شي جينپيڭ نەگىزدىك وقۋ - اعارتۋ قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى
پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، نەگىزدىك وقۋ - اعارتۋدىڭ جوعارى ساپالى دامۋ جاڭا جاعدايىن ۇزدىكسىز اشۋ كەرەك
ديڭ شۋەشياڭ مەملەكەتتىك نەگىزدىك وقۋ - اعارتۋ قىزمەتى ماجىلىسىنە قاتىناستى ءارى ءسوز سويلەدى
شينحۋا اگەنتتىگىنىڭ 7 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا نەگىزدىك وقۋ - اعارتۋ قىزمەتى جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: پارتيا 18 - قۇرىلتايىنان بەرى، پارتيا ورتالىق كوميتەتى نەگىزدىك وقۋ - اعارتۋدى نەگىزدىك سيپاتتى، جەتەكشىلىك سيپاتتى قىزمەت رەتىندە يگەرىپ، كوپ ءتۇرلى شارانى قاتار قولدانىپ نەگىزدىك وقۋ - اعارتۋدىڭ باياندى دامۋىن جۇزەگە اسىرۋدى ىلگەرىلەتىپ، وقۋ - اعارتۋدا قۋاتتى ەل قۇرۋعا پارمەندى تىرەك ازىرلەدى.
شي جينپيڭ بىلاي دەپ باسا دارىپتەدى: جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، قاجىماي - تالماي پارتيانىڭ جاسامپازدىق نازارياسىمەن رۋحتى سومداپ، ادام تاربيەلەپ، احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزمنىڭ قۇرۋشىلارى مەن ءىزباسارلارىن باۋلۋ كەرەك. وقۋ - اعارتۋ زاڭدىلىعىنا بويسۇنىپ، سالاماتتىقتى ءبىرىنشى ورىنعا قويۋ سىندى وقۋ - اعارتۋ ۇستانىمىن تياناقتاندىرىپ، وقۋ - وقىتۋ ساپاسىن جوعارىلاتىپ، قالىڭ وقۋشىلاردىڭ ءتان ساۋلىعى مەن جان ساۋلىعىن، ەسەيىپ - ەرجەتۋىن، دارىندى بولۋىن جەبەۋ كەرەك. حالىق بۇقاراسىنىڭ جاڭا تىلەگىنە ۇيلەسىپ، نەگىزدىك وقۋ - اعارتۋدا ساپالى بايلىقتى مولايتىپ، ساپانى جوعارىلاتۋدى ىلگەرىلەتىپ، وقۋ - اعارتۋ ادىلدىگى تومەنگى شەگىن مىقتاپ ساقتاۋ كەرەك. اعارتۋشىلار رۋحىن اسقاقتاتىپ، ۇستازدىق ءمورال، ۇستازدىق ستيل قۇرىلىسىن كۇشەيتىپ، جوعارى ساپالى ماماندانعان وقىتۋشىلار قوسىنىن باۋلۋ، جەتىلدىرۋ كەرەك. ءار دارەجەلى پارتكومدار مەن ۇكىمەتتەر ساياسي جاۋاپكەرشىلىكتى شىنايى ارقالاپ، مەكتەپ باسقارۋ بايلىعىن ورنالاستىرۋدى ساپالىلاندىرىپ، وقۋ - اعارتۋ جالپىلىق رەفورماسىن تەرەڭدەتىپ، مەكتەپتىڭ، وتباسىنىڭ، قوعامنىڭ ءبىر باعىتتا كۇش سالۋىن ىلگەرىلەتىپ، نەگىزدىك وقۋ - اعارتۋدىڭ جوعارى ساپالى دامۋ جاڭا جاعدايىن ۇزدىكسىز اشۋى كەرەك.
مەملەكەتتىك نەگىزدىك وقۋ - اعارتۋ قىزمەتى ءماجىلىسى 7 - ايدىڭ 22 - كۇنى بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ ماجىلىسكە قاتىناستى ءارى ءسوز سويلەدى.
ديڭ شۋەشياڭ سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، جاڭا ءداۋىردىڭ جاڭا جورىعىندا نەگىزدىك وقۋ - اعارتۋ قىزمەتىن ويداعىداي ىستەۋگە ايقىن بەتالىس كورسەتتى. ءبىز ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى ويداعىداي يگەرۋىمىز كەرەك.
ديڭ شۋەشياڭ بىلاي دەپ باسا دارىپتەدى: جاڭا داۋىردەگى نەگىزدىك وقۋ - اعارتۋ ىستەرىندە تاريحي تابىستارعا قول جەتتى، جۇيەلىك وزگەرىس تۋىلدى، وسىدان ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتۋ، ”ءتورت سەنىمدى“ بەكەمدەۋ، ”ەكىنى قورعاۋدى“ ورىنداۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، وقۋ - اعارتۋدىڭ ساياسي سيپاتىن، حالىقتىق سيپاتىن، ستراتەگيالىق سيپاتىن تەرەڭ يگەرىپ، ەكونوميكالىق، قوعامدىق دامۋدىڭ جاڭا جاعدايىنا جانە حالىق بۇقاراسىنىڭ جاڭا تىلەگىنە ۇيلەسىپ، نەگىزدىك وقۋ - اعارتۋدىڭ جوعارى ساپالى دامۋىن ىشكەرىلەي ىلگەرىلەتۋ كەرەك.
ديڭ شۋەشياڭ بىلاي دەپ اتاپ كورسەتتى: پارتيانىڭ وقۋ - اعارتۋ باعىتىن جاپپاي دايەكتىلەندىرىپ، بۇلجىماس تاباندىلىقپەن پارتيانىڭ جاسامپازدىق نازارياسىمەن رۋحتى سومداپ، ادام تاربيەلەپ، بەس تاربيەنى قاتار جۇرگىزۋگە، بەس تاربيەنى توعىستىرۋعا تاباندى بولىپ، وقۋشىلاردىڭ اقاۋسىز ەسەيىپ - ەرجەتۋىن، جان - جاقتى دامۋىن جەبەۋ كەرەك. وقۋشى قابىلداۋدى، مەكتەپكە كىرۋدى باسقارۋدى قاتايتىپ، اۋىل - قىستاقتارداعى ۇيدە قالعان بالالارعا، قالاعا كىرىپ جۇمىس ىستەۋشىلەردىڭ پەرزەنتتەرىنە كوڭىل ءبولۋدى، قامقورلىق جاساۋدى كۇشەيتىپ، وقۋ - اعارتۋ ادىلدىگى تومەنگى شەگىن مىقتاپ ساقتاپ، نەگىزدىك وقۋ - اعارتۋدىڭ بىركەلكى دامۋىن ىلگەرىلەتۋ كەرەك. حالىق سانىنىڭ وزگەرىسىنە ۇيلەسىپ، وقۋ - اعارتۋ بايلىعىن ورنالاستىرۋدى ساپالىلاندىرىپ، قاراجاتپەن قامتاماسىز ەتۋ، مەكتەپتەردى ورنالاستىرۋ، وقۋشى قابىلداۋ سانىمەن قامداۋ، وقىتۋشىلاردى رەتتەپ ورنالاستىرۋ سياقتى قىزمەتتەردى ءبىر تۇتاس جوسپارلاپ ويداعىداي ىستەۋ كەرەك. وقۋشىلاردىڭ ەسەيىپ - ەرجەتۋىن وزەك ەتىپ، وقۋ - وقىتۋ رەفورماسىن تەرەڭدەتىپ، تۋراشىلدىقتان جازباي جاڭالىق اشىپ، نەگىزدىك وقۋ - اعارتۋدىڭ جاڭا ارتىقشىلىعىن تۇلعالاۋ كەرەك. سەلبەسىپ بىرگە تاربيەلەۋدى اناعۇرلىم كۇشەيتىپ، ءار جاقتىڭ جاۋاپكەرشىلىگىن ناقتىلاندىرىپ، مەكتەپتىڭ، وتباسىنىڭ، قوعامنىڭ رولىن تولىق ساۋلەلەندىرىپ، ادام تاربيەلەۋ بىرىككەن كۇشىن قالىپتاستىرۋ كەرەك. اعارتۋشىلار رۋحىن اسقاقتاتىپ، وقىتۋشىلاردىڭ كاسىپتىك ساپاسىن جوعارىلاتىپ، وقىتۋشىلاردىڭ مامىلەسىن قامتاماسىز ەتۋدى كۇشەيتىپ، اناعۇرلىم كوپ تاڭداۋلى دارىندىلاردى وقىتۋشىلىقپەن الاڭسىز شۇعىلدانۋعا باۋراۋ كەرەك. جەر - جەر، قاتىستى تاراۋلار مەن مەكتەپتەر ۇيىمدىق قامتاماسىزدىقتى كۇشەيتىپ، شەگە قاعۋ رۋحىمەن پارتيا ورتالىق كوميتەتى مەن مەملەكەتتىك كەڭەستىڭ قاتىستى شەشىمدەرى مەن ورنالاستىرۋلارىنىڭ تياناقتانىپ ونىمدىلىك كورسەتۋىن ىلگەرىلەتۋى كەرەك.
وقۋ - اعارتۋ مينيسترلىگىندەگى، ورتالىق كوميتەت شتات كوميتەتى كەڭسەسىندەگى، مەملەكەتتىك دامۋ جانە رەفورما كوميتەتىندەگى، قازىنا مينيسترلىگىندەگى، بەيجيڭ قالاسىنداعى، حۋبەي ولكەسىندەگى، گانسۋ ولكەسىندەگى، بەيجيڭ شىفان داشۋەسىندەگى جاۋاپتى جولداستار پىكىر اۋىستىرىپ ءسوز سويلەدى.
شى تايفىڭ، لي شۋلەي، ۋاڭ شياۋحۇڭ، ۋ جىڭلۇڭ ماجىلىسكە قاتىناستى.
ءارقايسى ولكە، اۆتونوميالى رايون، قالالارداعى جانە جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى، ورتالىق پەن مەملەكەت ورگاندارىنىڭ قاتىستى تاراۋلارىنداعى، قاتىستى حالىقتىق ۇيىمدارداعى، ورتالىق اسكەري ىستەر كوميتەتى ورگانىنىڭ قاتىستى تاراۋلارىنداعى، وقۋ - اعارتۋ مينيسترلىگىنە توتە قاراستى شىفان داشۋەلەردەگى جانە ”مەملەكەتتىڭ ۇزدىك ورتا، باستاۋىش مەكتەپ وقىتۋشىلارىن تاربيەلەۋ جوسپارىن“ اتقاراتىن مەكتەپتەردەگى جاۋاپتى جولداستار قاتارلىلار ماجىلىسكە قاتىناستى.
