□ شينحۋا اگەنتتىگىنىڭ تىلشىلەرى ديڭ شياۋشي، فىڭ جياشۇن
100 جىلدان استام پارتيا تاريحىنان اقىل ـ پاراسات پەن تاجىريبە قابىلداپ باس شۋجي شي جينپيڭ: ”جۇڭگو كوممۋنيستىك پارتياسى ٴبىزدىڭ ۇلى ىستەردى تىندىرۋداعى ەڭ سەنىمدى تىرەگىمىز“، ـ دەپ تەرەڭ اتاپ كورسەتتى.
تاياۋدا اشىلعان پارتيا قۇرىلىسى قىزمەتى جونىندەگى مەملەكەتتىك اڭگىمە ماجىلىسىندە شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندە قىزمەت ورنالاستىرۋى جاسالدى. شي جينپيڭ پارتيا قۇرىلىسى يدەياسىنداعى ”ون ٴتورت تاباندى بولۋدا“ ”پارتيا باسشىلىعىنىڭ جۇڭگوشا سوتسياليزمنىڭ ەڭ ماندىك ەرەكشەلىگى ەكەندىگىنە تاباندى بولۋ الدىڭعى ورىندا تۇرادى“.
جاڭا ٴداۋىردىڭ جاڭا جورىعىندا شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى ايقىن تۋ ۇستاي وتىرىپ العا قويىپ، پارتيانىڭ باسشىلىعىن ەل باسقارۋدىڭ بارلىق قيمىلىنا ٴسىڭىردى.
پارتيا مەن مەملەكەتتىڭ قۇرىلىم رەفورماسىن تەرەڭدەتىپ، پارتيانىڭ فۋنكتسيالىق تاراۋلارىنىڭ ٴبىر تۇتاس سالالار بويىنشا سايكەستىرۋ، باسقارۋ فۋنكتسياسىن ويداعىداي ساۋلەلەندىرىپ، ماڭىزدى سالالاردا پارتيا ورتالىق كوميتەتىنىڭ شەشىم جاساۋ، كەڭەسۋ، سايكەستىرۋ قۇرىلىمىن قۇردى؛ نۇسقاۋ سۇراۋ، مالىمدەۋ، ساياسي باقىلاۋ، ساياسي شارلاۋ سياقتى تۇزىمدەردى كۇشەيتىپ، بۇكىل پارتيانىڭ ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن اناعۇرلىم جوعارىلاتۋدى ىلگەرىلەتتى؛ ۇيىمدىق جۇيەنى ۇزدىكسىز اقاۋسىزداندىرىپ، پارتيانىڭ ورتالىق ۇيىمدارى، جەرگىلىكتى ۇيىمدارى، نەگىزگى ساتى ۇيىمدارى جوعارىدان تومەنگە دەيىن تۇتاسقان، اتقارۋى پارمەندى قاتاڭ جۇيە قالىپتاستىردى...
پارتيا 18 ـ قۇرىلتايىنان بەرى، پارتيا ورتالىق كوميتەتىنىڭ بەدەلى مەن ورتالىقتانعان ٴبىر تۇتاس باسشىلىعى پارمەندى كەپىلدىككە يە بولىپ، پارتيانىڭ باسشىلىق ٴتۇزىمى جۇيەسى ۇزدىكسىز كەمەلدەنىپ، پارتيانىڭ باسشىلىق ٴتاسىلى اناعۇرلىم عىلمي بولىپ، بۇكىل پارتيا يدەيا جاعىندا اناعۇرلىم بىرلىككە كەلىپ، ساياسي جاقتا اناعۇرلىم ىنتىماقتاسىپ، ارەكەت جاعىندا اناعۇرلىم بىرلىككە كەلىپ، پارتيانىڭ ساياسي باسشىلىق قابىلەتى، يدەيالىق جەتەكشىلىك قابىلەتى، بۇقارالىق ۇيىمداستىرۋ قابىلەتى، قوعامدىق ۇندەۋ قابىلەتى كورنەكتى كۇشەيدى.
جۇڭگونىڭ ىستەرىن ويداعىداي ىستەۋدىڭ تەتىگى پارتيادا، تەتىگى پارتيانى پارتيا باسقارۋدا، پارتيانى جاپپاي قاتاڭ باسقارۋدا.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى تاريحي جاۋاپكەرشىلىك جانە قايسار ەرىك ـ جىگەرمەن پارتيا ٴدوپ كەلگەن اۋىر حاۋىپ ـ قاتەر، سىن ـ سىناقتار مەن پارتيا ىشىندە ورىن تەپكەن كورنەكتى ماسەلەلەرگە بەتپە ـ بەت كەلىپ، پارتيانىڭ 100 جىلدىق كۇرەسىنىڭ تاريحي تاجىريبەلەرىن قورىتىندىلاپ جانە قولدانىپ، ورتالىقتىڭ سەگىز ٴتۇرلى بەلگىلەمەسىن جاساۋدان جانە تياناقتاندىرۋدان باستاپ ماسەلەنى شەشىپ، قاتاڭدىقتى ماڭداي الدى ورىنعا قويىپ، پىشاقتىڭ ٴدۇزىن ىشكە قاراتىپ، پارتيانى جاپپاي قاتاڭ باسقارۋدىڭ ىشكەرىلەي دامۋىن ىلگەرىلەتتى.
راقاتقۇمارلىق، استا ـ توك ىسىراپشىلدىق ماسەلەسىن قاتاڭ تەكسەرىپ ٴبىر جاقتى ەتۋدەن فورماشىلدىق، تورەشىلدىك ماسەلەسىن شەگە قاعۋ رۋحىمەن باتىل تۇزەتۋگە، ەرەكشە ۇقىق يدەياسىن، ەرەكشە ۇقىق ارەكەتىن جويۋدان بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن رەتتەۋ ـ وڭاۋعا دەيىن كىناراتتاردى ٴبىر ـ بىردەن تۇزەتىپ، ماسەلەلەردەن ٴبىر ـ بىردەن قامال الىپ، جىلدان ـ جىلعا جالعاستىرىپ تاباندى بولدى. جاڭا داۋىردە پارتيانى جاپپاي قاتاڭ باسقارۋدىڭ توڭكەرىستىك شىڭدالۋى ارقىلى ۇزاق ۋاقىت بويى تەجەلمەگەن بۇرىس ستيلدەردى تەجەپ، كوپ جىلدان بەرى جويىلماعان ٴسىڭىستى قاساڭ دەرتتەردى تۇزەتتى، شىنايى باسقارۋ، شىنايى قاتاڭ بولۋ، باتىلدىقپەن باسقارۋ، باتىلدىقپەن قاتاڭ بولۋ، ۇزاق ۋاقىت باسقارۋ، ۇزاق ۋاقىت قاتاڭ بولۋ رايى نەگىزىنەن قالىپتاسىپ، پارتيا ستيلى، ۇكىمەت ستيلى شىت جاڭا تۇسكە ەنىپ، قوعامدىق سالت، حالىق سالتى ۇزدىكسىز جاقسارىپ، پارتيانىڭ حالىق جۇرەگىندەگى وبرازى قايتا سومدالدى.
ٴوزىن كەمەلدەندىرگەندە ۇلكەن ىستەردە تابىسقا جەتۋگە بولادى، ٴوزىن ويداعىداي باسقارعاندا الەمدى ويداعىداي باسقارۋعا بولادى. پارتيا باستان ـ اياق ٴداۋىردىڭ اتويشىسى، ۇلتتىڭ تىرەگى، باستان ـ اياق ماركسيزمدىك بيلىك باسىنداعى پارتيا بولۋ ٴۇشىن، ٴسوز جوق، باستان ـ اياق شىڭدالۋى كەرەك.
شي جينپيڭ جاڭا ٴداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنەن پارتيا ٴتارتىبىن ۇيرەنۋ تاربيەسىنە، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىنە، ودان دۇرىس ناتيجە كوزقاراسىن ورناتۋ جانە ونى امالياتتا ايگىلەۋ ۇيرەنۋ تاربيەسىنە دەيىن پارتيانىڭ 20 ـ قۇرىلتايىنان بەرى، ٴار جىلى پارتيا ىشىندە شوعىرلى تاربيە ورىستەتۋ ارقىلى باس شۋجي شي جينپيڭ قالىڭ پارتيا مۇشەلەرى مەن كادرلاردى ”ساياسي جاقتاعى تەكسەرۋدى قابىلداپ، ساياسي شاڭ ـ توزاڭداردى تازالاپ، ارەكەتتەگى اۋىتقۋشىلىقتى تۇزەتۋگە“، ”يدەيادا كىرشىكسىز بولماۋ، ۇيىمدىق جاقتا كىرشىكسىز بولماۋ جاقتارىندا ورىن تەۋىپ وتىرعان كورنەكتى ماسەلەلەردى شەشىپ، پارتيانىڭ ٴوزىن ـ ٴوزى كىرشىكسىزدەندىرۋ، ٴوزىن ـ ٴوزى كەمەلدەندىرۋ، ٴوزىن ـ ٴوزى جاڭارتۋ، ٴوز دەڭگەيىن جوعارىلاتۋ قابىلەتىن ۇزدىكسىز كۇشەيتۋگە“ تاربيەلەدى، باستادى.
جاڭا جورىقتا شي جينپيڭ پارتيا قۇرىلىسى يدەياسىنىڭ جەتەكشىلىگىندە، پارتيانىڭ جاپپاي باسشىلىعىنا بۇلجىماي تاباندى بولىپ جانە ونى كۇشەيتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتكەندە جۇڭحۋا ۇلتى، ٴسوز جوق، جۇدىرىقتاي جۇمىلىپ، تولقىن جارا العا ىلگەرىلەپ، ۇلتتىڭ ۇلى گۇلدەنۋى سىندى شۇعىلالى نىساناعا جەڭىسپەن جەتە الادى.
(شينحۋا اگەنتتىگىنىڭ 7 ـ ايدىڭ 7 ـ كۇنى بەيجيڭنەن بەرگەن حابارى)
