□ شينحۋا اگەنتتىگىنىڭ تىلشىلەرى جۋ جيچاي، جاڭ يان
2012 ـ جىلى 11 ـ ايدىڭ 8 ـ كۇنىنەن 14 ـ كۇنىنە دەيىن جۇڭگو كوممۋنيستىك پارتياسىنىڭ مەملەكەتتىك 18 ـ قۇرىلتايى بەيجيڭدە وتكىزىلدى. پارتيا 18 ـ قۇرىلتايى ەلىمىز جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە قادام تاستاعاندا اشىلعان ٴبىر رەتكى توتەنشە ماڭىزدى قۇرىلتاي. قۇرىلتايدىڭ نەگىزگى تاقىرىبى: جۇڭگوشا سوتسياليزم ۇلى تۋىن بيىك ۇستاپ، دىڭ شياۋپيڭ نازارياسىن، ”ۇشكە ۋاكىلدىك ەتۋ“ ماڭىزدى يدەياسىن، عىلمي دامۋ كوزقاراسىن جەتەكشى ەتىپ، يدەيانى ازات ەتىپ، رەفورما جاساپ، ەسىك اشىپ، كۇش ـ قۋاتتى ۇيىستىرىپ، قامال الىپ قيىندىقتاردى جەڭىپ، جۇڭگوشا سوتسياليزم جولىن بويلاپ بۇلجىماي العا ىلگەرىلەپ، جاپپاي دوڭگەلەك داۋلەتتى قوعام قۇرۋ جولىندا كۇرەس جۇرگىزۋ. قۇرىلتاي وتكەن 5 جىلداعى قىزمەتتەرگە جانە پارتيا 16 ـ قۇرىلتايىنان كەيىنگى كۇرەس بارىسى مەن قول جەتكىزگەن تاريحي تابىستارعا قايىرىلا قاراپ جانە ونى قورىتىندىلاپ، عىلمي دامۋ كوزقاراسىنىڭ تاريحي ورنىن تۇراقتاندىردى.
11 ـ ايدىڭ 15 ـ كۇنى پارتيا 18 ـ كەزەكتى ورتالىق كوميتەتىنىڭ ٴبىرىنشى جالپى ٴماجىلىسى شي جينپيڭدى جۇڭگو كوممۋنيستىك پارتياسى ورتالىق كوميتەتىنىڭ باس شۋجيلىگىنە سايلادى، شي جينپيڭدى جۇڭگو كوممۋنيستىك پارتياسى ورتالىق كوميتەتى اسكەري ىستەر كوميتەتىنىڭ ٴتوراعالىعىنا ۇيعاردى. باس شۋجي شي جينپيڭ جۇڭگولىق، شەتەلدىك تىلشىلەرمەن كەزدەسكەندە جاڭا كەزەكتى ورتالىق كوميتەت باسشىلىق كوللەكتيۆى اتىنان بىلاي دەپ ايبىندى ۋادە بەردى: ”حالىقتىڭ تاماشا تۇرمىسقا تالپىنىسى − ٴبىزدىڭ كۇرەس نىسانامىز“.
پارتيا 18 ـ قۇرىلتايىنان بەرى، باس شۋجي شي جينپيڭ وراسان زور ساياسي باتىلدىقپەن جانە العان بەتىنەن قايتپايتىن العا باسۋ رۋحىمەن بۇكىل پارتيانى، بۇكىل ەلدەگى ٴار ۇلت حالقىن باستاپ، كوپتەگەن جاڭا تاريحي ەرەكشەلىككە يە ۇلى كۇرەس جۇرگىزىپ، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ جاڭا جورىعىن باستاپ، جۇڭگوشا سوتسياليزمنىڭ جاڭا ٴداۋىرىن اشتى. پارتيا 18 ـ قۇرىلتايى وسى ۇلى ٴۇردىستىڭ تاريحي باستاماسى رەتىندە پارتيانىڭ شۇعىلالى تاريحىنا جازىلدى.
تۋلاعان الىپ تولقىندار تىرەكتىڭ كۇشىن كورسەتەدى، ايبىندى تاۋلار اسقار شىڭىنا باعىنادى.
دۇنيە ٴجۇزى ەكونوميكاسىنىڭ قالپىنا كەلۋى دارمەنسىز بولۋ، ٴىشىنارالىق قاقتىعىستار مەن الاساپىراندىق ٴجيى تۋىلۋ، الەمدىك ماسەلەلەر شيەلەنىسۋ سىندى سىرتقى ورتا الدىندا، ەلىمىز ەكونوميكاسىنىڭ دامۋى جاڭا قالىپتى جاعدايعا ٴوتۋ سياقتى ٴبىر قىدىرۋ تەرەڭ وزگەرىستەر الدىندا، شي جينپيڭ جولداس جاڭا ورتالىق كوميتەت باسشىلىق كوللەكتيۆىن باستاپ، ۇلى تاريحي ىرىقتىلىق رۋحى، وراسان زور ساياسي باتىلدىق، كۇشتى جاۋاپكەرشىلىك ارقالاۋ ارقىلى ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاپ، ۇلى كۇرەستى، ۇلى ينجەنەريانى، ۇلى ٴىستى، ۇلى ارماندى ٴبىر تۇتاس يگەرىپ، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، قيىندىقتان تايسالماي العا ۇمتىلىپ، ٴورىس اشا العا ىلگەرىلەپ، ٴبىر قىدىرۋ كەلەلى باعىت ـ ساياساتتاردى شىعارىپ، ٴبىر قىدىرۋ كەلەلى شارالاردى العا قويىپ، ٴبىر قىدىرۋ كەلەلى قىزمەتتەردى ىلگەرىلەتىپ، ٴبىر قىدىرۋ اۋىر حاۋىپ ـ قاتەرلەر مەن سىن ـ سايىستاردى جەڭىپ، ۇزاق ۋاقىتتان بەرى شەشۋدى ويلاساق تا شەشە الماعان كوپتەگەن قيىن ماسەلەلەردى شەشىپ، بۇرىن ىستەۋدى ويلاساق تا ىستەي الماعان كوپتەگەن ٴىرى ىستەردى ىستەپ، پارتيا مەن مەملەكەت ىستەرىندە تاريحي تابىستارعا قول جەتۋىن، تاريحي وزگەرىستەر تۋىلۋىن ىلگەرىلەتىپ، جۇڭگوشا سوتسياليزمنىڭ جاڭا داۋىرگە ٴوتۋىن جەبەدى.
ەل باسقارۋ امالياتىندا شي جينپيڭ جولداس پارتيانىڭ، مەملەكەتتىڭ جانە ارميانىڭ ەڭ جوعارى باسشىسى رەتىندە، بەرىك سەنىم ـ نانىمىن، ايقىن حالىقتىق تۇرعىسىن، كەرەمەت ساياسي اقىل ـ پاراساتىن، قايىسپاس ەرىك ـ جىگەر قاسيەتىن، كۇشتى تاريحي جاۋاپكەرشىلىگىن، ەرەن ساياسي ونەرىن ايگىلەپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ شىن جۇرەكتەن قولداۋىنا يە بولىپ، حالىقارالىق قوعامنىڭ ايرىقشا القاۋىنا بولەندى. شي جينپيڭ جولداس ٴداۋىر اۋقىمىن يگەرىپ، امالياتتىڭ جاڭا تالابىنا جاۋاپ بەرىپ، حالىقتىڭ جاڭا تىلەگىنە سايكەسىپ، ٴبىر قىدىرۋ ٴتول جاسامپازدىققا يە ەل باسقارۋ جاڭا ۇستانىمدارىن، جاڭا يدەيالارىن، جاڭا ستراتەگيالارىن العا قويىپ، پارتيانىڭ عىلمي نازارياسىن ونان ارى بايىتىپ جانە دامىتىپ، جاڭا تاريحي باستامادا جاڭا كۇرەس نىساناسىن جۇزەگە اسىرۋعا ٴتۇبىرلى بويسۇنۋ ولشەمىن ازىرلەدى.
اماليات ەڭ يلاندىرۋ قۋاتىنا يە، حالىق تىلەگى ەڭ ۇلكەن ساياسي. جاڭا داۋىردەگى ۇلى امالياتتىڭ ۇزدىكسىز ىلگەرىلەۋىنە بايلانىستى، پارتيا 18 ـ كەزەكتى ورتالىق كوميتەتىنىڭ التىنشى جالپى ٴماجىلىسى اشىلۋدان بۇرىن، پارتيانىڭ ٴىشى ـ سىرتىندا مىناداي جالپىلىق ورتاق تانىم جانە كۇشتى ٴۇن قالىپتاستى: پارتيا 18 ـ قۇرىلتايىنان بەرى، پارتيا مەن مەملەكەت ىستەرىندە جان ـ جاقتى، جاسامپازدىق سيپاتتى تاريحي تابىستارعا قول جەتۋىنىڭ ٴتۇبىرلى سەبەبى − شي جينپيڭ جولداستىڭ جول باستاپ، رول ۇستاعاندىعى، پارتيا ورتالىق كوميتەتىنىڭ پارمەندى باسشىلىعىنىڭ بولۋى، ٴبىر قىدىرۋ جاڭا ۇستانىمداردىڭ، جاڭا يدەيالاردىڭ، جاڭا ستراتەگيالاردىڭ عىلمي جەتەكشىلىگىنىڭ بولۋى. حالىقاراداعى جانە ەل ىشىندەگى تەرەڭ وزگەرىس جاعدايى الدىندا، رەفورما، دامۋ، ورنىقتىلىقتىڭ اۋىر مىندەتتەرى الدىندا، ٴسوز جوق، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن قورعاۋ، ٴسوز جوق، شي جينپيڭ جولداستىڭ پارتيا ورتالىق كوميتەتىندەگى، بۇكىل پارتياداعى ۇيتقىلىق ورنىن ايقىنداۋ جانە قورعاۋ كەرەك. بۇل − بۇكىل پارتيانىڭ، بۇكىل ەلدەگى ٴار ۇلت حالقىنىڭ ورتاق تىلەگى، پارتيانى جاپپاي قاتاڭ باسقارۋدى ىلگەرىلەتۋدىڭ، پارتيانىڭ جاسامپازدىق قۋاتىن، ۇيىستىرۋ قۋاتىن، جاۋىنگەرلىك قۋاتىن جوعارىلاتۋدىڭ كوكەي تەستى تالابى، پارتيا مەن مەملەكەت ىستەرى دامۋىنىڭ دۇرىس بەتالىسىن ساقتاۋدىڭ ٴتۇبىرلى كەپىلى.
2016 ـ جىلى 10 ـ ايدا پارتيا 18 ـ كەزەكتى ورتالىق كوميتەتىنىڭ التىنشى جالپى ٴماجىلىسى شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ەكەندىگىن رەسمي تۇراقتاندىردى. 2017 ـ جىلى 10 ـ ايدا پارتيا 19 ـ قۇرىلتايى ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن تاباندىلىقپەن قورعاۋدى“ پارتيا ۋستاۆىنا ەنگىزدى.
شي جينپيڭ جولداستىڭ ۇيتقىلىق ورنىن تۇراقتاندىرۋ − امالياتتىڭ تاڭداۋى، تاريحتىڭ تاڭداۋى، بۇكىل پارتيانىڭ تاڭداۋى، حالىقتىڭ تاڭداۋى. شي جينپيڭ جولداس پارتيا ورتالىق كوميتەتىنىڭ ۇيتقىسىنا، بۇكىل پارتيانىڭ ۇيتقىسىنا اينالدى، بۇل − كوپتىڭ تىلەگى، دەسە دەگەندەي، اتى زاتىنا ساي. شي جينپيڭ جولداستىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى ورنىن باتىل قورعاۋ، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعىن باتىل قورعاۋ − پارتيا 18 ـ قۇرىلتايىنان بەرگى كەلەلى ساياسي جەتىستىك جانە باعالى تاجىريبە، بۇكىل پارتيانىڭ توڭكەرىستىك شىڭدالۋ بارىسىندا قالىپتاستىرعان ورتاق ەركى، ول پارتيانىڭ، مەملەكەتتىڭ، ارميانىڭ، حالىقتىڭ ٴتۇبىرلى مۇددەسىنە ۇيلەسەدى، پارتيا مەن حالىقتىڭ كۇش ـ قۋاتىن اناعۇرلىم ويداعىداي ۇيىستىرىپ، جۇڭگوشا سوتسياليزم ۇلى ىستەرى مەن ۇلتتى گۇلدەندىرۋ ۇلى ٴىسىن ىلگەرىلەتۋدە شەشۋشى مانگە يە.
(شينحۋا اگەنتتىگىنىڭ 6 ـ ايدىڭ 30 ـ كۇنى بەيجيڭنەن بەرگەن حابارى)
