”تاريحي بورىشتى باتىلدىقپەن ارقالاپ، باستان - اياق ستراتەگيالىق ىرىقتىلىقتى يگەردى“
− باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (8)
□ شينحۋا اگەنتتىگىنىڭ تىلشىلەرى جاڭ شينشين، تاڭ شىنيڭ
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ پارتيامىزدىڭ باسقا ساياسي پارتيالار مەن ساياسي كۇشتەر تەڭەسە المايتىن 6 جاقتاعى تاڭداۋلى قاسيەتىن تەرەڭ بايىمدادى، ”تاريحي بورىشتى باتىلدىقپەن ارقالاپ، باستان - اياق ستراتەگيالىق ىرىقتىلىقتى يگەرۋ“ − ءدال وسىلاردىڭ ءبىرى.
100 نەشە جىلدىق جورىقتا بوران - شاشىن مەن سىناقتار ەشقاشان تولاستاعان ەمەس. ءار رەتكى تاريحي بۇرىلىستا، ءاربىر شەشۋشى وتكەلدە پارتيامىز باستان - اياق اۋەلگى ماقساتتى، بورىشتى كوزدەپ، وزگەرىستى تانۋ، وزگەرىسكە توتەپ بەرۋ، وزگەرىسكە ۇمتىلۋ سانالىلىعى مەن قابىلەتى ارقىلى قيىن وتكەلدەن ءوتىپ، حاۋىپ - قاتەردى جەڭىپ، سىن - سايىستارعا توتەپ بەرىپ، تاريحي ىرىقتىلىقتى مىقتاپ يگەرۋدىڭ ايبىندى جاۋابىن جازدى.
وسى قۇپيا سيفردى تۇسىنگەندە عانا عاسىرلىق ءىرى پارتيانىڭ قالايشا بوران - شاشىندى باستان كەشىرسە دە باستان - اياق كەمەل شاقتا تۇرىپ كەلگەندىگىن، جۇڭگو ۇلگىسىندەگى وسىزامانداندىرۋدىڭ قالايشا وزگەرىس بارىسىندا الۋان بەينەدە ايگىلەگەندىگىن ءتىپتى دە تەرەڭ تۇسىنۋگە بولادى.
7 - ايدىڭ 1 - كۇنى چيڭحاي − شيزاڭ تەمىر جولىندا تۇتاس لەنيا بويىنشا پويەز قاتىناعاندىعىنىڭ 20 جىلدىعى. 2006 - جىلى ءبىر پويەز كۇنلۇننان ءوتىپ، كوكشىلدەن ەندەي ءوتىپ، تاڭگۋلا تاۋىنان اسىپ لحاساعا كىرگەننەن بۇگىنگە دەيىن دۇنيەنىڭ جوتاسىنداعى وسى ”قۇرىش اسپان جولىندا“ جيىنى 100 ميلليوننان استام جولاۋشى (رەت)، 800 ميلليون توننادان استام زات تاسىمالدانىپ، قارلى ۇستىرتتەن وسىزاماندانۋعا بەت الۋ ارناسى ىركىلىسسىزدەنىپ، شەكارا وڭىردەگى سان مىڭداعان بۇقارانىڭ تاعدىر ارناسى وزگەردى.
حالىق ءۇشىن دامۋدى كوزدەۋ، مەملەكەت ءۇشىن داڭعىل جول اشۋ − پارتيامىزدىڭ تاريحي بورىشتى ارقالاعاندىعىنىڭ جاندى دالەلى.
باس شۋجي شي جينپيڭ بىلاي دەپ تەرەڭ اتاپ كورسەتتى: ”جۇڭگو كوممۋنيستىك پارتياسى دۇنيەگە كەلىسىمەن جۇڭگو حالقىنىڭ باقىتىن كوزدەۋدى، جۇڭحۋا ۇلتىن گۇلدەندىرۋدى كوزدەۋدى ءوزىنىڭ اۋەلگى ماقساتى مەن بورىشى ەتىپ تۇراقتاندىردى“.
”پارتيامىز كوممۋنيزم ۇلى مۇراتىن كوكەيدە ساقتاپ، جۇڭحۋا ۇلتىنىڭ ماڭگىلىك ۇلى ءىسىن مۇرات ەتىپ، تاريح پەن حالىق جۇكتەگەن ماڭىزدى بورىشتى تاباندىلىقپەن ارقالادى“.
بۇل قان كەشىپ، ەرلىكپەن شايقاسىپ وتاندى قۇتقارۋ جولى: ۇلتتىڭ تاۋەلسىزدىگى، حالىقتىڭ ازاتتىعى بورىشى ءۇشىن، پارتيامىز حالىقتى باستاپ قاندى شايقاس جۇرگىزىپ، الدىڭعىلارى جىعىلسا سوڭعىلارى ءىزىن باسىپ، قيىن - قىستاۋ جىلداردا توڭكەرىس ۇشقىنىن تۇتاندىرىپ، ۇشقىننان جالىن قاۋلاتىپ، قات - قابات بۇعاۋلاردى تالقانداپ، ۇلتتىڭ ەڭسەسىن كوتەرىپ، ۇزاق جاپا - ماشاقاتتى باستان كەشكەن جۇڭحۋا ۇلتىنىڭ تۇبەگەيلى ەڭسە كوتەرىپ تۇرۋىنا مۇمكىندىك جاسادى.
بۇل قاجىرلىلىقپەن شارۋاشىلىق قۇرۋ جولى: مەملەكەت ءۇشىن كاسىپ اشۋ، حالىق ءۇشىن ءوزىن ورنىقتىرۋ بورىشىن ارقالاپ، بارلىق سالا كوركەيتۋدى كۇتىپ تۇرعان جاپالى باستاما الدىندا، پارتيامىز ءجۇز ميلليونداعان حالىقتى باستاپ، قاجىرلىلىقپەن كۇرەس جۇرگىزىپ، ”1 - بەسجىلدىق“ جوبانى اتقارىپ، بۇكىل ەلدە ونەركاسىپتەنۋ قۇرىلىسىن قانات جايدىرىپ، سوتسياليستىك وزگەرىس جاساۋدى ورىنداپ، سوتسياليستىك نەگىزگى ءتۇزىم ورناتتى، جاڭا جۇڭگو بىرىنشىدەن كەدەي، ەكىنشىدەن اق بولۋ نەگىزىندە نەگىزدى كۇشەيتىپ، ءتۇبىردى بەكەمدەپ، مەملەكەت دامۋىنىڭ نەگىزىن بەكەمدەدى.
بۇل اسۋ اسىپ، قامال بۇزۋداعى ءورىس اشۋ جولى: مەملەكەتتى قۇدىرەتتەندىرىپ حالىقتى بايىتۋ، داۋىرگە ىلەسۋ بورىشىن ارقالاعان پارتيامىز باتىلدىقپەن ءداۋىردىڭ الدىڭعى لەگىندە ءجۇرىپ، باتىلدىقپەن الدا ءجۇرىپ، رەفورما جاساپ، ەسىك اشۋدىڭ ءداۋىر شىمىلدىعىن اشتى. شياۋگاڭ قىستاعىنان مۇز جارىپ جول بارلاۋدان، شىنجىن ەرەكشە رايونى الدىمەن اتقارىپ، الدىمەن سىناق ەتۋدەن پۋدۇڭدى اشۋعا، ەسىك اشۋعا، دۇنيە ءجۇزىنىڭ دامۋ ارناسىمەن توعىسۋعا دەيىن جۇڭگو ارشىندى قاداممەن داۋىرگە ىلەستى.
بۇل نۇرلى ساپارداعى ەكپىندەي ىلگەرىلەۋ جولى: جاڭا داۋىرگە قادام تاستاعاندا، پارتيا تاريحي ىرىقتىلىق رۋحىن ۇستانىپ، جول سەنىمىن بەكەمدەپ، ءجۇز ميلليونداعان حالىقتى قيىندىقتاردان قامال الۋعا، ۇدەرە العا تارتۋعا جەتەكتەپ، كەدەيلىكتەن ارىلتۋدان قامال الۋدا جاپپاي جەڭىسكە قول جەتكىزىپ، جاپپاي دوڭگەلەك داۋلەتتى قوعام ورناتۋدى ۋاعىندا جۇزەگە اسىردى، ىشكى ءوندىرىس جالپى قۇنى 140 تريلليون يۋاندىق ساتىعا كوتەرىلدى، كەلەلى عىلىم - تەحنولوگيا جەتىستىكتەرى جارىسا جارىققا شىعىپ، جۇڭگو ۇلگىسىندەگى وسىزامانداندىرۋ جولى بارعان سايىن كەڭەيىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ كەرى قايتارۋعا كەلمەيتىن تاريحي ۇردىسكە قادام تاستادى.
105 جىلدىق بوران - شاشىن مەن جاپا - ماشاقاتتى باستان كەشىردى، ءداۋىر تاقىرىبى تالاي رەت وزگەرىپ، قامال الۋ مىندەتى جاعدايعا قاراي جاڭالاندى، جۇڭگو كوممۋنيستەرى نە ءۇشىن جولعا شىعىپ، كىم ءۇشىن كۇرەس جۇرگىزەتىندىگىن ەشقاشان ەستەن شىعارمادى.
بورىش بەتالىستى بەلگىلەيدى، الايدا ۇلى مۇراتتى دامۋ ونىمدىلىگىنە اينالدىرۋ ءۇشىن، سەنىمدى تىرەك ەتىپ قانا قويماي، تاريحي زاڭدىلىقتى انىق بىلەتىن، ءداۋىر اۋقىمىن يگەرەتىن، دامۋ جالپى جاعدايىن ءبىر تۇتاس جوسپارلايتىن ستراتەگيالىق ىرىقتىلىق تا قاجەت.
وسى ستراتەگيالىق ىرىقتىلىق جونىندە باس شۋجي شي جينپيڭ دالمە - ءدال، تەرەڭ تۇجىرىمدادى − ”ۇزاق بولاشاقتىق نىسانا مەن كەزەڭدىك نىسانانىڭ بىرلىگىنە تاباندى بولىپ، قوعامداعى باستى قايشىلىقتىڭ وزگەرىسىنە ۇيلەسىپ، وزەكتى مىندەتتى تۇراقتاندىرىپ، دۇرىس لۋشيان، باعىت - ساياساتتاردى بەلگىلەدى جانە اتقاردى“.
پارتيا مەن حالىق ىستەرىنىڭ تاريحي ورنى مەن دامۋ كەزەڭىن دۇرىس تانۋ − كەزەڭدىك وزەكتى مىندەتتى ايقىنداپ، لۋشيان، باعىت - ساياساتتاردى بەلگىلەۋدىڭ ءتۇبىرلى نەگىزى.
جاڭا داۋىردەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بيىكتە تۇرىپ الىسقا كوز جىبەرىپ، اۋقىمدى باعامداپ، جالپى جاعدايعا ساياتىن ءبىر قىدىرۋ عىلمي تۇجىرىم جاساپ، العا باسۋ بەتالىسىن ۇزدىكسىز دۇرىستادى −
”ءۇش مەزگىل قاباتتاسقان“ كۇردەلى جاعدايعا بەتپە - بەت كەلىپ، ەلىمىز ەكونوميكاسىنىڭ دامۋى جاڭا قالىپتى جاعدايعا ءوتتى دەگەن تۇجىرىم جاسادى؛
قۇرىلىم تەپە - تەڭدىگىنىڭ بۇزىلۋى، بايلىققا يەك سۇيەۋ سياقتى ماسەلەلەردى يگەرىپ، ەلىمىز ەكونوميكاسىنىڭ جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە وتكەندىگىن ايقىندادى؛
جاڭا دامۋ كەزەڭى ارقىلى دامۋدىڭ جاڭا ورنىن بەلگىلەپ، جوعارى ساپالى دامۋعا جاڭا دامۋ ۇستانىمى ارقىلى جەتەكشىلىك ەتىپ، اۋقىمدى باعامداپ جاڭا دامۋ ارناسىن قالىپتاستىرۋدى العا قويىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدى ورنالاستىردى؛
...
ءدال وسى ستراتەگيالىق تۇجىرىمدار ءبىزدىڭ ءاربىر شەشۋشى كەزەڭدە الدىمەن جوسپار جاساپ، الدىمەن ىستەپ، ىرىقسىز توتەپ بەرۋدى الدىن الا تۇجىرىم جاساۋعا، كوزسىزدىكپەن قۋىپ جەتۋدەن ىرىقتى جەتەكشىلىككە اينالدىرۋىمىزعا مۇمكىندىك جاسادى. ارتۋ قارقىنىنا سىڭار جاقتىلىقپەن ۇمتىلاتىن وي بۇعاۋىنان قۇتىلىپ، بۇرىننان بار دامۋ ۇلگىسىنىڭ جول بۇعاۋىنان قۇتىلىپ، كۇردەلى قايشىلىقتاردىڭ اۋقىمدىق اۋىسۋى بارىسىندا وزەكتى قىزمەتتى مىقتاپ كوزدەپ، پارتيامىزدىڭ وزگەرىستى دۇرىس تانۋ، وزگەرىسكە عىلمي توتەپ بەرۋ، ىرىقتىلىقپەن وزگەرىسكە ۇمتىلۋ ستراتەگيالىق سانالىلىعىن تولىق ايگىلەدى.
”قالاي قاراۋ“ جونىندە عىلمي تۇجىرىم جاساپ، جاۋاپ قايتارىپ، جاعدايدى ءبىر تۇتاس جوسپارلاپ، ”قالاي ىستەۋدى“ تياناقتاندىردى.
ەكى كاسىپ سالاسىنىڭ قارىشتاۋ ۇلگىسىندەگى دامۋى ءدال وسىنىڭ جاندى تۇسىندىرمەسى − جاڭا ەنەرگيالى اۆتوكولىك دۇنيە ءجۇزىنىڭ الدىڭعى قاتارىنا ءوتىپ، ءوندىرۋ - ساتۋ مولشەرى ءۇرتىس 11 جىل دۇنيە ءجۇزى بويىنشا الدىڭعى ورىندى يەلەدى؛ جاساندى زەردە قارىشتاپ دامىپ، 2025 - جىلى وزەكتى كاسىپ سالاسى كولەمى ءبىر تريلليون 200 ميلليارد يۋاننان استى.
باس شۋجي شي جينپيڭ بىلاي دەپ ماڭىزدى تۇجىرىم جاسادى: ”قازىر جۇڭگو جاساۋ كاسىبىندە قۋاتتى ەل بولۋ، ونەركاسىپتە قۋاتتى ەل بولۋ سىندى اناعۇرلىم جوعارى نىساناعا قاراي دامۋدا، ستراتەگيالىق جاڭادان گۇلدەنگەن كاسىپ سالاسىن دامىتۋ جاعىندا ورايدى مىقتى يگەرىپ، اينالما جولدا باسىپ وزۋى كەرەك“.
دۇنيە جۇزىلىك كاسىپ سالاسى وزگەرىسى تولقىنى الدىندا، پارتيامىز باستان - اياق الدىن الا ورنالاستىرۋعا، ىرىقتى تۇردە تياناقتاندىرۋعا تاباندى بولىپ، جانار ماي اۆتوكولىكتەرىن دامىتۋدىڭ قيىن جاعدايىن بۇزۋدان، جاڭا ەنەرگيا جارىس جولىنا الدىمەن اۋىسۋدان جاڭا بۋىن جاساندى زەردەنى دامىتۋ جوباسىن جاساۋعا، جاڭا جوبانى الدىمەن ورنالاستىرۋعا دەيىن ءدال وسىنداي ىرىقتىلىقپەن ىستەۋ ەلىمىزدىڭ كاسىپ سالاسى وزگەرىسىنىڭ ۋاقىت تەرەزەسىن مىقتى يگەرىپ، بولاشاق دامۋدىڭ باستاماشىسى بولۋىنا مۇمكىندىك جاسادى.
”1 - بەسجىلدىقتان“ ”15 - بەسجىلدىققا“ دەيىن ورتا، ۇزاق مەرزىمدىك جوبا جۇيەسى ۇزاق بولاشاقتىق جوبا مەن كەزەڭدىك مىندەتتى ورگانيكالى ۇشتاستىرىپ، ءبىزدىڭ ءارى قىسقا مەرزىمدىك تولقۋدان قوبالجىماۋىمىزعا، دامۋ باعىتىنان جازباۋىمىزعا، ءارى قازىرگى ءىس جۇزىندىك جاعدايدى تياناق ەتىپ، ۇزاق بولاشاققا نىق قادام تاستاۋىمىزعا مۇمكىندىك جاسادى.
عاسىرلىق ىندەت جاعدايى الدىندا، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاۋ جونىندەگى كەلەلى شەشىمدى دەر كەزىندە ورتاعا قويدى، سىرتتىڭ تەجەۋى مەن قىسىم جاساۋى الدىندا، ستراتەگيالىق سەرگەكتىكتى ساقتاپ، زەيىن - زەردەنى شوعىرلاندىرا وتىرىپ ءوز شارۋاسىن تىندىردى... ءار رەتكى وزگەرىس جاعدايىنا بەتپە - بەت كەلۋدەگى ىرىقتى تالعام، قيىندىقتاردان قامال الۋداعى ناقتى ارەكەت جۇڭگو اتتى الىپ كەمەنىڭ ورنىقتى قاداممەن الىستارعا جەتۋىن قورعادى.
شيزاڭ − گۋاڭدۇڭ − شياڭگاڭ − اۋمىن ۇلكەن شىعاناق رايونى تۇراقتى توك جەتكىزۋ ينجەنەرياسى جەدەل جۇرىلۋدە، قارلى تاۋدان ەرىگەن سۋ تازا ەلەكتر ەنەرگياسىنا اينالىپ، تەك 9 ميللي سەكۋندتا 2681 كيلومەتردى ەندەي وتەدى؛ مەملەكەت ىشىندەگى تۇڭعىش Pre6G تاجىريبە تورى جياڭسۋدىڭ نانجيڭىندە ىسكە قوسىلىپ، اينالىمعا ءتۇستى، بولاشاق حابارلاسۋ جۇيەلىك قابىلەتىن دالەلدەۋدىڭ جاڭا كەزەڭىنە قادام تاستادى.
”15 - بەسجىلدىقتىڭ“ باستاما جىلىندا جاڭاشا ەلەكتر تورى، جاڭا بۋىن حابارلاسۋ تورى سياقتىلار ۋاكىل بولعان ”التى تور“ قۇرىلىسىندا ”قارقىن كورسەتكىشى“ ۇزدىكسىز جاڭالاندى. ءونىمدى قارجى قوسۋ مەن ىشكى سۇرانىم اياسى كەڭەيتىلىپ، جاڭاشا وندىرگىش كۇشتەر جەدەل جەتىلدىرىلدى، پارتيامىز ۇزدىكسىز كورەگەندىكپەن ورنالاستىرۋ، ۇزاق مەزگىلدىك جوبالاۋ ارقىلى بولاشاق دامۋدىڭ ىرىقتىلىق ۇقىعىن ۇزدىكسىز يگەردى.
بۇگىن ءبىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ايبىندى نىساناسىنا تاريحتاعى ءارقانداي كەزدەگىدەن دە اناعۇرلىم جاقىنداي تۇستىك، مۇنى جۇزەگە اسىرۋعا سەنىمىمىز ءتىپتى دە كامىل، قۋاتىمىز دا قاپتال جەتەدى.
بۇگىنگى تاڭدا ەلىمىز ”نەگىزدى بەكەمدەيتىن، جاپپاي كۇش سالاتىن“ شەشۋشى مەزگىلدە تۇر، وراي مەن سىن - سايىس قاتار ءومىر ءسۇرىپ، حاۋىپ - قاتەر سان قۇبىلىپ قاباتتاستى.
وسىزاماندانعان كاسىپ سالاسى جۇيەسى ارقىلى دامۋ نەگىزىن بەكەمدەۋ، عىلىم - تەحنولوگيادا ءوز كۇشىنە سۇيەنىپ ءوزىن الۋەتتەندىرۋ ارقىلى جاڭالىق اشۋدىڭ ۇتىمدى ورايىن يگەرۋ، قالا مەن اۋىلدى سايكەستىرۋ ارقىلى دامۋ جىلعاسىن تولتىرۋ، جاسىل تيپ جاڭالاۋ ارقىلى ارتۋ ءورىسىن كەڭەيتۋ... ءاربىر ورنالاستىرۋدى ىلگەرىلەتۋدە، ءاربىر جورىقتاعى سەكىرۋدە العان بەتىنەن قايتپايتىن بورىش ارقالاۋعا، داۋىرمەن بىرگە العا باسىپ ستراتەگيالىق تۇجىرىم جاساۋعا، تاباندىلىقپەن ناقتى ءىس ىستەپ قامال الۋعا سۇيەنۋ كەرەك.
بولاشاققا بەت العاندا، ەكپىندەي ىلگەرىلەۋ جىگەرىن سەرپىلتۋ كەرەك؛ بولاشاققا بەت العاندا، ناقتى ءىس ىستەۋ نەگىزىن بەكەمدەۋ كەرەك.
بيىل 1 - ايدا ولكە، مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا باس شۋجي شي جينپيڭ بۇكىل پارتياعا دامۋدىڭ ىرىقتىلىق ۇقىعىن يگەرۋدىڭ تەتىگىن بىلاي دەپ ايقىن كورسەتتى: ”جالپى جاعدايدى كوكەيگە ءتۇيىپ، بيىكتە تۇرىپ الىسقا كوز جىبەرىپ، ستراتەگيا جاعىندا تاباندىلىقتى ساقتاپ، تاكتيكا جاعىندا دەن قويا جوسپارلاپ، ەلىمىز دامۋىنىڭ ايقىندىلىعى مەن باياندىلىعىن ۇزدىكسىز كۇشەيتۋىمىز كەرەك“.
جاڭا جورىقتىڭ ايبىندى كارتيناسى جايىلدى، العا باسۋ جىگەرىمىزدى ماڭگى ساقتاپ، ناقتى ىستەۋ قايراتىمىزدى تاسقىنداتىپ، ءداۋىر تولقىنىندا ەرلىكپەن العا باسىپ، جۇڭحۋا ۇلتىنىڭ ۇلى گۇلدەنۋىنىڭ تىڭ داستانىن قۇلشىنا جازايىق!
(شينحۋا اگەنتتىگىنىڭ 7 - ايدىڭ 12 - كۇنى بەيجيڭنەن بەرگەن حابارى)
