− شي جينپيڭ پارتيا قۇرىلىسى يدەياسىنىڭ نازاريالىق قاسيەتى جونىندەگى جەلىلەس شولۋ (2)
□ شينحۋا اگەنتتىگىنىڭ تىلشىلەرى
تاريحتىڭ سالقار كوشى توقتاۋسىز العا تارتىپ، ٴداۋىر تولقىنى وركەشتەنە جوڭكىلدى.
باس شۋجي شي جينپيڭ بىلاي دەپ تەرەڭ اتاپ كورسەتتى: ”تاريح دامۋىنىڭ ٴوز زاڭدىلىعى بولادى، الايدا ادام وندا بۇكىلدەي ەنجار، ىرىقسىز كۇيدە بولمايدى. تاريحتىڭ دامۋ اۋقىمىن مەڭگەرىپ، تاريح وزگەرىسىنىڭ ورايىن يگەرىپ، قايراتتانا ۇمتىلىپ، ىسكەرلىك تانىتىپ، قايسارلىقپەن العا باسقاندا عانا ادامزات قوعامى ٴتىپتى دە جاقسى العا ىلگەرىلەيدى“.
100 جىلدىق ٴىرى پارتيانىڭ بيلىك جۇرگىزۋ تاريحي ورنىن تياناق ەتىپ، دۇنيە جۇزىندەگى ساياسي پارتيالاردىڭ گۇلدەنۋى مەن قۇلدىراۋىنا نازار سالعان كەڭ كوز ايامەن امانشىلىقتا جامانشىلىقتىڭ بولاتىنىن ويلايتىن تاريحي اقىل ـ پاراساتتى تەرەڭ قابىلداعان شي جينپيڭ پارتيا قۇرىلىسى يدەياسى جاڭا داۋىردەگى پارتيا قۇرىلىسىنىڭ ۇزدىكسىز جاڭا جاعداي اشۋىنا جەتەكشىلىك ەتىپ، كەلەلى اۋقىمدى يگەرەتىن، پارتيا مەن مەملەكەتتىڭ دامۋ بولاشاعىن جوبالايتىن تاريحي ىرىقتىلىق ارقىلى ميلليارد حالىقتى مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ نۇرلى بولاشاعىنا قاراي ەرلىكپەن العا باسۋعا جەتەكتەپ، وزگەشە نازاريالىق قاسيەتتى ايگىلەدى.
تاريحي ورىندى يگەرىپ، ٴداۋىر تاقىرىبىنا جاۋاپ بەردى
ٴداۋىر بولگىش نازاريا اتاۋلىنىڭ بارلىعى ٴداۋىر قاجەتىن قاناعاتتاندىرۋدىڭ تۋىندىسى.
جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى تياناق ەتىپ، ”ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ“ سىندى كەلەلى داۋىرلىك تاقىرىپتى ارقاۋ ەتىپ، شي جينپيڭ پارتيا قۇرىلىسى يدەياسى پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ ٴبىر قىدىرۋ جاڭا ۇستانىمى، جاڭا يدەياسى، جاڭا ستراتەگياسى ارقىلى پارتيانىڭ توڭكەرىستىك شىڭدالۋ بارىسىندا اناعۇرلىم قۋاتتى، اناعۇرلىم ومىرشەڭ كۇشكە يە بولۋىن ىلگەرىلەتىپ، وسكەلەڭ تاريحي سانالىلىقتى، بەرىك تاريحي ىرىقتىلىقتى ايگىلەدى.
تاريحقا تەرەڭ كوز جىبەرۋ ارقىلى ماركسيزمدىك ساياسي پارتيانىڭ تاجىريبە ـ ساباقتارىن قابىلدادى −
”سوۆەت وداعى كوممۋنيستىك پارتياسى سوناۋ جىلدارى 200 مىڭ پارتيا مۇشەسى بار كەزدە بيلىكتى تارتىپ العان، 2 ميلليون پارتيا مۇشەسى بار كەزدە فاشيستىك شاپقىنشىلاردى جەڭگەن، ال 20 ميلليونعا جۋىق پارتيا مۇشەسى بار كەزدە بيلىكتەن ايرىلىپ ٴوزىن جوعالتىپ الدى، بۇل نەلىكتەن“؟
حالىقارالىق كوممۋنيزم قوزعالىسىنىڭ دامۋ بارىسىنا كوز جىبەرگەن باس شۋجي شي جينپيڭ ٴداپ باسىپ، بىلاي دەپ اتاپ كورسەتتى: ”ماركسيزمدىك بيلىك باسىنداعى پارتيادان ماسەلە شىقپاسا بولعانى، سوتسياليستىك مەملەكەتتەن ۇلكەن ماسەلە شىقپايدى، ٴبىز سوندا عانا ’گۇلدەنىپ ـ كوركەيۋ دە تەز، قۇرىپ ـ جوعالۋ دا تەز بولۋ‘ سىندى تاريح پەريودىنان اتتاپ وتە الامىز“.
105 جىلدىق شۇعىلالى جىلدارعا قايىرىلا قاراساق، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيامىزدىڭ پارتيا قۇرۋداعى، پارتيانى باسقارۋداعى، پارتيانى جونگە سالۋداعى سۇبەلى امالياتىن تياناق ەتە وتىرىپ ىزدەنىس جاساپ، ”ونعا تاباندى بولۋ“ سىندى 100 جىلدىق كۇرەس تاريحي تاجىريبەلەرىن جيناقتاپ، ”بەس ٴسوزسىز باسىپ وتەتىن جول“ سىندى زاڭدىلىق سيپاتتى تانىمدى شىڭداپ، ٴوزىن ۇزدىكسىز جىگەرلەندىردى، كەمەلدەندىردى، دەڭگەيىن جوعارىلاتتى.
ماركسيزمدىك ساياسي پارتيا قۇرىلىسىنىڭ ۇنامدى ـ ۇنامسىز جاقتارداعى تاجىريبەلەرىن تەرەڭ قورىتىندىلاعان شي جينپيڭ پارتيا قۇرىلىسى يدەياسى پارتيامىز بۇرىن نە ٴۇشىن تابىسقا جەتە الدى، قايتكەندە ۇزدىكسىز تابىسقا جەتۋگە بولادى دەگەن تاريحي تاقىرىپقا عىلمي جاۋاپ بەرىپ، ماركسيزمنىڭ پارتيا قۇرۋ ٴىلىمىنىڭ تىڭ داستانىن جازدى.
كەڭ تاريحي كوز ايامەن جۇڭحۋانىڭ تاڭداۋلى ٴداستۇرلى مادەنيەتىنىڭ تەرەڭ اقىل ـ پاراساتىن قابىلدادى −
”جۇڭحۋانىڭ تاڭداۋلى ٴداستۇرلى مادەنيەتىنەن ەل باسقارۋ ۇستانىمىن جانە وي جەلىسىن قابىلداۋعا شەبەر بولۋ كەرەك“، ”ەلىمىزدىڭ ەرتە زامانعى ەل باسقارۋ جونىندەگى ىزدەنىسى مەن اقىل ـ پاراساتىن بەلسەنە قورىتىندىلاۋ قاجەت“.
”حالىق − مەملەكەتتىڭ نەگىزى“ دەيتىن ساياسي فيلوسوفيانى ٴتۇيسىنىپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ٴجۇرۋدى دارىپتەدى؛ ”بيلىك جۇرگىزۋدە ٴمورالدى نەگىز ەتۋ“ سىندى مىندەت وتەۋ قاسيەتىن جالعاستىرىپ، پارتيا مۇشەلەرىنەن، كادرلاردان اسقاق ٴمورالدى ايگىلەپ، الەۋمەتتىك ٴمورالدى ساقتاپ، جەكە ٴمورالدى قاتايتۋدى تالاپ ەتتى؛ ”پاك، تۋراشىل بولۋ“ دەيتىن مادەنيەت نەگىزىن بەكەمدەپ، راقاتقۇمارلىقتى، استا ـ توك ىسىراپشىلدىقتى، ەرەكشە ۇقىق بۇرىس ستيلىن كۇش سالا وڭادى...
جۇڭحۋا ۇلتىنىڭ تاريحي ەستەمەسى مەن رۋحاني تالپىنىسىن جالعاستىرعان شي جينپيڭ پارتيا قۇرىلىسى يدەياسى ەلدى ورنىقتىرىپ، بيلىك جۇرگىزۋ جولىن، ٴوزىن باۋلۋ، اكىمشىلىكتى جونگە سالۋ، ەل باسقارۋ جولىن، بارىس ـ كەلىس جاساۋ ٴمورال ۇستانىمىن جاسامپازدىقپەن وزگەرتۋدى جانە جاسامپازدىقپەن دامىتۋدى جۇزەگە اسىردى، ماركسيزمدىك ساياسي پارتيا قۇرىلىسى نازارياسىنىڭ جۇڭحۋانىڭ تاريحي مادەنيەتىنىڭ قۇنارلى توپىراعىندا تىرشىلىك تىنىسنا يە بولۋىنا مۇمكىندىك جاسادى.
كۇشتى تاريحي جاۋاپكەرشىلىكپەن پارتيا قۇرىلىسى ٴدوپ كەلگەن جاڭا جاعدايلاردى، جاڭا ماسەلەلەردى، جاڭا سىن ـ سايىستاردى كۇش سالا شەشتى −
ۇلكەننىڭ ۇلكەنگە ٴتان بەينەسى بولۋ كەرەك، ۇلكەننىڭ دە ۇلكەنگە ٴتان قيىنشىلىعى بولادى. ٴىرى پارتيانىڭ وزىنە ٴتان قيىن ماسەلەسىن شەشۋ − جاڭا ٴداۋىردىڭ جاڭا جورىعىندا پارتيانىڭ بورىشى مەن مىندەتىن جۇزەگە اسىرۋدا، ٴسوز جوق، باسىپ وتۋگە ٴتيىستى وتكەل، بۇل پارتيانى جاپپاي قاتاڭ باسقارۋدا، ٴسوز جوق، شەشۋگە ٴتيىستى قيىن ٴتۇيىن.
پارتيا مۇشەلەرى قوسىنى مەن ٴوز جاعدايىندا تۋىلعان كەلەلى دە تەرەڭ وزگەرىستەر الدىندا شي جينپيڭ پارتيا قۇرىلىسى يدەياسى نازاردى پارتيا قۇرىلىسىنىڭ جاڭا امالياتىنا شوعىرلاندىرىپ، جاڭا جول جونىندە ىزدەنىس جاساپ، جاڭا ٴادىس قاراستىرىپ، ماسەلەنى شەشۋدىڭ وي جەلىسىن ۇزدىكسىز بايىتىپ، جاڭا داۋىردەگى پارتيا قۇرىلىسىنىڭ جاڭا، ۇلى ينجەنەرياسىنىڭ ىشكەرىلەي دامۋىن ىلگەرىلەتتى.
”ٴبىزدى جىعا الاتىن ەشقانداي سىرتقى كۇش جوق، ٴبىزدى جىعا الاتىن تەك ٴوزىمىز عانامىز. بولاشاعىمىز، تاعدىرىمىز ٴوز قولىمىزدا“.
تاريحتىڭ بەتالىسىنا سايكەسىپ، پارتيا تىلەگىنە، حالىق تىلەگىنە جاۋاپ قايتارعان شي جينپيڭ پارتيا قۇرىلىسى يدەياسى جاڭا ٴداۋىردىڭ جاڭا جورىعىنداعى پارتيا قۇرىلىسىنا دۇرىس ساياسي بەتالىس كورسەتىپ، 100 جىلدىق ٴىرى پارتيانىڭ باستان ـ اياق ٴداۋىر تولقىنىندا اتويلاپ الدا جۇرۋىنە، جالىندى جىگەرىن ماڭگى ساقتاۋىنا شىنايى كەپىلدىك ەتتى.
پارتيا قۇرىلىسىنىڭ زاڭدىلىعىن يگەرىپ، وزىنە ـ ٴوزى توڭكەرىس جاساۋدى ىلگەرىلەتتى
”پارتيا قۇرىلىسى ارقىلى جەتەكشىلىك ەتۋدى ونان ارى كۇشەيتىپ، الەۋمەتتىك اۋماق پارتيا ۇيىمى باسشىلىعىنداعى تۇرعىندار كوميتەتىنىڭ، مەنشىك يەلەرى كوميتەتىنىڭ، قوجالىق قىزمەت وتەۋ كاسىپورىندارىنىڭ سايكەستى جۇمىس جۇرگىزۋ جاڭا ۇلگىسى جونىندە بەلسەنە ىزدەنىس جاساۋ كەرەك“، ”بايلىق، قىزمەت وتەۋ، باسقارۋ سياقتىلاردىڭ نەگىزگى ساتىنىڭ ٴبىرىنشى شەبىنە ٴتۇسۋىن ىلگەرىلەتىپ، نەگىزگى ساتىنىڭ اۋىرتپالىعىن ۇزدىكسىز جەڭىلدەتۋگە قۋات ۇستەۋ قاجەت“.
2026 ـ جىلى 7 ـ ايدىڭ 15 ـ كۇنى باس شۋجي شي جينپيڭ شاڭحاي حۋاڭپۋ رايونىنا كەلىپ قىزمەت تەكسەرىپ، شىمين جاڭا قىستاعى تۇرعىندار رايونى الەۋمەتتىك اۋماعىنداعى پارتيا مۇشەلەرىنە، بۇقاراعا قىزمەت وتەۋ پۋنكتىنە بارىپ نەگىزگى ساتى پارتيا قۇرىلىسى قىزمەتىنىڭ جاعدايىن ۇعىستى.
وسىدان 20 جىلعا جۋىق ۋاقىت ىلگەرى ٴدال وسى قۇتتى مەكەندە سول كەزدە شاڭحاي قالالىق پارتكومنىڭ شۋجيى بولىپ تۇرعان شي جينپيڭ جولداس كورەگەندىكپەن جوسپارلاپ، ىرىقتىلىقپەن وزگەرىس ەنگىزىپ، جاڭا كەزەكتى قالالىق پارتكومنىڭ وزىندىك قۇرىلىسىن كۇشەيتۋ پىكىرىن العا قويىپ جانە جاساپ، رەفورما جاساپ، ەسىك اشۋ جانە سوتسياليستىك بازار شارۋاشىلىعىن دامىتۋ شارت ـ جاعدايىنداعى پارتيا قۇرىلىسى قىزمەتىنىڭ زاڭدىلىعىنا ۇيلەسەتىن، شاڭحاي سىندى ەرەكشە ٴىرى قالا ەرەكشەلىگىنە يە نەگىزگى ساتى پارتيا قۇرىلىسىنىڭ جاڭا جولى جونىندە باستاماشىلدىقپەن ىزدەنىس جاسادى.
جەرگىلىكتى ورىننىڭ قىزمەتتەرىنە جەتەكشىلىك ىستەپ، پارتيا قۇرىلىسى قىزمەتىن ىشكەرىلەي جۇرگىزۋدەن بۇكىل پارتيانىڭ پارتيانى قۇدىرەتتەندىرۋ جوباسىن جاساۋعا جول باستاعانعا دەيىن باس شۋجي شي جينپيڭ جاعدايعا قاراي ىستەۋگە، ىسكە قاراي شارا قولدانۋعا تاباندى بولىپ، پارتيا قۇرىلىسىنىڭ ساياسي سيپاتىن اناعۇرلىم ويداعىداي كۇشەيتۋدى، داۋىرلىك سيپاتىن اناعۇرلىم ويداعىداي ايگىلەۋدى، زاڭدىلىقتى اناعۇرلىم ويداعىداي يگەرۋىن، جاسامپازدىققا اناعۇرلىم ويداعىداي باي بولۋدى ىلگەرىلەتتى.
امالياتتىق ىزدەنىستىڭ شەگى بولمايدى، نازاريادا جاڭالىق اشۋدىڭ شەگى بولمايدى.
ٴبىرى ـ بىرىمەن تىعىز بايلانىسقان، ىشكى جاقتان ساباقتاسقان كەمەلدى جۇيە رەتىندە، شي جينپيڭ پارتيا قۇرىلىسى يدەياسىنداعى ”ون تورتكە تاباندى بولۋ“ جاڭا داۋىردەگى پارتيا قۇرىلىسىنىڭ ەڭ جوعارى پرينسيبى، قىزمەت ورنالاستىرۋى، ٴتۇيىندى مىندەتى، ٴادىس ـ امالى سياقتىلاردى جۇيەلى بايىمدادى، پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ٴتارتىپ قۇرىلىسى، شىرىكتەسۋگە قارسى تۇرۋ كۇرەسى، ٴتۇزىم قۇرىلىسى سياقتى ٴتۇرلى ٴتۇيىندى مىندەتتەرى مەن نىسانا ـ تالاپتارىن ىشكەرىلەي بايىمدادى، بۇل باس شۋجي شي جينپيڭنىڭ جاڭا داۋىردەگى پارتيا قۇرىلىسى جونىندەگى نىشاندىق سيپاتقا، جەتەكشىلىك سيپاتقا يە جاڭا ۇستانىم، جاڭا يدەيا، جاڭا ستراتەگيالارىنىڭ شوعىرلى جيناقتالۋى بولىپ، پارتيامىزدىڭ وزىندىك قۇرىلىسقا قاتاڭ، مۇقيات مامىلە جاسايتىن، وزىنە ـ ٴوزى توڭكەرىس جاساۋدى سانالى تۇردە عىلمي پوزيتسيامەن، جۇيەلى تاسىلمەن ىلگەرىلەتەتىن تاريحي ىرىقتىلىعىن ايگىلەدى.
تۋى ايقىن تۇردە پارتيانىڭ جاپپاي باسشىلىعىنا تاباندى بولۋدى جانە ونى كۇشەيتۋدى، پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا تاباندى بولۋدى العا قويىپ، ”پارتيانىڭ باسشىلىعىن پارتيانى باسقارۋدىڭ، پارتيانى جونگە سالۋدىڭ، ەل باسقارۋدىڭ ٴار سالاسىندا، ٴار جاعىندا، ٴار بۋىنىندا تياناقتاندىرىپ“، پارتيانىڭ ساياسي قۇرىلىسىن ٴبىر تۇتاس باسشىلىققا الۋعا تاباندى بولدى؛
اۋەلگى ماقساتتى ۇمىتپاۋدى، بورىشتى ەستە بەرىك ساقتاۋدى بارلىق پارتيا مۇشەلەرىنىڭ، كادرلاردىڭ ومىرلىك تاقىرىبى رەتىندە ۇدايى يگەرىپ، ”حالىق ٴۇشىن ناتيجە شىعارۋدى، ناقتى ىستەۋ ارقىلى ناتيجە شىعارۋدى“ باسا دارىپتەپ، تورەشىلدىكپەن، ٴىس جۇزىندىكتەن الشاقتاۋمەن كۇرەس جۇرگىزىپ، حالىقتىڭ بەلسەندىلىگىن، ىرىقتىلىعىن، جاسامپازدىعىن جۇمىلدىردى؛
بۇكىل پارتيانى جوعارىدان تومەنگە دەيىن بەرىك پارتيالىلىقتى شىڭداۋعا جەتەكتەپ، پارتيانىڭ قامىن جەۋدى، پارتيا ٴۇشىن جاۋاپكەرشىلىك ارقالاۋدى، پارتيانى قۇدىرەتتەندىرۋ جىگەرىن بەكەمدەۋدى قاشاندا كوكەيدە ساقتاپ، ”قىزىل گەننەن قۇدىرەتتى سەنىم كۇشىن قابىلداپ“، دۇنيەگە كوزقاراس، ومىرگە كوزقاراس، قۇن كوزقاراسى سىندى وسى باس تەتىك ماسەلەسىن ويداعىداي شەشتى؛
جوعارى مەن تومەن تۇتاسقان، اتقارۋى پارمەندى ۇيىمدىق جۇيەنى اقاۋسىزداندىرۋدى ىلگەرىلەتىپ، ۇلتتى گۇلدەندىرۋ سىندى اۋىر مىندەتتى ارقالاي الاتىن جوعارى ساپالى كادرلار قوسىنىن قۇرىپ، ”قاتاڭ باسقارۋ، باقىلاۋ مەن جاۋاپكەرشىلىك ارقالاپ ىسكەرلىك كورسەتۋگە شابىتتاندىرۋدى وسكەلەڭ بىرلىككە كەلتىرۋدى“ باسا دارىپتەپ، جەر جۇزىندەگى دارىندىلاردى توپتاپ ىستەتتى؛
ستيلدى دۇرىستاۋدى، ٴتارتىپتى قاتايتۋدى، شىرىكتەسۋگە قارسى تۇرۋدى ۇزدىكسىز تەرەڭدەتىپ، پارتيانى ٴتۇزىم ارقىلى باسقارۋدى، پارتيانى ەرەجە بويىنشا باسقارۋدى كۇشەيتىپ، ”باسشى كادرلاردىڭ ’شەشۋشى ازشىلىق‘ سىندى ۇلگىلىك، باستاماشىلدىق رولىن ساۋلەلەندىرۋىن“ تالاپ ەتىپ، شىنايى باسقارۋعا، شىنايى قاتايتۋعا، باتىلدىقپەن باسقارۋعا، باتىلدىقپەن قاتايتۋعا، ۇزاق ۋاقىت باسقارۋعا، ۇزاق ۋاقىت قاتايتۋعا تاباندى بولىپ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن تياناقتاندىردى؛
...
شي جينپيڭ پارتيا قۇرىلىسى يدەياسى پارتيامىزدىڭ پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋدەگى ساياسي ەركىن، ساياسي تۇرعىسىن، ساياسي قۋاتتاماسىن، ساياسي اقىل ـ پاراساتىن شوعىرلى بەينەلەپ، ٴبىر قىدىرۋ ۇلكەن دۇرىس پەن ۇلكەن بۇرىستى ايقىنداپ، ٴبىر مەزگىلدەگى پارتيانى باسقارۋ، پارتيانى جونگە سالۋ تانىمىنداعى كۇڭگىرتتىك پەن اعاتتىقتاردى تۇزەتىپ، 100 جىلدىق ٴىرى پارتيانىڭ كوممۋنيستىك پارتيانىڭ بيلىك جۇرگىزۋ زاڭدىلىعى مەن پارتيانىڭ وزىندىك قۇرىلىس زاڭدىلىعى جونىندەگى تانىمىن ونان ارى تەرەڭدەتتى.
”ٴىستى تاريحي زاڭدىلىق بويىنشا ىستەگەندە عانا بارلىعىندا جەڭىسكە جەتە الامىز“.
جاڭا تاريحي شارت ـ جاعدايدا، ”ون تورتكە تاباندى بولۋدى“ ىشكى ٴمان، ماڭىزدى مازمۇن ەتكەن شي جينپيڭ پارتيا قۇرىلىسى يدەياسى جاڭا داۋىردەگى جۇڭگو كوممۋنيستەرىنىڭ پارتيانى جاپپاي قاتاڭ باسقارۋدىڭ جۇيەلىلىگىن، بولجامدىلىعىن، جاسامپازدىعىن، ناقتى ونىمدىلىگىن قۇلشىنا كۇشەيتۋىنە جەتەكشىلىك ەتىپ، پارتيانىڭ ٴوزىن ـ ٴوزى كىرشىكسىزدەندىرۋىن، ٴوزىن ـ ٴوزى كەمەلدەندىرۋىن، ٴوزىن ـ ٴوزى جاڭارتۋىن، ٴوز قابىلەتىن ٴوسىرۋىن ۇزبەي جوعارىلاتىپ، پارتيا قۇرىلىسىنىڭ جوعارى ساپالى دامۋىن ۇزدىكسىز ىلگەرىلەتىپ، ”ەمتيحان تاپسىرۋ“ سەرگەكتىگى مەن تاباندىلىعىن ماڭگى ساقتادى.
دامۋ اۋقىمىن ٴداپ باسىپ يگەرىپ، ەكپىندەي ىلگەرىلەۋ كۇشىن تاسقىنداتتى
ۇيرەنۋ ارقىلى رۋحتى سومداپ، ۇيرەنۋ ارقىلى اقىل ـ پاراساتتى ارتتىرىپ، ۇيرەنۋ ارقىلى ستيلدى دۇرىستاپ، ۇيرەنۋ ارقىلى ىستەۋدى جەبەدى.
2026 ـ جىلى 6 ـ ايدا ورتالىق كوميتەت پارتيا قۇرىلىسى قىزمەتى باسشىلىق گرۋپپاسى «شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندەگى ۇقتىرۋدى» باسىپ تاراتىپ، بۇكىل پارتيادا جوعارىدان تومەنگە دەيىن ”ۇيرەنۋ ونىمدىلىگىن جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن جەبەۋدىڭ جاندى امالياتىنا شىنايى اينالدىرۋدى“ ىلگەرىلەتتى.
وسى يدەيادا قامتىلعان تاريحي ىرىقتىلىق رۋحىن ۇيرەنىپ، دايەكتىلەندىرىپ، جاڭا داۋىردەگى جۇڭگو كوممۋنيستەرى ەسكىلىكتى جويىپ جاڭالىققا كوشۋ، تۋراشىلدىقتان اينىماي جاڭالىق اشۋ بارىسىندا وزىندىك سەكىرىستى جۇزەگە اسىرىپ، پارتيانىڭ باستان ـ اياق ٴداۋىر اعىمىنىڭ ەڭ الدىڭعى لەگىندە تۇرۋىنا، قيىندىقتاردان قامال الۋدىڭ ەڭ الدىڭعى لەگىندە تۇرۋىنا، ەڭ قالىڭ حالىق اراسىندا تۇرۋىنا شىنايى كەپىلدىك ەتتى.
”ٴبىز ٴىرى پارتيامىز، ٴىرى ەلگە باسشىلىق ەتىپ وتىرمىز، ۇلى ٴىس جۇرگىزىپ وتىرمىز“.
حىبەي شيۇڭ ـ ان جاڭا رايونى شيۇڭ ـ ان بەكەتىنىڭ پويەز كۇتۋ زالىندا ”مىڭ جىلدىق دوڭگەلەكتىڭ“ ٴتىستى دوڭگەلەكتەرى باياۋ اينالىپ تۇر. مىڭ جىلدىق ۇلى جوسپارداعى تاباندىلىق پەن ۋاقىتپەن جارىساتىن جىگەر بۋىن تارتىپ ٴوسىپ كەلە جاتقان ٴاربىر ساتپەن توعىسقان.
3 ـ ايدىڭ 23 ـ كۇنى باس شۋجي شي جينپيڭ شيۇڭ ـ انعا بارىپ قىزمەت تەكسەرىپ، پارتيا مۇشەلەرى مەن كادرلاردى دۇرىس ناتيجە كوزقاراسىن بەرىك ورناتۋعا، ىشكەرىلەي امالياتتا ايگىلەۋگە، ”اتويلاپ الدا ٴجۇرىپ، ٴجىتى دە ورنىقتى قاداممەن ٴىس تىندىرىپ ناتيجە شىعارىپ، شيۇڭ ـ اننىڭ جارقىن بولاشاعىن بىرگە جاراتۋعا“ جەتەكتەدى.
شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، جەتە ٴتۇسىنىپ، پارتيامىز ايبىندى جوبانى سوڭىنا دەيىن جالعاستىرىپ، ىستەردى ىستەرگە جالعاپ ىستەپ، ٴداۋىر وزگەرىسىن بارلايتىن سەزگىرلىكپەن، كۇردەلى جاعدايدى مەڭگەرەتىن سەرگەكتىكپەن حاۋىپ ـ قاتەر تانىمىن بەرىك ورناتىپ، ستراتەگيالىق، اۋدارۋ سيپاتتى قاتەلىكتەن قاتاڭ ساقتانىپ، ۇيرەنۋ، وي جۇگىرتۋ، امالياتتا ايگىلەۋ، ۇعىنۋ بارىسىندا وزگەرىستى تانۋ پاراساتىن، وزگەرىسكە توتەپ بەرۋ شاراسىن، وزگەرىسكە ۇمتىلۋ باتىلدىعىن كۇشەيتىپ، تاريحي ىرىقتىلىق رۋحىمەن قيىندىقتاردان قامال الىپ، حاۋىپ ـ قاتەردى جەڭىپ، سىن ـ سايىستارعا توتەپ بەرىپ، قايسارلىقپەن كۇرەس جۇرگىزۋ ارقىلى ىستەردىڭ دامۋىنا ۇزدىكسىز تىڭ ٴورىس اشتى.
تاريحتىڭ پاراعى بۇرىنعىعا مۇراگەر، كەيىنگىگە بۇيداگەر بولۋ بارىسىندا بىرتىندەپ اشىلىپ، ٴداۋىر داستانى قاجىماي ـ تالماي كۇرەس جۇرگىزۋ بارىسىندا ۇزبەي جازىلدى.
7 ـ ايدىڭ 1 ـ كۇنى حالىق سارايىنىڭ ۇلكەن زالىندا باس شۋجي شي جينپيڭ ”1 ـ شىلدە وردەنىنىڭ“ يەگەرلەرىنە وردەن بەرىپ، پارتيا ىشىندەگى ەڭ جوعارى داڭق ارقىلى ەڭبەك سىڭىرگەن ۇلگىلەرگە قۇرمەت ٴبىلدىردى.
ٴاربىر وردەن كوممۋنيستەردىڭ ”بيلىك دەگەنىمىز حالىق، حالىق دەگەنىمىز بيلىك“ دەگەن ٴتۇبىرلى تۇرعىسىن نۇرلاندىردى؛ ٴاربىر ەسىمگە ”جايشىلىقتا كورە الاتىن، شەشۋشى ساتتە كەۋدە كەرىپ العا شىعاتىن، قيىن ـ قىستاۋ ساتتە باسىن ٴباي تىگەتىن“ اتويشى قاسيەت تاڭبالانعان.
تاريحتىڭ جولى ٴبىرىڭعاي تەگىس ەمەس، تاريحتىڭ ىرىقتىلىق رۋحىن اسقاقتاتۋدىڭ تەتىگى ادامدا.
”15 ـ بەسجىلدىقتىڭ“ باستاماسى باستالدى، قالىڭ پارتيا مۇشەلەرى، كادرلار جاقسىدان ونەگە الۋ بارىسىندا رۋحاني ٴنار الىپ، سالىستىرۋ، ۇيرەنۋ، باسىپ وزۋ بارىسىندا ەكپىندەي ىلگەرىلەۋدىڭ قوزعاۋشى كۇشىن تاسقىنداتىپ، شي جينپيڭ پارتيا قۇرىلىسى يدەياسىنىڭ تۇرعىسىن، كوزقاراسىن، ٴادىسىن سۋبيەكتيۆ، وبيەكتيۆ دۇنيەنى وزگەرتۋدىڭ قۋاتتى يدەيالىق قارۋىنا اينالدىرىپ، جاڭا جورىقتا ٴداۋىر ٴۇمىتىن اقتايتىن جاڭا ناتيجەلەردى جاراتۋعا قۇلشىنۋى كەرەك.
2026 ـ جىلى جۇڭگو جۇمىسشى ـ شارۋا قىزىل ارمياسىنىڭ ۇزاق جورىعى جەڭىسكە جەتكەندىگىنىڭ 90 جىلدىعى.
تار جول، تايعاق كەشۋلەردى باسىپ ٴوتىپ داڭعىل جول اشتى. ىستىق قانمەن جانە جانمەن باسىپ وتىلگەن وسى 25 مىڭ شاقىرىمدىق ۇزاق جورىق ”اسقار تاۋلاردان اسىپ، اساۋ وزەندەردەن اتتاۋمەن بىرگە، ماركسيزمدى وزگەرمەس قالىپقا بالايتىن قاتە يدەيالىق بوگەتتەن دە اسىپ ٴوتتى“.
”نازاريا سەنىمى مەن ستراتەگيالىق تاباندىلىقتى كۇشەيتىپ، امالياتتان جانە سالىستىرۋدان قايتا ـ قايتا وتكەن دۇرىس نازارياعا بۇلجىماي تاباندى بولۋ كەرەك“، ـ دەپ اتاپ كورسەتتى باس شۋجي شي جينپيڭ.
اماليات، تانىم، تاعى دا اماليات، تاعى دا تانىم، عىلىمعا عىلمي پوزيتسيامەن مامىلە جاساۋ، اقيقاتقا اقيقات رۋحىمەن تالپىنۋ كەرەك.
شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، جەتە ٴتۇسىنىپ، جاپپاي دايەكتىلەندىرىپ، تياناقتاندىرعان جاڭا داۋىردەگى جۇڭگو كوممۋنيستەرى وسكەلەڭ تاريحي ىرىقتىلىق نازاريالىق قاسيەتىن بەرىك ساقتاپ، يدەيانى ازات ەتىپ، شىندىقتى ٴىس جۇزىنەن ىزدەپ، داۋىرمەن بىرگە العا باسىپ، تاباندىلىقپەن ماركسيزم ”جەبەسى“ ارقىلى جۇڭگونىڭ ناقتى ٴىس جۇزىندىك ”جاعدايىن“ نىساناعا السا، ٴسوز جوق، تاريحتىڭ العا باسۋ ىرىقتىلىق ۇقىعىن مىقتى يگەرىپ، ىنتىماقتاسۋعا بولاتىن بارلىق كۇشتەرمەن ىنتىماقتاسىپ، جۇمىلدىرۋعا بولاتىن بارلىق بەلسەندى فاكتورلاردى جۇمىلدىرىپ، جۇڭگو ۇلگىسىندەگى وسىزامانداندىرۋدىڭ جاڭا جورىعىندا جاڭا تاريحي شۇعىلالى تابىستاردى جاراتا الادى.
(تىلشىلەر ديڭ شياۋشي، شيۇڭ فىڭ، حۋ لياۋران، تاڭ جيانحۇي)
(شينحۋا اگەنتتىگىنىڭ 8 ـ ايدىڭ 6 ـ كۇنى بەيجيڭنەن بەرگەن حابارى)
