چىن شياۋجياڭ 10 ـ كەزەكتى اۆتونوميالى رايوندىق پارتكومنىڭ 9 ـ رەتكى شارلاۋى بويىنشا شوعىرلى اڭىس ەتۋ ماجىلىسىندە جانە 10 ـ رەتكى شارلاۋ بويىنشا اتتانىسقا كەلتىرۋ، ورنالاستىرۋ ماجىلىسىندە بىلاي دەپ باسا دارىپتەدى
شارلاۋدىڭ سەس كورسەتۋ كۇشىن، اسەر ەتۋ كۇشىن، ىلگەرىلەتۋ كۇشىن ۇزدىكسىز كۇشەيتىپ، سوتسياليستىك وسىزاماندانعان شينجياڭ قۇرۋعا پارمەندى ساياسي قامتاماسىزدىق ازىرلەۋ كەرەك
ەركىن تۇنياز باسقاردى، حى جۇڭيوۋ، چىن ميڭگو قاتىناستى
8 ـ ايدىڭ 3 ـ كۇنى 10 ـ كەزەكتى اۆتونوميالى رايوندىق پارتكومنىڭ 9 ـ رەتكى شارلاۋى بويىنشا شوعىرلى اڭىس ەتۋ ٴماجىلىسى جانە 10 ـ رەتكى شارلاۋ بويىنشا اتتانىسقا كەلتىرۋ، ورنالاستىرۋ ٴماجىلىسى اشىلدى، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەدى.
□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ ي 8 ـ ايدىڭ 3 ـ كۇنى ۇرىمجىدەن حابارلايدى. 10 ـ كەزەكتى اۆتونوميالى رايوندىق پارتكومنىڭ 9 ـ رەتكى شارلاۋى بويىنشا شوعىرلى اڭىس ەتۋ ٴماجىلىسى جانە 10 ـ رەتكى شارلاۋ بويىنشا اتتانىسقا كەلتىرۋ، ورنالاستىرۋ ٴماجىلىسى 8 ـ ايدىڭ 3 ـ كۇنى اشىلدى، اۆتونوميالى رايوندىق پارتكومنىڭ شۋجيى چىن شياۋجياڭ ماجىلىسكە قاتىناستى ٴارى ٴسوز سويلەپ، بىلاي دەپ باسا دارىپتەدى: شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، شىنداپ كىرىسىپ، قيىن تۇيىندەردەن قامال الىپ، شارلاۋدا اڭىس ەتىلگەن ماسەلەلەردى رەتتەۋ ـ تۇزەتۋدى تياناقتاندىرۋدى ويداعىداي يگەرىپ، جاڭا كەزەكتى شارلاۋ قىزمەتىن جوعارى ساپالى ويداعىداي ىستەپ، شارلاۋدىڭ سەس كورسەتۋ كۇشىن، اسەر ەتۋ كۇشىن، ىلگەرىلەتۋ كۇشىن ۇزدىكسىز كۇشەيتىپ، جۇڭحۋا ۇلتى ورتاق تۇلعا تانىمىن بەكەمدەۋگە، سوتسياليستىك وسىزاماندانعان شينجياڭ قۇرۋعا پارمەندى ساياسي قامتاماسىزدىق ازىرلەۋ كەرەك.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ٴماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى چىن ميڭگو قاتىناستى. اۆتونوميالى رايوندىق پارتكومنىڭ تۇراقتى مۇشەسى، ٴتارتىپ تەكسەرۋ كوميتەتىنىڭ شۋجيى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ باستىعى تيان شياڭلي 10 ـ كەزەكتى اۆتونوميالى رايوندىق پارتكومنىڭ 9 ـ رەتكى شارلاۋىنا قاتىستى جاعدايلاردى حابارلادى. اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ٴبولىمىنىڭ باستىعى، اۆتونوميالى رايوندىق پارتكوم شارلاۋ قىزمەتى باسشىلىق گرۋپپاسىنىڭ ورىنباسار باستىعى لي گاڭ 10 ـ رەتكى شارلاۋ گرۋپپالارىنىڭ باستىقتارىن وكىلەتتىك بەرىپ مىندەتكە قويۋ جانە مىندەت ٴبولىسى جونىندەگى قاۋلىنى وقىدى.
چىن شياۋجياڭ بىلاي دەپ باسا دارىپتەدى: باس شۋجي شي جينپيڭنىڭ شارلاۋ قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، ٴتۇسىنىپ، شارلاۋ قىزمەتىن ورىستەتۋدىڭ ماڭىزدىلىعىن ىشكەرىلەي تانىپ، شارلاۋ قىزمەتىن ويداعىداي ىستەۋ جاۋاپكەرشىلىك سەزىمىن، بورىشتىلىق سەزىمىن شىنايى كۇشەيتىپ، ساياسي شارلاۋدى ۇزدىكسىز تەرەڭدەتىپ، شارلاۋدىڭ وتكىر سەمسەرلىك رولىن اناعۇرلىم ويداعىداي ساۋلەلەندىرۋ كەرەك. اناعۇرلىم باتىل پوزيتسيامەن، اناعۇرلىم تىڭعىلىقتى ستيلمەن، اناعۇرلىم قاتاڭ تالاپپەن، اناعۇرلىم پارمەندى شارالارمەن 9 ـ رەتكى شارلاۋدا اڭىس ەتىلگەن ماسەلەلەردى رەتتەۋ ـ تۇزەتۋدى ويداعىداي يگەرىپ، شارلاۋدىڭ ”سوڭعى ساتىداعى جۇمىستارىن“ تىڭعىلىقتى ويداعىداي ىستەۋ كەرەك. رەتتەۋ ـ تۇزەتۋ جاۋاپكەرشىلىگىن ناقتىلاندىرىپ، شارلاۋ جۇرگىزىلگەن پارتيا ۇيىمىنىڭ تۇلعالىق جاۋاپكەرشىلىگىن، شۋجيدىڭ ٴبىرىنشى جاۋاپتى ادام رەتىندەگى جاۋاپكەرشىلىگىن جانە القا مۇشەلەرىنىڭ ”ٴبىر قىزمەت ورنىندا ەكى جاۋاپكەرشىلىك ارقالاۋىن“ كۇشەيتىپ، رەتتەۋ ـ تۇزەتۋ جوباسىن مۇقيات جاساپ، رەتتەۋ ـ تۇزەتۋدىڭ ۋاقىت شەگىن ايقىنداپ، رەتتەۋ ـ تۇزەتۋ ەسەپ داپتەرىن ورناتىپ، ٴبىر ـ بىردەن، تۇرلەر بويىنشا رەتتەپ ـ تۇزەتىپ تياناقتاندىرۋ كەرەك. رەتتەۋ ـ تۇزەتۋدى، باقىلاۋدى كۇشەيتىپ، ٴتارتىپ تەكسەرۋ، باقىلاۋ ـ تەكسەرۋ ورگاندارى مەن ۇيىمداستىرۋ تاراۋلارىنىڭ باقىلاۋ مىندەتىن تياناقتاندىرىپ، تەكسەرۋ ـ زەرتتەۋگە قۋزاۋ ـ جەتەكشىلىك ەتۋ، شاقىرىپ اڭگىمەلەسۋ، ەسكەرتۋ، ۇستىندە تەكسەرۋ سياقتى قىزمەتتەردىڭ سەرپىنىن ارتتىرىپ، رەتتەۋ ـ تۇزەتۋگە نەمقۇرايدى قاراعانداردى، جالعان رەتتەپ ـ تۇزەتكەندەردى قاتاڭ جاۋاپقا تارتۋ كەرەك. جەتىستىكتەردى قولدانۋدى تەرەڭدەتىپ، ”تاباندا تۇزەتۋ“ مەن ”باياندى مەحانيزم ورناتۋدى“ ٴوزارا ۇشتاستىرۋعا تاباندى بولىپ، شارلاۋ ارقىلى رەفورمانى جەبەۋدى، شارلاۋ ارقىلى قۇرىلىستى جەبەۋدى، شارلاۋ ارقىلى باسقارۋدى جەبەۋدى ۇزدىكسىز ىلگەرىلەتىپ، ٴبىر ماسەلەنى رەتتەپ ـ تۇزەتىپ، ٴبىر مەحانيزمدى اقاۋسىزداندىرۋدى، ٴبىر سالانى ارناعا ٴتۇسىرۋدى ىسكە اسىرۋ كەرەك.
10 ـ كەزەكتى اۆتونوميالى رايوندىق پارتكومنىڭ 10 ـ رەتكى شارلاۋىندا رايونعا قاراستى 5 مەملەكەت مەنشىگىندەگى كاسىپورىن مەن 4 اشۋ رايونىنا ”قايتا قاداعالاۋ“ جۇرگىزىلەدى.
چىن شياۋجياڭ بىلاي دەپ باسا دارىپتەدى: 10 ـ كەزەكتى شارلاۋدىڭ ”قايتا قاداعالاۋ“ قىزمەتىن جوعارى ساپامەن ويداعىداي ورىستەتىپ، ”ساياسي قايتا تەكسەرۋدىڭ“ وزەكتى ورنىمەن تىعىز بايلانىستىرىپ، مەملەكەت مەنشىگىندەگى كاسىپورىندار مەن اشۋ رايوندارىنداعى باقىلاۋ تۇيىندەرىن كورنەكتىلەندىرىپ، ”ٴبىرىنشى باسشىنى“، باسشىلىق القاسىن جانە بۇقارانىڭ اڭىسى كۇشتى بولعان كورنەكتى ماسەلەلەردى قاداعالاپ، ساياسي باقىلاۋدى باعىتتامالى تۇردە ورىستەتىپ، شارلاۋ گرۋپپاسىنىڭ شارلاناتىن پارتيا ۇيىمدارىمەن بىردەي كۇش سالۋىن، ۇندەس بولۋىن ىلگەرىلەتىپ، شارلاۋ بويىنشا باقىلاۋدىڭ باسقا باقىلاۋلارمەن ساباقتاسۋىن، سايكەسۋىن كۇشەيتىپ، ماسەلەنى شىن مانىندە ٴداپ باسىپ تابۋ، رەتتەۋ ـ تۇزەتۋدى شىنايى يگەرۋ كەرەك. ۇيىمدىق اتقارۋدى كۇشەيتىپ، ٴبىر تۇتاس جوسپارلاپ سايكەستىرۋدى جانە جەتەكشىلىك ەتۋدى، قۋزاۋ ـ جەتەكشىلىك ەتۋدى كۇشەيتىپ، شارلاۋ تارتىبىنە قاتاڭ بويسۇنىپ، شارلاۋ قىزمەتىنىڭ ساپاسىن، ونىمدىلىگىن ۇزدىكسىز جوعارىلاتۋ كەرەك.
ۋاڭ جيانشين، جاڭ يىڭچۇن، ٴيۇسۇپجان مامەت، ەلزات احمەتجان، قادەن كابەن، ۋاڭ لين، ۋاڭ گاڭ، قايسار ابدۇكەرىم، اۆتونوميالى رايوننىڭ قاتىستى باسشىلارى، اۆتونوميالى رايوندىق پارتكومنىڭ شارلاۋ قىزمەتى باسشىلىق گرۋپپاسىنىڭ مۇشەلەرى، 10 ـ كەزەكتى اۆتونوميالى رايوندىق پارتكومنىڭ 9 ـ رەتكى جانە 10 ـ رەتكى شارلاۋ گرۋپپالارىنىڭ باستىقتارى، ورىنباسار باستىقتارى، شارلاۋ جۇرگىزىلەتىن ورىندارداعى جانە اۆتونوميالى رايوننىڭ قاتىستى ورىندارىنداعى جاۋاپتى جولداستار قاتارلىلار ماجىلىسكە قاتىناستى.
