【سۋرەتتەگى شينجياڭ】 موري: ون مىڭ مۋلىق ٴشولدى اتىزدىڭ سارى، جاسىل القابى ءوزارا توعىسىپ، اۋىل شارۋاشىلىعى مەن ساياحاتتى توعىستىرۋدىڭ جاڭا كارتيناسىن سالدى

　　7 - ايدىڭ 4 - كۇنى، شينجياڭ سانجى حۇيزۋ اۆتونوميالى وبلىسى موري قازاق اۆتونوميالى اۋدانى دۇڭچىڭ قالاشىعى شىنجياگوۋ قىستاعىنداعى ون مىڭ مۋلىق ٴشولدى اتىزعا بيىكتەن كوز سالعاندا، التىن ٴتۇستى ٴبيداي اتىزى مەن جاسىل ٴتۇستى نوقات اتىزى ٴوزارا كىرىگىپ، سارى، جاسىل ٴتۇس ارالاسىپ، اسا كوركەم كارتينا قالىپتاستىردى. ٴبيداي اتىزى سامال جەلمەن باياۋ ىرعالىپ، كۇن شۇعىلاسىنداي ساۋلە شاشتى؛ تىلكىم جاسىل ٴتۇستى نوقات اتىزدارىندا تىرشىلىكتىڭ ومىرشەڭدىگى مەن پاكتىگى تاسقىندادى. سارى مەن جاسىل ارالاس دالا بەينە ۇلى تابيعاتتىڭ عاجايىپ سۋرەتشىلەرىنىڭ قولىنداعى رەڭ تاقتاسىنا ۇقسايدى، اۋىل - قىستاقتىڭ كوركەم دە كورىكتى جازعى كارتيناسىن سىزىپ، ادامدى بالالار ەرتەگىسى الەمىندە تۇرعانداي ەتەدى. تاياۋ جىلداردان بەرى، موري قازاق اۆتونوميالى اۋدانى تيانشان موري جۇڭگو اۋىل شارۋاشىلىعى باقشاسىنا سۇيەنىپ، ”تيانشاننىڭ موريى جانعا جايلى مەكەن“ تۇتاس وڭىرلىك ساياحات ماركاسىن كۇش سالا قالىپتاستىرىپ، اۋىل شارۋاشىلىعى مەن ساياحات كاسىبىنىڭ ىشكەرىلەي توعىسۋىن ىلگەرىلەتىپ، كوپتەگەن ساياحاتشىلاردى ساياحاتتاۋعا باۋرادى. (اۆتورى: حى لۇڭ، اۆتوردىڭ جۇمىس ورنى: سانجى وبلىستىق توعىسپالى مەديا ورتالىعى)