تيانشان تورى - شينجياڭ گازەتىنىڭ حابارى (سۋرەتىن ءتۇسىرىپ، حابارىن جازعان ءتىلشى چين پىڭ). 8 - ايدىڭ 3 - كۇنى ٴۇرىمجى قالاسى سايباق رايونى ءتۇستى مەتال ميڭيۋان عىلىم - تەحنولوگيا باقشاسى شاعىن اۋماعىنداعى قالانى جاڭالاۋ، وزگەرتۋ نىسانىنىڭ قۇرىلىس قارقىنى %35كە جەتتى، مەجەمەن 8 - ايدىڭ 25 - كۇنىنەن بۇرىن قۇرىلىس اياقتايدى. بيىل 4 ـ ايدا سايباق رايونى قالانى جاڭالاۋ، وزگەرتۋ ينجەنەرياسىن باستاپ، 200 كونە، ەسكى شاعىن اۋماققا جول جاڭالاۋ، قابىرعانىڭ سۋدان ساقتانۋى، جاسىلداندىرۋ، جارىقتاندىرۋ، سالاقتاعان ەلەكتر سىمدارىن رەتتەۋ ـ جونگە سالۋ سىندى وزگەرتۋ، دارەجەسىن جوعارىلاتۋ جۇمىستارىن جۇرگىزدى. قازىر 120 كونە، ەسكى شاعىن اۋماقتى جاڭالاپ، وزگەرتىپ بولدى، تۇتاس تۇلعالىق وزگەرتۋ ينجەنەرياسى 2027 ـ جىلدىڭ العاشقى جارتىسىندا اياقتايدى.
8 - ايدىڭ 3 - كۇنى ءتۇستى مەتال ميڭيۋان عىلىم - تەحنولوگيا باقشاسى شاعىن اۋماعىندا قۇرىلىس جۇرگىزۋشىلەر جول بويىنا كىرپىش توسەۋدە.
8 - ايدىڭ 3 - كۇنى ءتۇستى مەتال ميڭيۋان عىلىم - تەحنولوگيا باقشاسى شاعىن اۋماعىندا قۇرىلىس جۇرگىزۋشىلەر جاڭادان قازىلعان سۋ ساعاتى قۇدىعىنداعى جابدىقتاردىڭ اينالىمىن تەكسەرۋدە. اۋەلگى سۋارۋ قۇبىرىنىڭ ورنىنا جەر استىنا كومىلگەن بۇرىكپەلى سۋارۋ جۇيەسىن اۋىستىردى.
