جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
20 ـ كەزەكتى ورتالىق كوميتەتتىڭ بەسىنشى جالپى ءماجىلىسىن اشۋدى ۇيعاردى
كەزەكتەگى ەكونوميكالىق جاعداي مەن ەكونوميكالىق قىزمەتكە تالداۋ جاسادى، اقىلداستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى
شينحۋا اگەنتتىگىنىڭ 7 ـ ايدىڭ 30 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 7 ـ ايدىڭ 30 ـ كۇنى ٴماجىلىس اشىپ، بيىل 10 ـ ايدا بەيجيڭدە جۇڭگو كوممۋنيستىك پارتياسى 20 ـ كەزەكتى ورتالىق كوميتەتىنىڭ بەسىنشى جالپى ٴماجىلىسىن اشۋدى ۇيعاردى، باستى كەڭەستىك تارتىپتەرى: جۇڭگو كوممۋنيستىك پارتياسى ورتالىق كوميتەتى ساياسي بيۋروسى ورتالىق كوميتەتكە قىزمەتتەن بايانداما جاسايدى، پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋ جونىندەگى ٴبىرقانشا كەلەلى ماسەلەنى اقىلداسادى. ٴماجىلىس كەزەكتەگى ەكونوميكالىق جاعدايعا تالداۋ جاسادى، اقىلداستى، سوڭعى جارتى جىلداعى ەكونوميكالىق قىزمەتتى ورنالاستىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ٴماجىلىستى باسقاردى.
ٴماجىلىس مىنالاردى اتاپ كورسەتتى: پارتيا 18 ـ قۇرىلتايىنان بەرى، پارتيانى جاپپاي قاتاڭ باسقارۋدا ۇلى تابىستارعا قول جەتىپ، عاسىرلىق ٴىرى پارتيانىڭ وزىنە ـ ٴوزى توڭكەرىس جاساۋىنىڭ جاڭا ٴورىسىن اشىپ، پارتيا مەن مەملەكەت ىستەرىندە تاريحي تابىستارعا قول جەتكىزۋدى، تاريحي وزگەرىستەر تۋىلۋىن ىلگەرىلەتىپ، پارتيا مەن حالىق پارتيانى قۇدىرەتتەندىرۋدىڭ، مەملەكەتتى قۇدىرەتتەندىرۋدىڭ تاريحي ىرىقتىلىعىنا قول جەتكىزدى. سونىمەن بىرگە دۇنيە ٴجۇزى جاعدايىندا، مەملەكەت جاعدايىندا، پارتيا جاعدايىندا تەرەڭ وزگەرىستەردىڭ تۋىلۋىنا بايلانىستى، پارتيانى جاپپاي قاتاڭ باسقارۋ دا كوپتەگەن جاڭا جاعدايعا، جاڭا ماسەلەگە ٴدوپ كەلدى. بۇكىل پارتيا، ٴسوز جوق، پارتيانىڭ بيلىك جۇرگىزۋ ورنىن بەكەمدەۋ، پارتيانىڭ بورىشىن، مىندەتىن جۇزەگە اسىرۋ ستراتەگيالىق تۇرعىسىنان پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدىڭ كەلەلى ٴمانىن جەتە تانىپ، سەنىمدى بەكەمدەپ، تاباندىلىقتى ساقتاپ، اناعۇرلىم جوعارى ولشەم، اناعۇرلىم ناقتى شارا ارقىلى جاڭا داۋىردەگى پارتيانى جاپپاي قاتاڭ باسقارۋدىڭ قۇندى تاجىريبەلەرىنە ويداعىداي تاباندى بولىپ، ويداعىداي پايدالانىپ، پارتيا قۇرىلىسىندا ٴدوپ كەلگەن كورنەكتى ماسەلەلەردى ويداعىداي جونگە سالىپ، ويداعىداي شەشىپ، پارتيانى باسقارۋدا، پارتيانى جونگە سالۋدا قالىپتاسقان تاماشا ساياسي جاعدايدى ويداعىداي بەكەمدەۋ، ويداعىداي دامىتۋ كەرەك.
ٴماجىلىس مىنالاردى باسا دارىپتەدى: پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدە ماركسيزم ـ لەنينيزم، ماۋ زىدۇڭ يدەياسىنا، دىڭ شياۋپيڭ نازارياسىنا، ”ۇشكە ۋاكىلدىك ەتۋ“ ماڭىزدى يدەياسىنا، عىلمي دامۋ كوزقاراسىنا تاباندى بولىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرىپ، پارتيا ۋستاۆىن نەگىز ەتىپ، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولىپ جانە ونى كۇشەيتىپ، پارتيانىڭ ۇزاق ۋاقىت بيلىك جۇرگىزۋ قابىلەتىن جوعارىلاتۋدى، پارتيانىڭ العاباسارلىعى مەن كىرشىكسىزدىگىن ساقتاۋدى، پارتيانىڭ حالىق بۇقاراسىمەن ەتەنە بايلانىسىن ساقتاۋدى كوزدەپ، قاتاڭ بولۋ نەگىزگى اۋەنىنەن اۋىتقىماۋعا تاباندى بولىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن ٴبىر تۇتاس باسشىلىققا الىپ، پارتيانىڭ ٴار جاقتاعى قۇرىلىسىن جاپپاي ىلگەرىلەتىپ، بۇكىل پارتيانىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، پارتيانىڭ ٴوزىن ـ ٴوزى كىرشىكسىزدەندىرۋىن، ٴوزىن ـ ٴوزى كەمەلدەندىرۋىن، ٴوزىن ـ ٴوزى جاڭالاۋىن، ٴوز دەڭگەيىن جوعارىلاتۋىن ۇزدىكسىز جۇزەگە اسىرىپ، پارتيانىڭ باستان ـ اياق ٴداۋىردىڭ الدىڭعى لەگىندە جۇرەتىن، حالىق شىن جۇرەكتەن قولدايتىن، داۋىلدى تولقىنداردىڭ سىنىنان وتە الاتىن، كۇش ـ قايراتى تاسقىنداعان ماركسيزمدىك بيلىك باسىنداعى پارتيا بولۋىنا، باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋ كەرەك.
ٴماجىلىس بىلاي دەپ قارادى: بيىل جىل باسىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ٴار ۇلت حالقىن ىنتىماقتاستىرىپ، باستاپ، قايراتتانا العا ۇمتىلىپ، ەرلىكپەن كۇرەس جۇرگىزىپ، ەل ٴىشى جانە حالىقارا سىندى ەكى كەلەلى جاعدايدى ٴبىر تۇتاس جوسپارلاۋعا تاباندى بولىپ، دامۋ مەن حاۋىپسىزدىكتى ٴبىر تۇتاس جوسپارلاپ، ٴتۇرلى سىرتقى سوققىلار مەن ىشكى قيىنشىلىقتارعا ٴونىمدى توتەپ بەردى، ەلىمىز ەكونوميكاسىندا قوزعالىس قۋات جاڭارۋعا، قۇرىلىم ساپالىلانۋعا بەت العان دامۋ اۋقىمى جارىققا شىقتى. سونىمەن بىرگە ەكونوميكالىق اينالىمداعى قيىنشىلىقتار مەن سىن ـ سايىستارعا وسكەلەڭ ٴمان بەرىپ، سەنىمدى بەكەمدەپ، قيىندىقتان تايسالماي العا ۇمتىلىپ، ٴتۇرلى وراي مەن ارتىقشىلىقتان ويداعىداي پايدالانىپ، جوعارى ساپالى دامۋدىڭ ورنىقتى قاداممەن الىسقا جەتۋىن ىلگەرىلەتۋ كەرەك.
ٴماجىلىس مىنالاردى باسا دارىپتەدى: سوڭعى جارتى جىلداعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، ەل ٴىشى جانە حالىقارا سىندى ەكى كەلەلى جاعدايدى اناعۇرلىم ويداعىداي ٴبىر تۇتاس جوسپارلاپ، دامۋ مەن حاۋىپسىزدىكتى ٴبىر تۇتاس جوسپارلاپ، رەفورما جاساۋدى، ەسىك اشۋدى تەرەڭدەتۋگە تاباندى بولىپ، جاڭا، كونە قوزعالىس قۋاتتىڭ اۋىسۋىن جەدەل ىلگەرىلەتىپ، اناعۇرلىم بەلسەندى قازىنا ساياساتى مەن لايىقتى كەڭ اقشا ساياساتىن ويداعىداي اتقارىپ، بۇرىننان بار ٴتۇرلى ساياساتتاردىڭ ونىمدىلىگىن تولىق ساۋلەلەندىرىپ، ناقتى، جارامدى، تىڭنان ارتقان ساياساتتاردى دەر كەزىندە جوسپارلاپ شىعارىپ، كەرى پەريودتىق رەتتەۋ تەبىنىن ارتتىرىپ، ىشكى سۇرانىستى كەڭەيتۋگە، قامداۋدى ساپالىلاندىرۋعا كۇش سالىپ، حالىق تۇرمىسىن شىنايى قامتاماسىزداندىرىپ جانە جاقسارتىپ، دامۋدىڭ قوزعاۋشى كۇشىن ارتتىرىپ، قوعامنىڭ ومىرشەڭ كۇشىن تاسقىنداتىپ، ەكونوميكانىڭ ۇزدىكسىز جاڭالانۋعا، ساپالىلانۋعا، جاقسارۋعا قاراي دامۋىن ىلگەرىلەتىپ، ”15 ـ بەسجىلدىقتىڭ“ تاماشا باستاماسىن قۇلشىنا جۇزەگە اسىرۋ كەرەك.
ٴماجىلىس مىنالاردى اتاپ كورسەتتى: ماكرولىق ساياساتتىڭ ونىمدىلىگىن جوعارىلاتۋعا كۇش سالىپ، قازىنالىق شىعىس پەن زايوم قارجىسىنىڭ جۇمسالۋ اياق الىسىن جەدەلدەتىپ، ”ەكى كەلەلى“ قۇرىلىستى جانە ”ەكىنى جاڭالاۋ“ قىزمەتىن پارمەندى ىلگەرىلەتۋ كەرەك. نەگىزگى ساتىنىڭ ”ٴۇشتى قامتاماسىز ەتۋ“ تومەنگى شەگىن بەرىك ساقتاۋ كەرەك. اقشا ساياساتى قۇرالىنان جان ـ جاقتى پايدالانىپ جانە ونى دەر كەزىندە رەتتەپ، قازىنا ـ فينانستىڭ ىشكى سۇرانىستى سايكەستى جەبەۋ ساياساتىن ساپالىلاندىرۋ جانە اتقارۋ كەرەك.
ٴماجىلىس مىنالاردى باسا دارىپتەدى: ىشكى سۇرانىستى ٴونىمدى كەڭەيتىپ، تۇرلىشە قاۋىمنىڭ تۇتىنۋ قاجەتىنە سايكەسە وتىرىپ ساپالى قامداۋدى كەڭەيتىپ، قىزمەت وتەۋ تۇتىنۋىنىڭ كومەسكى كۇشىن اشۋ كەرەك. ”التى تور“ جوبا قۇرىلىسىن تىڭعىلىقتى ىلگەرىلەتۋ كەرەك. وسىزاماندانعان كاسىپ سالاسى جۇيەسى قۇرىلىسىن جەدەلدەتىپ، نەگىزدىك زەرتتەۋگە ۇزاق ۋاقىت ورنىقتى قولداۋ كورسەتۋدى كۇشەيتىپ، ”جاساندى زەردە +“ ارەكەتىن ىشكەرىلەي اتقارىپ، زەردەلى ەكونوميكانىڭ جاڭا فورماتسياسىن دامىتىپ، جاساندى زەردەنى باسقارۋ جۇيەسىن كەمەلدەندىرۋ كەرەك. الدىڭعى لەكتەگى تەحنولوگيالاردان قامال الۋدى جانە بولاشاق كاسىپ سالاسىن دامىتۋدى بەلسەنە ىلگەرىلەتىپ، جاڭادان گۇلدەنگەن تىرەكتى كاسىپ سالالارىن كۇش سالا قالىپتاستىرىپ، ٴداستۇرلى كاسىپ سالالارىن جاڭالاۋدى، دارەجەسىن جوعارىلاتۋدى ۇزدىكسىز ىلگەرىلەتۋ كەرەك.
ٴماجىلىس مىنالاردى باسا دارىپتەدى: ٴادىل، ٴتارتىپتى بازار باسەكەسى ورتاسىن قالىپتاستىرىپ، مەملەكەت بويىنشا ٴبىر تۇتاس ۇلكەن بازار قۇرىلىسى ەرەجەسىن جاساپ، اتقارىپ، ”ىشكى قاراتالاسۋ“ ۇلگىسىندەگى باسەكەنى ۇزدىكسىز جان ـ جاقتى وڭاپ، كاسىپورىنداردىڭ قارىزىن كەشەۋىلدەتۋ ماسەلەسىن ۇدايىلاندىرا شەشۋ كەرەك. مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، حالىقتىق شارۋاشىلىقتىڭ دامۋ ورتاسىن ساپالىلاندىرىپ، تۇعىر ەكونوميكاسىنىڭ جۇيەلى، اقاۋسىز دامۋىن ىلگەرىلەتۋ كەرەك.
ٴماجىلىس مىنالاردى اتاپ كورسەتتى: حالىقارالىق ەكونوميكا ـ ساۋدادا ٴوزارا پايدا جەتكىزۋ سەلبەستىگىنىڭ ٴورىسىن كەڭەيتىپ، قىزمەت وتەۋ ساۋداسىن كۇش سالا دامىتىپ، ساۋدانىڭ بىركەلكى دامۋىن جەبەۋ كەرەك. شەتەلگە قارجى قوسۋدى باسقارۋ ٴتۇزىمى مەن شەتەلگە جالپىلىق قىزمەت وتەۋ جۇيەسىن كەمەلدەندىرىپ، شەتەل قارجىسىن بەلسەنە باۋراۋ جانە پايدالانۋ كەرەك.
ٴماجىلىس مىنالاردى باسا دارىپتەدى: اۋىل شارۋاشىلىعى، اۋىل ـ قىستاق، شارۋالار قىزمەتىن تيتتەي دە بوساڭسىماي ويداعىداي ىستەپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، جوعارى ولشەمدى ەگىنجاي قۇرىلىسى، اينالىم، باسقارۋ ـ قورعاۋ مەحانيزمىن ورناتىپ جانە اقاۋسىزداندىرىپ، شوشقا سياقتى ەگىن، مال شارۋاشىلىق ونىمدەرىنىڭ ٴوندىرىسى مەن باعاسىن ورنىقتىرىپ، شارۋالاردىڭ كىرىسىن ورنىقتى ارتتىرۋدى جەبەۋ كەرەك. اۋىل شارۋاشىلىق ماتەريالدارىمەن قامداۋدى قامتاماسىز ەتۋدى، باعانى ورنىقتىرۋدى ويداعىداي ىستەپ، اۋىل شارۋاشىلىق ٴوندىرىسىن ويداعىداي يگەرىپ، كۇزگى استىقتان جانە تۇتاس جىلدا استىقتان مول ٴونىم الۋ كەرەك.
ٴماجىلىس مىنالاردى اتاپ كورسەتتى: كوپ ٴتۇرلى شارانى قاتار قولدانىپ، حالىق تۇرمىسىن قامتاماسىز ەتۋدى كۇشەيتىپ، ٴتۇيىندى قاۋىمنىڭ جۇمىستانۋىن قولداۋ سەرپىنىن ارتتىرىپ، يكەمدى جۇمىستانۋشىلار مەن جاڭاشا جۇمىستانۋشىلاردىڭ ۇقىق ـ مۇددەسىن قامتاماسىز ەتۋ قىزمەتىن ويداعىداي ىستەۋ كەرەك. قارتتار مەن بالالارعا قىزمەت وتەۋدى قامتاماسىز ەتۋدى ويداعىداي يگەرىپ، ساتىعا، تۇرگە بولىنگەن قوعامدىق قۇتقارۋ ـ كومەكتەسۋ جۇيەسىن اقاۋسىزداندىرۋ كەرەك. ەكولوگيالىق ورتانى قورعاۋدى كۇشەيتىپ، ”ٴۇش تەرىستىك“ ينجەنەرياسىنان قامال الۋ شايقاسىن ويداعىداي جۇرگىزىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتۋ كەرەك.
ٴماجىلىس مىنالاردى باسا دارىپتەدى: حاۋىپسىزدىك قالتقىسىن شىنايى بەكەمدەۋ كەرەك. قورا ـ جاي بازارىن ورنىقتىرىپ، ٴبىر قىدىرۋ قارىزدى ازايتۋ جوباسىن ويداعىداي اتقارىپ، جەرگىلىكتى ورتا، شاعىن فينانس قۇرىلىمدارىنىڭ رەفورما جاساپ، حاۋىپ ـ قاتەردى جويۋىن تىڭعىلىقتى ىلگەرىلەتىپ، سانىن ازايتۋ، ساپاسىن جوعارىلاتۋ كەرەك. كاپيتال بازارىنىڭ قارجى قوسۋ، قارجى قۇراۋ جالپىلىق رەفورماسىن تەرەڭدەتىپ، كاپيتال بازارىنىڭ سەرپىمدىلىگى مەن سەنىمىن جوعارىلاتۋ كەرەك. ٴتۇرلى حاۋىپ ـ قاتەرلەر مەن كومەسكى كىناراتتاردى ىشكەرىلەي ٴبىر ـ بىردەن تەكسەرىپ جانە وڭاپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋ كەرەك. قاتەرلى سۋ قويمالارى، وزەن ـ داريا توسپالارى، تاسقىن جانە گەولوگيالىق اپات تۋىلۋ قاتەرى بار وڭىرلەر، قالالارداعى ويپاڭ، وڭاي سۋ باساتىن جەرلەر سياقتى كومەسكى قاتەرلەردى ٴبىر ـ بىردەن تەكسەرۋدى، وڭاۋدى كۇشەيتىپ، تاسقىننان ساقتانۋ، شۇعىل جاعدايعا توتەپ بەرۋ، قاتەردەن اراشالاۋ، اپاتتان قۇتقارۋ قىزمەتتەرىن تىڭعىلىقتى ىستەپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن كۇش سالا قورعاۋ كەرەك.
ٴماجىلىس مىنالاردى اتاپ كورسەتتى: دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنىڭ جەتىستىكتەرىن بەكەمدەپ، كەڭەيتىپ، ٴار دارەجەلى باسشى كادرلاردىڭ اناعۇرلىم اسقاق جىگەرمەن جوعارى ساپالى دامۋدىڭ تىڭ ناتيجەلەرىن ۇزدىكسىز جاراتۋىن ىلگەرىلەتۋ كەرەك.
ٴماجىلىس باسقا دا ىستەردى اقىلداستى.
