”تاڭەرتەڭ تەرەزە پەردەسىنە، كەشتە شامعا قارايتىن“ مەيىرلى ۋادە
□ انار بۇلت \ شينجياڭ گازەتىنىڭ ءتىلشىسى ما بويۇي
7 - ايدىڭ 14 - كۇنى تاڭعى ساعات 8دەن 30 مينۋت وتكەندە، بۇراتالا قالاسى چيندەل ءمالىسى تىنىشتىق الەۋمەتتىك اۋماعىنىڭ توركوزدەندىرۋ قىزمەتكەرلەرى، ەرىكتىلەر ساقاداي سايلاندى. بۇل الەۋمەتتىك اۋماققا قاراستى 4 شاعىن اۋماق بار، ورتاسىن ءبىر مەكتەپ ءبولىپ تۇرادى، ءاربىر شاعىن اۋماقتىڭ ارالىعى ەڭ الىس بولعاندا 2 كيلومەتردەن اسادى، ولار ءار كۇنى ەلەكترسيكلمەن ارلى - بەرلى شاپقىلاپ، ”تەرەزە پەردەسى ۋادەسىن“ ورىنداۋعا بارادى. ”تاڭەرتەڭ تەرەزە پەردەسىنە، كەشتە شامعا قاراۋ“ ولاردىڭ جالعىز تۇراتىن قارتتارمەن اراداعى ءۇنسىز اماندىق ۋادەسى.
توركوزدەندىرۋ قىزمەتكەرى تاجىگۇل تۇرسۇن 78 جاستاعى جالعىز تۇراتىن قارت لي اپايدىڭ عيماراتىنىڭ الدىنا كەلگەندە، جايشىلىقتا ەرتە اشىلاتىن پەردەنىڭ بۇل كۇنى اشىلماي قالعاندىعىن بايقايدى. تاجىگۇل قاتتى ابىرجىپ، تەلەفون بەرە ءجۇرىپ لەزدە 2 - قاباتقا جۇگىرىپ شىعىپ، ەسىكتى قايتا - قايتا قاعادى. سالدەن سوڭ ەسىك اشىلادى، كۇلىمسىرەپ ەسىك الدىندا تۇرعان لي اپايدى كورگەندە بارىپ تاجىگۇلدىڭ كوڭىلى ورنىعادى. اسىلىندە قاريا تاڭ اتىسىمەن تاماق جاساۋمەن، بولمەنى جيناستىرۋمەن ابىگەر بولىپ، پەردەنى اشۋدى ۇمىتىپ كەتكەن ەكەن.
قاريا دەرەۋ تاجىگۇلدى قولىنان ۇستاپ ۇيىنە باستاپ، ءبىر ءتىلىم قاۋىندى ۇستاتىپ جاتىپ: ”راقىمەت ساعان بويجەتكەن، سەندەر اركەز قامىمىزدى ويلاپ جۇرگەندىكتەن دە ەرەكشە الاڭسىزبىز“، - دەدى. تاجىگۇل جالما - جان: ”اپاي، امان بولساڭىز بولدى، مەن ەندى لي اعايدى كورە كەتەيىن“، - دەدى.
تاجىگۇل تاعى ءبىر كورپۋسقا قاراي جونەلدى، عيماراتتىڭ استىنا جەتكەندە لي اتايدىڭ تەرەزەنى اشىپ وعان: ”تاجىگۇل، قايىرلى تاڭ!“ دەپ قول بۇلعاپ تۇرعانىن كوردى.
تاجىگۇل كۇلىمسىرەي: ”قايىرلى تاڭ، لي اعاي، كۇن ىسىپ كەتتى، وسى بەيسەنبى كۇنى ءبىز شوعىرلى شاش الۋعا ۋادەلەسكەنبىز، ۇمىتىپ قالماڭىز“، - دەپ جاۋاپ قاتتى.
ءسوز اياقتالىسىمەن، 1 - قاباتتا تۇراتىن جاڭ اپاي تەرەزەنى اشىپ تاجىگۇلدەن كومەك سۇرادى، قارتتىڭ ءجۇرىس - تۇرىسى قولايسىز، ادەتتە بالالارى الەۋمەتتىك اۋماقتىڭ اسحاناسىنا بارىپ تاماق اكەلىپ بەرەتىن، تاياۋدا بالالارى ۋاقىتشا جۇمىس بايلانىسىمەن بىرنەشە كۇن سىرتقا شىقپاقشى بولعاندىقتان، ول تاجىگۇلدەن تاماق كارتچكاسىن كومەكتەسىپ ءبىتىرۋدى وتىنەدى، سولاي بولعاندا كورشىلەرىنە تاماق اكەلىپ بەرۋدى تاپسىرۋىنا قولايلى بولادى. تاجىگۇل دەرەۋ ماقۇل بولادى ءارى قارتتىڭ ينفورماتسياسىن مۇقيات ەستەلىككە الىپ، ءبىتىرىپ بولعاننان كەيىن دەرەۋ ۇيىنە جەتكىزىپ بەرۋگە ۋادە بەرەدى.
تەرەزە پەردەسىنىڭ ءىشى - سىرتىنداعى مۇنداي مەيىرلى ديالوگ ءبىر ۋادەدەن باستالعان.
حىپيڭ الەۋمەتتىك اۋماعى پارتيا باس ياچەيكاسىنىڭ شۋجيى گىڭ شين بىلاي دەدى: ”2022 - جىلى قاراستى اۋماقتاعى جالعىز تۇراتىن ءبىر قارت تۇتقيىل ناۋقاستانىپ قيىن جاعدايدا قالدى، الەۋمەتتىك اۋماقتىڭ دەر كەزىندە قۇتقارىپ، كومەكتەسۋىمەن قاتەردەن امان قالعانىمەن، بۇل ءىس كوپشىلىكتى قاتتى الاڭداتتى. وتباسىلارىن ءبىر - بىردەن ارالاپ جاعداي ۇعىسۋ ارقىلى الەۋمەتتىك اۋماقتا جيىنى 21 جالعىز تۇراتىن، سۇيەنىشى جوق قارت بار ەكەندىگى ساناققا الىندى. وسىدان سوڭ الەۋمەتتىك اۋماق ”توركوزدەندىرۋ قىزمەتكەرى + ەرىكتىلەر + قوجالىق“ سىندى جۇپ قۇراۋ قوسىنىن ۇيىمداستىرىپ قۇرىپ، جالعىز تۇراتىن، سۇيەنىشى جوق قارتتارعا سالاماتتىق، تۇرمىس ارناۋلى ارحيۆىن تۇرعىزدى، سونداي - اق ولاردىڭ تەرەزەسىنە مەيىر بەلگىسىن جاپسىردى، تاڭەرتەڭ پەردەنى اشاتىن، تۇندە شامدى سوندىرەتىن ”شارتتى بەلگىنى كەلىسىپ الدى“، قايسى قارتتىڭ ۇيىندە قالىپسىزدىق بايقالسا، دەرەۋ ۇيىنە بارىپ تەكسەرىپ كورىپ، ساقشى بولىمشەسىمەن، ەمحانالارمەن بىرگە ارەكەتتەنىپ، شۇعىل جاعدايعا توتەپ بەرۋ بويىنشا ءبىر جاقتى ەتتى“.
ءار كۇنى ”تاڭەرتەڭ تەرەزە پەردەسىنە، كەشتە شامعا قاراۋدان“ سىرت، الەۋمەتتىك اۋماقتاعى توركوزدەندىرۋ قىزمەتكەرلەرى مەن ەرىكتىلەر ۇنەمى ۇيلەرىنە بارىپ قارتتارعا زاتتىق ماتەريال ساتىپ الىپ بەردى، قاراجاتتارىن وكىلەتتى تاپسىرىپ بەردى، بولمەلەرىن جيناستىرىپ بەردى، ت، ب. الەۋمەتتىك اۋماق تاعى ءجۇرىس - تۇرىسى قولايسىز قارتتارعا ارناۋلى اق سامايلىلار كارتچكاسىن دايىنداپ بەرىپ، ادام كۇشىمەن شارلاپ - تەكسەرۋگە زەردەلى باقىلاۋ - ولشەۋدى سايكەستىرۋ ارقىلى قارتتاردىڭ وتباسى حاۋىپسىزدىك تورىن بەكەمدەدى.
”مەيىر ارقىلى قورعاۋ قيمىلىنا العاشىندا نەبارى 10 ەرىكتى عانا قاتىناستى، قازىر قوسىن زورايىپ 40 ادامعا جەتتى، جيىنى 100 رەتتەن استام ەرىكتى قىزمەت وتەۋ ورىستەتىلدى“. گىڭ شين بىلاي دەدى: 1000 كۇننەن استام ۋاقىت تاباندىلىق كورسەتۋ ارقىلى الەۋمەتتىك اۋماق ”تەرەزە پەردەسى شارتتى بەلگىسىنە“ سۇيەنىپ، 2 رەتكى قارتتاردىڭ توسىن جايسىزدانۋ حاۋىپ - قاتەرىن دەر كەزىندە ءبىر جاقتى ەتىپ، قاراستى اۋماقتاعى قارتتاردىڭ ەمدەلۋ، تۇرمىستاعى ۇساق - تۇيەك ىستەرىنەن 100دەن استامىن شەشۋىنە كومەكتەسىپ، جالعىز تۇراتىن قارتتاردىڭ حاۋىپسىزدىك كومەسكى قاتەرىنەن بىرەۋى دە تۋىلماۋىن جۇزەگە اسىردى.
”بۇلاردىڭ بارلىعى بولماشى ىستەر بولعانىمەن، قارتتارعا وزدەرىنە كوڭىل بولەتىن ادامنىڭ بار ەكەنىن سەزىندىرسەك عانا ءبىزدىڭ بارلىق قۇلشىنىسىمىز تەككە كەتپەگەنى“، - دەدى تاجىگۇل.
تەرەزە پەردەسىنىڭ ءار رەتكى اشىلىپ - جابىلۋىنا نەگىزگى ساتى قىزمەتكەرلەرىنىڭ كوڭىل ءبولۋى سىڭگەن؛ شامنىڭ ءار رەتكى جانىپ - ءسونۋى جالعىز تۇراتىن قارتتاردىڭ كوڭىلى جاي تاۋىپ الاڭسىز ءوتىپ جاتقاندىعىن كورسەتەدى. الەۋمەتتىك اۋماق قىزمەتكەرلەرى مەن ەرىكتىلەر كۇن سايىن ءارقايسى شاعىن اۋماقتار اراسىندا شاپقىلاپ، ”تاڭەرتەڭ تەرەزە پەردەسىنە، كەشتە شىراققا قارايتىن“ ۋادەسىمەن كورشىلەر بىرگە باسقاراتىن بىرىككەن كۇش ۇيىستىرىپ، ىنتىماقتى، مەيىردى الەۋمەتتىك اۋماقتىڭ بارلىق جەرىنە جەتكىزدى.
