− شي جينپيڭ پارتيا قۇرىلىسى يدەياسىنىڭ نازاريالىق قاسيەتى جونىندەگى جەلىلەس شولۋ (1)
□ شينحۋا اگەنتتىگىنىڭ تىلشىلەرى
شي جينپيڭ پارتيا قۇرىلىسى يدەياسى ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ۇشتاستىرۋعا تاباندى بولىپ، جاسامپازدىق نازاريانى امالياتقا اينالدىرىپ، نازاريانى امالياتپەن ۇشتاستىرىپ، ماركسيزمنىڭ اقيقات كۇشىن ايگىلەدى، وندا باس شۋجي شي جينپيڭنىڭ ساياسي اقىل ـ پاراساتى، يدەيا شۇعىلاسى مەن ادامگەرشىلىك باۋراعىشتىعى قامتىلعان، وزگەشە ٴارى ايقىن نازاريالىق قاسيەتكە يە.
باس شۋجي شي جينپيڭ: مۇرات ـ سەنىم − جۇڭگو كوممۋنيستەرىنىڭ رۋحاني تىرەگى جانە ساياسي جانى ٴارى پارتيانىڭ ىنتىماعى مەن بىرلىگىن ساقتاۋدىڭ دا يدەيالىق نەگىزى، ـ دەپ اتاپ كورسەتتى. شي جينپيڭ پارتيا قۇرىلىسى يدەياسىنىڭ نازاريالىق قاسيەتىندە ٴبىرىنشى ورىندا تۇراتىنى ٴدال ”بەرىك مۇرات ـ سەنىم“.
جۇرەكتە سەنىم بولسا، ٴىس باياندى بولادى.
شي جينپيڭ پارتيا قۇرىلىسى يدەياسىن جاپپاي دايەكتىلەندىرۋدە، ٴسوز جوق، شي جينپيڭ پارتيا قۇرىلىسى يدەياسىنىڭ ايقىن نازاريالىق قاسيەتىن ىشكەرىلەي ۇيرەنىپ، ٴتۇسىنىپ، بەرىك مۇرات ـ سەنىم ارقىلى رۋحاني نەگىزدى بەكەمدەپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋگە پارمەندى قامتاماسىزدىق ازىرلەۋ كەرەك.
ماركسيزم جونىندەگى بەرىك سەنىمگە تولى، سوتسياليزم، كوممۋنيزم جونىندەگى بەرىك سەنىمگە تولى، ”توڭكەرىستىك مۇرات اسپاننان دا بيىك“ دەيتىن دارقان سۇيىسپەنشىلىككە تولى
بەيجيڭ كىتاپ سارايىنا كىرسەڭىز، «شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 ـ، 2 ـ تومى كورنەكتى ورىنعا قويىلىپ، كوپتەگەن وقىرماندى ايالداپ اقتارىپ وقۋعا، دەن قويا وقۋعا باۋراعانىن بايقايسىز.
وسى بەدەلدى شىعارمانى پاراقتاساق، ”وسكەلەڭ سەنىم − باستان ـ اياق پارتيامىزدىڭ قۇدىرەتتى رۋحاني تىرەگى“ سياقتى تۇجىرىمدار جۇرت جۇرەگىنە ۇيالاپ، ٴسوز ـ سويلەمدەرىنەن اقيقات شۇعىلاسى شاشىلىپ، شي جينپيڭ پارتيا قۇرىلىسى يدەياسىندا قامتىلعان بەرىك مۇرات ـ سەنىم سىندى وسى ايقىن نازاريالىق قاسيەتتى ايگىلەيدى.
جۇڭگو كوممۋنيستىك پارتياسى − باستان ـ اياق اسقاق مۇرات پەن بەرىك سەنىمدى ساقتاپ كەلە جاتقان پارتيا. باس شۋجي شي جينپيڭ بىلاي دەپ تەرەڭ اتاپ كورسەتتى: ”بۇل مۇرات ـ سەنىم − ماركسيزم سەنىمى، كوممۋنيزم ۇلى مۇراتى، جۇڭگوشا سوتسياليزم ورتاق مۇراتى“.
شي جينپيڭ پارتيا قۇرىلىسى يدەياسى ماركسيزم جونىندەگى بەرىك سەنىمگە تولى −
بۇل يدەيا ماركسيزمنىڭ عىلمي نازارياسىنان باستاۋ العان. پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ماركسيزم سىندى پارتيا قۇرۋ، مەملەكەت قۇرۋ، پارتيانى گۇلدەندىرۋ، مەملەكەتتى گۇلدەندىرۋدىڭ نەگىزىنە بۇلجىماي تاباندى بولىپ، ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ سىندى كەلەلى ٴداۋىر تاقىرىبىن ارقاۋ ەتىپ، ٴبىر قىدىرۋ جاڭا ۇستانىمداردى، جاڭا يدەيالاردى، جاڭا ستراتەگيالاردى العا قويىپ، شي جينپيڭ پارتيا قۇرىلىسى يدەياسىن قالىپتاستىردى.
ماركسيزم جونىندەگى بەرىك سەنىم اقيقاتقا تاباندى بولۋدان بەينەلەنىپ عانا قويماي، ونان دا ماڭىزدىسى، عىلىمعا عىلمي پوزيتسيامەن قاراپ، اقيقاتقا اقيقاتشىل رۋحپەن تالپىنۋدان بەينەلەنەدى. ماركسيزم − جۇڭگو كوممۋنيستەرىنىڭ مۇرات ـ سەنىمىنىڭ جانى، ونىڭ ۇلىلىعى ونىڭ اقيقاتتى اياقتاتپاي، اقيقاتقا باراتىن جول اشقاندىعىندا.
شي جينپيڭ پارتيا قۇرىلىسى يدەياسى مۇراگەرلىك ەتۋ بارىسىندا دامىپ، تۋراشىلدىقتان اينىماي جاڭالىق اشىپ، جاڭا داۋىردەگى پارتيا قۇرىلىسىنىڭ ەڭ جوعارى پرينسيبىن، ستراتەگيالىق باعىتىن، قۇن تالپىنىسىن، قىزمەت ورنالاستىرۋىن، ٴادىس ـ جولىن جان ـ جاقتى، تەرەڭ بايىمداپ، ”اتا ـ بابالار“ ايتپاعان جاڭا سوزدەردى ايتىپ، بۇرىنعىلار جاۋاپ قايتارماعان تاقىرىپتارعا جاۋاپ بەرىپ، ماركسيزمنىڭ پارتيا قۇرۋ ٴىلىمىن بايىتۋعا جانە دامىتۋعا كەلەلى ٴتول جاسامپازدىق ۇلەس قوستى. بۇل ماركسيزم جونىندەگى ەڭ تاماشا قۇرمەت.
شي جينپيڭ پارتيا قۇرىلىسى يدەياسى سوتسياليزم، كوممۋنيزم جونىندە بەرىك سەنىمگە تولى −
جۇڭگو كوممۋنيستىك پارتياسى دۇنيەگە كەلگەن كۇننەن باستاپ كوممۋنيزمدى ۇلى مۇرات ەتىپ ورناتتى. كوممۋنيزمگە سەنىم، جۇڭگوشا سوتسياليزمگە سەنىم − كوممۋنيستەردىڭ ساياسي جانى، كوممۋنيستەردىڭ ٴارقانداي سىناقتان سۇرىنبەي ٴوتۋىنىڭ رۋحاني تىرەگى.
باس شۋجي شي جينپيڭ بىلاي دەپ اتاپ كورسەتتى: ”العا باسۋ جولىندا مەيلى جاعداي قالاي وزگەرسە دە، ورتا قانشالىق كۇردەلى بولسا دا بۇكىل پارتياداعى جولداستار كوممۋنيزمگە دەگەن سەنىمدى، جۇڭگوشا سوتسياليزم جونىندەگى سەنىمدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جونىندەگى سەنىمدى بەكەمدەپ، بەرىك پارتيالىلىقتى شىڭداپ، جۇڭگو ۇلگىسىندەگى وسىزامانداندىرۋ قۇرىلىسىنا بەلسەنە ات سالىسىپ، ۇلى مۇرات پەن ورتاق مۇراتتى جۇزەگە اسىرۋ جولىندا قايراتتانا ايانباي شايقاسۋى كەرەك“.
قىزىل قان تامىردى جالعاستىرىپ، تاريحي اۋىر مىندەتتى باتىلدىقپەن ارقالادى، شي جينپيڭ پارتيا قۇرىلىسى يدەياسى اناعۇرلىم سەرگەك نازاريالىق سانالىلىقپەن جانە بولاتتاي بەرىك ساياسي تاباندىلىقپەن جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ ٴتۇبىرلى ساياسي كەپىلىن ايقىنداپ، مۇرات ـ سەنىمدى بەكەمدەۋدى پارتيانىڭ يدەيالىق قۇرىلىسىنداعى ماڭداي الدى مىندەت ەتىپ، بۇكىل پارتيانى دۇنيەگە كوزقاراس، ومىرگە كوزقاراس، قۇن كوزقاراسى سىندى باس تەتىك ماسەلەسىن ويداعىداي شەشىپ، سانالى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ بەرىك سەنۋشىسى جانە ادال اتقارۋشىسى بولۋعا جەتەكتەدى.
شي جينپيڭ پارتيا قۇرىلىسى يدەياسى ”توڭكەرىستىك مۇرات اسپاننان دا بيىك“ دەيتىن دارقان سۇيسپەنشىلىككە تولى −
2019 ـ جىلى 5 ـ ايدا باس شۋجي شي جينپيڭ جياڭشيگە كەلىپ قىزمەت تەكسەرىپ، قىزىل ارميا ۇزاق جورىعىنىڭ شۇعىلالى تاريحىن قايتا ەسكە الدى، ٴسوزى ارىندى بولدى، ادامدى ەكپىندەي ىلگەرىلەۋگە ۇندەدى: ”ٴبىز بەرىك مۇرات ـ سەنىمنەن جانە قۋاتتى توڭكەرىس ەركىنەن جازباساق بولعانى، ٴسوز جوق، بارلىق بوگەتتەردەن اتتاپ ٴوتىپ، شىرعا دەگەندى، قورشاپ قۋالاۋ، توسقاۋىلداۋ دەگەندى، قۇرساۋلاۋ سىزىعى دەگەندى، بارلىعىن تۇگەلدەي شاڭ قاپتىرا الاتىن بولامىز!“
پارتيا 18 ـ قۇرىلتايىنان بەرى، باس شۋجي شي جينپيڭ توڭكەرىستىك جەرلەرگە قايتا ـ قايتا بارىپ، جۇڭگونىڭ بايتاق دالاسىن تەگىس ارالاپ، ٴتۇپ توركىنىن ىزدەۋ بارىسىندا توڭكەرىستىك مۇرات ارقىلى بۇكىل پارتيانى تاربيەلەدى، بۇكىل پارتيانى ۇيىستىردى، بۇكىل پارتيانى جىگەرلەندىردى.
”توڭكەرىستىك مۇرات اسپاننان دا بيىك“، مۇرات ـ سەنىم − كوممۋنيستەردىڭ رۋحاني ”كالتسيى“. شي جينپيڭ پارتيا قۇرىلىسى يدەياسى قالىڭ پارتيا مۇشەلەرىن، كادرلاردى ماركسيزم جونىندەگى سەنىمدى، جۇڭگوشا سوتسياليزم جونىندەگى سەنىمدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندەگى سەنىمدى بەكەمدەۋگە تاربيەلەپ جانە جەتەكتەپ، سەنىم نەگىزىن بەكەمدەپ، رۋحاني كالتسيدى تولىقتاپ، يدەيا تۇتقاسىن مىقتاپ ۇستادى.
ماركسيزم جونىندەگى بەرىك سەنىم، سوتسياليزم، كوممۋنيزم جونىندەگى بەرىك سەنىم، ”توڭكەرىستىك مۇرات اسپاننان دا بيىك“ دەيتىن دارقان سۇيىسپەنشىلىك ۇشەۋى ٴوزارا توعىسىپ، شي جينپيڭ پارتيا قۇرىلىسى يدەياسىنداعى بەرىك مۇرات ـ سەنىم سىندى وسى نازاريالىق قاسيەتكە تەرەڭ سىڭىرىلگەن.
جۇڭگو كوممۋنيستىك پارتياسى نە ٴۇشىن ىسكەر، ماركسيزم نە ٴۇشىن جارامدى، جۇڭگوشا سوتسياليزم نە ٴۇشىن جاقسى ەكەندىگىنىڭ ىشكى سوزسىزدىگىن تەرەڭ اشىپ كورسەتتى
قىزىل قايىقتان الىپ كەمەگە دەيىن، قۇرىلعان كەزدە نەبارى 50 نەشە پارتيا مۇشەسى بار بولۋدان 100 ميلليوننان استام پارتيا مۇشەسى جانە 5 ميلليوننان استام نەگىزگى ساتى پارتيا ۇيىمى بار، ٴبىر ميلليارد 400 ميلليوننان استام حالقى بار ٴىرى ەلگە باسشىلىق ەتەتىن دۇنيە جۇزىندەگى ٴبىرىنشى ۇلكەن بيلىك باسىنداعى پارتيا بولۋعا دەيىن، جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، جۇڭحۋا ۇلتىنىڭ نەشە مىڭ جىلدىق تاريحىنداعى ەڭ ايبىندى ەپوستى جازدى.
ادامدار ەرىكسىز: جۇڭگو كوممۋنيستىك پارتياسى نە ٴۇشىن ىسكەر، ماركسيزم نە ٴۇشىن جارامدى، جۇڭگوشا سوتسياليزم نە ٴۇشىن جاقسى؟ ـ دەپ سۇرايدى. شي جينپيڭ پارتيا قۇرىلىسى يدەياسىندا قامتىلعان ”بەرىك مۇرات ـ سەنىم“ سىندى نازاريالىق قاسيەت ادامدى تەرەڭ تولعاندىرىپ، بولاشاق جونىندە وي سالادى.
وسى نازاريالىق قاسيەت جۇڭگو كوممۋنيستىك پارتياسىنىڭ نە ٴۇشىن ىسكەر ەكەندىگىن تەرەڭ ٴتۇسىندىردى.
جۇڭگو كوممۋنيستىك پارتياسى تاريحى كورمە سارايى الاڭىندا «سەنىم» اتتى ٴمۇسىن اسقاق بوي سوزىپ تۇر − تۇرلىشە تاريحي داۋىردەگى 71 كوممۋنيست پارتيا تۋى الدىندا ايبىندى سەرت بەرىپ، مۇرات ـ سەنىم الاۋىنىڭ ماڭگى وشپەيتىندىگىن ايگىلەۋدە.
ٴار ۇرپاق كوممۋنيستەر سەنىم اعىسىنا قوسىلدى. جىگەرلى جاستار مەملەكەتتى جويىلۋدان قۇتقاردى، توڭكەرىستىك ارداگەر قۇرباندار ٴبىرىنىڭ ٴىزىن ٴبىرى باستى، قۇرىلىس جىلدارىندا اسقاق سەزىم الاۋلادى، رەفورما جاساۋدا، ەسىك اشۋدا باتىلدىقپەن الدا ٴجۇردى، جاڭا داۋىردە جاڭالىق اشىپ، جاسامپازدىق جاراتتى... پارتيامىز تالاي رەت ساتسىزدىككە ۇشىراسا دا، ۇزدىكسىز قايراتتانا ۇمتىلىپ، جاپا ـ ماشاقاتتى باستان كەشىرىپ، قۇرىشتاي شىڭدالدى، مۇندا، سايىپ كەلگەندە، مۇرات ـ سەنىمدى باستان ـ اياق بەكەمدەۋگە سۇيەندى.
بەرىك مۇرات ـ سەنىم پارتيا قۇرىلىسىنىڭ ەڭ تەرەڭ قاتپارلى رۋحاني نەگىزىن اشىپ كورسەتتى. شي جينپيڭ پارتيا قۇرىلىسى يدەياسى پارتيانىڭ جاسامپازدىق نازارياسى ارقىلى حالىق تىلەگىن ۇيىستىرىپ، رۋحتى سومداۋدى باسا دارىپتەدى، بەرىك پارتيالىلىقتى شىڭداۋدى باسا دارىپتەدى، مۇرات ـ سەنىمدى بەكەمدەۋدى پارتيانىڭ يدەيالىق قۇرىلىسىنىڭ ماڭداي الدى مىندەتى ەتتى. ٴبىر ساياسي پارتيادا ۇلى مۇرات پەن اسقاق تالپىنىس بولسا، المايتىن قامالى بولمايدى، جەڭىسكە جەتپەي قويمايدى.
وسى نازاريالىق قاسيەت ماركسيزمنىڭ نە ٴۇشىن جارامدى ەكەندىگىن تەرەڭ اشىپ كورسەتتى.
ماركس بىلاي دەپ قارايدى: دۇنيە ٴجۇزى تاريحىنىڭ وزىندە جاڭا ماسەلەنى العا قويۋ ارقىلى كونە ماسەلەگە جاۋاپ بەرۋدەن جانە ونى ٴبىر جاقتى ەتۋدەن سىرت، باسقا امال جوق.
پارتيامىز بار كۇشپەن پارتيانىڭ جاسامپازدىق نازارياسىن سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ قۇدىرەتتى يدەيالىق قارۋىنا، مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ قۇدىرەتتى كۇشىنە اينالدىردى. شي جينپيڭ پارتيا قۇرىلىسى يدەياسى ٴدال − ”ەكىنى ۇشتاستىرۋدىڭ“، ”التىعا، ٴسوز جوق، تاباندى بولۋدىڭ“ پارتيا قۇرىلىسى سالاسىنداعى ەڭ جاڭا جەتىستىگى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، جاڭا داۋىردەگى پارتيا قۇرىلىسىن كۇشەيتۋدەگى ٴتۇبىرلى بويسۇنۋ ولشەمى.
ماركسيزم جۇڭگونى تەرەڭ وزگەرتتى، جۇڭگو دا ماركسيزمدى بارىنشا بايىتتى. شي جينپيڭ پارتيا قۇرىلىسى يدەياسى جاڭا داۋىردەگى پارتيانى باسقارۋدا، پارتيانى جونگە سالۋدا قايتۋ كەرەك، قالاي ىستەۋ كەرەك سىندى ٴبىر قىدىرۋ كەلەلى ماسەلەلەرگە جۇيەلى جاۋاپ بەردى، بۇكىل پارتيانىڭ جاڭا جاعدايلاردى ىشكەرىلەي، جۇيەلى زەرتتەۋىنە، جاڭا ماسەلەلەردى شەشۋىنە اناعۇرلىم ويداعىداي جەتەكشىلىك ەتىپ، ماركسيزمنىڭ جۇڭگوشالانۋىن، زامانالانۋىن ۇزدىكسىز ىلگەرىلەتەتىنى داۋسىز.
وسى نازاريالىق قاسيەت جۇڭگوشا سوتسياليزمنىڭ نە ٴۇشىن جاقسى ەكەندىگىن تەرەڭ اشىپ كورسەتتى.
”توڭكەرىستىڭ، قۇرىلىستىڭ، رەفورمانىڭ جانە جاڭا ٴداۋىردىڭ ۇلى امالياتىندا پارتيامىز حالىققا باسشىلىق ەتىپ سان الۋان ماشاقاتتى باستان كەشىرىپ، جۇڭگوشا سوتسياليزم جولىن ٴساتتى اشتى جانە وعان تاباندى بولدى، دامىعان ەلدەردىڭ نەشە ٴجۇز جىلدا باسىپ وتكەن ونەركاسىپتەنۋ بارىسىن نەشە ون جىلدا ـ اق باسىپ ٴوتىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى“. باس شۋجي شي جينپيڭنىڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزى تاريحتى، قازىرگىنى جانە بولاشاقتى تۇتاستىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن ايقىن كورسەتتى.
ٴوز جولىمەن ٴجۇرۋ − پارتيانىڭ بارلىق نازارياسى مەن امالياتىنىڭ تابان تىرەر تياناعى. باس شۋجي شي جينپيڭ بىلاي دەپ باسا دارىپتەدى: ٴبىز ادامزات تاريحىندا بۇرىن بولىپ كورمەگەن دامۋ جەتىستىكتەرىن جاراتا الامىز، مۇنداعى ٴتۇبىرلى سەبەپ − دۇرىس جولمەن جۇرگەندىگىمىز.
شىكۋمىننان تيان ـ انمىنعا دەيىن، شيڭيە جولىنان فۋشيڭ جولىنا دەيىن پارتيامىزدىڭ 100 جىلدان استام ۋاقىتتان بەرى حالىقتى ىنتىماقتاستىرىپ جانە باستاپ اشقان ۇلى جولى، قول جەتكىزگەن ۇلى تابىستارى مىنانى تالاسسىز دالەلدەدى: ٴبىزدىڭ جۇڭگوشا سوتسياليزم جولىمەن ٴجۇرۋىمىز شەكسىز كەڭ داۋىرلىك ساحناعا، شەكسىز تەرەڭ تاريحي نەگىزگە، شەكسىز قۇدىرەتتى العا باسۋ تاباندىلىعىنا يە.
بۇكىل پارتيانىڭ ساياسي بەتالىستى ٴدال يگەرۋىنە، ۇلكەن دۇرىس پەن ۇلكەن بۇرىستى ايقىن ايىرۋىنا، العان بەتتەن قايتپاي جان قيارلىقپەن كۇرەس جۇرگىزۋىنە قۇدىرەتتى قوزعاۋشى كۇش ازىرلەدى
”15 ـ بەسجىلدىقتىڭ“ باستاما جىلىندا جۇڭگو كوممۋنيستىك پارتياسى ٴجۇز ميلليونداعان حالىقتى باستاپ جۇڭگو ۇلگىسىندەگى وسىزامانداندىرۋدىڭ جاڭا جورىعىندا تولىق سەنىممەن العا باسىپ كەلەدى.
جاڭا جورىق جاڭا جاۋاپكەرشىلىك ارقالاۋعا شاقىرۋدا، جاڭا بورىش جاڭا ىسكەرلىككە دەم بەرۋدە.
بەرىك مۇرات ـ سەنىم تانىمداعى سەرگەكتىكتە عانا ەمەس، ونان دا ماڭىزدىسى، ارەكەتتەگى سانالىلىقتا، ول ماڭگى ٴبىزدى ەرلىكپەن العا باسۋعا، قيىنشىلىقتاردى جەڭىپ جەڭىسكە جەتۋگە شابىتتاندىراتىن سارقىلماس كۇش قاينارى. ٴدال وسىنداي نازاريالىق قاسيەتكە يە بولعاندىقتان، شي جينپيڭ پارتيا قۇرىلىسى يدەياسى ٴبىزدىڭ ساياسي بەتالىستى ٴدال يگەرۋىمىزگە، ۇلكەن دۇرىس پەن ۇلكەن بۇرىستى ايقىن ايىرۋىمىزعا، العان بەتتەن قايتپاي جان قيارلىقپەن كۇرەس جۇرگىزۋىمىزگە قۇدىرەتتى قوزعاۋشى كۇش ازىرلەدى.
شي جينپيڭ پارتيا قۇرىلىسى يدەياسىندا قامتىلعان بەرىك مۇرات ـ سەنىمدى تەرەڭ تۇسىنۋدە، ٴبىز ساياسي بەتالىستى ٴدال يگەرىپ، ادالدىق رۋحىن بەكەمدەۋىمىز كەرەك.
”ساياسي بەتالىس − پارتيانىڭ ٴومىر سۇرۋىندەگى، دامۋىنداعى ٴبىرىنشى ماسەلە، ول پارتيانىڭ بولاشاق تاعدىرىنا جانە ىستەرىنىڭ گۇلدەنۋى مەن قۇلدىراۋىنا، ٴساتتى ـ ٴساتسىز بولۋىنا سايادى“. باس شۋجي شي جينپيڭ ”ساياسيدى دارىپتەۋدىڭ“ ماڭىزدىلىعىن قايتا ـ قايتا باسا دارىپتەدى ٴارى ۇزاق جورىق حيكاياسى ارقىلى ”بەتالىستى ٴدال يگەرۋدىڭ“ كەلەلى ٴمانىن ۇعىندىردى −
”قىزىل ارميا سازدى دالادان وتكەن كەزدە اسپاز ورنىنان تۇرا سالا، بۇگىن تاماق پىسىراتىن كۇرىش بار ـ جوقتىعىن سۇراماي، الدىمەن وڭتۇستىككە قاراي جۇرە مە، الدە سولتۇستىككە قاراي جۇرە مە دەپ سۇرايدى. بۇل قىزىل ارميا قوسىنىندا اسپازدىڭ دا بەتالىس ماسەلەسىنىڭ نەنى جەۋدەن دە ماڭىزدى ەكەنىن بىلەتىنىن تۇسىندىرەدى“.
ٴبىز تاباندى بولۋعا ٴتيىستى ساياسي بەتالىس − ٴدال كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتى، ”قوس 100 جىلدىق“ كۇرەس نىساناسى، ٴدال پارتيانىڭ نەگىزگى نازارياسى، نەگىزگى لۋشيانى، نەگىزگى جالپى جوباسى.
شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، بەرىك مۇرات ـ سەنىم ارقىلى پارتياعا ادالدىقتى شىڭداپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداعاندا عانا ساياسي بەتالىستى ٴدال يگەرىپ، ساياسي نەگىزدى بەكەمدەپ، ساياسي قاسيەتتى ماڭگى ساقتاۋعا بولادى.
شي جينپيڭ پارتيا قۇرىلىسى يدەياسىندا قامتىلعان بەرىك مۇرات ـ سەنىمدى تەرەڭ تۇسىنۋدە، ٴبىز ۇلكەن دۇرىس پەن ۇلكەن بۇرىستى ايقىن ايىرىپ، تۇرعىمىزدى اناعۇرلىم بەكەمدەۋىمىز كەرەك.
باس شۋجي شي جينپيڭ بىلاي دەپ باسا دارىپتەدى: ”مۇرات ـ سەنىمنەن اۋىتقۋ ەڭ قاتەرلى اۋىتقۋ، مۇرات ـ سەنىمنىڭ قۇلدىراۋى ەڭ قاتەرلى قۇلدىراۋ“، مۇرات ـ سەنىم بولماسا، مۇرات ـ سەنىم بەرىك بولماسا، رۋحاني ’كالتسي كەمەيەدى‘، سونىمەن ’جۇمساق سۇيەك اۋرۋىنا‘ شالدىعادى“...
شي جينپيڭ پارتيا قۇرىلىسى يدەياسى دۇنيە ٴجۇزى كولەمىندەگى ماركسيزمدىك ساياسي پارتيالاردىڭ بيلىك جۇرگىزۋدەگى تاجىريبەلەرى مەن ساباقتارىن تەرەڭ قورىتىندىلادى، بۇل بۇكىل پارتيا جونىنەن توتەنشە ماڭىزدى تاربيە، ەسكەرتۋ ٴارى پارتيانى باسقارۋدىڭ، پارتيانى جونگە سالۋدىڭ ساقتىق دابىلى.
جاڭا تاريحي شارت ـ جاعدايدا پارتيامىز ٴدوپ كەلىپ وتىرعان بيلىك جۇرگىزۋ ورتاسى مەن بيلىك جۇرگىزۋ شارت ـ جاعدايىندا اسا زور وزگەرىستەر تۋىلدى، يدەولوگيا كۇرەسىنىڭ كۇن سايىن كۇردەلىلەسۋى، كوپ نەگىزدى يدەيا مەن مادەنيەتتىڭ توعىسۋى، قاقتىعىسۋى، مۇددەنىڭ ازعىرۋى تۋدىرعان نيەتتىڭ قابىنۋى سياقتى وبيەكتيۆ فاكتورلار پارتيا مۇشەلەرى مەن كادرلار قوسىنىن ٴسات سايىن سىناۋدا. ۇلكەن دۇرىس پەن ۇلكەن بۇرىس الدىندا اق پەن قارانى ايقىن ايىرۋ، تۇرعىنى بەكەمدەۋ، باتىلدىقپەن ايقىن پوزيتسيا ٴبىلدىرۋ استە قۇر ۇران جانە ۇعىم ەمەس، ونى پارتيا مۇشەلەرى مەن كادرلاردىڭ مۇرات ـ سەنىمىنە ٴسىڭىرىپ، پارتيا مۇشەلەرى مەن كادرلاردىڭ ٴسوز ـ ارەكەتىندە ايگىلەۋ كەرەك.
شي جينپيڭ پارتيا قۇرىلىسى يدەياسىندا قامتىلعان بەرىك مۇرات ـ سەنىمدى تەرەڭ تۇسىنۋدە، ٴبىز العان بەتتەن قايتپاي جان قيارلىقپەن كۇرەس جۇرگىزىپ، ناقتى ىستەپ، بولاشاققا جول اشۋىمىز كەرەك.
كەدەيلىكتەن ارىلتۋدان قامال الۋدىڭ نەگىزگى شايقاس ورنىندا، اۋىل ـ قىستاقتى كوركەيتۋدىڭ قۇنارلى دالاسىندا، عىلىم ـ تەحنولوگيادا جاڭالىق اشۋدىڭ ەڭ الدىڭعى شەبىندە سان مىڭداعان پارتيا مۇشەلەرى مەن كادرلار حاۋىپ ـ قاتەرلەردى جەڭىپ، سىن ـ سايىستاردى قارسى الۋ بارىسىندا اۋىر سىناقتاردان ٴوتتى، قيىن ماسەلەلەردى شەشۋ، قيىندىقتاردان قامال الۋ بارىسىندا ەرىك ـ جىگەرىن شىڭداپ، قابىلەتىن ارتتىردى.
مۇرات ۇلى بولعاندىعىمەن مۇرات، سەنىم تاباندى بولعاندىعىمەن سەنىم بولادى. باس شۋجي شي جينپيڭ بىلاي دەپ ۇندەۋ تاستادى: ”مۇرات ـ سەنىمدى بەكەمدەۋ − ومىرلىك تاقىرىپ، ول ۇنەمى جەتىلۋدى، ۇنەمى شىڭدالۋدى قاجەت ەتەدى، ٴومىر بويى سەنۋ، ٴومىر بويى تاباندى بولۋ كەرەك“.
دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ورىستەتۋمەن ۇشتاستىرعان قالىڭ پارتيا مۇشەلەرى مەن كادرلار شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرىپ، ناتيجە كوزقاراسىنداعى اۋىتقۋلاردى سانالىلىقپەن تۇزەتىپ، وڭاي ولجانى ويلايتىن، تۇرلاۋسىز ستيلدى يدەيالىق ٴتۇپ قاينارىنان باتىل تيىپ، ناقتى ىستەۋگە ٴمان بەرۋ، ناقتى ناتيجەگە ٴمان بەرۋ باعدارىن كوكەيگە تەرەڭ ۇيالاتىپ، ٴىس تىندىرىپ ناتيجە شىعارۋ رۋحىن ونان ارى سەرپىلتتى.
ۇلى ىستەر ۇلى ەرىك ـ جىگەردەن تۋىندايدى، ۇلى ىستەر قاجىماي ـ تالماي ەڭبەكتەنۋدەن كەلەدى. ساپار نۇرلى، سەنىم بەكەمدەلە ٴتۇستى.
جاڭا جورىقتا ۇدەرە العا تارتىپ، شي جينپيڭ پارتيا قۇرىلىسى يدەياسىن جەتەكشى ەتكەن جۇڭگو كوممۋنيستەرى جولدى وزگەرتپەۋ، ەرىك ـ جىگەردى وزگەرتپەۋ تاباندىلىعىن ساقتاپ، مۇرات ـ سەنىمنىڭ الاۋىن ۇزدىكسىز بيىك ۇستاپ، داڭق پەن ارمانعا تولى ۇزاق جورىققا اتتاندى.
(تىلشىلەر شى جيڭنان، ۋاڭ زىميڭ، شۇي جۋاڭ، ياڭ جانفي)
(شينحۋا اگەنتتىگىنىڭ 8 ـ ايدىڭ 5 ـ كۇنى بەيجيڭنەن بەرگەن حابارى)
