.
جەرگىلىكتى ورىندارعا بارىپ تەكسەرۋ - زەرتتەۋ جۇرگىزگەندە، باس شۋجي شي جينپيڭ ۇنەمى بۇقارانىڭ ۇيىنە بارىپ، حالىقتىڭ قاجەتىن ۇعىسىپ، حالىقتان اقىل سۇراپ وتىردى. ەل باسقارۋدىڭ قاربالاس كۇن تارتىبىندە حالىقتىڭ حال - جاعدايى باستان - اياق باس شۋجيدىڭ ەڭ تەرەڭ كوڭىل بولەتىن ءىسى بولدى.
”مەن ءوزىمدى ۇمىتا ىستەپ، حالىقتىڭ ءۇمىتىن اقتايمىن“، ”حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز“، ”حالىق دەگەنىمىز بيلىك، كوممۋنيستىك پارتيا ەل بيلەيدى، وتاندى قورعايدى، حالىقتىڭ قامىن ويلايدى، مۇنداعى ماقسات − حالىقتى جاقسى تۇرمىسقا كەنەلتۋ“...
حالىق كوسەمىنىڭ حالىققا شىنايى سۇيىسپەنشىلىگى عاسىرلىق ءىرى پارتيانىڭ قۇن ماقساتىن ايگىلەدى.
”حالىققا تەرەڭ تامىر تارتۋ“ جۇڭگو كوممۋنيستىك پارتياسىنىڭ 100 نەشە جىلدىق كۇرەس جۇرگىزۋ جورىعىنا سىڭىرىلگەن −
100 جىلدان استام ۋاقىتتان بەرگى قۇلاشىن كەڭ جايعان جورىقتا، پارتيامىزدىڭ بوران - شاشىندى باستان كەشىرىپ، قۇرىشتاي شىڭدالىپ، جەڭىمپاز بولۋىنداعى سەبەپ، حالىقتى باستان - اياق ”قاينار“ جانە ”نەگىز“ ەتىپ، حالىق اراسىنا تەرەڭ تامىر تارتقاندىعىندا.
ۇزاق جورىق جولىنداعى قىزىل ارميانىڭ شاقايىنان حۋايحاي شايقاسىنداعى قول ارباعا دەيىن؛ جاپون شاپقىنشىلارىنا قارسى سوعىس كەزىندەگى ”بۇكىل ەلدەگى بۇقارانى اتتانىسقا كەلتىرىپ، جاۋدى تاس - تالقان ەتىپ تۇرالاتاتىن تەلەگەي كۇش قالىپتاستىرۋدان“ رەفورما جاساپ، ەسىك اشقان كەزدەگى شياۋگاڭ قىستاعىنىڭ تۇرعىندارى قولتاڭباسىن باسىپ، اۋىل - قىستاق رەفورماسىنىڭ شىمىلدىعىن اشقانعا دەيىن؛ بەس دارەجەلى شۋجيلەر كەدەيلەردى سۇيەمەلدەۋدى يگەرىپ، بۇكىل پارتيا اتتانىسقا كەلىپ، قامال الۋدى جەبەپ، حالىقتى باستاپ ادامزات تاريحىنداعى كولەمى ەڭ زور كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋدەن جاڭا جورىقتا ”ويدى ءبىر اراعا شوعىرلاندىرىپ، كۇشتى ءبىر اراعا جۇمساۋ“ سىندى ىنتىماقتاسا كۇرەس جۇرگىزۋگە دەيىن...
حالىقتىڭ كۇشى شوعىرلانا قالسا، بۇرىنعى بەت - بەينەنى تۇبەگەيلى وزگەرتەتىن ۇلى كۇشكە اينالادى. ءجۇز ميلليونداعان حالىق كوتەرگەن قىزىل قايىق اساۋ اعىستى، قاتەرلى قايراڭدى كەسىپ ءوتىپ، جۇڭگونىڭ ورنىقتى قاداممەن الىسقا جەتۋىنە جول باستاعان ايباتتى الىپ كەمەگە اينالدى.
بۇگىنگى دۇنيەدە كەيبىر ەلدەردىڭ ساياسي پارتيالارى حالىقتى سايلاۋ قۇرالى جانە ساياسي بەلدەسۋدىڭ ءتاسىلى دەپ قاراعان كەزدە، جۇڭگو كوممۋنيستىك پارتياسى باستان - اياق ”حالىق بۇقاراسى − ءبىزدىڭ كۇش - قۋاتىمىزدىڭ قاينارى“، ”جاپپاي سوتسياليستىك وسىزاماندانعان قۇدىرەتتى ەل قۇرۋدا حالىق − شەشۋشى كۇش“ دەگەنگە كامىل سەندى.
بانگلادەش «جاڭا مەملەكەت گازەتى» بىرنەشە كۇننىڭ الدىندا ماقالا جاريالاپ بىلاي دەدى: ءبىر ساياسي پارتيا بەينە ءبىر ورگانيكالىق تۇلعا، ونىڭ ومىرشەڭ كۇشى حالىقتىڭ نارلەندىرۋىنەن كەلەدى. تاريحتا حالىقتان قول ۇزگەن ساياسي پارتيالار ەڭ سوڭىندا قۇرىپ - جوعالۋعا بەت الدى؛ ال جۇڭگو كوممۋنيستىك پارتياسىنىڭ حيكايالارى بۇعان ۇقسامايدى − پارتيا قۇرىلعان 105 جىلدان بەرى ول ءالى دە حالىقتان تولاسسىز كۇش - قۋات الىپ كەلەدى.
”حالىققا تەرەڭ تامىر تارتۋ“ ”تاباندىلىقپەن حالىق بۇقاراسىمەن بىرگە بولۋ، بىرگە ويلاپ، بىرگە ىستەۋ“ ۇلى امالياتىندا ايگىلەندى −
7 - ايدىڭ 1 - كۇنى تۇستەن بۇرىن بەيجيڭ حالىق سارايىندا باس شۋجي شي جينپيڭ ”1 - شىلدە وردەنىنىڭ“ يەگەرلەرىنە وردەن بەردى.
”1 - شىلدە وردەنىنىڭ“ يەگەرلەرى پارتيا مەن حالىق ىستەرىنە وزىندەگىنىڭ ءبارىن ارناپ، حالىقتىڭ مۇددەسى ءۇشىن قاجىماي - تالماي كۇرەس جۇرگىزىپ، ناقتى ىستەۋ، قاجىرلىلىقپەن ىستەۋ ارقىلى كوممۋنيستەردىڭ اۋەلگى ماقساتىن، بورىشىن ءتۇسىندىرىپ، جۇڭگو كوممۋنيستەرىنىڭ بارلىعىندا حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولاتىن ايقىن قاسيەتىن جاندى ايگىلەدى.
پارتيانىڭ نەگىزى حالىقتا، جان تامىرى حالىقتا، كۇشى حالىقتا.
105 جىلدىق ازاپ پەن بەينەتتە، شۇعىلادا پارتيامىز حالىققا بەرىك سۇيەنىپ، تار جول، تايعاق كەشۋلەردەن ءوتىپ، ارت - ارتىنان جەڭىسكە قول جەتكىزدى. جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى، بۇعان پارتيا مەن حالىق بىرگە ايانباي ەڭبەك ەتۋ، ىستەۋ، كۇرەس جۇرگىزۋ ارقىلى قول جەتتى.
جاڭا ءداۋىردىڭ جاڭا جورىعىندا شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتى وزەك ەتكەن دامۋ يدەياسىنا تاباندى بولىپ، حالىقتى بارىنەن جوعارى قويۋعا تاباندى بولىپ، حالىقتىڭ باقىتىن ءتىپتى دە جاقسى كوزدەپ، حالىققا سۇيەنىپ تاريحي ۇلى ىستەر جاراتتى.
”15 - بەسجىلدىق“ جوبا باعدارلاماسىن اشساڭىز، ەكونوميكالىق، قوعامدىق دامۋدىڭ 20 ءتۇرلى نەگىزگى كورسەتكىشىنىڭ ىشىندە حالىق تۇرمىسى قۇت - ىرىسى تۇرىندەگىلەردىڭ سالىستىرماسى ۇشتەن بىرىنەن اسىپ، 109 كەلەلى ينجەنەريا نىسانىنىڭ ىشىندە حالىق تۇرمىسى ينجەنەرياسى 25كە جەتتى. الداعى 5 جىلداعى ايبىندى جوبادا ”حالىق“ دەگەن ءسوز اسا ماڭىزدى.
حالىقتى وزەك ەتۋدى باستان - اياق ەل باسقارۋدىڭ تۇتاس بارىسىنا ءسىڭىردى. باس شۋجي شي جينپيڭ: ”حالىقتى باقىتقا كەنەلتۋ − جالپى ءۇشىن پارتيا قۇرۋدىڭ، حالىق ءۇشىن بيلىك جۇرگىزۋدىڭ ماندىك تالابى“ دەپ اتاپ كورسەتتى. جۇڭگو كوممۋنيستىك پارتياسى باستان - اياق حالىقتى بارىنەن جوعارى قويۋ − پارتيانىڭ ءتۇبىرلى ساياسي تۇرعىسى، ەلىمىزدىڭ ەكونوميكالىق، قوعامدىق دامۋىنىڭ ءتۇبىرلى قۇن بەتالىسى دەگەنگە تاباندى بولىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا باسا ءمان بەرىپ، حالىق تۇرمىسىنىڭ قاجەتىن قاناعاتتاندىرۋ بارىسىندا دامۋ ءورىسىن كەڭەيتىپ، وسىزامانداندىرۋ قۇرىلىسىنىڭ جەتىستىكتەرىنەن جالپى حالىقتى اناعۇرلىم كوپ، اناعۇرلىم ءادىل يگىلىكتەندىردى.
حالىقتىڭ نەگىزگى تۇلعالىق ورنىنا باستان - اياق تاباندى بولدى. جۇڭگو كوممۋنيستىك پارتياسىنىڭ بارلىق بيلىك جۇرگىزۋ قيمىلى، جۇڭحۋا حالىق رەسپۋبليكاسىنىڭ بارلىق باسقارۋ قيمىلى تۇگەلدەي حالىقتىڭ نەگىزگى تۇلعالىق ورنىنا، حالىقتىڭ ءتول جاسامپازدىق رۋحىنا قۇرمەت ەتىپ، قالىڭ حالىق بۇقاراسىنىڭ بەلسەندىلىگىن، ىرىقتىلىعىن، جاسامپازدىعىن تولىق ساۋلەلەندىرىپ، ”ساياسي اقىل - پاراساتتى ارتتىرۋدى، ەل باسقارۋ قابىلەتىن كۇشەيتۋدى حالىقتىڭ جاسامپازدىق امالياتىندا تەرەڭ تامىر تارتتىردى“.
حالىقتىڭ قولداعان - قولداماعاندىعىن، قۇپتاعان - قۇپتاماعاندىعىن، قۋانعان - قۋانباعاندىعىن، قوسىلعان - قوسىلماعاندىعىن باستان - اياق بارلىق قىزمەتتىڭ جاقسى - جاماندىعىن ولشەۋدىڭ ءتۇبىرلى ولشەمى ەتتى. حالىقتىڭ تاماشا تۇرمىسقا تالپىنىسىن باستان - اياق اينىماس كۇرەس نىساناسى ەتىپ، دۇرىس ناتيجە كوزقاراسىن ورناتىپ جانە امالياتتا ايگىلەپ، حالىق ءۇشىن ناتيجە شىعارۋعا، ناقتى ءىس ىستەۋ ارقىلى ناتيجە شىعارۋعا تاباندى بولىپ، امالياتتىڭ، حالىقتىڭ، تاريحتىڭ سىنىنان وتە الاتىن ناقتى ناتيجە جاراتۋعا قۇلشىندى.
”حالىق − تاريحتى جاراتۋشى، ناعىز قاھارمان“.
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا حالىق كوسەمىنىڭ حالىق جونىندەگى تەرەڭ سۇيىسپەنشىلىككە تولى القاۋى جۇڭگو كوممۋنيستىك پارتياسىنىڭ باستان - اياق وزگەرمەيتىن اۋەلگى ماقساتى مەن بورىشىن ايگىلەدى.
”حالىققا تەرەڭ تامىر تارتىپ، باستان - اياق بەرىك نەگىزگە يە بولدى“، بۇل جۇڭگو كوممۋنيستىك پارتياسىنىڭ 100 جىلدان استام ۋاقىتتان بەرگى بوران - شاشىندى ساپارداعى تەرەڭ تولعانىسى، ونان دا ماڭىزدىسى، پارتيانىڭ جۇڭگو حالقىن باستاپ بولاشاققا بەت الۋىنداعى ءتۇبىرلى بويسۇنۋ ولشەمى. مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا پارتيامىز باستان - اياق حالىق بۇقاراسىمەن ەتەنە بايلانىستى ساقتاپ، حالىقپەن جاپا - ماشاقاتتا بىرگە بولسا، حالىقپەن تىلەكتەس بولسا، پارتيا مەن حالىق ىستەرى، ءسوز جوق، سارقىلماس كۇش - قۋات قاينارىنا يە بولادى.
(شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى)
