تەرەڭ حالىقتىق سۇيىسپەنشىلىك ارقىلى حالىقتىڭ قۇت - ىرىسىن ارتتىردى
− شي جينپيڭ پارتيا قۇرىلىسى يدەياسىنىڭ نازاريالىق قاسيەتى جونىندەگى جەلىلەس شولۋ (5)
□ شينحۋا اگەنتتىگىنىڭ تىلشىلەرى دۇڭ رۇيفىڭ، حۋ مىڭشۋە، پىڭ يۇنجيا
”پارتيامىز بيلىك دەگەنىمىز حالىق، حالىق دەگەنىمىز بيلىك ەكەنىن ەستە بەرىك ساقتاپ، جالپى ءۇشىن پارتيا قۇرۋعا، حالىق ءۇشىن بيلىك جۇرگىزۋگە تاباندى بولىپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى ماقساتىن سانالىلىقپەن امالياتتا ايگىلەپ، تاباندىلىقپەن حالىق بۇقاراسىمەن بىرگە بولىپ، بىرگە ويلاپ، بىرگە ىستەپ، ءارقانداي داۋىلدى تولقىن شايقالتا المايتىن بەرىك نەگىزگە يە بولدى“.
باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا ماڭىزدى ءسوز سويلەپ، حالىق كوسەمىنىڭ تەرەڭ حالىقتىق سۇيىسپەنشىلىگىن ايگىلەدى.
بۇل سۇيىسپەنشىلىك پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ ماڭىزدى بورىشىن ايگىلەپ، شي جينپيڭ پارتيا قۇرىلىسى يدەياسىنىڭ قۇن وزەگىن قالىپتاستىرىپ، شي جينپيڭ پارتيا قۇرىلىسى يدەياسىنىڭ ايقىن نازاريالىق قاسيەتىن ايگىلەدى.
پارتيامىزدى ويداعىداي قۇرۋدىڭ، كۇشەيتىپ قۇرۋدىڭ ءتۇبىرلى ماقساتى − پارتيانىڭ باستان - اياق حالىققا ۋاكىلدىك ەتۋىنە، حالىققا تامىر تارتۋىنا، حالىققا قىزمەت وتەۋىنە شىنايى كەپىلدىك ەتىپ، حالىق بۇقاراسىمەن ەتەنە بايلانىسىن ماڭگى ساقتاپ، حالىق ءۇشىن بيلىك جۇرگىزۋگە، حالىققا سۇيەنىپ بيلىك جۇرگىزۋگە تاباندى بولۋ.
شي جينپيڭ پارتيا قۇرىلىسى يدەياسىندا قامتىلعان تەرەڭ حالىقتىق سۇيىسپەنشىلىكتى ىشكەرىلەي ۇيرەنىپ، ءتۇسىنىپ، جاڭا داۋىردەگى جاڭا جورىقتا جۇڭگو كوممۋنيستىك پارتياسى قانداي پارتيا، ول نە ىستەيدى سىندى وسى ءتۇبىرلى ماسەلەنى ەستە بەرىك ساقتاپ، پارتيامىز باستان - اياق حالىقتىڭ شىن جۇرەكتەن قولداۋىنا يە بولىپ، حالىقتىڭ ءۇمىتىن اقتايتىن، ءداۋىردىڭ ءۇمىتىن اقتايتىن تىڭ تاراۋدى ۇزدىكسىز جازادى.
”مەن كىممىن، كىم ءۇشىن ىستەيمىن، كىمگە سۇيەنەمىن“ دەگەنگە تەرەڭدەي جاۋاپ بەردى
شاڭحاي پارتيامىز دۇنيەگە كەلگەن جەر. جاي كوشە پارتيامىزدىڭ اۋەلگى ماقساتىنا كۋا بولدى.
2026 - جىلى 7 - ايدىڭ 15 - كۇنى باس شۋجي شي جينپيڭ جەرگىلىكتى ورىنداعى الەۋمەتتىك اۋماقتاردى ىشكەرىلەي ارالاپ، كونە ۇيلەردىڭ جاڭا كەلبەتىن كوردى. ”بۇقارا نەنى ويلاسا، كوممۋنيستىك پارتيا سونى ىستەيدى“، ”قاي كەزدە بولسا دا بۇقارانى كوڭىل تورىنە قويۋ كەرەك“، جۇرەك جاردى سوزدەرىندە بۇقارانىڭ حال - جاعدايىن كوكەيدە ساقتاعاندىعى قامتىلىپ جاتىر.
كىم ءۇشىن ىستەۋ، كىمگە سۇيەنۋ ماسەلەسى − ءبىر ساياسي پارتيانىڭ، ءبىر بيلىكتىڭ سيپاتىن سىنايتىن سىنتاس.
”ءارقانداي كەزدە كىم ءۇشىن ىستەيتىندىگىمىزدى، كىمگە ارقا سۇيەيتىندىگىمىزدى، ءوزىمىزدىڭ كىم ەكەندىگىمىزدى ەستەن شىعارماي، شىن مانىندە حالىقپەن ۇشتاسۋىمىز كەرەك“، ”جاس كادرلار وزگەلەرمەن قارىم - قاتىناس جاساۋدا بولسىن، الدە اكىمشىلىكپەن شۇعىلدانىپ ءىس ىستەۋدە بولسىن، ەڭ الدىمەن، ’مەن كىممىن، كىم ءۇشىن ىستەيمىن، كىمگە سۇيەنەمىن‘ دەگەن ماسەلەنى ويداعىداي شەشۋى كەرەك“. باس شۋجي شي جينپيڭ تەرەڭ ماعىنادا وسىلاي دەدى.
تەرەڭ حالىقتىق سۇيىسپەنشىلىكتى ۇستانىپ، وسى ءتۇبىرلى ماسەلەگە ىشكەرىلەي جاۋاپ بەردى، شي جينپيڭ پارتيا قۇرىلىسى يدەياسى جاڭا داۋىردەگى پارتيا قۇرىلىسىنىڭ لوگيكالىق باستاماسى مەن قۇن ماقساتىن عىلمي ءتۇسىندىردى.
سەنىم قاينارىنان كەلۋ − ماركسيزمدىك ساياسي پارتيانىڭ ءتۇبىرلى نەگىزى.
حالىقتىق سيپات − ماركسيزمنىڭ ەڭ ايقىن قاسيەتى. ماركسيزمنىڭ جان تامىرىن بەرىك ساقتاعان پارتيامىز قۇرىلعان كۇننەن باستاپ باستان - اياق حالىقتىق تۇرعىنى ءتۇبىرلى تۇرعى ەتىپ، حالىقتىڭ مۇددەسىن بارىنەن جوعارى قويۋعا تاباندى بولۋدى ءوز تۋىنا ايقىن جازدى.
”پارتيامىز − ماركسيزمدىك ساياسي پارتيا، بۇكىل ىنتا - پەيىلىمەن حالىق ءۇشىن قىزمەت ىستەيتىن ساياسي پارتيا“، ”بۇل پارتيا بۇقارا ءۇشىن قۇرىلعان“...
ىقىلاستى تاپسىرما حالىقتىڭ كوممۋنيستەردىڭ جۇرەگىندەگى ماڭىزدىلىعىن، ەڭ جوعارى ورنىن ايگىلەدى.
مول رۋحاني ءنار الۋ − جۇڭحۋانىڭ تاڭداۋلى ءداستۇرلى مادەنيەتىن جالعاستىرۋ، وندا جاڭالىق اشۋ.
”مەملەكەت حالىقتى نەگىز ەتەدى، بيلىك حالىق ءۇشىن ورناتىلادى“. 2021 - جىلى 3 - ايدا ۋ - يشان تاۋىنداعى جۋشي باقشاسىندا باس شۋجي شي جينپيڭ وسى بايىمداۋدىڭ الدىندا ايالداپ ۇزاق ۇڭىلە قارادى.
”حالىق − مەملەكەتتىڭ ىرگە تاسى، ىرگە تاس بەرىك بولسا، مەملەكەت تىنىش بولادى“، بۇل حالىقتى وزەك ەتۋگە تاباندى بولۋدى بايىمدادى؛ ”حالىق جاقتىراتىن ىستەردى جاقتاپ، حالىق بەيمازا بولاتىن ىستەردى شەكتەۋ“، بۇل قىزمەت ىستەگەندە سانالى تۇردە حالىقتىڭ مۇددەسىن شىعار ءتۇيىن ەتۋدى تالاپ ەتتى؛ ”وبلىس، اۋدانداعى كىشكەنە ۇلىق بولساق تا، بۇقارانىڭ ءار ىسىنە سۇيىسپەنشىلىكپەن قاراۋىمىز كەرەك“، وسى ارقىلى كوممۋنيستەردىڭ حالىق بۇقاراسىنىڭ مۇڭ - مۇقتاجىنا ءتىپتى دە وسىنداي سۇيىسپەنشىلىك ورناتۋىن باسا دارىپتەدى...
باس شۋجي شي جينپيڭ جۇڭگونىڭ ءداستۇرلى حالىقتىق يدەياسىنىڭ ۇيلەسىمدى وزەگىنەن جاسامپازدىقپەن ۇلگى الىپ، وعان جاندى وسى زامان ءمانىن ۇستەدى.
ەڭ قالىڭ حالىقتىڭ ءتۇبىرلى مۇددەسىن ويداعىداي قورعاۋدى، ويداعىداي جۇزەگە اسىرۋدى، ويداعىداي دامىتۋدى بارلىق قىزمەتتىڭ شىعار ءتۇيىنى جانە تابان تىرەر تياناعى ەتتى
حۋناننىڭ رۋچىڭ اۋدانى شاجوۋ قىستاعىنداعى ”شولاق كورپە جىلۋى“ ارناۋلى تاقىرىپتىق كورمە سارايى. ”كوممۋنيستىك پارتيا دەگەنىمىز وزىندە بار جالعىز كورپەنىڭ جارتىسىن قيىپ بۇقاراعا بەرەتىندەر“، قىزىل ءتۇستى وتكەن ىستەر جەر - جەردەگى ساياحاتشىلاردى وزىنە باۋرادى.
”’شولاق كورپە‘ حيكاياسى پارتيامىزدىڭ اۋەلگى ماقساتىنا ۋاكىلدىك ەتەدى، پارتيانىڭ حالىق ءۇشىن ىستەيتىن قاسيەتىن ايگىلەدى“. 2020 - جىلى 9 - ايدا باس شۋجي شي جينپيڭ وسى ارادا قىزمەت تەكسەرگەندە قاباعات تەبىرەندى.
حالىق تىلەگى − ەڭ ۇلكەن ساياسي. باس شۋجي شي جينپيڭ بىلاي دەپ باسا دارىپتەدى: ەڭ قالىڭ حالىقتىڭ ءتۇبىرلى مۇددەسىن ويداعىداي قورعاۋدى، ويداعىداي جۇزەگە اسىرۋدى، ويداعىداي دامىتۋدى بارلىق قىزمەتتىڭ شىعار ءتۇيىنى جانە تابان تىرەر تياناعى ەتۋ كەرەك.
شىعارءتۇيىن مەن تابان تىرەر تياناقتى كوزدەگەن شي جينپيڭ پارتيا قۇرىلىسى يدەياسى تەرەڭ حالىقتىق سۇيىسپەنشىلىكتى ”ون تورتكە تاباندى بولۋمەن“ توعىستىردى −
پارتيا باسشىلىعىنا تاباندى بولۋ − جۇڭگوشا سوتسياليزمنىڭ ەڭ ماندىك ەرەكشەلىگى، بۇل ”پارتيانىڭ باستان - اياق جالپى حالىقتىڭ قيىن كۇندەرگە تاپ بولعان كەزدەگى ەڭ سەنىمدى ارقا تىرەگىنە اينالۋىن“ تالاپ ەتەدى؛
پارتيانى جاپپاي قاتاڭ باسقارۋعا تاباندى بولۋ، بۇل ”حالىق بۇقاراسى نەگە قارسى تۇرسا، نەگە قاتتى وشىكسە، ءبىز سودان باتىل ساقتانۋىمىز جانە سونى تۇزەتۋىمىز كەرەك“ دەگەندى باسا دارىپتەيدى؛
بەرىك پارتيالىلىقتى شىڭداۋعا تاباندى بولۋ، بۇل ”پارتيالىلىق پەن حالىقشىلدىق ەجەلدەن بىردەي، بىرلىككە كەلگەن“ دەگەندى تۇسىندىرەدى؛
ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋگە تاباندى بولۋ، بۇل ”پارتيانىڭ قاي - قاشان دا حالىقپەن تىنىستاس، تاعدىرلاس، جۇرەكتەس بولۋىنا“ شىنايى كەپىلدىك ەتەدى؛
...
”ون تورتكە تاباندى بولۋدىڭ“ ءارقايسىسىنىڭ وزىندىك سالماعى بار، وعان حالىقتىق تۇرعى باستان - اياق ساباقتاستىرىلعان.
شىعار ءتۇيىن مەن تابان تىرەر تياناقتى كوزدەپ، شي جينپيڭ پارتيا قۇرىلىسى يدەياسى جاڭا داۋىردەگى پارتيا قۇرىلىسىنىڭ باستان - اياق حالىقتىڭ ءتۇبىرلى مۇددەسىنە ۇيلەسۋىنە جەتەكشىلىك ەتتى −
”سۇيەكتى قىرىپ ۋىتتى ايدايتىن، قولما - قول شەشىم جاسايتىن“ باتىلدىقپەن پارتيا ستيلى، پاكتىك قۇرىلىسىن جانە شىرىكتەسۋگە قارسى كۇرەستى باتىلدىقپەن سوڭىنا دەيىن جۇرگىزىپ، پارتيانىڭ ۇزاق ۋاقىت بيلىك جۇرگىزۋ ساياسي نەگىزىن ۇزدىكسىز بەكەمدەدى؛
”شىڭنىڭ ۇشار باسىنا شىعۋ ءۇشىن، ءسوزسىز، جاپا - ماشاقاتتى جەڭىپ، تىنباي تالاپتاناتىن“ قايسارلىقپەن ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، پارتيانىڭ حالىق بۇقاراسىمەن ەتەنە بايلانىسىن ساقتادى؛
”حالىققا زالالدى ءىستى تينامداي بولسا دا، ءسوز جوق، جويۋ“ سىندى قايسارلىق ارقىلى ”جەمقور شىبىن، شىرىكتەسكەن قۇمىرىسقالاردى“ باتىل جازالاپ، حالىق ءۇشىن شايقاس جاساپ، بۇقارانىڭ سەزىنۋىنە مۇمكىندىك جاسادى.
ناقتى ىستەر جۇرت جۇرەگىنە ۇيالادى، حالىق قالاۋىنا يە بولدى.
”حالىقتىڭ تاماشا تۇرمىسقا تالپىنىسى − ءبىزدىڭ كۇرەس نىسانامىز“. باس شۋجي شي جينپيڭ مىندەتكە تاعايىندالىسىمەن ىقىلاستى دا مەيىرلى ءسوزى ارقىلى جاڭا ءداۋىر ”جاۋاپناماسىنا“ قالام تەربەدى.
ادامزات تاريحىنداعى كولەمى ەڭ ۇلكەن، تەبىنى ەڭ كۇشتى كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزدى، دۇنيە جۇزىندەگى كولەمى ەڭ ۇلكەن ەمدەۋ بويىنشا قىزمەت وتەۋ جۇيەسىن، نەگىزگى ەمدەۋ قامتاماسىزداندىرۋ جۇيەسىن، اۋرۋدان ساقتانۋ جانە ونى تىزگىندەۋ جۇيەسىن قۇردى، اسپان اناعۇرلىم اشىق، تاۋ اناعۇرلىم جاسىل، سۋ اناعۇرلىم تۇنىق بولدى، وقۋ - اعارتۋدى جالپىلاستىرۋ دەڭگەيىندە تاريحي سەكىرىس جۇزەگە اسىرىلدى... جۇڭگو كوممۋنيستەرىنىڭ نىساناسى وتە ايبىندى ءارى وتە قاراپايىم: سايىپ كەلگەندە، بۇقارانى ءتىپتى دە جاقسى تۇرمىسقا كەنەلتۋ.
شي جينپيڭ پارتيا قۇرىلىسى يدەياسىنىڭ جەتەكشىلىگىندە، ەڭ قالىڭ حالىقتىڭ ءتۇبىرلى مۇددەسىن ەڭ جوعارى ولشەم ەتۋ ارقىلى جاڭا داۋىردەگى پارتيا قۇرىلىسى پارتيامىزدىڭ باستان - اياق حالىقپەن تىلەكتەس بولۋىنا، حالىقپەن بەينەت پەن زەينەتتى بىرگە كەشىپ، حالىقپەن ىنتىماقتاسا كۇرەس جاساۋىنا مۇمكىندىك جاسايتىندىعى داۋسىز.
حالىقتىڭ قولداۋ - قولداماۋىن، جاقتاۋ - جاقتاماۋىن، قۋانۋ - قۋانباۋىن، قوسىلۋ - قوسىلماۋىن بارلىق قىزمەتتىڭ تابىستارى مەن ساتسىزدىكتەرىن ولشەۋدىڭ ءتۇبىرلى ولشەمى ەتتى
”ءداۋىر − ەمتيحان سۇراۋىن شىعارۋشى، ءبىز − ەمتيحان تاپسىرۋشىمىز، حالىق − ەمتيحان جاۋابىن تەكسەرۋشى“.
«شي جينپيڭ ەل باسقارۋ جونىندەنىڭ» 5 - تومىنىڭ فرانسۋز تىلىندەگى باسىلىمى 2026 - جىلى 5 - ايدا تاراتىلعاننان كەيىن، شەتەلدەگى ءبىر مەديا قىزمەتكەرى باس شۋجيدىڭ وسى سوزىنەن سيتات كەلتىرىپ، جۇڭگو كوممۋنيستىك پارتياسىنىڭ حالىقتىڭ ۇنىنە قۇلاق اسىپ، حالىقتىڭ قاجەتىنە جاۋاپ قايتاراتىن تاريحي بورىشتىلىق سەزىمىن باياندادى.
بۇقارانىڭ پىكىرى ەڭ جاقسى ولشەم. باس شۋجي شي جينپيڭ بيىكتە تۇرىپ الىستى بولجاپ، مىنالاردى ايقىن كورسەتتى: حالىقتىڭ قولداۋ - قولداماۋىن، جاقتاۋ - جاقتاماۋىن، قۋانۋ - قۋانباۋىن، قوسىلۋ - قوسىلماۋىن بارلىق قىزمەتتىڭ تابىستارى مەن ساتسىزدىكتەرىن ولشەۋدىڭ ءتۇبىرلى ولشەمى ەتۋ كەرەك“.
تەرەڭ حالىقتىق سۇيىسپەنشىلىك بۇقارانى ريزا ەتۋ − پارتيامىزدىڭ بارلىق قىزمەتتى ويداعىداي ىستەۋدەگى قۇن بەتالىسى جانە ءتۇبىرلى ولشەمى ەكەندىگىن بەلگىلەدى. ءدال وسىنداي ايقىن نازاريالىق قاسيەتكە يە بولعاندىقتان، شي جينپيڭ پارتيا قۇرىلىسى يدەياسى قالىڭ پارتيا مۇشەلەرى مەن كادرلاردى باستان - اياق حالىقتان كىشى پەيىلدىلىكپەن ۇيرەنىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن قابىلداۋعا جەتەكتەپ، پارتيامىزدى باستان - اياق سارقىلماس كۇش قاينارىنا يە ەتتى.
حالىقتىڭ رازى بولۋىنا شىنايى كەپىلدىك ەتىپ، وشپەس ەڭبەكتى بۇقارانىڭ جۇرەگىنە ۇيالاتتى.
دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسى 2026 - جىلى كوكتەم مەرەكەسى دەمالىسىنان كەيىن بۇكىل پارتيادا باستالىپ، پارتيا مۇشەلەرى مەن كادرلاردى، وتە - موتە، باسشى كادرلاردى تاباندىلىقپەن حالىق ءۇشىن ناتيجە شىعارۋعا، ناقتى ىستەۋ ارقىلى ناتيجە شىعارۋعا جەتەكتەدى. ”حالىقتى باقىتقا كەنەلتۋ − ەڭ ۇلكەن ناتيجە“. باس شۋجي شي جينپيڭنىڭ ءسوزى ايرىقشا سالماقتى بولدى.
فۋجياننىڭ دۇڭشان اۋدانىندا ”الدىمەن گۋ اتايعا، ارتىنان اتا - باباسىنا تاعزىم ەتۋ“ حالىق اراسىندا داعدىعا اينالدى. باس شۋجي گۋ ۋىنچاڭ سىندى وسى اۋداندىق پارتكوم شۋجيىنىڭ جاقسى ونەگەسىن قايتا - قايتا تىلگە تيەك ەتتى: ”كادرلاردىڭ قىزمەت ناتيجەسىنىڭ جاقسى نەمەسە جاقسى ەمەستىگىن ولشەۋدە، باستىسى، بۇقارانىڭ باعاسىنىڭ جاقسى نەمەسە جاقسى ەمەستىگىنە قاراۋ كەرەك“.
”ءبارىن ايت تا ءبىرىن ايت، بارلىعى بۇقارانىڭ القاۋىنا جەتپەيدى، بۇقارانىڭ جاقسى دەگەنى عانا ناعىز جاقسى“. حالىق − پارتيامىز قىزمەتىنىڭ ەڭ جوعارى تورەشىسى جانە ەڭ سوڭعى باعالاۋشىسى.
حالىقتىڭ اقىل - پاراساتىن شوعىرلاندىرىپ، ۇزدىكسىز تەلەگەي كۇش توپتادى.
”حالىق الدىندا ءبىز ماڭگى باستاۋىش مەكتەپ وقۋشىسىمىز“، باس شۋجي شي جينپيڭنىڭ ىقىلاستى ءتالىمى كوممۋنيستەردىڭ حالىقتان كىشى پەيىلدىكپەن ۇيرەنەتىن ادالدىعىن ايگىلەدى.
بيىل 3 - ايدا مەملەكەتتىك 14 - كەزەكتى حالىق قۇرىلتايىنىڭ 4 - ءماجىلىسى ”15 - بەسجىلدىق“ جوبا باعدارلاماسىن قاراپ بەكىتتى. جوبا باعدارلاماسىن جاساۋ بارىسى دا ”بۇقارانىڭ قۇندى پىكىرىن“ ”دامۋدىڭ التىن كىلتىنە“ اينالدىرۋ بارىسى بولىپ تابىلادى.
سانميڭ ەمدەۋ رەفورماسى ”تۇيىننەن“ ”كولەمگە“ قاراي جالپىلاستىرىلدى، ”شاعىن اۋلا كەڭەس كەڭسەسى“، ”قىستاق كەڭەسى“ سياقتى نەگىزگى ساتى دەموكراتيا امالياتى ۇزدىكسىز جارىققا شىقتى، پارتيا 20 - قۇرىلتايىنا قاتىستى قىزمەتتەر جونىندە ينتەرنەتتە پىكىر الۋ قيمىلىندا جينالعان ءتۇرلى ۇسىنىس - پىكىرلەر جالپى 8 ميلليون 542 مىڭنان استى... جاڭا داۋىردەگى ءاربىر كەلەلى شەشىمنىڭ تياناقتانۋى، ءار رەتكى رەفورمادا قامال الۋ تۇگەلدەي پارتيا مەن حالىقتىڭ بىرگە كۇرەس جۇرگىزۋىنەن كەلگەن.
حالىقتىڭ سىنىن قابىلداپ، العا باسۋ بەتالىسىن باستان - اياق دۇرىستادى.
تاريحتىڭ تەرەڭ قويناۋىنا كوز جىبەرگەندە، ”ءاربىر ءداۋىردىڭ بارىندە سول ءداۋىردىڭ ىستەرىن ىستەۋ قاجەت. جاقسى ىستەلگەندىگىنە، ناشار ىستەلگەندىگىنە، ۇلەسىنىڭ زور، الدە ۇلەسىنىڭ از ەكەندىگىنە تاريح كۋا بولادى“! 2020 - جىلى 10 - ايدا گۋاڭدۇڭ ولكەسىنىڭ چاۋجوۋ قالاسىندا قىزمەت تەكسەرىپ جۇرگەن باس شۋجي شي جينپيڭ گۋاڭجي عيماراتىنا شىعىپ الىسقا كوز تاستادى.
ءداۋىر اۋقىمىنا نازار سالساق − ”15 - بەسجىلدىق“ باستالىپ، قادام تاستالدى، ءار دارەجەلى باسشىلىق القالارىنىڭ قىزعىندىلىعى جوعارى، قايراتى مىعىم، بۇل جاقسى، مۇنداعى شەشۋشى ءتۇيىن − ناتيجە كوزقاراسى، ءسوز جوق، دۇرىس بولۋى كەرەك“. بيىل كوكتەم مەرەكەسى قارساڭىندا باس شۋجي شي جينپيڭ بەيجيڭدە قىزمەت تەكسەرگەندە وسىلاي دەپ قاتاڭ ەسكەرتتى.
”جۇڭگو كوممۋنيستىك پارتياسى حالىق ءۇشىن ءىس ىستەۋدى، حالىقتى باقىتقا كەنەلتۋدى ەڭ ماڭىزدى ناتيجە ەتەدى، بۇقارا ءۇشىن قانشالىق جاقسى ءىس، ناقتى ءىس ىستەۋدى ناتيجەنى سىننان وتكىزۋدىڭ ماڭىزدى ولشەمى ەتەدى“. نۇسقاۋعا ساي، شي جينپيڭ پارتيا قۇرىلىسى يدەياسىنىڭ مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە بەرىك، باياندى حالىق تىلەگى نەگىزىن ۇستەيتىندىگى داۋسىز.
”وزىممەن ساناسپاي، حالىقتىڭ ءۇمىتىن اقتايمىن“ دەيتىن رۋحاني دەڭگەيدى تولىق ايگىلەدى
”وزىممەن ساناسپاي، حالىقتىڭ ءۇمىتىن اقتايمىن“− جۇڭگو كوممۋنيستىك پارتياسى تاريحى كورمە سارايىندا وسى ۇلكەن ءارىپ ەرەكشە كوز تارتادى.
2019 - جىلى شەتەلگە ساپارلاعان كەزىندە شەتەلدىك ساياسي قايراتكەرلەردىڭ سۇراۋىنا مەڭزەس، باس شۋجي شي جينپيڭ باتىل تۇردە وسى ءسوزدى ايتىپ، ءىرى پارتيا، ءىرى ەل كوسەمىنىڭ تەرەڭ حالىقتىق سۇيىسپەنشىلىگىن تولىق ايگىلەدى، سونداي - اق شي جينپيڭ پارتيا قۇرىلىسى يدەياسىنىڭ رۋحاني ءورىسىنىڭ قاينارىن جاندى ءتۇسىندىردى.
مۇنداي رۋحاني دەڭگەي حالىق ءۇشىن قىزمەت ىستەۋ امالياتى بارىسىندا ۇزدىكسىز جوعارىلادى −
شانشيدىڭ لياڭجياحى سارى توپىراعىندا ”حالىق ءۇشىن ناقتى ىستەر ىستەۋ كەرەك“ دەگەن سەنىم ورناتتى.
حىبەيدىڭ جىڭديڭىندا نەگىزگى ساتىعا بارىپ قىزمەت ىستەۋدىڭ سەبەبىن تىلگە تيەك ەتتى: ”تەك جايلى تۇرمىس كەشىرۋدى عانا ويلاۋ قاراپايىم تالپىنىس. مەن ’جاپا - ماشاقات تەڭىزىنە‘ تۇسۋگە دايىندالىپ بولدىم“.
فۋجياننىڭ نيڭدىسىندا بالتامەن كەسىپ سالىنعان بۇتا - بۇرگەندى تاۋ جولىن بويلاپ تاۋلى قىستاققا ءۇش رەت بارىپ حالىقتىڭ ءۇنىن تىڭدادى.
جىجياڭدا ”كوكەيىندە حالىق بولماسا، ’ءمانساپتى‘ دەۋگە كەلمەيدى“ دەگەن شاعىن شولۋ جازدى.
شاڭحايدا ”قۇر اتاققا بوي ۇراتىن بەت - بەدەل ينجەنەرياسىن، وبراز ينجەنەرياسىن، ناتيجە ينجەنەرياسىن ىستەمەۋ كەرەك، ناعىز ناتيجە بۇقارانىڭ باعاسىندا“ دەگەندى باسا دارىپتەدى.
پارتيا 18 - قۇرىلتايىنان كەيىن، 50 نەشە رەت كەدەيلەردى سۇيەمەلدەۋ قىزمەتىنە تەكسەرۋ - زەرتتەۋ جۇرگىزىپ، شوعىرلى، تۇتاسقان 14 ەرەكشە كەدەي ءوڭىردى ارالاپ، ناعىز كەدەيلەردى كورۋگە تاباندى بولدى، كەدەيلەردى شىنايى سۇيەمەلدەۋدىڭ، ناعىز كەدەيلەردى سۇيەمەلدەۋدىڭ، كەدەيلىكتەن شىنايى ارىلتۋدىڭ ءىس جۇزىندىك جاعدايىن بىلۋگە تاباندى بولدى.
”وزىممەن ساناسپاي، حالىقتىڭ ءۇمىتىن اقتايمىن“، وسكەلەڭ قاسيەت بۇكىل پارتياعا شۇعىلالى ۇلگى ورناتتى، وسكەلەڭ دەڭگەي بۇكىل پارتياعا العا باسۋ بەتالىسىن كورسەتتى.
مۇنداي رۋحاني دەڭگەي جاڭا داۋىردەگى ەل باسقارۋ بارىسىندا ۇزدىكسىز ايگىلەندى −
”مىڭداعان ادامعا جامان اتتى بولساق تا، ءبىر ميلليارد 400 ميلليون ادامنىڭ ءۇمىتىن اقتاۋىمىز كەرەك“، ”وزىممەن ساناسپايمىن“ دەگەن جۇرەكتىلىكپەن پارتيانى جاپپاي قاتاڭ باسقارۋدى ىلگەرىلەتىپ، بۇكىل پارتيانى ”قۇرىش بولات“ ەتىپ سومدادى.
”اۋىلداستار ءبىر كۇن كەدەيلىكتەن ارىلماسا، مەن ءبىر كۇن الاڭسىز بولا المايمىن“، ”وزىمەن ساناسپاۋ“ سۇيىسپەنشىلىگىمەن كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، 100 ميلليونعا جۋىق ادامدى كەدەيلىكتەن ارىلۋعا باستادى.
”حالىقتىڭ ءومىرىنىڭ حاۋىپسىزدىگىن قورعاۋ ءۇشىن، ءبىز ەشنارسەدەن تايىنبايمىز“، ”وزىمەن ساناسپاۋ“ بەينەسىمەن ىندەتكە قارسى اتتانىپ، حالىقتىڭ اماندىعىن بارىنەن جوعارى قويدى.
”پارتيامىزدىڭ ءار دارەجەلى كادرلارى حالىقتىڭ قىزمەتكەرى، حالىقتىڭ داياشىسى“، ”كوممۋنيستىك پارتيانىڭ كادرلارى ’بۇقارانىڭ ءمانساپتىسى‘ بولۋعا تاباندى بولىپ، ءوزىن دە بۇقارا ساناۋى، ءمانساپتى - تورە بولىپ الماۋى كەرەك“....
”وزىممەن ساناسپايمىن، حالىقتىڭ ءۇمىتىن اقتايمىن“ دەگەن ءسوز باس شۋجي شي جينپيڭنىڭ رۋحاني دەڭگەيى، سونداي - اق شي جينپيڭ پارتيا قۇرىلىسى يدەياسىنىڭ قالىڭ پارتيا مۇشەلەرى مەن كادرلار جونىندەگى شىنايى ءۇمىتى.
جورىقتىڭ وڭتايلى ءساتى كەلدى، اۋىر مىندەتتى ارقالاپ تاعى دا العا ۇمتىلۋىمىز كەرەك.
نازاريا كۇشتى بولعاندا عانا بەتالىس ايقىن، جۇرت تىلەگى ءبىر، سەنىم مىعىم بولادى. تەرەڭ حالىقتىق سۇيىسپەنشىلىكپەن حالىقتىڭ قۇت - ىرىسىن ارتتىرىپ، شي جينپيڭ پارتيا قۇرىلىسى يدەياسى، ءسوز جوق، 100 جىلدىق ءىرى پارتيانىڭ پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ جاڭا جورىعىنا ءتۇبىرلى ولشەم جانە ارەكەت باعدارناماسىن ازىرلەپ، بۇكىل پارتيانىڭ، بۇكىل ەلدەگى ءار ۇلت حالقىنىڭ قۇلشىنا جاڭا تاريحي شۇعىلالى تابىستار جاراتۋىنا جەتەكشىلىك ەتەدى.
(شينحۋا اگەنتتىگىنىڭ 8 - ايدىڭ 9 - كۇنى بەيجيڭنەن بەرگەن حابارى)
