جاز كىرىسىمەن باعراش اۋدانى كۇنباعىستىڭ ەڭ تاماشا گۇل اشۋ مەزگىلىن قارسى الدى، كوز جەتكىسىز التىن رەڭدى گۇل تەڭىزى اۋىل ـ قىستاق كەلبەتىن نۇرلاندىرىپ قانا قويماي، اۋىل ـ قىستاق سەيىل - سەرۋەن ساياحاتىن جانداندىرىپ، شارۋالاردىڭ كىرىسىن ارتتىرىپ، اۋقاتتانۋىنا جەتەكشىلىك ەتتى.
باعراش اۋدانىنداعى كولەمدى ەگىلگەن كۇنباعىس ەڭ تاماشا گۇل اشۋ مەزگىلىنە ءوتتى.
7 - ايدىڭ 21 - كۇنى باعراش اۋدانى شاعاننۇر اۋىلى شاعاننۇر قىستاعىندا كۇنباعىس ەگۋ بازاسىنداعى كۇنباعىستار جارىسا گۇل اشتى، ساپ - سارى گۇل تاباقتارى كۇن شۋاعىنا شومىلا ىرعالىپ، اۋىلدىڭ بايتاق دالاسىن گۇلگە ورادى، كوك اسپانمەن، اقشا بۇلتتارمەن، اۋىل اراسىنداعى قۇنارلى اتىزدارمەن، قايشالىسقان تۇرعىن ۇيلەرمەن قاۋىشا كوز تارتىپ، تىرشىلىك تىنىسىنا تولى، شۋاقتى دا دۋماندى جاز كۇنىندەگى اۋىل ـ قىستاق اتىزىنىڭ تاماشا كارتيناسىن سالدى.
التىنداي سارى گۇل تاباقتارى كۇن شۋاعىنا شومىلا باياۋ ىرعالدى.
ساياحاتشىلار وسىندا ارنايى كەلىپ، گۇل تەڭىزىندەگى جاياۋلار جولىن ارالاپ، التىنداي سارى كەڭ اتىزعا تاڭدانا قاراپ، ەستەلىك سۋرەتكە ءتۇسىپ، سەيىل ـ سەرۋەن قۇرىپ، اۋىل ـ قىستاقتىڭ جاز ماۋسىمىنداعى تاماشاسى مەن كوركەمدىگىنەن بارىنشا ٴلاززاتتاندى.
ساياحاتشىلار كۇنباعىستى تاماشالاۋدا.
”مىنا جاقتاعى كۇنباعىس گۇل تەڭىزىنىڭ ەرەكشە كوركەم ەكەنىن ەستىگەن ەدىم، بۇگىن دوسىمدى ارنايى ەرتىپ كەلدىم، بۇل ارانىڭ اۋاسى تازا، كورىنىسى تاماشا، سۋرەتكە قالاي تۇسسەڭىز دە ادەمى شىعادى. ونىڭ ۇستىنە، بۇل ارانىڭ قىستاق جولدارى تەگىس، ورتاسى تازا، سەيىل ـ سەرۋەن قۇرعانعا باپ كەلەدى، باسقا دا دوستارىمدى وسىنداعى قىستاقتى ارالاپ قايتۋعا ۇسىنىس ەتەمىن“، ـ دەدى كورلادان كەلگەن ساياحاتشى ياڭ يىڭ تەبىرەنىستى كۇيمەن.
ساياحاتشىلار كۇنباعىستى تاماشالاۋدا.
ساياحاتشىلار سۋرەتكە ٴتۇسىپ، ەستەلىك قالدىرۋدا.
كوزدىڭ جاۋىن الاتىن گۇل تەڭىزىنىڭ استارىندا اۋىل ـ قىستاق ەرەكشە ەگىمشىلىك كاسىبىنىڭ قارىشتاپ دامۋى جاتىر. اتىزداعى قۇلپىرا اشىلعان كۇنباعىستاردى كورگەندە، ەگىمشى وتباسى لي سايشيانىڭ جۇزىنەن مول ٴونىم شاتتىعى مەن مۇندالادى. ”مەن بيىل جيىنى 70 نەشە مۋ جەرگە كۇنباعىس ەكتىم، ٴار جىلى 7-، 8- ايلاردا كۇنباعىس قۇلپىرا اشىلادى، ەڭ قاربالاس ٴارى ەڭ كوڭىلدى كەزىمىز وسى كەز، گۇل تەڭىزى قىستاقتاعى اۋىل ـ قىستاق ساياحاتىن جەبەدى، ساياحاتشىلاردىڭ كوبى گۇلدەردى تاماشالاعاننان كەيىن، جول ـ جونەكەي جەرگىلىكتى شارۋالاردىڭ ەرەكشە ونىمدەرىن ساتىپ الىپ، قىستاق تۇرعىندارىنىڭ كىرىسىن نەداۋىر جوعارىلاتتى،“- دەدى لي سايشيا.
جايقالا اشىلعان كۇنباعىس.
سوڭعى جىلدارى، باعراش اۋدانى اۋىل ـ قىستاقتىڭ جاراتىلىستىق بايلىق ابزالدىلىعىن تياناق ەتىپ، جەرگىلىكتى جاعدايعا قاراي اۋىل شارۋاشىلىعىنىڭ ەگىمشىلىك قۇرىلىمىن ساپالىلاندىرىپ، كۇنباعىس، قىشى سياقتى تاماشالاۋعا باپ كەلەتىن ەرەكشە ەگىس داقىلدارىن ەگۋدى كۇش سالا دامىتىپ، اۋىل شارۋاشىلىعى ٴوندىرىسىن اۋىل ـ قىستاقتىڭ ساياحاتىمەن ىشكەرىلەي توعىستىردى. گۇلدى دانەكەر ەتىپ، ساياحات ارقىلى كاسىپتى گۇلدەندىرىپ، ٴتورت ماۋسىمدىق باۋ ـ باقشا كورىنىسىن ۇزدىكسىز قالىپتاستىرىپ، اۋىل ـ قىستاقتىڭ گۇل تاماشالاۋ نەگىزىندەگى ەكونوميكاسىن جەتىلدىرىپ، اۋىل ـ قىستاقتىڭ قونىس ورتاسىن كورىكتەندىرىپ قانا قويماي، اۋىل ـ قىستاق مادەنيەت ساياحاتىنىڭ ومىرشەڭدىك كۇشىن تاسقىنداتتى ٴارى بۇقارا كىرىسىن ارتتىرۋدىڭ ارناسىن كەڭەيتىپ، اۋىل شارۋاشىلىعىنىڭ ساپاسىن جوعارىلاتۋدى، اۋىل ـ قىستاقتىڭ كوركىن ارتتىرۋدى، بۇقارانىڭ كىرىسىن ارتتىرۋدى ٴونىمدى ىلگەرىلەتتى.
