7 ـ ايدىڭ 26 ـ كۇنى 12 ـ توپتا ورتالىقتاعى ورىنداردان شينجياڭعا كومەكتەسەتىن كادر ـ دارىندىلار ۇرىمجىگە جەتتى. سۋرەتتە: شينجياڭعا كومەككە كەلگەن كادر ـ دارىندىلار ۇشاق باسپالداعىنان ٴتۇسىپ كەلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى زوۋ ي تۇسىرگەن
شينحۋا اگەنتتىگىنىڭ 7 ـ ايدىڭ 26 ـ كۇنى بەيجيڭنەن بەرگەن حابارى. 7 ـ ايدىڭ 26 ـ كۇنى ورتالىق كوميتەتتىڭ ۇيىمداستىرۋ بولىمىندەگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى قاتىستى جاۋاپتى جولداستاردىڭ باستاۋىمەن 12 ـ توپتا ورتالىقتاعى ورىنداردىڭ شينجياڭعا كومەكتەسەتىن كادر ـ دارىندىلارى ۇرىمجىگە جەتتى. سونىمەن 12 ـ توپتا شينجياڭعا كومەكتەسەتىن كادر ـ دارىندىلار شينجياڭعا باعىتتامالى كومەكتەسۋدىڭ ”ۇتىلامالى تاياقشاسىن“ وتكىزىپ الىپ، شينجياڭعا كومەكتەسۋدىڭ 3 جىلدىق قىزمەتىن باستادى.
1997 ـ جىلدان بەرى، پارتيا ورتالىق كوميتەتىنىڭ ٴبىر تۇتاس ورنالاستىرۋى بويىنشا، ورتالىق كوميتەتتىڭ ۇيىمداستىرۋ ٴبولىمى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى ىلگەرىندى ـ كەيىندى 12 توپتا 30 مىڭنان استام كادر ـ دارىندىنى شينجياڭعا بارىپ قىزمەت ىستەۋگە ۇيىمداستىردى. شينجياڭعا كومەكتەسەتىن قالىڭ كادر ـ دارىندى پارتيا ورتالىق كوميتەتىنىڭ قاتىستى كەلەلى شەشىمدەرىن، ورنالاستىرۋلارىن مۇقيات دايەكتىلەندىرىپ، شينجياڭ ۇيعۇر اۆتونوميالى رايوندىق پارتكوم مەن شينجياڭ ٴوندىرىس ـ قۇرىلىس بيڭتۋانى پارتكومىنىڭ قىزمەت ورنالاستىرۋى بويىنشا، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىن ارقاۋ ەتىپ، شينجياڭ قىزمەتى باس نىساناسىن مىقتاپ يگەرىپ، شينجياڭداعى ٴار ۇلت كادر ـ بۇقاراسىمەن بىرگە قامال الىپ، قيىنشىلىقتاردى جەڭىپ، ناقتى ىستەپ، قاجىرلىلىقپەن ىستەپ، شينجياڭدى زاڭمەن باسقارۋدا، شينجياڭدى ىنتىماقتاسا ورنىقتىرۋدا، شينجياڭدى مادەنيەتپەن نارلەندىرۋدە، حالىقتى بايىتىپ شينجياڭدى گۇلدەندىرۋدە، شينجياڭدى باياندى كوركەيتۋدە تىڭ ىلگەرىلەۋشىلىككە، جاڭا ناتيجەگە قول جەتكىزۋدى بەلسەنە ىلگەرىلەتىپ، شينجياڭعا كومەكتەسەتىن كادر ـ دارىندىلاردىڭ دەڭگەيى مەن كەلبەتىن ايگىلەدى.
بيىل ورتالىق كوميتەتتىڭ ۇيىمداستىرۋ ٴبولىمى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ پارتيا قۇرىلىسى يدەياسىن جاپپاي دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى بايىمداۋلارىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، كادر ـ دارىندىلار باعىتتامالى كومەكتەسۋ سىندى قىزمەت ورنالاستىرۋىنا ساي، شينجياڭعا كومەكتەسەتىن جاڭا ٴبىر توپ كادر ـ دارىندىنى تاڭداپ جىبەرۋ، اۋىستىرۋ قىزمەتىن ۇيىمداستىرىپ ورىستەتتى. 12 ـ توپتا ورتالىقتاعى ورىنداردان جيىنى 800دەن استام كادر ـ دارىندى شينجياڭعا كومەككە باردى، ولار ورتالىقتاعى 130دان استام ورىننان كەلگەن، جالپى تۇلعالىق جاقتان جاس ٴارى قايراتتى، جالپىلىق ساپاسى ٴبىرشاما جاقسى، قۇرىلىمى ٴبىرشاما ۇيلەسىمدى، شينجياڭنىڭ كەزەكتەگى جانە الداعى ٴبىر مەزگىلدەگى ەكونوميكالىق، قوعامدىق دامۋ قاجەتىنە ۇيلەسەدى.
7 ـ ايدىڭ 27 ـ كۇنىنەن 8 ـ ايدىڭ 2 ـ كۇنىنە دەيىن ورتالىق كوميتەتتىڭ ۇيىمداستىرۋ ٴبولىمى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى ۇرىمجىدە كۋرس اشىپ، ورتالىقتاعى ورىنداردان شينجياڭعا كومەككە بارعان كادر ـ دارىندىلاردىڭ جاعدايعا تەزىرەك قانىق بولىپ، قىزمەت كۇيىنە ەرتەرەك ەنۋىنە كومەكتەسەدى.
ۇعىسۋعا قاراعاندا، باعىتتامالى كومەكتەسەتىن قاتىستى ولكە، قالالار تاڭداپ جىبەرگەن 12 ـ توپتا شينجياڭعا كومەككە بارعان 7400دەن استام كادر ـ دارىندى 2026 ـ جىلى 5 ـ ايدىڭ سوڭىنان بۇرىن شينجياڭعا بارىپ قىزمەتكە كىرىسكەن.
