كۇشتى بورىش، جاۋاپكەرشىلىك ارقىلى گۇلدەنۋ اۋىر مىندەتىن باتىلدىقپەن ارقالادى
−شي جينپيڭ پارتيا قۇرىلىسى يدەياسىنىڭ نازاريالىق قاسيەتى جونىندەگى جەلىلەس شولۋ (4)
□ شينحۋا اگەنتتىگىنىڭ تىلشىلەرى
جۇڭگو كوممۋنيستىك پارتياسى − جۇڭگو حالقىنىڭ باقىتىن كوزدەيتىن، جۇڭحۋا ۇلتىنىڭ گۇلدەنۋىن كوزدەيتىن پارتيا. كۇشتى بورىش، جاۋاپكەرشىلىك −شي جينپيڭ پارتيا قۇرىلىسى يدەياسىنىڭ ايقىن نازاريالىق قاسيەتىنىڭ ءبىرى.
شي جينپيڭ پارتيا قۇرىلىسى يدەياسىن دۇنيە ءجۇزى سوتسياليزمىنىڭ دامۋ تاريحىمەن، جۇڭحۋا وركەنيەتى تاريحىمەن، پارتيانىڭ توڭكەرىسكە، قۇرىلىسقا، رەفورماعا باسشىلىق ەتۋ تاريحىمەن بايلانىستىرىپ، ۇلى ينجەنەريانىڭ ”ءتورت ۇلىداعى“ شەشۋشى رولىن اتاپ كورسەتىپ، پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزىپ، پارتيامىزدىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، تاريحتىڭ ۇتىلامالى تاياقشاسىن وتكىزىپ الىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە جەتەكشىلىك ەتتى.
شي جينپيڭ پارتيا قۇرىلىسى يدەياسىن ۇيرەنۋدە، دايەكتىلەندىرۋدە، ءسوز جوق، سەنىمدى بەكەمدەپ، ەرلىكپەن العا باسىپ، كۇشتى بورىش، جاۋاپكەرشىلىك ارقىلى گۇلدەنۋ اۋىر مىندەتىن باتىلدىقپەن ارقالاپ، وسى يدەيانى ءىس تىندىرىپ ناتيجە شىعارۋدىڭ ءىس جۇزىندىك ارەكەتىنە اينالدىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ ۇلى امالياتىندا قامال الىپ قيىندىقتاردى جەڭىپ، ءورىس اشا العا ىلگەرىلەپ، تىڭ دا اناعۇرلىم زور ىسكەرلىك كورسەتۋ كەرەك.
ۇلى ينجەنەريانىڭ ” ءتورت ۇلىداعى“ شەشۋشى رولىن ساۋلەلەندىردى
5300دەن استام عيمارات بوي كوتەردى، نەشە جۇزدەگەن جوعارى، جاڭا تەحنولوگيا كاسىپورىندارى شوعىرلاندى، 15 مينۋتتىق تۇرمىس شەڭبەرى بىرتىندەپ قالىپتاستى... 9 جىلدان استام ۋاقىتتان بەرى حىبەي شيۇڭ - ان جاڭا رايونى جوبادان ناقتى كورىنىسكە دەيىن بۋىن تارتىپ جەتىلدى.
2026 - جىلى 3 - ايدىڭ 23 - كۇنى باس شۋجي شي جينپيڭ حىبەي شيۇڭ - ان جاڭا رايونىندا قىزمەت تەكسەرگەندە ”گۇلدەنىپ - كوركەيگەن“، ”جاندى دا جالىندى“ دەگەن سوزدەرمەن وسى ”بولاشاق قالانى“ سۋرەتتەپ، بىلاي دەپ باسا دارىپتەدى: ”پارتيا ورتالىق كوميتەتىنىڭ پارمەندى باسشىلىعىندا، ءار جاقتىڭ بىرگە قۇلشىنۋى ارقىلى شيۇڭ - ان جاڭا رايونىنىڭ قۇرىلىسى مەن دامۋىندا كەلەلى كەزەڭدىك جەتىستىكتەرگە قول جەتكىزىلدى“.
”مىڭ جىلدىق ۇلى جوسپارداعى“ تاباندىلىق پەن ۋاقىتپەن جارىساتىن جىگەر ارقىلى تياناقتاندىرۋدى بىلەك سىبانا يگەردى، شيۇڭ - ان جاڭا رايونى قۇرىلىسى پارتيامىزدىڭ حالىقتى ىنتىماقتاستىرىپ جانە باستاپ، ۇلى كۇرەس جۇرگىزۋىنىڭ، ۇلى ىستەردى ىلگەرىلەتۋىنىڭ، ۇلى ارماندى جۇزەگە اسىرۋىنىڭ جاندى كارتيناسى بولىپ، جاڭا داۋىردەگى پارتيا قۇرىلىسى سىندى جاڭا ۇلى ينجەنەريانىڭ ”ءتورت ۇلىداعى“ شەشۋشى رولىن ايگىلەدى.
جاڭا داۋىردەن بەرى جاڭا جاعدايدى، جاڭا سىن - سايىستاردى تياناق ەتىپ، شي جينپيڭ پارتيا قۇرىلىسى يدەياسىندا ۇلى كۇرەس، ۇلى ينجەنەريا، ۇلى ءىس، ۇلى ارمان −تىعىز بايلانىسقان، ءبىر - بىرىمەن ساباقتاسقان، ءبىر - بىرىنە اسەر ەتەتىن، ورگانيكالى بىرلىككە كەلگەن تۇتاس تۇلعا، مۇنىڭ ىشىندە شەشۋشى رول اتقاراتىنى −جاڭا داۋىردەگى پارتيا قۇرىلىسى سىندى جاڭا ۇلى ينجەنەريا دەپ العا قويىلىپ، ”ءتورت ۇلىنىڭ“ ىشكى لوگيكاسى مەن ءوزارا قاتىناسىن عىلمي اشىپ كورسەتتى، وسكەلەڭ تاريحي جاۋاپكەرشىلىك سەزىم مەن كۇشتى بورىش، جاۋاپكەرشىلىكتى ايگىلەدى.
باس شۋجي شي جينپيڭ بىلاي دەپ باسا دارىپتەدى: ”جۇڭگو كوممۋنيستىك پارتياسىنىڭ باسشىلىعى −جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگوشا سوتسياليستىك ءتۇزىمنىڭ ەڭ ۇلكەن ابزالدىلىعى، پارتيا مەن مەملەكەتتىڭ ءتۇبىرلى تياناعى، جان تامىرى، بۇكىل ەلدەگى ءار ۇلت حالقىنىڭ مۇددەسىمەن قاتىستى، تاعدىرىمەن قاتىستى“.
جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتىپ، ونىڭ شەشۋشى رولىن ساۋلەلەندىرۋدە پارتيامىزدى اناعۇرلىم كۇشتى دە الۋەتتى ەتىپ قۇرىپ شىعىپ، باستان - اياق ءداۋىردىڭ الدىڭعى لەگىندە جۇرەتىن، حالىق شىن جۇرەكتەن قۋاتتايتىن، وزىنە - ءوزى توڭكەرىس جاساۋعا باتىل، سان الۋان داۋىلدى تولقىنداردىڭ سىنىنان وتە الاتىن، كۇش - قايراتى تاسقىنداعان ماركسيزمدىك بيلىك باسىنداعى پارتيا ەتىپ قۇرىپ شىعۋ كەرەك −−−
كۇرەسكەرلىك رۋحتى ساۋلەلەندىرىپ، كۇرەس بەتالىسىن يگەرىپ، كۇرەس زاڭدىلىعىن مەڭگەرىپ، كۇرەس قابىلەتىن كۇشەيتىپ، ەلەۋلى سىن - سايىستارعا ءونىمدى توتەپ بەرىپ، اۋىر حاۋىپ - قاتەرلەرگە قارسى تۇرىپ، ەلەۋلى توسقاۋىلداردى جويىپ، ەلەۋلى قايشىلىقتاردى شەشىپ، جاڭا تاريحي ەرەكشەلىككە يە كوپتەگەن ۇلى كۇرەس جۇرگىزۋ كەرەك؛
اناعۇرلىم سانالى تۇردە جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن كۇشەيتىپ، تۇيىقتالعان، قاتىپ - سەمگەن كونە سۇردەكپەن دە، تۋ وزگەرتىپ، جالاۋ اۋىستىراتىن تەرىس جولمەن دە جۇرمەي، ساياسي تاباندىلىقتى ساقتاپ، ناقتى ىستەر تىندىرىپ، مەملەكەتتى گۇلدەندىرۋگە تاباندى بولىپ، جۇڭگوشا سوتسياليزم سىندى وسى ۇلى ىسكە باستان - اياق تاباندى بولۋ جانە ونى دامىتۋ كەرەك؛
كەشەگى ازاپتى كۇندەر مەن شۇعىلالى شاقتاردى ۇمىتپاي، بۇگىنگى بورىش ارقالاۋعا ادال بولىپ، ەرتەڭگى ۇلى ارماندى ورىنداپ، تاريحتى اينا ەتىپ، بولاشاققا جول اشىپ، قاجىرلىلىقپەن قۇلشىنا ىستەپ، ەرلىكپەن العا باسىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك.
”ءتورت ۇلىنى“ ءبىر تۇتاس مەڭگەرۋدە، ءسوز جوق، شەشۋشى رول اتقاراتىن جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن يگەرۋ كەرەك، بۇل ۇلى ينجەنەريانى ويداعىداي يگەرە الماساق، باسقا ءۇش ”ۇلىنىڭ“ تابىسقا جەتۋى مۇمكىن ەمەس. بۇل −تاريحتى جالعاستىرۋدىڭ، رەال مىندەتتىڭ، بولاشاق بەتالىستىڭ وسكەلەڭ بىرلىگى، بۇل پارتيانىڭ، مەملەكەتتىڭ، ۇلتتىڭ بولاشاعى مەن تاعدىرىنىڭ وسكەلەڭ بىرلىگى، شي جينپيڭ پارتيا قۇرىلىسى يدەياسى ارقالاعان تاريحي بورىش پەن جاۋاپكەرشىلىكتىڭ پارمەندى تۇسىندىرمەسى.
جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىشكەرىلەي ىلگەرىلەتۋدى ارقاۋ ەتىپ، شي جينپيڭ پارتيا قۇرىلىسى يدەياسى جاڭا داۋىردەگى پارتيانى باسقارۋدا، پارتيانى جونگە سالۋدا قايتۋ كەرەك، قالاي ىستەۋ كەرەك سىندى ءبىر قىدىرۋ كەلەلى ماسەلەلەرگە جۇيەلى جاۋاپ بەرىپ، پارتيانى اناعۇرلىم كۇشتى دە الۋەتتى ەتىپ قۇرىپ شىعۋدى ىلگەرىلەتتى.
جالپى جاعدايدى جاپپاي مەڭگەرەتىن، ءار جاقتى سايكەستىرەتىن پارتيانىڭ باسشىلىق ءتۇزىمى جۇيەسىن اقاۋسىزداندىرىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋ مەحانيزمىن كەمەلدەندىرۋ؛
پارتيانىڭ يدەيالىق قۇرىلىسىن جاپپاي كۇشەيتىپ، پارتيانىڭ جاسامپازدىق نازارياسىمەن حالىق تىلەگىن ۇيىستىرىپ، رۋحتى سومداۋعا تاباندى بولىپ، يدەيانى بىرلىككە كەلتىرۋ، ەرىك - جىگەردى بىرلىككە كەلتىرۋ، ارەكەتتى بىرلىككە كەلتىرۋ؛
پارتيانى ءتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولىپ، پارتيا ۋستاۆىن نەگىز، دەموكراتيالىق ورتالىقتاندىرۋ ءتۇزىمىن وزەك ەتىپ، پارتيا ىشىندەگى زاڭ - ەرەجە، ءتۇزىم جۇيەسىن كەمەلدەندىرۋ؛
پارتيانىڭ كادرلاردى باسقارۋ پرينسيبىنە تاباندى بولىپ، ءمورالدى دا قابىلەتتى بولۋعا، ءمورالدى الدىڭعى ورىنعا قويۋعا، توڭىرەكتىڭ ءتورت بۇرىشىنان دارىندى باۋراۋعا، قابىلەتتىلەردى عانا مىندەتكە تاعايىنداۋعا تاباندى بولىپ، جاڭا داۋىردەگى جاقسى كادر ولشەمىن ناقتاپ تياناقتاندىرۋ؛
...
كۇشتى بورىش، جاۋاپكەرشىلىك ۇستانىپ، شي جينپيڭ پارتيا قۇرىلىسى يدەياسى جۇڭگو كوممۋنيستەرىنىڭ جاڭا داۋىردەگى پارتيا قۇرىلىسىنىڭ جالپى تالابىن تياناقتاندىرۋىنا جەتەكشىلىك ەتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارالىق ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتىپ، پارتيانىڭ جاڭا داۋىردە جۇڭگوشا سوتسياليزمگە تاباندى بولۋ جانە ونى دامىتۋ تاريحي ۇردىسىندە باستان - اياق پارمەندى باسشىلىق ۇيتقى بولۋىنا شىنايى كەپىلدىك ەتىپ، جۇڭحۋانى گۇلدەندىرۋ اتتى الىپ كەمەنىڭ تولقىن جارا العا ىلگەرىلەۋىنە، ورنىقتى قاداممەن الىسقا جەتۋىنە جەتەكشىلىك ەتتى جانە ونى قامتاماسىز ەتتى.
پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزدى
مەملەكەتتى باسقارۋدا، ءسوز جوق، الدىمەن پارتيانى باسقارۋ، پارتيانى باسقارۋدا، ءسوز جوق، قاتاڭ بولۋ كەرەك. پارتيانى جاپپاي قاتاڭ باسقارۋ −جاڭا داۋىردەگى پارتيانىڭ ەل باسقارۋداعى ايقىن ەرەكشەلىگى.
2014 - جىلى 12 - ايدا باس شۋجي شي جينپيڭ جياڭسۋدا قىزمەت تەكسەرگەندە ”پارتيانى جاپپاي قاتاڭ باسقارۋدى“ ايقىن العا قويدى، سونداي - اق ونى جاپپاي دوڭگەلەك داۋلەتتى قوعام ورناتۋمەن، رەفورمانى جاپپاي تەرەڭدەتۋمەن، مەملەكەتتى جاپپاي زاڭمەن باسقارۋمەن قاتار قويىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن قالىپتاستىردى.
بۇل − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ كۇشتى تاريحي جاۋاپكەرشىلىك جانە مويىماس ەرىك - جىگەرمەن، قاسيەتپەن جاڭا تاريحي شارت - جاعدايدا پارتيا قۇرىلىسى ءدوپ كەلگەن جاڭا جاعدايلار مەن جاڭا ماسەلەلەرگە ساي، تاريحتاعى پارتيا قۇرىلىسى تاجىريبەلەرىن تەرەڭ قورىتىندىلاپ، پارتيانى باسقارۋ، پارتيانى جونگە سالۋ جونىندە جاساعان كەلەلى ورنالاستىرۋى.
پارتيانى جاپپاي قاتاڭ باسقارۋدا پارتيانىڭ العاباسارلىعى مەن كىرشىكسىزدىگىن ساقتاۋدى كوزدە ۇستاپ، جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىن سومداۋ −پارتيامىزدىڭ بيلىك جۇرگىزۋ قابىلەتىن جوعارىلاتۋداعى، بيلىك جۇرگىزۋ بورىشىن ورىنداۋداعى كوكەي تەستى تالابى، ول جاپپاي دوڭگەلەك داۋلەتتى قوعام ورناتۋدى، رەفورمانى جاپپاي تەرەڭدەتۋدى، مەملەكەتتى جاپپاي زاڭمەن باسقارۋدى ءتۇبىرلى كەپىلمەن قامدايدى.
جۇڭگونىڭ ءىسىن ويداعىداي تىندىرۋدىڭ تەتىگى پارتيادا، تەتىگى پارتيانى جاپپاي قاتاڭ باسقارۋدا.
پارتيا 18 - قۇرىلتايىنان بەرى، پارتيامىز ءجۇز ميلليونداعان حالىققا باسشىلىق ەتىپ، مۇلدەم كەدەيلىك ماسەلەسىن تاريحي سيپاتتى شەشىپ، جاپپاي دوڭگەلەك داۋلەتتى قوعام ورناتىپ، ادامزاتتىڭ دامۋ بارىسىنداعى ۇلى كەرەمەتتەردى جاراتتى. قىستاقتا تۇراتىن 255 مىڭ قىزمەت اترەتى، 3 ميلليوننان استام ءبىرىنشى شۋجي مەن قىستاقتا تۇراتىن كادرلار وسى كەدەيلىككە قارسى تۇرۋ كۇرەسىنىڭ شەشۋشى شايقاسىندا اۆانگاردتىق، ۇلگىلىك رولدارىن ساۋلەلەندىردى، نەگىزگى ساتى پارتيا ۇيىمدارى جاۋىنگەر قورعاندىق رولدارىن ساۋلەلەندىردى.
كەزەكتە ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، ستراتەگيالىق وراي مەن حاۋىپ - قاتەر، سىن - سايىس قاتار ءومىر سۇرۋدە، ايقىنسىزدىق، بولجاۋ قيىن فاكتورلار كوبەيدى، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيانىڭ ماڭگى قاسيەتىنىڭ وزگەرمەۋىنە، ءتۇسىنىڭ وزگەرمەۋىنە، سيپاتىنىڭ وزگەرمەۋىنە، باستان - اياق قۇدىرەتتى جاسامپازدىق قۋاتقا، ۇيىستىرۋ قۋاتىنا، جاۋىنگەرلىك قۋاتقا يە بولۋىنا شىنايى كەپىلدىك ەتۋ −−−جاپپاي سوتسياليستىك وسىزاماندانعان مەملەكەت قۇرۋعا پارمەندى قامتاماسىزدىق ازىرلەۋدە، سونداي - اق ۇزدىكسىز سولاي بولادى.
اماليات شي جينپيڭ پارتيا قۇرىلىسى يدەياسىن جەتەكشى ەتۋگە تاباندى بولىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، پارتيا قۇرىلىسىن پارتيا مەن مەملەكەت ىستەرىنىڭ دامۋ كەلەلى جاعدايىمەن توعىستىرىپ، جۇڭگو كوممۋنيستىك پارتياسىنىڭ باسقارۋىمەن جۇڭگو باسقارۋىندا تىڭ جاعداي اشۋ پارتيانىڭ باستان - اياق جۇڭگو حالقىنىڭ جانە جۇڭحۋا ۇلتىنىڭ ەڭ سەنىمدى تىرەگى بولۋىنا، جۇڭگو كەرەمەتىنىڭ تىڭ تاراۋىن ۇزدىكسىز جالعاستى جازۋىنا شىنايى كەپىلدىك ەتۋدەگى جەڭىسكە جەتۋ جولى ەكەندىگىن تولىق دالەلدەدى.
رەفورما قامال الۋ مەزگىلى مەن تەرەڭ قويناۋعا قادام تاستادى، قيىن تۇيىندەردى شەشۋ ءۇشىن، ءسوز جوق، قاتىپ - سەمگەن مۇددەلىك بوگەتتەردى بۇزۋعا باتىل بولۋ كەرەك.
شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتۋدەن ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ءبىر تۇتاس جوسپارلاپ ىلگەرىلەتۋگە دەيىن پارتيامىز پارتيانى جاپپاي قاتاڭ باسقارۋ ارقىلى رەفورما، دامۋ ىستەرىنە كەدەرگى بولاتىن ”بوگەتتەر“ مەن ”توسقاۋىلداردى“ الاستادى.
ءوزىن - ءوزى كىرشىكسىزدەندىرەتىن، ءوزىن - ءوزى كەمەلدەندىرەتىن، ءوزىن - ءوزى جاڭارتاتىن، ءوز قابىلەتىن وسىرەتىن مۇنداي قابىلەت پارتيامىزدىڭ قۇدىرەتتى ساياسي الىمدىلىقپەن تۇزىلىستىك، مەحانيزمدىك ولقىلىقتاردى بۇزىپ، رەفورمانىڭ باستان - اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتتى.
”پارتيانىڭ باسشىلىعى −جۇڭگوشا سوتسياليزمنىڭ ەڭ ماندىك ەرەكشەلىگى، سوتسياليستىك زاڭمەن باسقارۋدىڭ ەڭ ءتۇبىرلى كەپىلى“، ”پارتيانىڭ باسشىلىعى مەن سوتسياليستىك زاڭمەن باسقارۋ بىردەي، سوتسياليستىك زاڭمەن باسقارۋدا، ءسوز جوق، پارتيانىڭ باسشىلىعىنا تاباندى بولۋ كەرەك، پارتيانىڭ باسشىلىعى، ءسوز جوق، سوتسياليستىك زاڭمەن باسقارۋعا سۇيەنۋ كەرەك“...
پارتيا 18 - قۇرىلتايىنان بەرى، پارتيا ورتالىق كوميتەتى مەملەكەتتى زاڭمەن باسقارۋ مەن پارتيانى ءتۇزىم ارقىلى باسقارۋدى، پارتيانى ەرەجە بويىنشا باسقارۋدى ءبىر تۇتاس جوسپارلاپ ىلگەرىلەتۋگە، ءبىر تۇلعالاندىرىپ قۇرۋعا تاباندى بولدى. ءبىر جاعىنان، پارتيا زاڭ شىعارۋعا باسشىلىق، زاڭدى اتقارۋعا كەپىلدىك ەتىپ، ءادىليانى قولداپ، باستاماشىلدىقپەن زاڭعا بويسۇنىپ، جۇڭگوشا سوتسياليستىك زاڭمەن باسقارۋ جۇيەسىنىڭ ۇزدىكسىز اقاۋسىزدانۋىن ىلگەرىلەتتى؛ ەندى ءبىر جاعىنان، پارتيا ىشىندەگى زاڭ - ەرەجە، ءتۇزىم قۇرىلىسىن جان - جاقتى، ستەرەولدى، ءۇرتىس ىلگەرىلەتىپ، ءبىرشاما كەمەلدەنگەن پارتيا ىشىندەگى زاڭ - ەرەجە جۇيەسىن قالىپتاستىرىپ، ءتۇزىمنىڭ قاتاڭ تەجەمىمەن ۇقىق اينالىمىن ارناعا ءتۇسىردى.
پارتيانى جاپپاي قاتاڭ باسقارۋدى ”ءتورتتى جاپپاي ورىنداۋ“ ستراتەگيالىق ورنالاستىرۋىنا ەنگىزۋ −جۇڭگو كوممۋنيستىك پارتياسىنىڭ جاڭا داۋىردە وزىنە قويعان قاتاڭ تالابى. مۇنداي وزىندىك قۇرىلىستى مەملەكەتتىڭ جانە ۇلتتىڭ تاعدىرىمەن تىعىز بايلانىستىراتىن لوگيكا −ءدال پارتيامىزدىڭ تاريحقا، حالىققا وسكەلەڭ جاۋاپتى بولاتىن بورىش، جاۋاپكەرشىلىگىنىڭ شوعىرلى بەينەسى.
بورىش، جاۋاپكەرشىلىك ارقىلى جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن ۇزدىكسىز اشتى
”15 - بەسجىلدىقتىڭ“ باستاما جىلىندا جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ دابىلى جۇڭگونىڭ بايتاق دالاسىندا شارىقتادى.
جاڭا جورىقتا نىسانا اسقاق بولعان سايىن، سىن - سايىس جاپالى بولعان سايىن، شي جينپيڭ پارتيا قۇرىلىسى يدەياسىندا قامتىلعان نازاريالىق قاسيەتتى تەرەڭ ءتۇسىنۋدى، سانالى امالياتتا ايگىلەۋدى سولعۇرلىم قاجەت ەتەدى، قالىڭ پارتيا مۇشەلەرى مەن كادرلاردىڭ بورىش ارقالاۋدى كۇشەيتۋىن سولعۇرلىم قاجەت ەتەدى.
شي جينپيڭ پارتيا قۇرىلىسى يدەياسىندا قامتىلعان كۇشتى بورىش، جاۋاپكەرشىلىكتى تەرەڭ تۇسىنۋدە ”مەملەكەتتىڭ زور ءىسىن“ كوكەيگە ءتۇيىپ، اناعۇرلىم جوعارى ساياسي دەڭگەيمەن ءداۋىر اۋىر مىندەتىن سانالىلىقپەن ارقالاۋ كەرەك.
كۇشتى بورىش، جاۋاپكەرشىلىكتە، اۋەلى، بەتالىستى ءدال مەڭگەرۋ، كەلەلى جاعدايدى ايقىن تانۋ كەرەك. باس شۋجي شي جينپيڭ ءار دارەجەلى باسشى كادرلارعا ”مەملەكەتتىڭ زور ءىسى جونىندە كوڭىلدە سان بولۋ كەرەك“ دەپ قايتا - قايتا ەسكەرتىپ، ”قاشاندا پارتيا ورتالىق كوميتەتى نە نارسەگە كوڭىل بولگەنىنە، نەنى باسا دارىپتەگەنىنە نازار اۋدارىپ، پارتيا مەن مەملەكەتتىڭ ەڭ ماڭىزدى مۇددەسىنىڭ نە ەكەندىگىن، ەڭ باتىل قورعاۋعا ءتيىستى تۇرعىنىڭ نە ەكەندىگىن تەرەڭ ءتۇسىنۋ كەرەك ەكەندىگىن“ باسا دارىپتەدى.
مەملەكەتتىڭ زور ءىسىن كوكەيگە تۇيگەندە عانا ورنىقتى قاداممەن الىسقا جەتۋگە بولادى. پارتيا مۇشەلەرى، كادرلار كۇشتى بورىش ارقالاۋدى ۇيرەنۋدە، تۇسىنۋدە ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ءوڭىردىڭ جانە تاراۋدىڭ قىزمەتىن پارتيا مەن مەملەكەت ىستەرىنىڭ جالپى جاعدايىمەن توعىستىرۋعا شەبەر بولىپ، ءبىر وڭىرگە داڭق اپەرۋدى، ونان دا ماڭىزدىسى، جالپى جاعدايعا ۇلەس قوسۋدى ورىنداپ، كۇشتى بورىش، جاۋاپكەرشىلىكتى ءداۋىر اۋىر مىندەتىن سانالىلىقپەن ارقالاۋدىڭ ناقتى ارەكەتىندە تياناقتاندىرۋ كەرەك.
شي جينپيڭ پارتيا قۇرىلىسى يدەياسىندا قامتىلعان كۇشتى بورىش، جاۋاپكەرشىلىكتى تەرەڭ تۇسىنۋدە كۇرەسكەرلىك رۋحتى ساۋلەلەندىرىپ، قايسارلىقپەن كۇرەس جۇرگىزۋگە سۇيەنىپ، ىستەر دامۋىنىڭ تىڭ ءورىسىن اشۋ كەرەك.
”ەلەۋلى حاۋىپ - قاتەر، كۇشتى قارسىلاس الدىندا تىنىش كۇن كەشىرۋدى كۇيتتەۋ، كۇرەس جۇرگىزگىسى كەلمەۋ شىندىققا ۇيلەسپەيدى، ’جۇمساق سۇيەك اۋرۋىنا‘، ’قورقۋ دەرتىنە‘ شالدىعۋدىڭ ەشتەڭەگە پايداسى جوق“. باس شۋجي شي جينپيڭنىڭ ”سوعىسقا شەبەر ادام ءوزىن جەڭىلمەس ورىنعا قويادى، جاۋعا شابۋىل جاساۋ ورايىن استە قولدان جىبەرمەيدى“ دەگەن ءسوزى كوكىرەكتى وياتتى.
تەك ىرىقتىلىقپەن سىن - سايىسقا بەتپە - بەت كەلىپ، باتىلدىقپەن كۇرەس جۇرگىزگەندە عانا ءداۋىر اۋىر مىندەتىن ارقالاۋعا بولادى. جاڭا جورىقتاعى حاۋىپ - قاتەر، سىن - سايىس الدىندا قالىڭ پارتيا مۇشەلەرى، كادرلار، ءسوز جوق، ءتۇرلى قيالدان ارىلىپ، كۇرەس جۇرگىزۋ بارىسىندا كۇرەس جۇرگىزۋدى ۇيرەنىپ، كۇرەس جۇرگىزۋ بارىسىندا ەسەيىپ، دەڭگەيىن جوعارىلاتىپ، قايسارلىقپەن كۇرەس جۇرگىزۋ ارقىلى دامۋ ىرىقتىلىق ۇقىعىن مىقتاپ يگەرىپ، ءداۋىر بورىشىن اقتاۋى كەرەك.
شي جينپيڭ پارتيا قۇرىلىسى يدەياسىندا قامتىلعان كۇشتى بورىش ارقالاۋدى تەرەڭ تۇسىنۋدە شىندىقتى ءىس جۇزىنەن ىزدەۋگە، شىندىققا جۇگىنىپ ناقتى ءىس ىستەۋگە تاباندى بولىپ، حالىق ءۇشىن ناتيجە شىعارۋ، ناقتى ىستەۋ ارقىلى ناتيجە شىعارۋ كەرەك.
2026 - جىلى 6 - ايدىڭ 24 - كۇنى باس شۋجي شي جينپيڭ شاندۇڭنىڭ دىجوۋىندا قىزمەت تەكسەرگەندە بىلاي دەپ اتاپ كورسەتتى: ”دۇرىس ناتيجە كوزقاراسىن ورناتۋ جانە امالياتتا ايگىلەۋ، ەڭ سوڭىندا حالىقتى باقىتقا كەنەلتۋدە تياناقتانادى. قالىڭ پارتيا مۇشەلەرى، كادرلار قىزمەتكەر تانىمىن كۇشەيتىپ، حالىقتىق سۇيىسپەنشىلىكتى نىعايتىپ، بۇقاراعا كوبىرەك جاقسى ءىس، ناقتى ءىس ىستەپ بەرىپ، قيىن ىستەردى شەشىپ، بۇقارانىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋى كەرەك“.
كۇشتى بورىش، جاۋاپكەرشىلىكتى ەڭ سوڭىندا ”ىستەۋدە“ تياناقتاندىرىپ، ناقتى ىستەپ، ناقتى ناتيجە شىعارۋدا ايگىلەۋ كەرەك.
”ەڭبەك ماعان جازىلماسا دا بولادى، ەڭبەك سىڭىرۋدە مەن بولماسام بولمايدى“. جاڭا ءداۋىردىڭ جاڭا جورىعىندا ەكپىندەي ىلگەرىلەۋدە پارتيا مۇشەلەرى، كادرلار دۇرىس ناتيجە كوزقاراسىن ورناتىپ جانە امالياتتا ايگىلەپ، ۇران ۇلگىسىندە، ەمەۋرىن ءبىلدىرۋ ۇلگىسىندە تياناقتاندىرۋدى باتىل تيىپ، جوبانى سوڭىنا دەيىن جالعاستىرىپ، بىرىنەن كەيىن ءبىرىن جالعاپ ىستەپ، ءىستىڭ سالماعىن ءبىلىپ، اۋىرىن ارقالاپ، شوگەلدىكپەن ىستەپ، ناقتى ىستەۋ بارىسىندا جۇڭگو ۇلگىسىندەگى وسىزامانداندىرۋدىڭ ايبىندى جوباسىن بىرتىندەپ تاماشا رەالدىققا اينالدىرۋ كەرەك.
ساپار الىس، ماقساتقا تەك كۇرەسپەن جەتەمىز؛ بورىش ارقالاپ، اۋەلگى ماقساتتان اينىمايمىز.
جاڭا ءداۋىردىڭ جاڭا جورىعىندا شي جينپيڭ پارتيا قۇرىلىسى يدەياسىن جەتەكشى ەتكەن جۇڭگو كوممۋنيستەرى اناعۇرلىم كۇشتى بورىش، جاۋاپكەرشىلىك ارقالاۋ ارقىلى سەنىمدى بەكەمدەپ، ناقتى ىستەۋدى ادالدىقپەن اتقارىپ، ءسوز جوق، ءجۇز ميلليونداعان حالىقتى ىنتىماقتاستىرىپ، باستاپ، جاڭا تاريحي ۇلى ىستەردى تۇلعالايدى، جاڭا ءداۋىر شۇعىلاسىن جاراتادى.
(شينحۋا اگەنتتىگىنىڭ 8 - ايدىڭ 8 - كۇنى بەيجيڭنەن بەرگەن حابارى)
