□ شينحۋا اگەنتتىگىنىڭ تىلشىلەرى حۋاڭ يۋە، جاڭ يان
2021 ـ جىلى 11 ـ ايدىڭ 8 ـ كۇنىنەن 11 ـ كۇنىنە دەيىن جۇڭگو كوممۋنيستىك پارتياسى 19 ـ كەزەكتى ورتالىق كوميتەتىنىڭ التىنشى جالپى ٴماجىلىسى بەيجيڭدە جەڭىسپەن اشىلدى. جالپى ٴماجىلىستىڭ ەڭ ماڭىزدى جەتىستىگى − «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» قاراپ ماقۇلداپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلاپ، جاڭا داۋىردەگى پارتيا مەن مەملەكەت ىستەرىندە قول جەتكەن تاريحي تابىستاردى، تۋىلعان تاريحي وزگەرىستەر مەن جينالعان جاڭا تاجىريبەلەردى ٴتۇيىندى قورىتىندىلادى.
پارتيامىز ەجەلدەن تاريحي تاجىريبەلەردى قورىتىندىلاۋعا ايرىقشا ٴمان بەرىپ كەلەدى. 1945 ـ جىلى پارتيانىڭ 6 ـ كەزەكتى ورتالىق كوميتەتىنىڭ جەتىنشى جالپى ٴماجىلىسى «بىرنەشە تاريحي ماسەلە تۋرالى قاراردى» ماقۇلدادى، 1981 ـ جىلى پارتيا 11 ـ كەزەكتى ورتالىق كوميتەتىنىڭ التىنشى جالپى ٴماجىلىسى «مەملەكەتىمىز قۇرىلعاننان بەرگى پارتيانىڭ ٴبىرقانشا تاريحي ماسەلەلەر جونىندەگى قارارىن» ماقۇلدادى، بۇل كەلەلى تاريحي شەشۋشى كەزەڭدە بۇكىل پارتيانىڭ يدەياسى مەن ارەكەتىن بىرلىككە كەلتىرىپ، پارتيا مەن حالىق ىستەرىن ىلگەرىلەتۋدە ماڭىزدى جەتەكشىلىك رول اتقاردى، ونداعى نەگىزگى بايىمداۋلار مەن قورىتىندىلار كۇنى بۇگىنگە دەيىن قولدانىلىپ كەلەدى.
باس شۋجي شي جينپيڭ «<جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى> جونىندەگى تۇسىندىرمەدە» بىلاي دەپ اتاپ كورسەتتى: قازىر ٴبىرىنشى تاريحي قاراردىڭ جاسالعاندىعىنا 76 جىل ٴوتتى، ەكىنشى تاريحي قاراردىڭ جاسالعاندىعىنا دا 40 جىل ٴوتتى. 40 جىلدان بەرى، پارتيا مەن مەملەكەت ىستەرى بارىنشا العا دامىدى، پارتيانىڭ نازارياسى مەن امالياتى دا بارىنشا العا دامىدى. جاڭا تاريحي باستامادا تۇرىپ، وتكەنگە قايىرىلا قاراپ، بولاشاققا كوز جىبەرىپ، پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرىن، اسىرەسە، رەفورما جاساپ، ەسىك اشقان 40 نەشە جىلدان بەرگى كەلەلى تابىستار مەن تاريحي تاجىريبەلەردى جان ـ جاقتى قورىتىندىلاۋدىڭ وبيەكتيۆ قاجەتى بار، سۋبيەكتيۆ شارت ـ جاعدايى دا ازىرلەندى.
پارتيا قۇرىلعاندىعىنىڭ 100 جىلدىعى قارساڭىندا ٴۇشىنشى تاريحي قارار جارىققا شىعۋ الدىندا تۇردى.
پارتيا ورتالىق كوميتەتى قاراردى دايىنداۋ قىزمەتىنە ايرىقشا ٴمان بەرىپ، باس شۋجي شي جينپيڭ گرۋپپا باستىعى بولعان، پارتيا مەن مەملەكەتتىڭ قاتىستى باسشىلارى، سونداي ـ اق ورتالىقتاعى قاتىستى تاراۋلار مەن جەرگىلىكتى ورىنداردىڭ جاۋاپتىلارى قاتىناسقان حۇجات دايىنداۋ گرۋپپاسىن قۇرىپ، ورتالىق كوميتەت ساياسي بيۋروسى تۇراقتى كوميتەتىنىڭ باسشىلىعىندا قاراردى دايىنداۋ قىزمەتىن مىندەتىنە الدى.
قاراردى دايىنداۋ بارىسىندا دەموكراتيا تولىق ساۋلەلەندىرىلىپ، كوپتىڭ اقىل ـ پاراساتى شوعىرلاندىرىلدى. 2021 ـ جىلى 4 ـ ايدا پارتيا ورتالىق كوميتەتى «پارتيا 19 ـ كەزەكتى ورتالىق كوميتەتىنىڭ التىنشى جالپى ماجىلىسىندە پارتيانىڭ كەلەلى تابىستارى مەن تاريحي تاجىريبەلەرىن جاپپاي قورىتىندىلاۋ ماسەلەسىن ٴتۇيىندى تۇردە اقىلداسىپ، پىكىر الۋ جونىندەگى حابارلاندىرۋدى» شىعارىپ، پارتيا ٴىشى ـ سىرتىندا بەلگىلى كولەمدە پىكىر الدى. 9 ـ ايدا قاراردىڭ پىكىر الۋ نۇسقاسى پارتيا ىشىندە بەلگىلى كولەمدە تاراتىلىپ پىكىر الىندى، جۇيەدەن پارتيا ىشىندەگى ٴبىر ٴبولىم ساقا جولداستاردان پىكىر الىندى، سونداي ـ اق دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارىنان جانە پارتيادا، توپتا جوق قايراتكەرلەردىڭ ۋاكىلدەرىنەن ارنايى پىكىر الىندى. قارار نۇسقاسىن دايىنداۋ بارىسىندا ورتالىق كوميتەت ساياسي بيۋروسىنىڭ تۇراقتى كوميتەتى 3 رەت ٴماجىلىس اشىپ، ورتالىق كوميتەت ساياسي بيۋروسى 2 رەت ٴماجىلىس اشىپ قاراپ، جالپى ٴماجىلىستىڭ قاراۋىنا ۇسىنىلاتىن قارار نۇسقاسىن قالىپتاستىردى.
2021 ـ جىلى 11 ـ ايدىڭ 11 ـ كۇنى بەيجيڭ حالىق سارايىندا پارتيا 19 ـ كەزەكتى ورتالىق كوميتەتىنىڭ التىنشى جالپى ماجىلىسىنە قاتىناسقان ورتالىق كوميتەت مۇشەلەرى قول كوتەرىپ داۋىس بەرۋ تاسىلىمەن «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» ٴبىر اۋىزدان ماقۇلدادى.
قاراردا جاڭا داۋىردەگى پارتيا مەن مەملەكەت ىستەرىندە قول جەتكەن تاريحي تابىستار، تۋىلعان تاريحي وزگەرىستەر 13 جاقتان سالالار بويىنشا قورىتىندىلانىپ، 9 جىلدان بەرگى ٴتول جاسامپازدىق يدەيا، وزگەرىس سيپاتتى اماليات، قامال الۋ سيپاتتى ىلگەرىلەۋ، بەلگى سيپاتتى جەتىستىك ٴتۇيىندى قورىتىندىلاندى.
قاراردا مىناداي كەلەلى ساياسي تۇجىرىم جاسالدى: ”پارتيا شي جينپيڭ جولداستىڭ پارتيا ورتالىق كوميتەتىندەگى ۇيتقىلىق، بۇكىل پارتياداعى ۇيتقىلىق ورنىن تۇراقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ جەتەكشىلىك ورنىن تۇراقتاندىرىپ، بۇكىل پارتيانىڭ، بۇكىل ارميانىڭ، بۇكىل ەلدەگى ٴار ۇلت حالقىنىڭ ورتاق تىلەگىن بەينەلەدى، ول جاڭا داۋىردەگى پارتيا مەن مەملەكەت ىستەرىنىڭ دامۋى، جۇڭحۋا ۇلتىنىڭ ۇلى گۇلدەنۋى سىندى تاريحي ٴۇردىستى ىلگەرىلەتۋ جونىنەن شەشۋشى ماڭىزعا يە“.
قاراردا ”وندى ايقىنداۋ“ ارقىلى شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ وزەكتى ٴمانى ىشكەرىلەي جيناقتالدى. ”شي جينپيڭ جاڭا ٴداۋىر جۇڭگوشا سوتسياليزم يدەياسى − زامانىمىزداعى جۇڭگو ماركسيزمى، 21 ـ عاسىر ماركسيزمى، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارى، ول ماركسيزمنىڭ جۇڭگوشالانۋىنىڭ تىڭ سەكىرۋىن جۇزەگە اسىردى“.
قاراردا كەڭ تاريحي تۇرعىدان جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي ماڭىزى 5 جاقتان قورىتىندىلاندى: ”جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتتى“، ”جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى“، ”ماركسيزمنىڭ قۇدىرەتتى ومىرشەڭ كۇشىن ايگىلەدى“، ”دۇنيە ٴجۇزىنىڭ تاريحي ۇردىسىنە تەرەڭ ىقپال جاسادى“، ”ٴداۋىردىڭ الدىڭعى لەگىندە جۇرگەن جۇڭگو كوممۋنيستىك پارتياسىن شىڭدادى“.
قاراردا تەرەڭ تاريحي پاراساتپەن جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي تاجىريبەلەرى ”ونعا تاباندى بولۋ“ ارقىلى تەرەڭ قورىتىندىلاندى: ”پارتيانىڭ باسشىلىعىنا تاباندى بولۋ“، ”حالىقتى بارىنەن جوعارى قويۋعا تاباندى بولۋ“، ”نازاريادا جاڭالىق اشۋعا تاباندى بولۋ“ ، ”دەربەس، وزىنە ـ ٴوزى قوجايىن بولۋعا تاباندى بولۋ“، ”جۇڭگو جولىنا تاباندى بولۋ“، ”الەمدى كوكەيدە ساقتاۋعا تاباندى بولۋ“، ”ٴورىس اشا جاڭالىق اشۋعا تاباندى بولۋ“، ”باتىلدىقپەن كۇرەس جۇرگىزۋگە تاباندى بولۋ“، ”بىرلىكساپقا تاباندى بولۋ“، ”وزىنە ـ ٴوزى توڭكەرىس جاساۋعا تاباندى بولۋ“.
تاريحي ٴۇردىس جونىندەگى تانىمى نەعۇرلىم جان ـ جاقتىلى بولعان سايىن، تاريحي زاڭدىلىقتى يگەرۋى تەرەڭ بولعان سايىن پارتيانىڭ تاريحي اقىل ـ پاراساتى سولعۇرلىم مول بولادى، بولاشاقتى سولعۇرلىم ىرىقتى يگەرەدى.
5 جىل وتە شىقتى، قارارداعى تۇجىرىم ۋاقىت اتتاعان كۇشىن ونان ارى ايگىلەي ٴتۇستى. باس شۋجي شي جينپيڭنىڭ جول باستاپ، رول ۇستاۋىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، ٴبىر نيەتپەن ىنتىماقتاسىپ، ٴبىر جاعادان باس، ٴبىر جەڭنەن قول شىعارساق، جەڭىستەن جاڭا جەڭىسكە قادام تاستايتىندىعىمىز داۋسىز.
(شينحۋا اگەنتتىگىنىڭ 7 ـ ايدىڭ 5 ـ كۇنى بەيجيڭنەن بەرگەن حابارى)
