□ شينحۋا اگەنتتىگىنىڭ تىلشىلەرى لين حۇي، شيڭ تو
جول داڭعىل، بورىش الاۋ ىسپەتتى.
ۋاقىت سترەلكاسى 21 ـ عاسىردىڭ ٴۇشىنشى 10 جىلىن كورسەتتى. بۇكىل پارتيانىڭ، بۇكىل ەلدەگى ٴار ۇلت حالقىنىڭ ۇزدىكسىز كۇرەس جۇرگىزۋى ارقىلى ٴبىز ٴبىرىنشى 100 جىلدىق كۇرەس نىساناسىن جۇزەگە اسىرىپ، جۇڭحۋانىڭ بايتاق دالاسىندا جاپپاي دوڭگەلەك داۋلەتتى قوعام ورناتىپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋ سىندى ەكىنشى 100 جىلدىق كۇرەس نىساناسىنا قاراي قادام تاستادىق.
جاڭا جورىققا قادام تاستاعاندا، قانداي سوتسياليستىك وسىزاماندانعان قۇدىرەتتى مەملەكەت قۇرۋ كەرەك، سوتسياليستىك وسىزاماندانعان قۇدىرەتتى مەملەكەتتى قالاي قۇرۋ كەرەك؟
2022 ـ جىلدىڭ باسىندا پارتيا 20 ـ قۇرىلتايىنىڭ حۇجات دايىنداۋ گرۋپپاسى قۇرىلدى، باس شۋجي شي جينپيڭ گرۋپپا باستىعى بولىپ، پارتيا 20 ـ قۇرىلتايىنىڭ بايانداماسىن دايىنداۋدا ەلىمىزدىڭ دامۋى ٴدوپ كەلگەن جاڭا ستراتەگيالىق ورايدى، جاڭا ستراتەگيالىق مىندەتتى، جاڭا ستراتەگيالىق كەزەڭدى، جاڭا ستراتەگيالىق تالاپتى، جاڭا ستراتەگيالىق ورتانى جاپپاي يگەرۋدى ايقىن العا قويدى.
2022 ـ جىلى 7 ـ ايدا باس شۋجي شي جينپيڭ ولكە، مينيسترلىك دارەجەلى نەگىزگى باسشى كادرلاردىڭ ”باس شۋجي شي جينپيڭنىڭ ماڭىزدى ٴسوزىنىڭ رۋحىن ۇيرەنىپ، پارتيا 20 ـ قۇرىلتايىن قارسى الۋ“ ارناۋلى تاقىرىپتىق زەرتتەۋ ـ تالقى كۋرسىندا بىلاي دەپ اتاپ كورسەتتى: پارتيا 20 ـ قۇرىلتايى جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ەكى قادامعا ٴبولىپ ٴجۇرۋ ستراتەگيالىق ورنالاستىرۋىنا ماكرولىق جاقتان كوز جىبەرىپ، الداعى 5 جىلداعى ستراتەگيالىق مىندەتتەر مەن كەلەلى شارالاردى ٴتۇيىندى تۇردە ورنالاستىرۋى كەرەك.
2022 ـ جىلى 10 ـ ايدىڭ 16 ـ كۇنىنەن 22 ـ كۇنىنە دەيىن جۇڭگو كوممۋنيستىك پارتياسىنىڭ مەملەكەتتىك 20 ـ قۇرىلتايى بەيجيڭدە جەڭىسپەن اشىلدى. بۇل بۇكىل پارتيا، بۇكىل ەلدەگى ٴار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلعان توتەنشە ماڭىزدى قۇرىلتاي.
باس شۋجي شي جينپيڭ پارتيا 20 ـ قۇرىلتايىنىڭ بايانداماسىندا بىلاي دەپ سالتاناتپەن جاريالادى:
”قازىردەن باستاپ جۇڭگو كوممۋنيستىك پارتياسىنىڭ وزەكتى مىندەتى − بۇكىل ەلدەگى ٴار ۇلت حالقىن ىنتىماقتاستىرىپ، باستاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ، ەكىنشى 100 جىلدىق كۇرەس نىساناسىن جۇزەگە اسىرىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ“.
وتكەن 5 جىلداعى قىزمەت پەن جاڭا داۋىردەگى 10 جىلداعى ۇلى وزگەرىستىڭ كەلەلى ماڭىزىن قورىتىندىلاپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ٴورىسىن اشۋداعى كەلەلى ماسەلەلەردى بايىمداپ، جۇڭگو ۇلگىسىندەگى وسىزامانداندىرۋدىڭ 5 ۇلكەن ەرەكشەلىگىن، 9 ماندىك تالابىن جانە العا باسۋ جولىندا، ٴسوز جوق، مىقتى يگەرۋگە ٴتيىستى 5 كەلەلى پرينسيپتى ەگجەي ـ تەگجەيلى ٴتۇسىندىرىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى قاتارلى ٴار جاقتاعى قىزمەتتەردى جاپپاي ورنالاستىرىپ، پارتيانىڭ جالپى بەتتىك باسشىلىعىنا جانە پارتيانى جاپپاي قاتاڭ باسقارۋعا تاباندى بولۋدى باسا دارىپتەدى...
پارتيا 20 ـ قۇرىلتايىنىڭ بايانداماسى − پارتيانىڭ بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جۇڭگوشا سوتسياليزمنىڭ تىڭ جەڭىسىنە قول جەتكىزۋدەگى ساياسي جارناماسى جانە ارەكەت تۇعىرناماسى، ماركسيزمنىڭ تۇعىرنامالىق حۇجاتى.
2022 ـ جىلى 10 ـ ايدىڭ 23 ـ كۇنى حالىق سارايىنىڭ جينسى زالى. كۇللى جۇرتتىڭ اسىعا كۇتۋىمەن پارتيا 20 ـ كەزەكتى ورتالىق كوميتەتىنىڭ ٴبىرىنشى جالپى ماجىلىسىندە جۇڭگو كوممۋنيستىك پارتياسى ورتالىق كوميتەتىنىڭ جاڭا كەزەكتى باس شۋجيى بولىپ سايلانعان شي جينپيڭ ورتالىق كوميتەت ساياسي بيۋروسىنىڭ باسقا تۇراقتى مۇشەلەرىن باستاپ جۇڭگولىق، شەتەلدىك تىلشىلەرمەن كەزدەسىپ، جاڭا جورىقتا ەكپىندەي ىلگەرىلەۋ جونىندە ايبىندى سەرت بەردى:
”وسى ارادا مەن جاڭا كەزەكتى جۇڭگو كوممۋنيستىك پارتياسى ورتالىق كوميتەتىنىڭ باسشىلىق قۇرامىنداعىلار اتىنان بۇكىل پارتياداعى جولداستاردىڭ سەنىم ارتقاندىعىنا شىن جۇرەكتەن العىس ايتامىن. ٴبىز، ٴسوز جوق، پارتيانىڭ سيپاتى مەن باس ماقساتىن ەستە بەرىك ساقتاپ، ٴوزىمىزدىڭ بورىشىمىز بەن جاۋاپكەرشىلىگىمىزدى ەستە بەرىك ساقتاپ، قىزمەتتىڭ تالابىنان شىعىپ، قىزمەتتى قۇلشىنا ىستەپ، پارتيا مەن حالىقتىڭ ماڭىزدى تاپسىرماسىن، ٴسوزسىز، ورىندايمىز“.
پارمەندى ۇيتقى ايبىندى جورىققا جەتەكشىلىك ەتتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جول باستاپ، رول ۇستاۋىندا، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىندە، 100 جىلدىق ٴىرى پارتيا بۇكىل ەلدەگى ٴار ۇلت حالقىن ىنتىماقتاستىرىپ جانە باستاپ، جاڭا ۇلى كۇرەس ارقىلى جاڭا تاريحي ۇلى ىستەردى جاراتتى.
باس شۋجي شي جينپيڭ بىلاي دەپ تەرەڭ اتاپ كورسەتتى: ٴبىز پارتيانىڭ 20 ـ قۇرىلتايىن جەڭىسپەن اشىپ، جاپپاي سوتسياليستىك وسىزاماندانعان مەملەكەت قۇرۋدىڭ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدىڭ ايبىندى جوباسىن جاساپ، جاڭا جورىقتا ەكپىندەي ىلگەرىلەۋدىڭ ٴداۋىر دابىلىن قاقتىق.
پارتيا 20 ـ قۇرىلتايى جابىلىپ ٴبىر اپتاعا جەتپەي، باس شۋجي شي جينپيڭ جاڭا كەزەكتى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرىن باستاپ يان ـ ان توڭكەرىستىك ەسكەرتكىش ورنىن ىزەت ـ قۇرمەتپەن كوردى.
بۇرىن اعا بۋىن توڭكەرىسشىلەر قاجىرلىلىقپەن كۇرەس جۇرگىزىپ، بوگەتتەردى بۇزىپ، يان ـ اننان بەيجيڭگە كەلگەن ەدى. توڭكەرىستىك سوعىس مەزگىلىندەگى پارتيا ورتالىق كوميتەتىنىڭ يان ـ انداعى شۇعىلالى ساتتەرىن ەسكە الىپ، باس شۋجي شي جينپيڭ: ”ٴبىز جاڭا جورىققا قادام تاستاپ، جاڭا كۇرەس نىساناسىنا قاراي اتتانايىق!“ دەگەن ۇلى ۇندەۋ تاستادى.
تاۋ ـ وزەن ايبىندى، بولاشاق نۇرلى؛ دابىل قاعىلدى، بورىش جورىققا اتتانۋعا جەبەۋدە.
(شينحۋا اگەنتتىگىنىڭ 7 ـ ايدىڭ 6 ـ كۇنى بەيجيڭنەن بەرگەن حابارى)
