— 11 ـ توپتاعى ورتالىقتاعى ورىنداردىڭ شينجياڭعا كومەكتەسۋ قىزمەتىن قورىتىندىلاۋ، ماداقتاۋ ـ سيلاۋ جانە 12 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلاردى قارسى الۋ جينالىسىنان ەستەلىك
تيانشان تورى - شينجياڭ گازەتىنىڭ ٴتىلشىسى ليۋ ي
شىلدە ايىنداعى شينجياڭدا كۇن قاباعات ىستىق بولعانىمەن، ٴبىر جولعى جينالىس جەتكىزگەن رياسىز مەيىردەي كىسىنىڭ جۇرەك قىلىن شەرتە العان جوق.
7 ـ ايدىڭ 27 ـ كۇنى 11 ـ توپتاعى ورتالىقتاعى ورىنداردىڭ شينجياڭعا كومەكتەسۋ قىزمەتىن قورىتىندىلاۋ، ماداقتاۋ ـ سيلاۋ جانە 12 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلاردى قارسى الۋ جينالىسى شينجياڭ حالىق سارايىندا وتكىزىلدى.
7 ـ ايدىڭ 27 ـ كۇنى 11 ـ توپتاعى ورتالىقتاعى ورىنداردىڭ شينجياڭعا كومەكتەسۋ قىزمەتىن قورىتىندىلاۋ، ماداقتاۋ ـ سيلاۋ جانە 12 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلاردى قارسى الۋ جينالىسى شينجياڭ حالىق سارايىندا وتكىزىلدى. سۋرەتتە: ماجىلىسكە قاتىناسۋشىلار ٴماجىلىس الاڭىندا سوزگە قۇلاق سالۋدا. سۋرەتتى تيانشان تورى - شينجياڭ گازەتىنىڭ ٴتىلشىسى جوۋ پىڭ تۇسىرگەن
تولاسسىز شاپالاق ٴۇنى كەرنەگەن جينالىس الاڭىندا مەيىرىمدىلىك پەن باۋىرمالدىق توعىسىپ، داڭق پەن قيماستىق ۇندەستىك تاپتى. ۇزاق ۋاقىت دامدەس بولعان قىزمەتتەستەر، سىرلاس دوس، سىرالعى قۇربىلار ٴوزارا اماندىق سۇراسىپ، قيماستىقپەن قوشتاستى، ٴاربىر ەسكەرتۋلەرى قامقورلىققا تولى بولىپ، ٴاربىر تىلەكتەرى جۇرەك تۇكپىرىنەن شىقتى.
بۇل رەتكى جينالىس شينجياڭعا كومەكتەسۋدىڭ 3 جىلدىق قىزمەتىنە تەرەڭ سۇيىسپەنشىلىكپەن قايىرىلا قاراۋ، وزات تيپتەردى سالتاناتتى تۇردە ماداقتاۋ ـ سيلاۋ بولىپ عانا قويماي، ونان دا ماڭىزدىسى، شينجياڭعا كومەكتەسۋ ىستەرىنىڭ ۇزدىكسىز ەكپىندەي ىلگەرىلەۋىنىڭ شىت جاڭا باستاماسى بولدى.
بيىل — ”15 ـ بەسجىلدىقتىڭ“ باستاما جىلى، سونداي ـ اق پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جونىندە كەلەلى ستراتەگيالىق شەشىم جاساعاندىعىنىڭ 30 جىلدىعى. شينجياڭداعى ٴار ۇلت كادر ـ بۇقاراسىمەن ٴبىر نيەتپەن سەلبەسىپ، ىنتىماقتاسا كۇرەس جۇرگىزگەن مەزگىلدەردەگى وتكەن ـ كەتكەندى ەسكە الساق، شينجياڭعا كومەككە كەلگەن توپ ـ توپ كادر ـ دارىندىلار اتا مەكەندەرىمەن، تۋىس ـ تۋعان، دوس ـ جاراندارىمەن قوشتاسىپ، تانىس قىزمەت ورىندارىنا قوش ايتىپ، مەملەكەت سۇيىسپەنشىلىگى مەن شينجياڭعا كومەكتەسۋ بورىشىن ارقالاپ، اقيقات جولىندا ەشتەڭەدەن ايانباي تيانشان الابىنا اتتاندى. ولار نەشە مىڭ شاقىرىمدىق تاۋ ـ وزەندەردى ەندەي ٴوتىپ، وڭىرلىك پارىقتى جەڭىپ، وتباسىنداعىلارمەن باس قوسۋدان الىستاپ، شەكارا وڭىردەگى ىرىستى مەكەنگە بارىپ، اۋەلگى ماقساتتى شينجياڭنىڭ بايتاق دالاسىنا ويىپ جازىپ، جاستىق كوكتەمىن شينجياڭنىڭ رەفورما، دامۋ، ورنىقتىلىق ىستەرىنە ارناپ، ٴىس جۇزىندىك ارەكەتتەرى ارقىلى ”ۇلكەن وتباسى ٴۇشىن شاعىن وتباسىن قياتىن“ قالتقىسىز ۇلەس قوسۋ رۋحىن امالياتتا ايگىلەدى. شينجياڭنىڭ ەكونوميكالىق، قوعامدىق دامۋىندا كۇللى دۇنيەنى جالت قاراتقان تابىستارعا قول جەتكىزۋدە شينجياڭعا كومەككە كەلگەن كادرلاردىڭ ەڭبەگى وراسان زور.
وتكەن 3 جىلدا 11 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلار جاڭا داۋىردەگى شينجياڭعا كومەكتەسۋ رۋحىن اسقاقتاتىپ، ناقتى ٴىس ىستەپ جاۋاپكەرشىلىك ارقالاۋ ارقىلى اۋەلگى ماقساتتى، بورىشتى امالياتتا ايگىلەپ، قالتقىسىز ۇلەس قوسۋ ارقىلى مەملەكەت سۇيىسپەنشىلىگىن ايگىلەدى. كوپشىلىك شەكارا وڭىرگە تامىر تارتىپ ۇزدىكسىز كۇرەس جۇرگىزىپ، شينجياڭدى تۋعان جەرىندەي، ٴار ۇلت بۇقاراسىن تۋىسىنداي كورىپ، شينجياڭنىڭ بايتاق دالاسىن قادامدارىمەن ولشەپ، ۇلتتار ىنتىماعى گۇلىن ماڭداي تەرلەرىمەن سۋارىپ، اقىل ـ پاراساتتارى مەن قابىلەتتەرى ارقىلى شينجياڭنىڭ جوعارى ساپالى دامۋىن ىلگەرىلەتىپ، تيانشان الابىندا وشپەس ٴىز قالدىرىپ، شينجياڭعا باعىتتامالى كومەكتەسۋدىڭ جان تەبىرەنتەرلىك حيكاياسىن جازدى.
”شينجياڭعا كومەكتەسكەن 3 جىل ۋاقىتقا قايىرىلا قاراساق، ٴبىز ٴار ۇلت بۇقاراسىمەن بىرگە ويلادىق، بىرگە ىستەدىك، توعىسىپ كەتتىك، ۇلت اتتاعان وسى تەرەڭ سۇيىسپەنشىلىك ومىرىمدەگى ەڭ باعالى بايلىققا اينالدى.“ 11 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلاردىڭ ۋاكىلى، اۆتونوميالى رايوندىق مادەنيەت جانە ساياحات مەڭگەرمەسىنىڭ ورىنباسار باستىعى پىڭ چىڭ بىلاي دەدى: 10 مىڭ شاقىرىمدىق شينجياڭعا كومەكتەسۋ جولىندا شينجياڭعا ٴومىر بويى كومەكتەسۋدەي سۇيىسپەنشىلىك ورناتتىق، مەن 3 جىلدىق شەكارا وڭىردەگى شىڭدالۋدى ٴىس تىندىرىپ ناتيجە شىعارۋدىڭ قۇدىرەتتى قوزعاۋشى كۇشىنە اينالدىرىپ، شينجياڭ سىندى وسىناۋ قۇتتى مەكەنمەن ماڭگى تىلەكتەس بولامىن، كوپىرلىك، دانەكەرلىك رولىمدى ۇزدىكسىز ساۋلەلەندىرىپ، شينجياڭنىڭ دامۋىنا ۇزدىكسىز كۇش قوسامىن.
”ٴبىز ٴارى ۇشقىن، ٴارى ىرگە تاسپىز، ۇلتتاردىڭ ارالاسۋىن، ىشتەسۋىن، توعىسۋىن جەبەۋ بارىسىندا جارىق شاشىپ، جىلۋ شىعارۋمەن بىرگە، شينجياڭنىڭ قوعام ورنىقتىلىعى مەن باياندى تىنىشتىعىنا دەم بەرۋ بارىسىندا دا نەگىزدى ٴۇن ـ ٴتۇنسىز بەكەمدەدىك.“ 11 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلاردىڭ ۋاكىلى، شينجياڭ ٴوندىرىس ـ قۇرىلىس بيڭتۋانى شيپاحاناسى كوز اۋرۋلار ٴبولىمىنىڭ مەڭگەرۋشىسى لو يان بىلاي دەدى: ەمدەۋ ارقىلى شينجياڭعا كومەكتەسۋ ەجەلدەن ٴبىر ادامنىڭ ساپارى ەمەس، قايتا ٴبىر توپ ادامنىڭ كۇش جالعاۋىمەن ورىندالادى، الداعى جەردە مەيلى قايدا بارسام دا، مەن ماڭگى بيڭتۋاننىڭ ”اسكەرىمىن“، تەك بيڭتۋان قاجەت ەتسە بولعانى، مەنىڭ اۋەلگى ماقساتىم ماڭگى جالعاسا بەرەدى، قاي ـ قاشان دا بۇيرىق كۇتىپ تۇرامىن.
بۇگىنگى كۇنى شينجياڭنىڭ بايتاق دالاسىن ارالاپ، شينجياڭداعى كادر ـ بۇقارانىڭ شينجياڭعا كومەكتەسۋ قىزمەتىنە، شينجياڭعا كومەككە كەلگەن كادر ـ دارىندىلارعا بەرگەن باعاسىن تىڭدادىم، ەڭ كوپ ايتىلعانى ”راقىمەت“ دەگەن ٴسوز بولدى. شىن جۇرەكتەن شىققان وسى ريزاشىلىق شينجياڭعا كومەككە كەلگەن كادر ـ دارىندىلارمەن شينجياڭداعى ٴار ۇلت كادر ـ بۇقاراسىنىڭ تاۋ ـ وزەندەردەن ەندەي وتكەن تەرەڭ سۇيىسپەنشىلىگىن ايگىلەدى.
قازىر مىندەت وتەۋ مەرزىمى تولۋ الدىندا تۇر، بورىش جەتكىزىلدى، شينجياڭعا كومەكتەسۋ بورىشىن ٴساتتى ورىنداعان ٴبىر توپ كادر ـ دارىندى ساعىنىشقا تولى جانە سۇيىسپەنشىلىك ورناتقان وسى توپىراققا قوش ايتادى، تاعى ٴبىر توپ جالعاستىرۋشىلار ساقاداي ساي تۇر.
”سەنىم مەن ماڭىزدى تاپسىرمانى ورىنداپ، شينجياڭعا كومەكتەسۋ ۇتىلامالى جارىسىندا ورنىقتى، ويداعىداي جۇگىرەمىن.“ 12 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلاردىڭ ۋاكىلى، جاراتىلىستىق بايلىق مينيسترلىگى جاراتىلىستىق بايلىقتى اشۋ ـ پايدالانۋ مەكەمەسىنىڭ ورىنباسار باستىعى جوۋ تيڭ بىلاي دەدى: ساياسي جاۋاپكەرشىلىكتى مىقتاپ ارقالاپ، حالىقتى باقىتقا كەنەلتۋگە بەل بايلاپ، ناقتى ٴىس ىستەۋ، جاۋاپكەرشىلىك ارقالاۋ ارقىلى سەنىمگە قول جەتكىزۋگە قۇلشىنىپ، تاماشا ستيل ارقىلى القاۋعا بولەنىپ، شينجياڭنىڭ بايتاق دالاسىندا شينجياڭعا كومەكتەسۋ قىزمەتىنىڭ جاڭا تاراۋىن جازامىن.
”شينجياڭعا كومەكتەسۋ قىزمەتىنىڭ كۋاگەرىنەن كۇش جالعاۋشىعا اينالىپ، بورىشتىڭ داڭقتى ەكەنىن تەرەڭ سەزىنىپ عانا قويماي، ونان دا ماڭىزدىسى، جاۋاپكەرشىلىكتىڭ اۋىر ەكەنىن دە ٴبىلدىم.“ 12 ـ توپتا ورتالىقتاعى ورىنداردان شينجياڭعا كومەككە كەلگەن كادر ـ دارىندىلاردىڭ ۋاكىلى، چاڭ ـ ان داشۋەسىنىڭ ورىنباسار باستىعى دۋ چياڭ بىلاي دەدى: شينجياڭعا كومەكتەسۋ اۋىر مىندەتىن ادالدىقپەن ارقالاپ، پارتياعا ادالدىقتى، وقۋ ـ اعارتۋ ىستەرىنە ىنتا ـ پەيىلدى شەكارا وڭىرگە تامىر تارتىپ، شينجياڭدا تەر توگۋدىڭ ٴىس جۇزىندىك ارەكەتىنە اينالدىرىپ، ىسىلعان ستيل ارقىلى ۇزدىكسىز كۇرەس جۇرگىزىپ، قۇلشىنىپ، ۇيىمنىڭ، حالىقتىڭ ٴۇمىتىن اقتايتىن قاناعاتتانارلىق جاۋاپناما تاپسىرامىن.
تاۋلى ٴوڭىر مەن تەڭىز جاعالاۋى ٴوڭىرىنىڭ سۇيىسپەنشىلىگى تەرەڭ، ۇرپاقتار بويى جالعاسادى. شينجياڭعا كومەكتەسۋ − وسكەلەڭ ٴىس، داڭقتى بورىش. ۇتىلامالى تاياقشا قولدان ـ قولعا ٴساتتى تاپسىرىلدى، ەكپىندەي ىلگەرىلەۋدىڭ جاڭا جورىعى باستالدى.
