7 ـ ايدىڭ 21 ـ كۇنى ٴۇرىمجى حۇڭشان يكاتۇڭ شەكتى جاۋاپكەرشىلىك سەرىكتەستىگى ”نان“ پىشىنىندەگى مادەنيەت جاسامپازدىعى الەۋمەتتىك اۆتوبۋس كارتچكاسىن (تومەندە قىسقارتىلىپ ”نان كارتچكاسى“ دەلىنەدى) رەسمي ساتا باستادى، تۇڭعىش توپتاعى شەكتى سان 100 دانا بولدى.
وسى رەت ساتىلعان ”نان كارتچكاسىنا“ جۇمساق كوزە ماتەريالى قولدانىلدى، سىرتقى كورىنىسىنىڭ ديامەترى شامامەن 5 سانتيمەتر شاماسىندا، بەتىندەگى ناننىڭ بەدەرىن انىق كورۋگە بولادى، سيىر تەرىسىنەن جاسالعان جىپشە تۇتىنۋشىلاردىڭ پايدالانۋىنا قولايلى. بۇدان سىرت، ”نان كارتچكاسىنا“ جەكە ”كۇنجىت“ اشەكەيلەرى دە سەپتەلگەن، تۇتىنۋشىلار ٴوز قالاۋى بويىنشا DIY دى كارتچكاعا جاپسىرىپ، ءوزى ۇناتاتىن ”نان كارتچكاسىن“ جاساۋىنا بولادى. ادەمى بولۋدان سىرت، ”نان كارتچكاسىنا“ تاعى مەملەكەت بويىنشا ءبىرتۇتاس ىستەتۋگە بولاتىن، ٴوزارا بايلانىساتىن چيپ ورناتىلدى، 330دان استام قالادا الەۋمەتتىك اۆتوبۋس پەن مەتروعا تىكەلەي وتىرۋعا بولادى.
نان شينجياڭداعى ەڭ ۋاكىلدىك سيپاتقا يە ەرەكشە تاعامداردىڭ ٴبىرى. حۇڭشان امبەباپ كارتچكاسى وسىدان بۇرىن ”شينجياڭ جىگىتى“، ”شينجياڭ قىزى“ ماحاببات كارتچكاسى، 2 ـ جول اۆتوكولىگىنىڭ وزگەشە تۇرپاتتى كارتچكاسى سياقتىلاردى قامتىعان شينجياڭ ەرەكشەلىگىندەگى وزگەشە ۇلگىدەگى اۆتوكولىك كارتچكاسىن شىعارعان بولاتىن.”نان كارتچكاسى“ — ەڭ جاڭا سىناق، ۇجىمنىڭ جوبالاۋدان بۇيىم شىعارۋىنا دەيىن جارتى جىلعا تاياۋ ۋاقىت جۇمسالدى. قازىر ”نان كارتچكاسىنىڭ“ ساتىلۋ باعاسى 99 يۋان.
ٴۇرىمجى حۇڭشان يكاتۇڭ شەكتى جاۋاپكەرشىلىك سەرىكتەستىگىنىڭ قىزمەتكەرى دۋان نان مىنانى ءبىلدىردى: ”نان كارتچكاسىن“ پايدالانىپ ۇرىمجىدە الەۋمەتتىك اۆتوبۋس، مەترو، BRT سياقتى قاتىناس كولىكتەرىنە ىستەتسە، % 10تىك تيىمدىلىكتەن يگىلىكتەنە الادى. الداعى جەردە سەرىكتەستىك شينجياڭنىڭ ءوز ەرەكشەلىگىن ارقاۋ ەتىپ، اناعۇرلىم كوپ مادەنيەت جاسامپازدىعى الەۋمەتتىك قاتىناس كارتچكاسىن جاساپ، كورىكتى شينجياڭدى ۇگىتتەيتىن جىلجىمالى تانىسقىعا اينالدىرادى.
