− جۇڭگو حالىق ازاتتىق ارمياسى قۇرىلعاندىعىنىڭ 99 جىلدىعى بايلانىسىمەن
□ شينحۋا اگەنتتىگىنىڭ تىلشىلەرى ليۋ ي، حۋاڭ يچىن
”العا قادام باس!“
ارميا تۋى جەلبىرەپ، جورىق دابىلى قاعىلدى. 1927 ـ جىلعى نانچاڭ قالاسىنداعى العاشقى مىلتىق داۋىسىنان جاڭا داۋىردەگى ارميانى قۇدىرەتتەندىرۋ، ارميانى گۇلدەندىرۋ جاڭا جورىعىنا، 99 جىل بوران ـ شاشىندى باستان وتكەرگەنگە دەيىن، بۇل بۇيرىق قاتارعا تۇرىپ جاتتىعۋدىڭ بۇيرىق كاتەگورياسىنان الدەقاشان اسىپ ٴتۇسىپ، حالىق ارمياسىنىڭ قان تامىرىنا سىڭگەن رۋحاني كوورديناتاعا، ەكپىندەي ىلگەرىلەتەتىن ارەكەت بۇيرىعىنا اينالدى.
تاعى دا 1 ـ تامىز كەلدى. ارميا قۇرىلعاندىعىنىڭ 100 جىلدىعى كۇرەس نىساناسى كوز الدىمىزدا تۇر، ارميانى قۇدىرەتتەندىرۋدەن قامال الۋ مىندەتى شۇعىل دا ماشاقاتتى. چاڭجياڭنىڭ وڭتۇستىگى مەن سولتۇستىگىندە، ۇشى ـ قيىرسىز زەڭگىر كوكتە، ۇزىننان ـ ۇزاققا سوزىلعان تەڭىز شەكاراسىندا بۇكىل ارمياداعى قولباسىلار مەن جاۋىنگەرلەر اتوي سالۋ بەينەسىمەن بىردەي ەكپىندى ريتىممەن العا قادام تاستاۋدا!
العا قادام باس، حالىق ارمياسى شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن ىشكەرىلەي دايەكتىلەندىرىپ، ارميانى قۇدىرەتتەندىرۋدىڭ جۇڭگوشا جولىمەن بۇلجىماي قادام سايىن ىلگەرىلەپ، قادام سايىن اسىپ ٴتۇستى.
العا قادام باس، حالىق ارمياسى بۇكىل ىنتا ـ پەيىلىمەن حالىق ٴۇشىن قىزمەت ىستەۋ ٴتۇبىرلى باس ماقساتىن امالياتتا ايگىلەپ، سوعىسقا شەرۋ تارتۋ، باتىلدىقپەن شايقاس جاساپ، ٴسوز جوق، جەڭىسكە جەتۋ سىندى جۇرەكتىلىكپەن جاۋاپكەرشىلىك ارقالاۋ ارقىلى ارمان قۋىپ، ارميانى قۇدىرەتتەندىرۋدىڭ، بىرەگەي ارميا قۇرۋدىڭ ٴداۋىر جاۋاپناماسىن جازدى.
العا قادام باس، ارميا قۇرىلعاندىعىنىڭ 99 جىلدىعى سىندى تاريحي ساتتە، بۇكىل ارمياداعى وفيتسەر ـ اسكەرلەر قادامدارىن توقتاتپاي، دامىلسىز كۇرەس جۇرگىزىپ، ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرۋعا شىنايى كەپىلدىك ەتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا ستراتەگيالىق تىرەك ازىرلەدى.
(1)
”ازاتتىق ارميا كەلدى!“
بيىل 7 ـ ايدا ”مايساك“ اتتى تايفىڭ داۋىلى سوعىپ، گۋاڭشيدا قالىڭ نوسەر شەلەكتەپ قۇيىپ، وزەن ـ داريالار ارناسىنان اسىپ، كوپتەگەن جەرلەر حاۋىپ ـ قاتەردە قالدى.
اپات دەگەنىمىز بۇيرىق! تاسقىن ىشىندە حالىقتىڭ پەرزەنت اسكەرلەرى ”العا قادام باسا“ اتويلاپ، حالىقتى بارىنەن جوعارى قويۋ، ٴومىردى بارىنەن جوعارى قويۋ دەگەن ەكپىندى سەرتتەرىن ورىندادى.
”ازاتتىق ارميا كەلدى“، بۇل بۇقارانىڭ كوڭىلىندەگى ەڭ بەرىك حاۋىپسىزدىك سەزىمىن بەينەلەدى؛ ”ازاتتىق ارميا كەلدى“، مۇندا حالىقتىڭ پەرزەنت اسكەرلەرگە دەگەن ەڭ تەرەڭ سەنىمى بار.
تاسقىن سۋدىڭ قورشاۋىندا قالعان ٴبىر قىز بالا ەسكەكتى قايراتتانا ەسكەن جاۋىنگەرلەرگە قاراپ، «وتاندى جىرلايمىز» ٴانىن شىرقادى، بالعىن ٴان اۋەنى جاڭبىرلى اسپاندا اۋەلەدى. بينياڭ اۋدانى گانتاڭ قالاشىعىندا ۋي اجەي جاۋىنگەرلەردىڭ زات تاسۋعا كومەكتەسكەنىن كورىپ كوزىنە جاس الىپ: ”مەن ٴۇمىت ۇشقىنىن كوردىم“، ـ دەدى.
قاي جەردە حاۋىپ ـ قاتەر بولسا، سول جەردە حالىقتىڭ پەرزەنت اسكەرلەرى بار. ٴداۋىر وزگەرۋدە، ٴبىراق حالىق ارمياسىنىڭ بۇكىل ىنتا ـ پەيىلىمەن حالىق ٴۇشىن قىزمەت ىستەۋ باس ماقساتى وزگەرمەيدى.
”بيلىك دەگەنىمىز حالىق، حالىق دەگەنىمىز بيلىك، بيلىككە قول جەتكىزۋدە، بيلىكتى قورعاۋدا حالىقتىڭ تىلەگى قورعالادى“. باس شۋجي شي جينپيڭنىڭ بۇل ٴسوزى بۇلجىماس تەرەڭ قاعيدانى ايگىلەدى. 99 جىل ۋاقىت جىلىستاي وتكەنىمەن، حالىق ارمياسىنىڭ اۋەلگى ماقساتى بولاتتاي بەرىك بولدى.
”مەن اسكەري ادام رەتىندە ٴوز ٴومىرىم جانە ىستىق قانىم ارقىلى وتان انامدى قورعايمىن...“، 1998 ـ جىلى چاڭجياڭداعى تاسقىنعا قارسى اتتانۋدىڭ الدىڭعى شەبىندە 20 جاستاعى لي شياڭچۇن پارتياعا كىرۋ ٴوتىنىشىن جازدى.
تاسقىنعا قارسى اتتانۋ توسپاسىندا 20 ايلىق اسكەري ستاجى بار وسى اسكەر ومىرىمەن سەرتىن ورىندادى.
بۇگىنگى تاڭدا ادامدار ”جاڭا داۋىردەگى قاھارمان جاۋىنگەر“ لي شياڭچۇندى ماڭگى ەستە ساقتاۋدا. بەرىك جيڭجياڭ توسپاسى 11 ميلليون مۋدان استام جەردىڭ، 10 ميلليوننان استام حالىقتىڭ حاۋىپسىزدىگىن كۇندىز ـ ٴتۇنى قورعاپ، وسى جەردىڭ ”تىرشىلىك توسپاسىنا“ اينالدى.
حالىق تىلەگى − وسى ارميانىڭ ماڭگىلىك بازاسى، ماڭگى العا باسۋىنىڭ سارقىلماس قوزعاۋشى كۇشى −
حالىق ٴۇشىن، ۋىنچۋانداعى جەر سىلكىنىسى قيراندىسىنىڭ ۇستىندە 15 پاراشوتشى اسكەر 5000 مەتر بيىكتىكتەن قاتەرگە قاراماي سەكىردى؛ ”نەپارتاك“ تايفىڭ داۋىلىنا قارسى اتتانعاندا 22 جاستاعى ليۋ جيڭتايدىڭ ٴومىرى جوڭكىلگەن تاسقىندا اياقتادى؛ قوسىننان شەگىنگەن 26 جاستاعى اسكەر جين چىڭلۇڭ سۋىعى سۇيەكتەن وتەتىن مۇزدى سۋعا سەكىرىپ ٴتۇسىپ بۇقارانى شۇعىل قۇتقارعانىمەن، ٴوزى شىعا المادى ...
حالىق ٴۇشىن، حالىق ارمياسى دالمە ـ ٴدال كۇش سالىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋگە قولداۋ كورسەتىپ، 4100 كەدەي قىستاقتى، 293 مىڭ كەدەي وتباسىن، 924 مىڭ كەدەي بۇقارانى ٴتۇيىندى تۇرىپ سۇيەمەلدەپ، قوسىننان شەگىنگەن 5100دەن استام تاڭداۋلى اسكەري ”اسكەر ياچەيكا شۋجيى“، ”اسكەر مۇشە“ بولدى...
”حالىقتىڭ پەرزەنت اسكەرلەرىنە كوپ راقىمەت، سوناۋ شالعايدان تاسقىنعا قارسى اتتانۋعا كەلگەندەرىڭىزدى گۇيگاڭ حالقى ەسىنەن ماڭگى شىعارمايدى.“ 7 ـ ايدىڭ 13 ـ كۇنى تاسقىنعا قارسى اتتانىپ قاتەردەن اراشالاۋ مىندەتىن ورىنداعان اسكەري بولىمدەر گۋاڭشيدىڭ گۇيگاڭىنان قايتقاندا، بۇقارا جولدىڭ ەكى جاعىندا تۇرىپ تاۋ ٴانىن شىرقاپ اتتاندىردى، وفيتسەر ـ اسكەرلەر ولارعا ايبىندى اسكەري سالەم بەردى.
بۇل كورىنىستە ٴبىر مەملەكەتتىڭ ەڭ تەرەڭ سەنىمى جاتىر: حالىق ارمياعا سەنەدى، ارميا حالىقتىڭ ٴۇمىتىن اقتايدى. جۇڭحۋا ۇلتىنىڭ ۇلى گۇلدەنۋى جورىعىندا اۋمالى ـ توكپەلى جاعداي جارىققا شىققاندا ارميا مەن حالىقتىڭ قول ۇستاسا العا باسۋى مىزعىماس مەملەكەت قورعانىسى بولىپ تابىلادى.
(2)
بيىل قىزىل ارميا ۇزاق جورىعى جەڭىسكە جەتكەندىگىنىڭ 90 جىلدىعى، ادامدار ۇزاق جورىقتى قايتا باسىپ، سەنىمنىڭ كۇشىن ىزدەدى. حۋناننىڭ چاڭشاسىنان داۋشيان اۋدانىنا دەيىن، تۋعان جەرىنەن قۇربان بولعان جەرىنە دەيىن ادامدار تۇرلىشە تاسىلدەرمەن شياڭجياڭ شايقاسىندا ەرلىكپەن قۇربان بولعان قىزىل ارميا شىجاڭى چىن شۋشياڭدى ەسكە الدى.
90 نەشە جىلدىڭ الدىندا چىن شۋشياڭ شياڭجياڭ قاندى شايقاسىندا قارنىنا وق ٴتيىپ تۇتقىنعا تۇسەدى. ايداپ اپارا جاتقان جولدا ول ىشەگىن ٴۇزىپ، مۇراتىن ايگىلەپ، نەبارى 29 جاسىندا ەرلىكپەن قۇربان بولادى.
ۇزاق جورىق − جەڭىس جولى، ونان دا ماڭىزدىسى، توڭكەرىستىك ارداگەر قۇربانداردىڭ ٴبىرىنىڭ ٴىزىن ٴبىرى باسقان قۇربان بەرۋ جولى. شياڭجياڭدا قاندى شايقاس جۇرگىزگەننەن كەيىن، ورتالىق قىزىل ارميا اتتانعان كەزدەگى 86 مىڭ ادامنان 30 مىڭنان استام ادامعا كۇرت ازايدى؛ ۇزاق جورىقتاعى 4 قوسىننىڭ اتتانعان كەزدەگى جالپى ادام سانى 206 مىڭ بولىپ، جول بويى 17 مىڭ اسكەر كۇشىن تولىقتادى، ۇزاق جورىق اياقتاعانعا دەيىن 57 مىڭ ادام عانا قالدى − تەك قىزىل ارميانىڭ 1 ـ باعىت ارمياسىنىڭ وزىندە عانا ورتا ەسەپپەن ٴار 300 مەتر جەردە ٴبىر جاۋىنگەر قۇلادى... ۇزاق جورىق رۋحى سانسىز قاھارمان قۇربانداردىڭ ومىرىمەن سومدالعان تاريحي ەسكەرتكىش.
سول سياقتى 29 جاسىندا ”تەڭىز كوگىندە ارمانعا قۇلاش سەرمەگەن ارميانى قۇدىرەتتەندىرۋ اتويشىسى“ جاڭ چاۋ ومىرىمەن جاڭا داۋىرگە ٴتان قاھارماندىق ۇلى ٴىستى جازدى.
2016 ـ جىلى 4 ـ ايدىڭ 27 ـ كۇنى تەڭىز ارمياسىنىڭ جيان − 15 كەمەلىك ۇشاعىنىڭ ۇشقىشى جاڭ چاۋ ۇشاقتان مەحانيكالىق كىنارات شىعۋ سەبەبىنەن قۇرلىق بازاسىنىڭ ۇقساتپالى كەمەلىك جاتتىعۋىندا ەرلىكپەن قۇربان بولىپ، ارمانعا جەتۋگە از قالعاندا قۇلاپ ٴتۇستى − ونىڭ لياۋنيڭ اۋياماتكاسىنا شىعۋى ٴۇشىن ەڭ سوڭعى 7 رەتكى ۇشۋى قالعان ەدى.
”ومىرىممەن بوداۋ بەرسەم دە قانات جايىپ بيىك سامعاۋىم كەرەك.“ 10 جىل وتە شىقتى، ونىڭ ٴسوزى ٴالى دە ٴاربىر كەمەلىك ۇشاق ۇشقىشىن اسەرلەندىرىپ كەلەدى.
”چىن شۋشياڭدار“ قۇرباندىق بەرگەندىكتەن دە بۇگىنگى حالىقتىڭ باقىتى مەن تىنىشتىعىنا قول جەتتى؛ ”جاڭ چاۋلار“ بوداۋ بەرگەندىكتەن دە حالىق تەڭىز ارمياسىنىڭ كوك تەڭىزگە جورىق جاساۋ قايراتى مەن قارقىنى جارىققا شىقتى.
شي جينپيڭ ارميانى قۇدىرەتتەندىرۋ يدەياسىنىڭ جەتەكشىلىگىندە، جاڭ چاۋدىڭ جاۋىنگەر سەرىكتەرى ونىڭ ورىندالماي قالعان مۇراتىن ارقالاپ، ٴتىپتى بيىك، ٴتىپتى الىس تەڭىز كوگىنە قاراي ۇشىپ بارادى − لياۋنيڭ اۋياماتكاسى، شاندۇڭ اۋياماتكاسى تولقىن جارىپ الىس مۇحيتقا جول تارتىپ، فۋجيان اۋياماتكاسى رەسمي قاتارعا قوسىلىپ، حالىق تەڭىز ارمياسى ”ٴۇش اۋياماتكالى داۋىرگە“ قادام تاستادى. 100 جىلدان اتتاپ وتكەن ”اۋياماتكا ارمانىنىڭ“ استارىندا نەشە ۇرپاق اسكەريلەردىڭ الدىڭعىلاردىڭ ٴىزىن سوڭعىلار باسقان قۇلشىنىسى جاتىر.
مەملەكەتتە سوعىس بولماسا دا اسكەريلەر قۇربان بولىپ تۇرادى. 1990 ـ جىلى جۇڭگو بىرلەسكەن مەملەكەتتەر ۇيىمىنىڭ بەيبىتشىلىكتى قورعاۋ ارەكەتىنە تۇڭعىش رەت قاتىناسقاننان بەرى 36 جىلدا جيىنى 50 مىڭنان (رەت) استام بەيبىتشىلىكتى قورعاۋ وفيتسەر ـ اسكەرىن جىبەردى، شىن لياڭلياڭ، لي لەي، ياڭ شۋپىڭ قاتارلى 17 اسكەر دۇنيە ٴجۇزىنىڭ بەيبىتشىلىگىن قورعاۋعا ومىرلەرىن ارنادى.
بۇگىنگى حالىق ارمياسى ارشىندى قاداممەن العا باسىپ بارادى. بولاشاقتا ٴبىزدىڭ ٴالى دە كوپتەگەن ”لوۋشانگۋاندى“، ”لازىكوۋدى“ الۋىمىزعا تۋرا كەلەدى، ٴالى دە كوپتەگەن ”قارلى تاۋلاردى“، ”شالعىندى دالالاردى“ باسىپ وتۋىمىزگە تۋرا كەلەدى، ٴبىراق تاۋ ـ وزەندەردىڭ اماندىعى ٴۇشىن، سان مىڭ وتباسىنىڭ شامدارىنىڭ جايناۋى ٴۇشىن، حالىق ارمياسى ماڭگى تيتتەي دە ٴارى ـ ٴسارى بولماستان العا باسۋدى تاڭدايدى.
(3)
2025 ـ جىلى 9 ـ ايدىڭ 3 ـ كۇنى 4 ارميا ٴتۇرى، 4 اسكەر ٴتۇرى جانە قارۋلى ساقشى بولىمدەرىنىڭ شارشى توبى تيان ـ انمىن الاڭىنان ارشىندى قاداممەن ٴوتتى. اسكەري ىستەر عارىش اسكەري بولىمدەرى شارشى توبى، ينتەرنەت كەڭىستىگى اسكەري بولىمدەرى شارشى توبى، ينفورماتسيالىق كومەك اسكەري بولىمدەرى شارشى توبى تۇڭعىش رەت بوي كورسەتتى. كەزىندەگى ”سوك پەن مىلتىققا سۇيەنىپ“ جەڭىسكە جەتكەن ارميادا كۇن سايىن جاڭارىپ، اي سايىن تۇلەجىگەن وزگەرىس جارىققا شىقتى.
بيىل 7 ـ ايدىڭ 31 ـ كۇنىنەن باستاپ اۋە ارمياسى كوپتەگەن يۇن − 20 ارقىلى جاڭادان قابىلدانعان ۇشقىشتاردى اۋە ارمياسى اۆياتسيا داشۋەسىنە بارىپ تىزىمدەلۋگە شوعىرلى تاسىدى.
تۇڭعىش رەت جاڭا تۇرپاتتى ەلىمىزدە وندىرىلگەن موتور قولدانىلىپ جابدىعى اۋىستىرىلعان بۇل يۇن − 20B وسى مىندەتتى اتقارۋعا قاتىناستىرىلدى، بۇل حالىق اۋە ارمياسىنىڭ جابدىقتارىن دامىتۋ مەن ۇشۋ دارىندىلارىن تاربيەلەۋدى قاتار جۇرگىزۋىنىڭ جاندى ىقشام كورىنىسىنە اينالدى.
”كۇنپىڭنىڭ“ قاناتى، ٴىرى ەلدىڭ قاناتى.
دۇنيە ٴجۇزىنىڭ اپپارات كوزى مىناداي ٴبىر ساتكە كۋا بولدى: 2024 ـ جىلى 8 ـ ايدا ەگيپەت اۆياتسيا كورمەسى قارساڭىندا، اۋە ارمياسى اۋە اسكەرلەرى بەلگىلى تۋانىنىڭ تۋانجاڭى ۇشاق قىزمەتكەرلەرىن باستاپ يۇن − 20 ۇشاعىن جۇرگىزىپ، جيان − 10 قۇراماسىن باستاپ پيراميدالاردىڭ ۇستىنەن ۇشىپ ٴوتتى.
2013 ـ جىلى 1 ـ ايدىڭ 26 ـ كۇنى يۇن − 20 تۇڭعىش رەت ٴساتتى ۇشىرىلدى؛ 2016 ـ جىلى 7 ـ ايدىڭ 6 ـ كۇنى يۇن − 20 حالىق اۋە ارمياسىنىڭ قاتارىنا رەسمي قوسىلدى؛ 2019 ـ جىلى يۇن − 20 اۋە ارمياسى اۋە اسكەرلەرىنىڭ بەلگىلى تۋانىندا قاتارعا قوسىلدى ... بۇل ارمان جولى، ونان دا ماڭىزدىسى، ”العا قادام باسۋدى“ جەدەلدەتەتىن ەكپىندەي ىلگەرىلەۋ جولى.
جاڭا داۋىردەگى جاڭا جورىقتا شي جينپيڭ ارميانى قۇدىرەتتەندىرۋ يدەياسى حالىق ارمياسىنىڭ ارشىندى قاداممەن العا باسۋىنا جەتەكشىلىك ەتتى.
7 ـ ايدىڭ 1 ـ كۇنى جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسى بەيجيڭ حالىق سارايىندا سالتاناتپەن وتكىزىلدى. زىمىران ارمياسى بەلگىلى لۇيىنىڭ 1 ـ دارەجەلى جۇنشىجاڭى، بانجاڭ ٴارى ۇشىرۋ تەحنيگى حى شياندا اسكەري كيىم كيىپ جيىن زالىنا كىرىپ، داڭقتى تۇردە ”مەملەكەتتىك تاڭداۋلى پارتيا مۇشەسى“ اتاعىن الدى. سول كۇنى ستراتەگيالىق باسقارىلمالى بومبى اسكەري ٴبولىمى 60 جاسقا تولعان تۋعان كۇنىن قارسى الدى. يادرولىق قارۋى مەن داعدىلى قارۋلارى تولىق، تۇتاس اۋماقتا سەس كورسەتە الاتىن ”باسقارىلمالى بومبى اسكەرلەرى پاتشاسى“ وسى قوسىننىڭ دامىپ زورايۋىنا كۋا بولدى.
1 ـ تامىز ارميا مەرەكەسى قارساڭىندا، ”ٴداۋىر ونەگەسى“، مەملەكەت قورعانىسى عىلىم ـ تەحنولوگيا داشۋەسى كومپيۋتەر شۋەيۋانىنىڭ اعا زەرتتەۋشىسى ۋاڭ جيدىڭ ىزگى ىستەرى بۇكىل ينتەرنەتتە جۇرت نازارىن اۋداردى. ول ەلىمىزدىڭ جوعارى سەنىمدى جۇمساق بولشەك سالاسىنداعى نەگىزگى ٴورىس اشۋشى، جوعارى سەنىمدى جۇمساق بولشەك تەحنولوگياسىنا قاتىستى زەرتتەۋمەن 30 نەشە جىل شۇعىلدانعان.
2013 ـ جىلى 1 ـ ايدىڭ 23 ـ كۇنى ۋاڭ جيدىڭ تۇتقيىلدان نەگىزگى ارتەريا قوسىمشا قاباتى اۋرۋى قوزعالىپ، امالسىزدان ”ەكى اياعىن جوعارى جاعىنان كەسۋگە“ تۋرا كەلەدى. 2021 ـ جىلى وعان بۇيرەك السىرەگەندىگى جونىندە دياگنوز قويىلادى. اۋرۋ جاعدايىنىڭ اسقىنۋىنا ىلەسە، ول اپتاسىنا 3 رەت قان سۇزدىرگەندە عانا دەنساۋلىعىن ساقتاي الاتىن ەدى. ٴبىراق ول دوڭگەلەكتى ورىندىقتا وتىرىپ ۇزدىكسىز العا باسىپ، مەملەكەت پەن ارميانىڭ كەلەلى ستراتەگيالىق قاجەتىنە نازار اۋدارىپ، ۋاقىتتى ۇتىپ، ۋاقىتپەن جارىسىپ قاربالاستىققا ٴتۇستى.
”مەن وزىمنەن: تاعدىر ماعان قايتا ٴومىر ٴسۇرۋ ورايىن بەردى، وتان ٴۇشىن، ارميانى قۇدىرەتتەندىرۋ ىستەرى ٴۇشىن ەندى نە ىستەۋىم كەرەك؟ ـ دەپ سۇرايمىن“. ۋاڭ جي بىلاي دەدى: ”ميىم ىستەپ، قولىم ارەكەتكە كەلسە بولعانى، مەن ٴداۋىردىڭ اۋىر مىندەتىن ارقالاپ، ۇزدىكسىز اتويلاپ الدا جۇرەمىن“.
بۇگىنگى حالىق ارمياسى دۇنيە جۇزىندەگى ماڭداي الدى ارميانى جاپپاي قۇرۋ نىساناسىنا ٴارقانداي كەزدەگىدەن دە جاقىنداي ٴتۇستى. ٴشول دالادان قالىڭ ورمان، قارلى دالاعا دەيىن، شالعاي تەڭىز ـ مۇحيتتان كەڭ كوسىلگەن اسپانعا دەيىن، ۇشى ـ قيىرسىز اۋە كەڭىستىگىنەن ينتەرنەت كەڭىستىگىنە دەيىن. ۋاڭ جي سياقتى سان مىڭداعان جاڭا داۋىردەگى وفيتسەر ـ اسكەرلەر ٴبىر ادامنىڭ ارمانىن، ٴبىر ارميانىڭ ارمانىن، ٴبىر مەملەكەتتىڭ ارمانىن كوكەيدە ساقتاپ، شايقاس ورنىندا ەرلىكپەن اتوي سالۋدا.
العا قادام باس، ارميا قۇرىلعاندىعىنىڭ 100 جىلدىعى كۇرەس نىساناسىن ۋاعىندا جۇزەگە اسىرامىز.
قادام سايىن العا باسىپ، 2035 ـ جىلعا بارعاندا مەملەكەت قورعانىسى مەن ارميانى وسىزامانداندىرۋدى نەگىزىنەن جۇزەگە اسىرامىز؛ وسى عاسىردىڭ ورتا شەنىنە بارعاندا دۇنيە جۇزىندەگى ماڭداي الدى ارميانى جاپپاي قۇرىپ شىعامىز.
پارتيا ورتالىق كوميتەتى ۇزاق بولاشاقتى كوزدەدى، باس قولباسشى ىقىلاستى تاپسىرما بەردى، بۇكىل ارمياداعى قولباسىلار مەن جاۋىنگەرلەر بۇيرىقتى ەستىپ باتىل ارەكەتكە كوشتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، 99 جىلدىق شۇعىلالى بارىستى باسىپ وتكەن حالىق ارمياسى ساقاداي سايلانىپ قايتا اتتانىپ، داڭعىل جولدا ارشىندى قاداممەن العا ىلگەرىلەپ كەلەدى.
(شينحۋا اگەنتتىگىنىڭ 7 ـ ايدىڭ 31 ـ كۇنى بەيجيڭنەن بەرگەن حابارى)
