تۇرپان قالالىق توعىسپالى مەديا ورتالىعىنىڭ حابارى. 7 - ايدىڭ 4 - كۇنى تۇرپان جاز كىرگەلى ەڭ ىستىق مەزگىلگە ءوتتى، ويپاتتا ىستىق جالىن تۋلادى. الايدا، تيانشان تاۋىنىڭ وڭتۇستىك باۋرايىنداعى توقسۇن اۋدانى شىچۋان قالاشىعى تۇڭگوۋ قىستاعى 20 نەشە سەلتسي گرادۋستان اساتىن سالقىن كۇيدى ساقتادى، مىڭ مۋلىق قىشى گۇلى قۇلپىرا گۇل اشىپ، ”وتتى القاپتاعى“ ىستىقتان ساقتاناتىن، گۇلدەردى تاماشالايتىن تاماشا جەرگە اينالدى.
تۇڭگوۋ قىستاعىنداعى قىشى گۇلى قۇلپىرا اشىلدى.
تۇڭگوۋ قىستاعىنا بارساڭىز، سارى التىنداي قىشى گۇلى اتىزى تيانشان تاۋىنىڭ ەتەگىنددەگى كەڭ القاپتا ۇزىننان - ۇزاققا ۇلاسىپ، الىستان كورىنگەن قارلى تاۋ القابىمەن، كوك زەڭگىر اسپانمەن، اق مامىق بۇلتتارمەن تاماشا جاراسىم تاۋىپ، ايبىندى دا كوركەم اۋىل كارتيناسىن كەسكىندەدى. سامال جەلمەن بىرگە ىرعالا تولقىنداعان قىشى اتىزىنىڭ حوش ٴيىسى تاۋ - دالانى كەرنەدى. مىڭ مۋلىق وسى گۇل تەڭىزى تيانشان تاۋى القابىنداعى تەڭىز دەڭگەيىنەن بيىك وزگەشە جەر جاعدايىنا بايلانىستى كۇنى قاتتى ىسيتىن تۇرپاندا سالقىن دا جاپ - جاسىل القاپ قالىپتاستىردى.
جەل گەنەراتور قالاقشالارى مەن قىشى گۇلى تاماشا سۋرەت قالىپتاستىردى.
تۇڭگوۋ قىستاعىنىڭ تەڭىز دەڭگەيىنەن بيىكتىگى 1600 ~ 2100 مەتر ارالىعىندا بولىپ، تيانشان تاۋ سىلەمى تابيعي قالتقى رەتىندە ويپاتتىڭ ىستىق جالىنىن توسىپ، تۇيىق، سالقىن تاۋلى ٴوڭىر كليماتىن قالىپتاستىردى. ٴار جىلى جازدا تۇرپاننىڭ تۇتاس وڭىرىندە ℃ 40تان جوعارى قاپىرىق ىستىق بولعاندا، تۇڭگوۋ قىستاعىنىڭ اۋا تەمپەراتۋراسى باستان ـ اياق ℃ 25تان تومەن سالقىن كۇيىن ساقتاپ، اتى زاتىنا ساي ”تاۋلى سايعا“ اينالادى. مۇنداعى مالشىلار ەجەلدەن قىشى ەگۋ ٴداستۇرىن ساقتاپ كەلەدى، قازىر گۇل تەڭىزىنىڭ كولەمى مىڭ مۋدان استى. سونىمەن بىرگە، بۇل ارا تۇرپان قالاسىنداعى بىردەن ـ ٴبىر قازاق ۇلتى شوعىرلى قونىستانعان قىستاق، ساياحاتشىلاردىڭ گۇل تاماشالاۋدان سىرت، ات بايگەسى، ۇلتتىق سالت ـ سانا، ٴدامدى تاعامدار سياقتى وزگەشە سالت ـ سانانى سەزىنۋىنە بولادى.
تۇڭگوۋ قىستاعىنداعى قىشى شەشەك اتتى.
تۇڭگوۋ قىستاعى توقسۇن اۋدانىنان شامامەن 80 كيلومەتر قاشىقتىقتا، ٴوز اۆتوكولىگىمەن جۇرەتىندەرگە ەكى جول توتە اپارادى. تۇرپاننىڭ وزىندەگى ساياحاتشىلار توقسۇن اۋدانىنان جولعا شىعىپ ، 079 اۋدان جولىن بويلاپ كوجەي قالاشىعىنان 80 كيلومەتر جۇرسە توتە بارادى؛ نەمەسە العوي قالاشىعى ارقىلى 103 ولكە تاس جولىمەن ٴجۇرىپ، حيشان تاۋى ساحاراسىنا قارايعى جولمەن بارۋعا بولادى. ٴۇرىمجى ساياحاتشىلارى ۇلانباي اقى الۋ پۋنكتى ارقىلى ليانيۇنگاڭ - قورعاس جوعارى قارقىندى تاس جولىنا كىرىپ، شياۋساۋحۋ اقى الۋ پۋنكتىنەن ٴوتىپ كورلاعا قارايعى باعىتتاعى توقسۇننىڭ سولتۇستىك جول اۋىزىنان جوعارى قارقىندى تاس جولدان ءتۇسىپ، 079 اۋدان جولىن بويلاي كوجەي قالاشىعىنان 80 كيلومەتر جۇرسە جەتۋگە بولادى. جول بويى تيانشان تاۋىنىڭ قىزىل وزەن اڭعارى، يادان جەر بەدەرى، ءپانجىر عاجايىپ تاس ورمانى سياقتى گەولوگيالىق عاجايىپ كورىنىستەردى ارالاپ ساياحاتتاۋعا بولادى.
تۇڭگوۋ قىستاعىنىڭ مىڭ مۋلىق قىشى اتىزى قۇلپىرا گۇل اشۋ مەزگىلىنە ءوتتى.
قازىر قىشى گۇلىن تاماشالاۋدىڭ ءدال كەزى، گۇل اشۋ مەزگىلى مەجەمەن 7 - ايدىڭ ورتا، سوڭىنا دەيىن جالعاسادى. شىلىڭگىر جاز كۇندەرى تيانشان تاۋىنىڭ ەتەگىنە ات باسىن بۇرىپ، وتتى القاپتىڭ شىلىڭگىر ىستىعىنان تاسالانىپ، قارلى تاۋ مەن گۇل تەڭىزىنە ساياحات جاساڭىز.
تۇرپان قالالىق توعىسپالى مەديا ورتالىعىنىڭ ەرىكتى تىلشىلەرى: لي جيڭحاي، ۋاڭ لۋ، حۋ گوكاي
