□ شينحۋا اگەنتتىگىنىڭ تىلشىلەرى جۋ جيچاي، يان فۋجيڭ
قالا ورتاسىنىڭ اۋا ساپاسى جاقسى بولعان كۇن سانىنىڭ سالىستىرماسى %88.1 بولدى؛ بۇكىل ەل بويىنشا جەر بەتى سۋىنىڭⅠ تۇردەن Ⅲ تۇرگە دەيىنگى سۋ ساپاسىنىڭ قيما بەت سالىستىرماسى ٴۇرتىس 2 جىل %90تەن جوعارى دەڭگەيدى ساقتادى؛ 2025 ـ جىلدىڭ سوڭىنا دەيىن تۋىندامالى ەنەرگيادان توك شىعارۋ جالپى گەنەراتور اگراگاتتارىنىڭ سالىستىرماسى %60تەن استى... ەڭ جاڭا جاريالانعان «2025 ـ جىلعى جۇڭگونىڭ ەكولوگيالىق ورتا جاعدايى مازمۇنداماسىندا» سان ـ سيفرلار ەلىمىزدىڭ ەكولوگيالىق وركەنيەت قۇرىلىسىنىڭ كورنەكتى ونىمدىلىگىن ايگىلەدى.
جاڭا داۋىردەن بەرى ەكولوگيالىق ورتانى قورعاۋ دامىلسىز ىلگەرىلەپ، ەكونوميكالىق، قوعامدىق ىستەردە جاسىل تيپ جاڭالاۋ جەدەلدەپ، اسپان اناعۇرلىم اشىق، تاۋ اناعۇرلىم جاسىل، سۋ اناعۇرلىم تۇنىق بولىپ، بۇقارانىڭ ەكولوگيالىق ورتاعا رازىلىق دارەجەسى ٴۇرتىس 5 جىل %90تەن استى.
”ەكولوگيانىڭ وزگەرىسى“ ٴدال ”ورنالاستىرۋدىڭ وزگەرىسىن“ ايگىلەدى.
پارتيا 18 ـ قۇرىلتايى ەكولوگيالىق وركەنيەت قۇرىلىسىن جۇڭگوشا سوتسياليزم ىستەرىنىڭ جالپى تۇلعالىق ورنالاستىرۋىنا ەنگىزىپ، جۇڭگوشا سوتسياليستىك ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى سىندى ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ايقىندادى، ەلىمىزدىڭ سوتسياليستىك وسىزامانداندىرۋ قۇرىلىسى جاڭا كەزەڭگە ٴوتتى.
جۇڭگوشا سوتسياليزمگە تاباندى بولۋ جانە ونى دامىتۋ − كەلەلى ٴىس. باس شۋجي شي جينپيڭ: ”ٴبىزدىڭ وسى بۋىن كوممۋنيستەردىڭ مىندەتى − وسى ٴىستى جالعاستىرۋ“، ـ دەپ اتاپ كورسەتتى.
زاتتىق وركەنيەت، رۋحاني وركەنيەت سىندى ”ەكى وركەنيەتتەن“ ەكونوميكا، ساياسي، مادەنيەت قۇرىلىسى سىندى ”ٴۇشتى ٴبىر تۇلعالاندىرۋعا“، ەكونوميكا، ساياسي، مادەنيەت، قوعامدىق قۇرىلىس سىندى ”ٴتورتتى ٴبىر تۇلعالاندىرۋعا“، ونان ”بەستى ٴبىر تۇلعالاندىرۋعا“ دەيىن پارتيامىز ەل باسقارۋ امالياتى بارىسىندا جۇڭگوشا سوتسياليزم قۇرىلىسىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، جۇڭگوشا سوتسياليزم ىستەرىنىڭ دامۋ جالپى جوباسىن اناعۇرلىم كەمەلدەندىرىپ، دامۋ ماقساتىن اناعۇرلىم ايقىندادى، دامۋ مازمۇنىن اناعۇرلىم بايىتتى، دامۋ جولىن اناعۇرلىم كەڭەيتتى.
جۇڭگوشا سوتسياليزم − جاپپاي داميتىن، جاپپاي العا باساتىن سوتسياليزم. ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتۋدە ەكونوميكالىق قۇرىلىس − ٴتۇبىر، ساياسي قۇرىلىس − قامتاماسىزدىق، مادەنيەت قۇرىلىسى − جان تامىر، قوعامدىق قۇرىلىس − شارت، ەكولوگيالىق وركەنيەت قۇرىلىسى − نەگىز. ”بەستى ٴبىر تۇلعالاندىرۋ“ − بىرلىككە كەلگەن ٴبىر تۇتاس تۇلعا، ٴارقايسى جاق ٴبىر ـ بىرىمەن بايلانىستى، ٴبىرىن ـ ٴبىرى جەبەيدى، ٴبولىپ جىبەرۋگە بولمايدى، ەلىمىزدىڭ زاتتىق وركەنيەتىن، ساياسي وركەنيەتىن، رۋحاني وركەنيەتىن، قوعامدىق وركەنيەتىن، ەكولوگيالىق وركەنيەتىن جاپپاي جوعارىلاتۋعا بىرگە كۇش سالىپ، ٴبىزدىڭ باي، قۋاتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ نىسانامىزدا بىرلىككە كەلەدى.
”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ٴبىر تۇتاس جوسپارلاپ ىلگەرىلەتۋ اماليات بارىسىندا ٴدوپ كەلەتىن كورنەكتى قايشىلىقتار مەن ماسەلەلەرگە باعىتتاي وتىرىپ، ماسەلە تانىمىن كۇشەيتىپ، ماسەلەنى باعدار ەتۋدەن جازباي، ستراتەگيالىق ٴتۇيىندى مىقتى يگەرىپ، شەشۋشى قامال الۋدى جۇزەگە اسىرۋدى تالاپ ەتەدى. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تاعى جاڭا جاعدايداعى وراي، سايىس جانە تاريحي مىندەتكە مەڭزەس، ”ٴتورتتى جاپپاي ورىنداۋ“ ستراتەگيالىق ورنالاستىرۋىن العا قويدى.
”ەكونوميكالىق دامۋدىڭ جاڭا قالىبىن ىرىقتىلىقپەن يگەرىپ جانە وعان بەلسەنە سايكەسىپ، جاپپاي دوڭگەلەك داۋلەتتى قوعام ورناتۋدى، رەفورمانى جاپپاي تەرەڭدەتۋدى، مەملەكەتتى زاڭمەن باسقارۋدى جاپپاي ىلگەرىلەتۋدى، پارتيانى جاپپاي قاتاڭ باسقارۋدى سايكەستى ىلگەرىلەتىپ، رەفورما جاساپ، ەسىك اشۋدىڭ جانە سوتسياليستىك وسىزامانداندىرۋ قۇرىلىسىنىڭ تىڭ ساتىعا كوتەرىلۋىن ىلگەرىلەتۋ كەرەك.“ 2014 ـ جىلى 12 ـ ايدا باس شۋجي شي جينپيڭ جياڭسۋدا قىزمەت تەكسەرگەندە ”ٴتورتتى جاپپاي ورىنداۋ“ ستراتەگيالىق ورنالاستىرۋىن ايقىن العا قويدى.
پارتيا 18 ـ قۇرىلتايىنان 19 ـ قۇرىلتايىنا دەيىن پارتيا ورتالىق كوميتەتى 7 رەت جالپى ٴماجىلىس اشىپ، ۇكىمەت قۇرىلىمى رەفورماسى مەن فۋنكتسياسىندا بۇرىلىس جاساۋ، رەفورمانى جاپپاي تەرەڭدەتۋ، مەملەكەتتى زاڭمەن باسقارۋدى جاپپاي ىلگەرىلەتۋ، جاپپاي دوڭگەلەك داۋلەتتى قوعام ورناتۋ، پارتيانى جاپپاي قاتاڭ باسقارۋ سياقتى كەلەلى ماسەلەلەر جونىندە جەكە ـ جەكە قاۋلى شىعاردى جانە ورنالاستىرۋ جاسادى. پارتيا 19 ـ قۇرىلتايى ” ’ ٴتورتتى جاپپاي ورىنداۋ‘ ستراتەگيالىق ورنالاستىرۋىن سايكەستى ىلگەرىلەتۋدى“ شي جينپيڭ جاڭا ٴداۋىر جۇڭگوشا سوتسياليزم يدەياسى مەن ەل باسقارۋ جالپى جوباسىنىڭ ماڭىزدى مازمۇنى ەتىپ تۇراقتاندىردى ٴارى پارتيا ۋستاۆىنا ەنگىزدى.
”ٴتورتتى جاپپاي ورىنداۋ“ ستراتەگيالىق ورنالاستىرۋىندا ستراتەگيالىق نىسانا دا، ستراتەگيالىق شارا دا بار، ٴاربىر ”جاپپاي ورىنداۋ“ كەلەلى ستراتەگيالىق مانگە يە.
جاپپاي دوڭگەلەك داۋلەتتى قوعام ورناتۋ − ٴبىزدىڭ ستراتەگيالىق نىسانامىز، رەفورمانى جاپپاي تەرەڭدەتۋ، مەملەكەتتى جاپپاي زاڭمەن باسقارۋ، پارتيانى جاپپاي قاتاڭ باسقارۋ − 3 ۇلكەن ستراتەگيالىق شارا، جاپپاي دوڭگەلەك داۋلەتتى قوعام ورناتۋ ستراتەگيالىق نىساناسىن جۇزەگە اسىرۋدا بىردە ـ بىرەۋىنىڭ قاعىس قالۋىنا بولمايدى. ”ٴتورتتى جاپپاي ورىنداۋ“ ٴبىرىن ـ ٴبىرى تولىقتاپ، ٴبىرىن ـ ٴبىرى جەبەپ، ٴبىر ـ بىرىنە ساي كەلەدى، ول تىعىز لوگيكالىق جانە ىشكى بايلانىسقا يە، تۇتاس تۇلعالىق ستراتەگيالىق ورنالاستىرۋدىڭ ٴتارتىپتى ورىستەتىلۋى، پارتيانىڭ جاڭا جاعدايدا ەل باسقارۋداعى باس تۇتقاسىنا اينالدى.
شىن ىقىلاستى اۋەلگى ماقساتتان شىنايى اينىماي، ٴداۋىردىڭ جاۋاپناماسىن توقتاۋسىز جاڭارتىپ وتىردى.
2020 ـ جىلى 10 ـ ايدا پارتيا 19 ـ كەزەكتى ورتالىق كوميتەتىنىڭ بەسىنشى جالپى ٴماجىلىسى اشىلىپ، تاريحتىڭ جاڭا پاراعى اشىلدى. جالپى ٴماجىلىس ”14 ـ بەسجىلدىق“ جوبا مەن 2035 ـ جىلعا دەيىنگى ۇزاق بولاشاقتىق نىسانا ۇسىنىسىن قاراپ ماقۇلدادى، ”ٴتورتتى جاپپاي ورىنداۋ“ ستراتەگيالىق ورنالاستىرۋىنداعى تۇڭعىش ”جاپپاي ورىنداۋ“ ”جاپپاي دوڭگەلەك داۋلەتتى قوعام قۇرۋدان“ ”جاپپاي سوتسياليستىك وسىزاماندانعان مەملەكەت قۇرۋعا“ دامىدى.
” ’بەستى ٴبىر تۇلعالاندىرۋ‘ جالپى تۇلعالىق ورنالاستىرۋىن ۇزدىكسىز ٴبىر تۇتاس جوسپارلاپ ىلگەرىلەتىپ، ’ٴتورتتى جاپپاي ورىنداۋ‘ ستراتەگيالىق ورنالاستىرۋىن سايكەستى ىلگەرىلەتىپ، جىگەرلەنە ۇمتىلىپ، قايراتتانا العا باسىپ، ىنتىماقتاسا كۇرەس جۇرگىزىپ، جاپپاي سوتسياليستىك وسىزاماندانعان مەملەكەت قۇرۋدىڭ شىت جاڭا تاراۋىن قۇلشىنا جازۋ كەرەك.“ 2022 ـ جىلى 7 ـ ايدا باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى ٴسوزىنىڭ رۋحىن ۇيرەنىپ، پارتيا 20 ـ قۇرىلتايىن قارسى الۋ“ ارناۋلى تاقىرىپتىق زەرتتەۋ ـ تالقىلاۋ كۋرسىندا وسىنى باسا دارىپتەدى.
داڭعىل جول كوز الدىعا تارتىلىپ، ۇلكەن اۋقىم تولقىنداي جوڭكىلدى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ”بەستى ٴبىر تۇلعالاندىرۋ“ جالپى تۇلعالىق ورنالاستىرۋىن ۇزدىكسىز ٴبىر تۇتاس جوسپارلاپ ىلگەرىلەتىپ، ”ٴتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتكەندە، ٴبىز، ٴسوز جوق، جاڭا داۋىردەگى جۇڭگوشا سوتسياليزم ۇلى ىستەرىن اناعۇرلىم ويداعىداي ىلگەرىلەتىپ، تاريحتىڭ، ٴداۋىردىڭ، حالىقتىڭ ٴۇمىتىن اقتاي الامىز.
(شينحۋا اگەنتتىگىنىڭ 7 ـ ايدىڭ 1 ـ كۇنى بەيجيڭنەن بەرگەن حابارى)
