− شي جينپيڭ پارتيا قۇرىلىسى يدەياسىنىڭ نازاريالىق قاسيەتى جونىندەگى جەلىلەس شولۋ (3)
□ شينحۋا اگەنتتىگىنىڭ تىلشىلەرى دۇڭ جۇن، جاڭ يان، ۋاڭ چيۋيۇن
ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ كەرەك؟ بۇل كەلەلى داۋىرلىك تاقىرىپ.
باس شۋجي شي جينپيڭ بىلاي دەپ ىشكەرىلەي اتاپ كورسەتتى: ”پارتيامىز دۇنيە جۇزىندەگى ەڭ ٴىرى ماركسيزمدىك بيلىك باسىنداعى پارتيا رەتىندە، باستان ـ اياق حالىقتىڭ قولداۋىنا يە بولۋ، ۇزاق ۋاقىت بيلىك جۇرگىزۋ ورنىن بەكەمدەۋ ٴۇشىن، ٴسوز جوق، قاي ـ قاشان دا ٴىرى پارتياعا عانا ٴتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاۋى كەرەك“.
پارتيانىڭ ۇزاق ۋاقىت بيلىك جۇرگىزۋىنە، گۇلدەنىپ ـ كوركەيۋىنە قاتىستى كەلەلى ماسەلەلەردى مىقتى يگەرىپ، حالىق بۇقاراسىنىڭ اڭىسى ەڭ كۇشتى، پارتيانىڭ بيلىك جۇرگىزۋ نەگىزىنە قاتەرى ەڭ زور كورنەكتى ماسەلەلەردى شەشۋدەن باستاپ ىسكە كىرىسىپ، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرۋگە، كەشەندى شارا قولدانۋعا تاباندى بولىپ، ٴدارى بەرىپ، وپەراتسيا جاسايتىن ەمدەۋ ادىسىنەن دە، وزەكتى بەكەمدەپ، نەگىزدى جەتىلدىرۋ ارقىلى الۋەتتەندىرۋ شاراسىنان دا پايدالانىپ، قاجىماي ـ تالماي، ۇزدىكسىز قاجىماي كۇش سالىپ، كونە ماسەلەلەردىڭ قايتا ورشۋىنەن، جاڭا ماسەلەلەردىڭ بەلەڭ بەرۋىنەن، بولماشى ماسەلەلەردىڭ ۇلعايۋىنان شىنايى ساقتانىپ، پارتيانى باسقارۋدى، پارتيانى جونگە سالۋدى، پارتيانى گۇلدەندىرۋدى، پارتيانى قۇدىرەتتەندىرۋدى تيتتەي دە مىزعىماي ىلگەرىلەتۋدىڭ بەرىك بەكىمى مەن ناقتى ستيلىن تولىق ايگىلەدى.
ماسەلەنى بايقاۋ بارىسىندا تانىمدى تەرەڭدەتىپ، ماسەلەنى شەشۋ بارىسىندا تىڭنان جاڭالىق اشتى.
ايقىن ماسەلە باعدارى شي جينپيڭ پارتيا قۇرىلىسى يدەياسى نازاريالىق قاسيەتىنىڭ تىعىز قۇرامداس بولىگىنە اينالدى.
قيىن ماسەلەلەرگە بەتپە ـ بەت كەلىپ، تايساقتامادى
2026 ـ جىلى جاڭا جىل قارساڭىندا باس شۋجي شي جينپيڭ جاڭا جىلدى قۇتتىقتاۋ ٴسوزىن جاريالاپ، بىلاي دەپ ىشكەرىلەي اتاپ كورسەتتى: ”اۋەلگى ماقساتتى، بورىشتى نىعايتىپ، تاباندىلىق كورسەتىپ، ۇزدىكسىز قاجىماي كۇش سالىپ، يان ـ انداعى ’جەر كەپە سۇراۋىنا‘ ۇزدىكسىز ويداعىداي جاۋاپ بەرىپ، حالىق قالاۋىنان شىعاتىن ٴداۋىر جاۋاپناماسىن جازۋىمىز كەرەك“.
قايتكەندە ۇزاق ۋاقىت بيلىك جۇرگىزۋدى جۇزەگە اسىرىپ، تىنىشتىق ـ بىلىقپالىق، گۇلدەنۋ ـ قۇلدىراۋ سىندى تاريح پەريودىنان اتتاپ وتۋگە بولادى؟ بۇل دۇنيە جۇزىلىك قيىن ماسەلە، سونداي ـ اق ٴومىر مەن ولىمگە قاتىستى، ٴسوز جوق، جاۋاپ بەرۋگە ٴتيىستى ماسەلە.
2021 ـ جىلى 11 ـ ايدا پارتيانىڭ ٴۇشىنشى تاريحي قارارى ”وزىنە ـ ٴوزى توڭكەرىس جاساۋعا تاباندى بولۋدى“ پارتيانىڭ 100 جىلدىق كۇرەسىندەگى 10 تاريحي تاجىريبەنىڭ قاتارىنا ەنگىزدى. باس شۋجي شي جينپيڭ تاريح پەريودىنان اتتاپ ٴوتۋدىڭ وزىنە ـ ٴوزى توڭكەرىس جاساۋ دەگەن ەكىنشى جاۋابىن بەردى.
”ەمتيحان تاپسىرۋ اۋەلگى ماقساتىن“ ماڭگى ساقتاپ، ”جەر كەپە سۇراۋىنا“ جاۋاپ بەرگەن شي جينپيڭ پارتيا قۇرىلىسى يدەياسى تەرەڭ تولعانىسپەن پارتيانىڭ وزىندىك قۇرىلىسىن كۇشەيتۋگە جەتەكشىلىك ەتتى.
ٴداۋىر بولگىش نازاريا اتاۋلىنىڭ بارلىعى ٴداۋىر قاجەتىن قاناعاتتاندىرۋدىڭ تۋىندىسى، ٴداۋىر ماسەلەسىن شەشۋ ٴۇشىن العا قويىلعان شەشۋ جوباسى. باس شۋجي شي جينپيڭ اتاپ كورسەتكەندەي: ”نازاريادا جاڭالىق اشۋدى تەك ماسەلەدەن باستاۋ كەرەك“.
پارتيا 19 ـ قۇرىلتايىنىڭ رۋحىن ۇيرەنۋ، دايەكتىلەندىرۋ جونىندەگى زەرتتەۋ ـ تالقى كۋرسىنىڭ ساباق باستاۋ سالتىندا باس شۋجي شي جينپيڭ ەرتەدەن بۇگىنگە، جۇڭگودان شەتەلگە دەيىنگى تىنىشتىق ـ بىلىقپالىق، گۇلدەنۋ ـ قۇلدىراۋدان قالعان تاقىرىپقا جىنتىكتەي تالداۋ جاساپ، ونىڭ ٴتۇبىرلى سەبەبىنىڭ ”ٴوز ماسەلەسىن شەشە الماۋىندا“ ەكەندىگىن ىشكەرىلەي اتاپ كورسەتتى؛
پارتيا 19 ـ كەزەكتى ورتالىق كوميتەتىنىڭ جەتىنشى جالپى ماجىلىسىندە باس شۋجي شي جينپيڭ تەرەڭ ماعىنادا بىلاي دەدى: ”ٴىرى پارتيا، ٴىرى ەل ٴبىزدىڭ ۇلكەن ٴىس تىندىرۋىمىزداعى، ۇلى ٴىستى كوركەيتۋىمىزدەگى ارتىقشىلىعىمىز بولۋمەن بىرگە، ٴبىزدى پارتيانى باسقارۋدا، مەملەكەتتى باسقارۋدا كوپتەگەن وزىنە عانا ٴتان قيىن ماسەلەلەرگە دە جولىقتىرادى“؛
20 ـ كەزەكتى ورتالىق ٴتارتىپ تەكسەرۋ كوميتەتىنىڭ ەكىنشى جالپى ماجىلىسىندە باس شۋجي شي جينپيڭ ”التى قايتكەندە باستان ـ اياق“ ارقىلى ٴىرى پارتياعا عانا ٴتان قيىن ماسەلەلەرگە ىشكەرىلەي تالداۋ جاسادى؛
20 ـ كەزەكتى ورتالىق ٴتارتىپ تەكسەرۋ كوميتەتىنىڭ ٴۇشىنشى جالپى ماجىلىسىندە باس شۋجي شي جينپيڭ پارتيانىڭ وزىنە ـ ٴوزى توڭكەرىس جاساۋ ماڭىزدى يدەياسىن تەرەڭ بايىمداپ، پارتيامىز نە ٴۇشىن وزىنە ـ ٴوزى توڭكەرىس جاسايدى، نە ٴۇشىن وزىنە ـ ٴوزى توڭكەرىس جاساي الادى، وزىنە ـ ٴوزى توڭكەرىس جاساۋدى قالاي ىلگەرىلەتەدى دەگەن سياقتى كەلەلى ماسەلەلەرگە عىلمي جاۋاپ بەردى؛
...
وي جۇگىرتۋ بىرتىندەپ تەرەڭدەپ، يدەيا بىرتىندەپ جوعارىلادى.
ورتالىق كوميتەت پارتيا مەكتەبى (مەملەكەتتىك اكىمشىلىك شۋەيۋانى) بىرلىكساپ وقىتۋ ـ زەرتتەۋ ٴبولىمىنىڭ دوتسەنتى يە زىپىڭ بىلاي دەپ قارادى: شي جينپيڭ پارتيا قۇرىلىسى يدەياسىندا قامتىلعان ايقىن ماسەلە باعدارى ٴىشىنارالىق، قىسقا مەرزىمدىك، ۇساق ـ تۇيەك ىستەر سيپاتتى ماسەلە كوز اياسىنان شىعىپ، پارتيانىڭ باسشىلىق ورنى، بيلىك جۇرگىزۋ نەگىزى، وزىنە ـ ٴوزى توڭكەرىس جاساۋ ومىرشەڭ كۇشى، پارتيا مەن بۇقارانىڭ ەتەنە بايلانىسى سياقتى تەرەڭ قاتپارلى، جالپى جاعدايلىق ماسەلەلەردى كوزدەپ، 100 جىلدىق ٴىرى پارتيانىڭ امانشىلىقتا جامانشىلىقتىڭ بولاتىنىن ويلايتىن، ەرتە باستان قامداناتىن ستراتەگيالىق سەرگەكتىگى مەن تاريحي ىرىقتىلىعىن ايگىلەدى.
ماسەلە − ٴداۋىردىڭ ٴۇنى ٴارى امالياتتىڭ باستاماسى.
”بۇكىل پارتيا، ٴسوز جوق، سەرگەك بولۋى كەرەك. تەمىر سوقساڭ قۇرىش بول. ٴبىزدىڭ جاۋاپكەرشىلىگىمىز بۇكىل پارتياداعى جولداستارمەن بىرگە پارتيانى پارتيا باسقارۋعا، پارتيانى قاتاڭ باسقارۋعا تاباندى بولىپ، ٴوز بويىمىزدا ورىن تەۋىپ وتىرعان كورنەكتى ماسەلەلەردى شىنايى شەشىپ، قىزمەت ستيلىن شىن مانىندە جاقسارتىپ، بۇقارامەن تىعىز بايلانىس ورناتىپ، پارتيامىزدى باستان ـ اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالدىرۋ بولىپ تابىلادى“.
2012 ـ جىلى 11 ـ ايدىڭ 15 ـ كۇنى جۇڭگو كوممۋنيستىك پارتياسى 18 ـ كەزەكتى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەلەرى جۇڭگولىق، شەتەلدىك تىلشىلەرمەن كەزدەسكەندە باس شۋجي شي جينپيڭ وسىلاي دەپ كەسىپ ايتتى.
پارتيا قۇرىلىسىنداعى كەلەلى ىلگەرىلەۋ ۇنەمى كورنەكتى ماسەلەلەردى بايقاۋدان جانە شەشۋدەن باستالادى. تەك باتىلدىقپەن شىنايى ماسەلەگە بەتپە ـ بەت كەلگەندە، شىنايى قيىن ماسەلەلەردى شەشكەندە عانا پارتيا قۇرىلىسىن ۇزدىكسىز العا ىلگەرىلەتۋگە بولادى. شي جينپيڭ جولداستى ۇيتقى ەتكەن پارتيا ورتالىق كوميتەتى كۇشتى ماسەلە باعدارىنان جازباي، ەرەكشە ساياسي باتىلدىقپەن جاڭا داۋىردەگى پارتيا قۇرىلىسى نازارياسىندا تۋراشىلدىقتان اينىماي جاڭالىق اشۋدى ۇزدىكسىز ىلگەرىلەتتى.
پارتيا ستيلى − پارتيانىڭ وبرازى، ول جۇرتتىڭ قۇپتاۋ ـ قۇپتاماۋىنا سايادى، پارتيا مەن مەملەكەت ىستەرىنىڭ ٴساتتى ـ ٴساتسىز بولۋىن بەلگىلەيدى.
جاڭا داۋىردە پارتيامىز جاساعان پارتيا ىشىندەگى تۇڭعىش ماڭىزدى زاڭ ـ ەرەجە − ورتالىقتىڭ سەگىز ٴتۇرلى بەلگىلەمەسى پارتيانىڭ ستيل قۇرىلىسىندا ٴدوپ كەلگەن كورنەكتى قايشىلىقتار مەن ماسەلەلەردى شەشۋ ٴۇشىن ورتاعا قويىلدى. ورتالىقتىڭ سەگىز ٴتۇرلى بەلگىلەمەسى ارقىلى ماسەلەلەردى شەشۋدەن تارتىپ جويقىن تەبىنمەن ”جولبارىس سوعىپ، شىبىن قاعىپ، تۇلكى اۋلاۋعا“ دەيىن، شارلاۋ سەمسەرىن ٴۇيىرىپ، باقىلاۋ ـ تەكسەرۋ تۇزىلىسىنە رەفورما جاساۋدان پارتيا ىشىندەگى زاڭ ـ ەرەجە، ٴتۇزىم جۇيەسىن ۇزدىكسىز كەمەلدەندىرۋگە دەيىن جاڭا داۋىردەن بەرگى ٴبىر قىدىرۋ وزىنە ـ ٴوزى توڭكەرىس جاساۋدىڭ ”كەشەندى شارالارى“ پارتيانىڭ توڭكەرىستىك شىڭدالۋ بارىسىندا اناعۇرلىم پارمەندى، تەبىندى بولۋىن ىلگەرىلەتتى.
ورتالىق كوميتەت پارتيا مەكتەبى (مەملەكەتتىك اكىمشىلىك شۋەيۋانى) شي جينپيڭ جاڭا ٴداۋىر جۇڭگوشا سوتسياليزم يدەياسىن زەرتتەۋ ورتالىعىنىڭ اعا زەرتتەۋشىسى ليۋ جيانحۇي بىلاي دەپ قارادى: 10 نەشە جىلدىق قاجىماي ـ تالماي پارتيانى باسقارۋدىڭ، پارتيانى جونگە سالۋدىڭ امالياتى كوپتەگەن تەرەڭ قاتپارلى قيىن ماسەلەلەرگە بەتپە ـ بەت كەلىپ جانە ونى شەشىپ، امالياتتىڭ سىنىنان وتە الاتىن پارتيا قۇرىلىسى تاجىريبەلەرىن قورىتىندىلادى. شي جينپيڭ پارتيا قۇرىلىسى يدەياسى ٴدال وسى ٴبىر قىدىرۋ امالياتتىق جەتىستىكتەردىڭ جۇيەلى قورىتىندىسى، زاڭدىلىقتىڭ شىڭدالۋى جانە نازاريانىڭ جوعارىلاۋى.
جۇيەلى وڭاۋدا بارلىعىن قاعىس قالدىرمادى
”نە ماسەلە بولسا، سول ماسەلەنى شەشۋ، قانشا ماسەلە بولسا، سونشا ماسەلەنى شەشۋ، ماسەلەنى قانداي ادىسپەن شەشۋ كەرەك بولسا، سول ادىسپەن شەشۋ كەرەك“. شي جينپيڭ پارتيا قۇرىلىسى يدەياسى ”تەكسەرىپ ٴبىر جاقتى ەتۋگە ٴمان بەرۋ، جونگە سالۋعا نەمقۇرايدى قاراۋ“، ”ۇستىنەن وڭاۋعا ٴمان بەرۋ، تۇبىرىنەن وڭاۋعا نەمقۇرايدى قاراۋ“ سىندى سىڭار جاقتى وي جەلىسىنەن ارىلىپ، جان ـ جاقتى جونگە سالۋدىڭ، جۇيەلى جونگە سالۋدىڭ عىلمي اقىل ـ پاراساتىن ايگىلەدى.
پارتيا 18 ـ قۇرىلتايىنان بەرى، باس شۋجي شي جينپيڭ ”مىڭداعان ادامعا جامان اتتى بولساق تا، ٴبىر ميلليارد 400 ميلليون ادامنىڭ ٴۇمىتىن اقتاۋىمىز كەرەك“ دەگەن بورىش پەن جاۋاپكەرشىلىك ارقىلى بۇكىل پارتياعا شىرىكتەسۋگە قارسى تۇرۋ − جەڭىلۋگە بولمايتىن ٴارى استە جەڭىلمەۋگە ٴتيىستى ماڭىزدى كۇرەس ەكەندىگىن ەسكەرتىپ، شىرىكتەسۋگە قارسى كۇرەستىڭ قامال الۋ شايقاسىن، ۇزاققا سوزىلاتىن شايقاسىن، جالپى تۇلعالىق شايقاسىن باتىل ويداعىداي جۇرگىزۋدى سالتاناتپەن جاريالادى.
”ۇستىنەن وڭاۋ ارقىلى تۇبىرىنەن وڭاۋعا ۋاقىت ۇتۋ“ سىندى باتىلدىقپەن قيىنشىلىقتاردى جەڭىپ، دەلو بولسا، ٴسوز جوق، تەكسەرۋگە، شىرىكتەسكەندەر بولسا، ٴسوز جوق، جازالاۋعا، قاشقاندار بولسا، ٴسوز جوق، قۋعىنداۋعا تاباندى بولىپ، شىرىكتەسۋ جايتىنىڭ ٴورشۋ اۋقىمىن باتىل تەجەۋدەن پارتيانى ٴتۇزىم ارقىلى باسقارىپ، پارتيانى ەرەجە بويىنشا باسقارىپ، نەگىزدى كۇشەيتىپ ٴتۇبىردى بەكەمدەۋگە، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرۋدى كۇشەيتۋ، جازالاۋ ارقىلى سەسكەندىرۋ، تۇزىمدىك تەجەۋ، سانانى ٴوسىرۋ جاعىندا ٴبىر تۇلعالى كۇش سالىپ، شىرىكتەسۋدىڭ ٴوربيتىن توپىراعى مەن شارت ـ جاعدايىن باتىل الاستاۋعا دەيىن شىرىكتەسۋگە قارسى تۇرۋدىڭ جۇڭگوشا جولىمەن ٴساتتى ٴجۇردى...
ەسكىلىكتى كىناراتتاردى كۇشتى دارىمەن الاستاپ، قورعانىس شەبىن ٴتۇزىم ارقىلى بەكەمدەدى. باس شۋجي شي جينپيڭ پارتيا ىشىندەگى زاڭ ـ ەرەجە، ٴتۇزىم قۇرىلىسىن كۇشەيتۋدى كورنەكتى ورىنعا قويىپ، ٴتۇزىم ارقىلى پارتيانى باسقارىپ، ۇقىقتى باسقارىپ، ٴمانساپتىلاردى باسقارىپ، پارتيا قۇرىلىسى ٴتۇزىمى رەفورماسىن تەرەڭدەتىپ، ەرەجە ـ ٴتۇزىم ورناتۋ قىزمەتىن جان ـ جاقتى، ستەرەولدى ىلگەرىلەتىپ، پارتيا ىشىندەگى زاڭ ـ ەرەجەلەردىڭ بەدەلى مەن اتقارۋ قۋاتىن ۇزدىكسىز كۇشەيتتى.
پارتيا 18 ـ قۇرىلتايىنان كەيىن، باس شۋجي شي جينپيڭ ”پارتيانى جاپپاي قاتاڭ باسقارۋدى“ ايقىن العا قويدى ٴارى ونى ”ٴتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزدى. پارتيا 19 ـ قۇرىلتايىندا ”پارتيانى جاپپاي قاتاڭ باسقارۋعا تاباندى بولۋدى“ جاڭا داۋىردە جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ نەگىزگى جالپى جوباسىنىڭ ٴبىرى ەتىپ تۇراقتاندىردى ٴارى 8 جاقتان ناقتى ورنالاستىرۋ جاسادى. پارتيا 20 ـ قۇرىلتايىندا ”پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى“ تۇڭعىش رەت ورتاعا قويىپ، پارتيانى باسقارۋدىڭ، پارتيانى جونگە سالۋدىڭ جان ـ جاقتى، جۇيەلى ورنالاسۋىن، سايكەستى، جوعارى ٴونىمدى ىلگەرىلەۋىن كۇشەيتتى.
ورتالىق كوميتەت پارتيا مەكتەبى (مەملەكەتتىك اكىمشىلىك شۋەيۋانى) شي جينپيڭ جاڭا ٴداۋىر جۇڭگوشا سوتسياليزم يدەياسىن زەرتتەۋ ورتالىعىنىڭ اعا زەرتتەۋشىسى سۇڭ فۋفان بىلاي دەپ قارادى: شي جينپيڭ پارتيا قۇرىلىسى يدەياسى ”قانداي رەال قايشىلىقتان پارتيا قۇرىلىسىن ىلگەرىلەتۋگە كىرىسۋ“ ماڭىزدى ماسەلەسىن شەشىپ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيا قۇرىلىسىندا جاپپاي قاتاڭ بولۋعا، جۇيەلى باسقارۋعا، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرۋگە، ٴسوز جوق، تاباندى بولۋدىڭ ىشكى زاڭدىلىعىن اشىپ كورسەتتى. ايقىن ماسەلە باعدارىنىڭ تەرەڭ قاتپارلى ٴمانى − شي جينپيڭ پارتيا قۇرىلىسى يدەياسىنىڭ ولشەمدى تالاپ دەڭگەيىندە توقتاپ قالماي، قايتا ۇزاق ۋاقىت بيلىك جۇرگىزۋدەگى قيىن ماسەلەلەردى شەشۋ بارىسىندا زاڭدىلىقتى اشىپ كورسەتكەندىگىن، قاعيدا قالىپتاستىرعاندىعىن، جۇيە قۇرعاندىعىن ايگىلەگەندىگىندە.
2024 ـ جىلى 6 ـ ايدىڭ 27 ـ كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 15 ـ رەتكى توپتىق ۇيرەنۋىنىڭ نەگىزگى تاقىرىبىندا نازار ”پارتيانى جاپپاي قاتاڭ باسقارۋ جۇيەسىن اقاۋسىزداندىرۋعا“ شوعىرلاندىرىلدى. ىلە ـ شالا پارتيا 20 ـ قۇرىلتايىندا ”پارتيانى جاپپاي قاتاڭ باسقارۋ جۇيەسىن اقاۋسىزداندىرۋ“ كەلەلى شاراسى ورتاعا قويىلعاننان كەيىن، باس شۋجي شي جينپيڭ ۇيىمدىق جۇيە، تاربيە جۇيەسى، باقىلاۋ ـ باسقارۋ جۇيەسى، ٴتۇزىم جۇيەسى، جاۋاپكەرشىلىك جۇيەسى سىندى 5 جاقتان ىشكەرىلەي جۇيەلى بايىمداۋ جاسادى.
پارتيا قۇرىلىسىنىڭ ٴار سالاسىنداعى ناقتى ٴتۇزىم قۇرىلىسىن ۇزدىكسىز كۇشەيتۋدەن پارتيانى جاپپاي قاتاڭ باسقارۋ جۇيەسىن اقاۋسىزداندىرۋدىڭ اتقارۋ جولىن جۇيەلى بايانداۋعا دەيىن، شي جينپيڭ پارتيا قۇرىلىسى يدەياسىنىڭ داۋىرمەن بىرگە العا باسىپ، پارتيانى باسقارۋ، پارتيانى جونگە سالۋداعى جۇيەلى وي جەلىسى، عىلمي ٴادىسى تولىق ايگىلەندى.
يە زىپىڭ بىلاي دەپ قارادى: شي جينپيڭ پارتيا قۇرىلىسى يدەياسى ”تاباندا وڭاۋ“ مەن ”ۇزاق ۋاقىت ورناتۋ“ سىندى قوس باعىتتا كۇش سالۋعا تاباندى بولىپ، ۇستىنەن وڭاۋ مەن تۇبىرىنەن وڭاۋدى ٴبىر تۇلعالاندىرىپ ىلگەرىلەتتى. قازىرگى جاعدايدى تياناق ەتىپ، ”اۋرۋدى ەمدەپ“، ارناۋلى وڭاۋ ورىستەتىپ، بۇقارانىڭ اڭىسى كۇشتى، قايشىلىق شوعىرلى تۋىلعان شۇعىل، قيىن، كورنەكتى ماسەلەلەردى قاداعالاپ، دەرەۋ اتقارىپ، دەرەۋ تۇزەتىپ، بىلگەن زامان وزگەرتىپ، پارتيا ىشىندەگى كورنەكتى ماسەلەلەردى تەز ارادا الاستادى؛ ۇزاق بولاشاقتى كوزدەي وتىرىپ ”كىناراتتاردان ساقتانىپ“، جەكە دەلو، بەتكى ماسەلەلەردىڭ استارىنداعى تۇزىمدەگى ولقىلىقتاردى، مەحانيزمدەگى ولقىلىقتاردى تەرەڭ قازۋعا شەبەر بولىپ، ”ون تورتكە تاباندى بولۋ“ بارىسىندا پارتيانى ٴتۇزىم ارقىلى باسقارۋ، پارتيانى ەرەجە بويىنشا باسقارۋ، پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن تياناقتاندىرۋ سياقتى ورنالاستىرۋلارعا سۇيەنىپ، پارتيانى باسقارۋدىڭ، پارتيانى جونگە سالۋدىڭ باياندى مەحانيزمىن كەمەلدەندىرىپ، حاۋىپ ـ قاتەردى ٴبىر ـ بىردەن تەكسەرۋدىڭ، قايشىلىقتاردى شەشۋدىڭ، باقىلاۋ ـ تەجەۋدىڭ ۇدايىلانعان جۇيەسىن ورناتتى.
تامشى سۋ تاس تەسەتىن تاباندىلىقتان جازبادى
2025 ـ جىلى ”1 ـ شىلدە“ قارساڭىندا بەيجيڭ جۇڭنانحايدا جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ورتالىقتىڭ سەگىز ٴتۇرلى بەلگىلەمەسىنىڭ رۋحىن تياناقتاندىرۋ، ”ٴتورت بۇرىس ستيلدى“ تۇزەتۋ باياندى مەحانيزمىن اقاۋسىزداندىرۋ جونىندە 21 ـ رەتكى توپتىق ۇيرەنۋ وتكىزدى.
”پارتيامىز ارقالاعان جۇڭگو ۇلگىسىندەگى وسىزامانداندىرۋ قۇرىلىسى مىندەتى توتەنشە اۋىر، ٴدوپ كەلگەن بيلىك جۇرگىزۋ ورتاسى ايرىقشا كۇردەلى، وزىنە ـ ٴوزى توڭكەرىس جاساۋ سىندى وسى ارقاۋدى، ٴسوز جوق، مىقتاپ شيراتۋ كەرەك“. ستيل قۇرىلىسىنان پارتيانىڭ وزىنە ـ ٴوزى توڭكەرىس جاساۋىنا ايالداعاندا، باس شۋجي شي جينپيڭ: ”پارتيانىڭ وزىنە ـ ٴوزى توڭكەرىس جاساۋىن ىلگەرىلەتۋدە تانىمدى جوعارىلاتۋ، پارتيالىلىقتى كۇشەيتۋ، ۇقىق جۇرگىزۋدى ارناعا ٴتۇسىرۋ، ٴتارتىپ اتقارۋدى قاتاڭ باقىلاۋ، پارتيانى باسقارۋ، پارتيانى جونگە سالۋ جاۋاپكەرشىلىگىن اتقارۋ سياقتى جاقتاردان ونان ارى ناقتى تياناقتاندىرۋ كەرەك“، ـ دەپ ايقىن تالاپ قويىپ، پارتيانىڭ وزىنە ـ ٴوزى توڭكەرىس جاساۋىن سوڭىنا دەيىن جۇرگىزۋدىڭ ايقىن سيگنالىن جەتكىزدى.
پارتيا 18 ـ قۇرىلتايىنان بەرى، ”اس ـ سۋ ىسىراپشىلدىعىن“، ”مەيرامحاناداعى بۇرىس ستيلدەردى“ تۇزەتۋدەن فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتۋگە دەيىن، ونان كومەسكى، ٴتۇرى وزگەرگەن ”ٴتورت بۇرىس ستيلدىڭ“ جاڭا بەتالىسىن ٴجىتى قاداعالاۋعا دەيىن ستيل قۇرىلىسىن كۇندەلىكتى تۇرمىستا يگەرىپ، ۇنەمى قاتاڭ ۇستاپ، جىل سايىن تاباندىلىقپەن جالعاستىردى. سونىمەن بىرگە شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ٴبىر تۇلعالى ىلگەرىلەتىپ، جازالاۋ ارقىلى سەسكەندىرۋ، تۇزىمدىك تەجەۋ، سانانى ٴوسىرۋ جاعىندا ٴبىر تۇلعالى كۇش سالۋعا تاباندى بولدى. اماليات پارتيا ىشىندەگى كوپتەگەن تەرەڭ قاتپارلى ماسەلەلەردى شەشۋدە تەك ارىندى شابۋىلعا عانا سۇيەنۋ ەمەس، ونان دا ماڭىزدىسى، كۇن سايىن قاتاڭ شىڭدالۋ كەرەكتىگىن تولىق دالەلدەدى.
جاڭا جورىققا قادام تاستاعاندا پارتيانىڭ ٴوزىن باعامداساق، پارتيانىڭ العاباسارلىعىن السىرەتەتىن، پارتيانىڭ كىرشىكسىزدىگىن بۇلدىرەتىن فاكتورلار كوپتەپ ٴومىر سۇرۋدە، اۋەلگى ماقسات پەن بورىشقا قايشى كەلەتىن، پارتيانىڭ ىرگەتاسىن شايقالتاتىن قاتەرلەر جاسىرىن باس كوتەرۋدە، پارتيا ٴدوپ كەلەتىن ”ٴتورت ۇلكەن سىناق“، ”ٴتورت ٴتۇرلى قاتەر“ ۇزاق ۋاقىت ورىن تەبەدى، شىرىكتەسۋگە قارسى كۇرەس جاعدايى ٴالى دە قاتاڭ دا كۇردەلى، شىرىكتەسۋدىڭ ٴوسىپ ـ ٴوربيتىن توپىراعى مەن شارت ـ جاعدايىن جويۋ مىندەتى ٴالى جاپالى دا اۋىر، پارتيانىڭ وزىندىك قۇرىلىسى اناعۇرلىم جاپالى قۇلشىنىس جاساۋدى قاجەت ەتەدى.
”پارتيانىڭ ٴار دارەجەلى ۇيىمدارى تامشى سۋ تاس تەسەتىن ارىن، تەمىر تاياقتى تەبەنگە اينالدىراتىن كۇش ـ قايراتپەن، قاجىماي ـ تالماي، تاباندىلىقپەن جالعاستىرۋ بارىسىندا ۇدايىلىقتى ايگىلەۋى، باياندى ونىمدىلىككە قول جەتكىزۋى كەرەك“، ـ دەپ باسا دارىپتەدى باس شۋجي شي جينپيڭ 18 ـ كەزەكتى ورتالىق ٴتارتىپ تەكسەرۋ كوميتەتىنىڭ جەتىنشى جالپى ماجىلىسىندە.
ٴاربىر ماسەلە ٴساتتى شەشىلگەن سايىن، مەملەكەتتى ٴتارتىپتى باسقارۋدىڭ، حالىقتىڭ باقىتى مەن اماندىعىنىڭ، قوعامنىڭ گۇلدەنىپ ـ كوركەيىپ العا باسۋىنىڭ قۇدىرەتتى كۇشى ۇزدىكسىز ۇيىسا تۇسەدى. ال ٴار رەتكى ماسەلەنىڭ شەشىلۋى ٴبىزدى ٴبىر رەتكى ٴوزىمىزدى ساراپقا سالۋ ورايىنا، ٴوزىن ـ ٴوزى تۇزەتۋدىڭ ۇتىمدى شاراسىنا، رەفورما جاساپ، جاڭالىق اشۋدىڭ باستاماسىنا يە ەتەدى.
باس شۋجي شي جينپيڭ اتاپ كورسەتكەندەي: ”پارتيانىڭ وزىنە ـ ٴوزى توڭكەرىس جاساۋىن ىلگەرىلەتۋدە، ٴسوز جوق، ماسەلەنى باعدار ەتۋگە تاباندى بولىپ، ستراتەگيالىق تاباندىلىقتى ساقتاپ، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرىپ، كەشەندى شارا قولدانىپ، سايكەسە كۇش سالىپ، قاجىماي ـ تالماي، ۇزدىكسىز قاجىماي كۇش سالىپ، بولماشى جەڭىستەردى زور جەڭىسكە اينالدىرىپ، ٴىرى پارتياعا عانا ٴتان قيىن ماسەلەلەردى ۇزدىكسىز شەشۋ بارىسىندا ٴىرى پارتيانىڭ ارتىقشىلىعىن ايگىلەۋ كەرەك“.
پارتيا قۇرىلعاندىعىنىڭ 105 جىلدىعى، ”15 ـ بەسجىلدىقتىڭ“ باستاماسى سىندى شەشۋشى ساتتە، دۇلەي داۋىل، اساۋ تولقىندى حالىقارالىق ورتا، ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتتەرى الدىندا، بۇكىل پارتيا، ٴسوز جوق، باس شۋجي شي جينپيڭنىڭ ”ماسەلەگە دۇرىس قاراۋ سانالىلىعى مەن پىشاقتىڭ ٴدۇزىن ىشكە قاراتاتىن باتىلدىق بولۋ كەرەك“ دەگەن تاپسىرماسىن ەستە بەرىك ساقتاۋى كەرەك.
ٴبىز ايقىن ماسەلە باعدارىن پارتيا قۇرىلىسىنىڭ جالپى بارىسىنا، ٴارقايسى جاعىنا سىڭىرۋگە تاباندى بولىپ، قايشىلىققا بەتپە ـ بەت كەلەتىن باتىلدىق، جۇيەلى باسقارۋ اقىل ـ پاراساتى، قاجىماس قايسارلىق ارقىلى پارتيانىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن ۇزدىكسىز كۇشەيتىپ، شي جينپيڭ پارتيا قۇرىلىسى يدەياسىنىڭ اقيقات شۇعىلاسى مەن اماليات ۇلى كۇشىن ۇزدىكسىز تاسقىنداتۋىنا مۇمكىندىك جاساۋىمىز كەرەك.
(شينحۋا اگەنتتىگىنىڭ 8 ـ ايدىڭ 7 ـ كۇنى بەيجيڭنەن بەرگەن حابارى)
