عىلمي يدەيالىق ءادىس ارقىلى پارتيانى باسقارۋدى، پارتيانى جونگە سالۋدى ىلگەرىلەتتى
− شي جينپيڭ پارتيا قۇرىلىسى يدەياسىنىڭ نازاريالىق قاسيەتى جونىندەگى جەلىلەس شولۋ (6)
□ شينحۋا اگەنتتىگىنىڭ تىلشىلەرى شى يۇيسىن، سۇن شاۋلۇڭ، ۋاڭ ميڭيۇي
ءارقانداي ءىستى ءبىتىرۋدىڭ شاراسى بولادى، ۇيلەسىمدى شاراسىن تاپقاندا عانا ىستەن ناتيجە شىعارۋعا بولادى.
شي جينپيڭ پارتيا قۇرىلىسى يدەياسى ”ۇزاق ۋاقىت بيلىك جۇرگىزەتىن قانداي ماركسيزمدىك ساياسي پارتيا قۇرۋ، ۇزاق ۋاقىت بيلىك جۇرگىزەتىن ماركسيزمدىك ساياسي پارتيانى قالاي قۇرۋ“ سىندى كەلەلى داۋىرلىك تاقىرىپقا عىلمي جاۋاپ بەردى، ول ءارى تانىم نازارياسى، ءارى ادىستەمە، وندا مول ساياسي اقىل - پاراسات پەن تاكتيكا - شارا قامتىلعان، عىلمي يدەيالىق ءادىس سىندى ايقىن نازاريالىق قاسيەت ايگىلەنگەن.
شي جينپيڭ پارتيا قۇرىلىسى يدەياسىن ويداعىداي ۇيرەنۋدە، ويداعىداي دايەكتىلەندىرۋدە، ءسوز جوق، وعان سىڭىرىلگەن عىلمي يدەيالىق ءادىستى تەرەڭ يگەرىپ، يدەيانى ازات ەتىپ، شىندىقتى ءىس جۇزىنەن ىزدەپ، داۋىرمەن بىرگە العا باسىپ، امالياتتىڭ، تانىمنىڭ، قايتالاي امالياتتىڭ، قايتالاي تانىمنىڭ بۇراندا ۇلگىسىندە دەڭگەيىن جوعارىلاتۋ بارىسىندا پارتيا قۇرىلىسىن تاباندىلىقپەن ىلگەرىلەتىپ، پارتيانى قۇلشىنا ويداعىداي قۇرۋ، قۋاتتى ەتىپ قۇرۋ كەرەك.
عىلمي ويلاۋ ءتاسىلىن قامتيدى
نازاريانىڭ ومىرشەڭ كۇشى ءداۋىر العا قويعان ماسەلەلەرگە جاۋاپ بەرۋىندە، اسىرەسە، عىلمي ويلاۋ ءتاسىلى ارقىلى زاڭدىلىقتى يگەرىپ، قيىن ماسەلەلەردى شەشۋىندە.
2023 - جىلى 5 - ايدا بۇكىل پارتيادا ىشكەرىلەي ورىستەتىلىپ جاتقان شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىنە مەڭزەس، باس شۋجي شي جينپيڭ ”ويلاۋ قابىلەتىن جوعارىلاتۋ“ ماسەلەسىن ەرەكشە باسا دارىپتەدى. باس شۋجي بىلاي دەپ اتاپ كورسەتتى: جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ءادىسناماسىن جانە وعان سىڭىرىلگەن تۇرعىنى، كوزقاراستى، ءادىستى ءوزىنىڭ عىلمي يدەيالىق ادىسىنە اينالدىرىپ، ماسەلەنى زەرتتەۋدىڭ، ماسەلەنى شەشۋدىڭ ”باس كىلتى“ ەتىپ، ستراتەگيالىق ويلاۋ، ديالەكتيكالىق ويلاۋ، جۇيەلىك ويلاۋ، جاڭالىق اشا ويلاۋ، تاريحي ويلاۋ، زاڭمەن باسقارۋ بويىنشا ويلاۋ، تومەنگى شەكتە ويلاۋ قابىلەتىن شىنايى جوعارىلاتۋ كەرەك.
شي جينپيڭ جاڭا ءداۋىر جۇڭگوشا سوتسياليزم يدەياسىنىڭ پارتيا قۇرىلىسى ءبولىمى رەتىندە، شي جينپيڭ پارتيا قۇرىلىسى يدەياسى عىلمي يدەيالىق ءادىستىڭ شوعىرلى بەينەلەنۋى −
ستراتەگيالىق ويلاۋ ارقىلى الىستى بولجاپ، ۇزاق بولاشاقتى جوسپارلادى: پارتيانىڭ ۇزاق ۋاقىت بيلىك جۇرگىزۋىنە، مەملەكەتتىڭ باياندى تىنىشتىعىنا، حالىقتىڭ باقىتتى، الاڭسىز بولۋىنا ساياتىن تۇرعىدان پارتيانى جاپپاي قاتاڭ باسقارۋدى پارتيانىڭ ۇزاق ۋاقىتتىق ستراتەگياسى، ماڭگىلىك تاقىرىبى ەتتى؛
تاريحي ويلاۋ ارقىلى اقىل - پاراسات قابىلداپ، بۇرىنعىنى اينا ەتۋ ارقىلى قازىرگىنى ءبىلدى: پارتيانىڭ 100 جىلدىق كۇرەس بارىسىنان اقىل - پاراسات، كۇش - قۋات الىپ، ماركسيزمدىك ساياسي پارتيانىڭ ۇنامدى - ۇنامسىز ەكى جاقتاعى تاجىريبە - ساباقتارىن اينا ەتىپ، ”بۇرىن ءبىز نە ءۇشىن تابىسقا جەتە الدىق“، ”بولاشاقتا ءبىز قايتكەندە ۇزدىكسىز تابىسقا جەتەمىز“ دەگەنگە ىشكەرىلەي جاۋاپ بەردى؛
ديالەكتيكالىق ويلاۋ ارقىلى ءتۇيىندى مىقتى يگەرىپ، ءبىر تۇتاس جوسپارلاپ، تەڭ ءمان بەردى: ”شەشۋشى ازشىلىقتى“ يگەرۋ مەن ”باسىم كوپ ساندىلاردى“ باسقارۋدىڭ بىرلىگىنە تاباندى بولدى، ۇقىق ىستەتۋ مەن جاۋاپكەرشىلىك ارقالاۋدىڭ بىرلىگىنە تاباندى بولدى، قاتاڭ باسقارۋ مەن كوڭىل ءبولۋدىڭ، سەنىم ارتۋدىڭ بىرلىگىنە تاباندى بولدى، پارتيا ىشىندە باقىلاۋ مەن بۇقارانىڭ باقىلاۋىنىڭ بىرلىگىنە تاباندى بولدى؛
جۇيەلىك ويلاۋ ارقىلى سايكەستى ىلگەرىلەتىپ، جۇيەلى ورنالاستىردى: پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس باسشىلىق ەتىپ، مازمۇن جاعىندا جاپپاي قامتۋعا، وبيەكتى جاعىندا جاپپاي قامتۋعا، جاۋاپكەرشىلىك جاعىندا تۇتاس تىزبەكتى بولۋعا، ءتۇزىم جاعىندا جاپپاي تۇتاستىرۋعا تاباندى بولىپ، پارتيانى جاپپاي قاتاڭ باسقارۋ جۇيەسىن اناعۇرلىم اقاۋسىزداندىرۋدى باسا دارىپتەدى؛
جاڭالىق اشا ويلاۋ ارقىلى بارلىعىن تۇگەل قامتىپ، كوپتىڭ اقىل - پاراساتىن توپتادى: ماركسيزمنىڭ نەگىزگى قاعيداسىن جاسامپازدىقپەن قولدانىپ، ۇزاق ۋاقىت بيلىك جۇرگىزۋ شارت - جاعدايىنداعى پارتيا قۇرىلىسىنىڭ زاڭدىلىعىن تەرەڭ يگەرىپ، ”اتا - بابالار“ ايتپاعان جاڭا سوزدەردى ايتتى، بۇرىنعىلار جاۋاپ قايتارماعان تاقىرىپتارعا جاۋاپ بەردى؛ نەشە مىڭ جىلدىق يدەيا تاريحىنان نازاريادا جاڭالىق اشۋدىڭ مول رۋحاني ءنارىن قابىلداپ، مەملەكەتتى باسقارىپ ەلدى الاڭسىز ەتۋ جولىن، ءوزىن جەتىلدىرۋ، بارىس - كەلىس جاساۋ ۇستانىمىن جاسامپازدىقپەن كادەگە جاراتۋدى جانە جاڭالىق اشا دامىتۋدى ىلگەرىلەتتى؛
زاڭمەن باسقارۋ بويىنشا ويلاۋ ارقىلى ەرەجە ورناتىپ، قاعيدانى ايقىنداپ، نەگىزدى كۇشەيتىپ ءتۇبىردى بەكەمدەدى: پارتيانى جاپپاي قاتاڭ باسقارۋدىڭ ۇزاق بولاشاعى مەن ءتۇبىرلى شاراسىن تەرەڭ بايىمداپ، ”پارتيانى ءتۇزىم ارقىلى باسقارۋعا، پارتيانى ەرەجە ارقىلى باسقارۋعا تاباندى بولۋدى“ ايقىن العا قويىپ، ءسوز جوق، مەملەكەتتى زاڭمەن باسقارۋ مەن پارتيانى ءتۇزىم ارقىلى باسقارۋدى، پارتيانى ەرەجە بويىنشا باسقارۋدى ءبىر تۇتاس جوسپارلاپ ىلگەرىلەتۋگە، ءبىر تۇلعالاندىرىپ قۇرۋعا تاباندى بولۋدى ايقىنداپ، پارتيانى جاپپاي قاتاڭ باسقارۋدىڭ زاڭ - ەرەجە، ءتۇزىم ارناسىندا ىشكەرىلەي دامۋىن ىلگەرىلەتتى؛
تومەنگى شەكتە ويلاۋ ارقىلى امانشىلىقتا دا جامانشىلىقتىڭ بولاتىنىن ويلاپ، ەرتە باستان قامداندى: پارتيا ءدوپ كەلەتىن ”ءتورت ۇلكەن سىناقتى“، ”ءتورت ءتۇرلى قاتەردى“ جەتە تانۋدى، ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوزىن - ءوزى جوعارىلاتۋ قابىلەتىن كۇشەيتۋدىڭ ماڭىزدىلىعى مەن كوكەي تەستىلىگىن جەتە تانۋدى تالاپ ەتتى؛
...
”ىستەرىمىز ىشكەرىلەي دامىعان سايىن، ديالەكتيكالىق ويلاۋ قابىلەتىمىزدى ۇزدىكسىز كۇشەيتۋىمىز كەرەك“ دەپ اتاپ كورسەتۋدەن ”جۇيەلىك ويلاۋعا، ديالەكتيكالىق ويلاۋعا، تومەنگى شەكتە ويلاۋعا تاباندى بولۋدى، ماسەلەنى شەشۋگە تاباندى بولۋمەن بىرگە، قولايلى، اتقارۋعا ىڭعايلى بولۋعا تاباندى بولىپ، ناقتى، جارامدى شارا قولدانىپ، ماسەلەنىڭ تالماۋ جەرىنە ءدال تيگىزۋدى“ تالاپ ەتۋگە دەيىن، ونان ”جاڭا ءداۋىر شارت - جاعدايىندا ءبىزدىڭ پارتيا توپتاعان ۇلى كۇرەس تاجىريبەلەرىن ويداعىداي قورىتىندىلاپ، پايدالانىپ، تومەنگى شەكتە ويلاۋعا تاباندى بولىپ، تاۋقىمەت تانىمىن كۇشەيتۋىمىز كەرەكتىگىن“ ايقىنداۋعا دەيىن... پارتيا 18 - قۇرىلتايىنان بەرى، باس شۋجي شي جينپيڭ عىلمي ويلاۋ ءتاسىلىنىڭ پارتيا قۇرىلىسىنداعى شەشۋشى رولىن، ماڭىزدى ءمانىن تالاي رەت باسا دارىپتەدى.
شي جينپيڭ پارتيا قۇرىلىسى يدەياسىن ۇيرەنىپ، دايەكتىلەندىرىپ، عىلمي يدەيالىق ءادىس ارقىلى پارتيانى باسقارۋدى، پارتيانى جونگە سالۋدى ىلگەرىلەتۋدە عىلمي ويلاۋ قابىلەتىن ۇزدىكسىز جوعارىلاتىپ، زاتتاردىڭ ءمانىن يگەرۋگە، دامۋ زاڭدىلىعىن يگەرۋگە، قىزمەت تەتىگىن يگەرۋگە، ساياسات ولشەمىن يگەرۋگە شەبەر بولۋدى ورىنداپ، قىزمەتتەگى عىلميلىقتى، كورەگەندىكتى، ىرىقتىلىقتى، جاسامپازدىقتى كۇشەيتۋ كەرەك.
قاتاڭ ءتۇزىم جۇيەسىن ورناتتى
”بۇكىل دۇنيە جۇزىنە كوز جىبەرسەك، ءارقانداي ءبىر ساياسي پارتيا جۇڭگو كوممۋنيستىك پارتياسى سياقتى وزىندىك قۇرىلىسقا قاتاڭ، مۇقيات مامىلە جاساعان ەمەس، وسىنداي وسكەلەڭ سانالى عىلمي پوزيتسيامەن، جۇيەلىلەنگەن تاسىلمەن وزىنە - ءوزى توڭكەرىس جاساۋدى ىلگەرىلەتكەن ەمەس، بۇل − پارتيامىزدىڭ كورنەكتى ارتىقشىلىعى ءارى داۋىرگە جەتەكشىلىك ەتەتىن جەڭىسكە جەتۋ جولى“.
2023 - جىلى 1 - ايدا 20 - كەزەكتى ورتالىق ءتارتىپ تەكسەرۋ كوميتەتىنىڭ ەكىنشى جالپى ماجىلىسىندە جاڭا داۋىردەگى 10 جىلدان بەرى پارتيامىزدىڭ پارتيانى جاپپاي قاتاڭ باسقارۋ جۇيەسىن ورناتۋدا توپتاعان مول جەتىستىكتەرىن جۇيەلى قورىتىندىلاعاندا، باس شۋجي شي جينپيڭ قاتتى اسەرلەندى.
جاڭا داۋىردەگى پارتيا قۇرىلىسىن كۇشەيتۋ − كولەمدى ءارى كۇردەلى جۇيە ينجەنەرياسى، ول ءار جاققا سايادى، عىلمي يدەيالىق ءادىس توتەنشە ماڭىزدى.
شي جينپيڭ پارتيا قۇرىلىسى يدەياسى پارتيانىڭ باسشىلىعى مەن پارتيا قۇرىلىسىن ءبىر تۇتاس جوسپارلاپ، ”ون تورتكە تاباندى بولۋ“ ارقىلى پارتيانىڭ ساياسي قۇرىلىسى، يدەيالىق قۇرىلىسى، ۇيىمدىق قۇرىلىسى، ستيل قۇرىلىسى، ءتارتىپ قۇرىلىسى، ءتۇزىم قۇرىلىسى جانە شىرىكتەسۋگە قارسى كۇرەس سياقتى جاقتاردى قامتىپ، ”وزەننەن ءوتۋ“ مىندەتىن ورنالاستىرۋمەن بىرگە، ”كوپىر نەمەسە كەمە“ ماسەلەسىن دە شەشتى، فاكتورلارى تولىق، يقۋاتى كەمەلدى، عىلمي ارناعا تۇسكەن، جوعارى ءونىمدى جۇمىس جۇرگىزەتىن پارتيانى جاپپاي قاتاڭ باسقارۋ جۇيەسىنىڭ ونان ارى اقاۋسىزدانۋىن ىلگەرىلەتتى.
پارتيانىڭ ءار جاقتاعى قۇرىلىسىنىڭ يكەمدى ۇشتاسۋىن، سايكەسە بىرلەسىپ ارەكەتتەنۋىن اناعۇرلىم كورنەكتىلەندىردى −
2023 - جىلى ”پارتيالىلىقتى، پارتيا ستيلىن، پارتيا ءتارتىبىن بىرگە يگەرۋ“ شىرىكتەسۋگە قارسى تۇرۋداعى جىلدىق 10 ءىرى قىزۋ تاقىرىپتىق ءسوز قاتارىنا تاڭدالدى، بۇل دا باس شۋجي شي جينپيڭنىڭ پارتيا 20 - قۇرىلتايىنىڭ بايانداماسىندا العا قويعان ايقىن تالابى.
پارتيالىلىقتى، پارتيا ستيلىن، پارتيا ءتارتىبىن بىرگە يگەرۋگە تاباندى بولىپ، يدەيالىق قۇرىلىس، ستيل قۇرىلىسى، ءتارتىپ قۇرىلىسى سياقتىلاردى ساباقتاستىرىپ، سايكەستىرىپ، جازالاۋ ارقىلى سەسكەندىرۋ، تۇزىمدىك تەجەۋ، سانانى ءوسىرۋ جاعىندا ءبىر تۇلعالى كۇش سالىپ، پارتيانى باسقارۋدىڭ، پارتيانى جونگە سالۋدىڭ جۇيەلى وي جەلىسىن بەينەلەپ، ستيلدى دۇرىستاۋ، ءتارتىپتى قاتايتۋ جونىندەگى زاڭدىلىق سيپاتتى تانىمنىڭ ونان ارى تەرەڭدەۋىن ايگىلەدى.
پارتيا 19 - قۇرىلتايىندا جاڭا داۋىردەگى پارتيا قۇرىلىسىنىڭ جالپى تالابى العا قويىلىپ، ”پارتيانىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ءتارتىپ قۇرىلىسىن جاپپاي ىلگەرىلەتىپ، ءتۇزىم قۇرىلىسىن وسىلارعا ءسىڭىرىپ، شىرىكتەسۋگە قارسى كۇرەستى ىشكەرىلەي ىلگەرىلەتۋ“ سىندى جاڭا ورنالاستىرۋ ايقىندالۋدان پارتيا 20 - قۇرىلتايىندا ”پارتيانى جاپپاي قاتاڭ باسقارۋ جۇيەسىن اقاۋسىزداندىرۋ“ ورتاعا قويىلعانعا دەيىن شي جينپيڭ پارتيا قۇرىلىسى يدەياسى باستان - اياق پارتيانى باسقارۋدى، پارتيانى جونگە سالۋدى جاپپاي جۇيەلى ورنالاستىرۋدى، سايكەستى، جوعارى ءونىمدى ىلگەرىلەتۋدى كۇشەيتۋگە باسا ءمان بەردى.
ءتۇزىلىس - مەحانيزمنىڭ اقاۋسىز، كەمەلدى بولۋىن جانە زاڭ - ەرەجەنىڭ، ءتۇزىمنىڭ عىلمي، ءونىمدى بولۋىن اناعۇرلىم كورنەكتىلەندىردى −
2021 - جىلى 7 - ايدىڭ 1 - كۇنى باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ جينالىسىندا بىلاي دەپ ايقىن اتاپ كورسەتتى: پارتيامىز الدەقاشان ”ءبىرشاما كەمەلدەنگەن پارتيا ىشىندەگى زاڭ - ەرەجە جۇيەسىن قالىپتاستىردى“.
پارتيا تاريحىندا پارتيا ىشىندەگى زاڭ - ەرەجە، ءتۇزىم قۇرىلىسىن ىلگەرىلەتۋدى تۇڭعىش رەت ارنايى ورنالاستىرعان ورتالىقتىڭ حۇجاتىن شىعارۋدان ەكى رەت پارتيا ىشىندەگى زاڭ - ەرەجە قىزمەتى جونىندەگى مەملەكەتتىك ءماجىلىستى اشقانعا، ونان ورتالىقتىڭ پارتيا ىشىندەگى زاڭ - ەرەجەلەردى بەلگىلەۋ قىزمەتىنىڭ 3 بەسجىلدىق جوباسىن ىلگەرىندى - كەيىندى جاساۋعا دەيىن...
جاڭا داۋىردەن بەرى، پارتيا ىشىندەگى زاڭ - ەرەجەلەردىڭ جاسالۋ تەبىنىنىڭ كۇشتىلىگى، شىعارىلۋ مولشەرىنىڭ كوپتىگى، ءتۇزىم بەدەلىنىڭ جوعارىلىعى، باسقارۋ ونىمدىلىگىنىڭ جاقسىلىعى بۇرىن بولىپ كورمەگەن، پارتيانىڭ ءتۇزىم قۇرىلىسىندا تاريحي تابىستارعا قول جەتتى.
شي جينپيڭ پارتيا قۇرىلىسى يدەياسى ۇقىقتى اناعۇرلىم عىلمي، ءونىمدى تۇردە ءتۇزىم قاپاسىنا ەنگىزۋگە باسا ءمان بەرىپ، پارتيا ىشىندەگى زاڭ - ەرەجە، ءتۇزىم جۇيەسىن ۇزدىكسىز كەمەلدەندىرىپ، پارتيا ىشىندەگى زاڭ - ەرەجەلەردىڭ بەدەلىنە جانە اتقارۋ قابىلەتىن كۇشەيتىپ، اقيقاتقا تاباندى بولۋ، قاتەلىكتى تۇزەتۋ، ماسەلەنى بايقاۋ، اۋىتقۋلاردى تۇزەتۋ مەحانيزمىن قالىپتاستىرىپ، ۇزدىكسىز كەمەلدەنگەن تۇزىمدىك ولشەم جۇيەسى ارقىلى جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ىلگەرىلەتۋگە پارمەندى تۇزىمدىك قامتاماسىزدىق ازىرلەدى.
باسقارۋ ۇستانىمىن، جۇيە كوزقاراسىن، ديالەكتيكالىق ويلاۋدى قولدانىپ، پارتيانى باسقارۋدى، پارتيانى جونگە سالۋدى اناعۇرلىم كورنەكتىلەندىردى −
2026 - جىلى 6 - ايدىڭ 30 - كۇنى ورتالىق كوميتەتتىڭ ۇيىمداستىرۋ ءبولىمى ەڭ جاڭا پارتيا ىشىندەگى ساناق دەرەكتەرىن جاريالادى: 2025 - جىلدىڭ سوڭىنا دەيىن جۇڭگو كوممۋنيستىك پارتياسى مۇشەلەرىنىڭ جالپى سانى 101 ميلليون 286 مىڭ ادام بولىپ، الدىڭعى جىلداعىدان ءبىر ميلليون 15 مىڭ ادام ارتقان.
دۇنيە جۇزىندەگى ءبىرىنشى ءىرى بيلىك باسىنداعى پارتيا رەتىندە، پارتيانىڭ ”تۇلعاسى“ بارعان سايىن زورايۋمەن بىرگە، پارتيا قۇرىلىسى ءدوپ كەلگەن ماسەلەلەر دە ءارقانداي كەزدەگىدەن شيەلەنىسىپ كۇردەلىلەسە ءتۇستى.
شي جينپيڭ پارتيا قۇرىلىسى يدەياسى جاڭا ءىس جۇزىندىكتى تياناق ەتىپ، باسقارۋ ۇستانىمى ارقىلى قازىرگى مەن ۇزاق بولاشاقتىڭ، ۇستىنەن وڭاۋ مەن تۇبىرىنەن وڭاۋدىڭ بىرلىگىن ىلگەرىلەتىپ، پارتيانى جاپپاي قاتاڭ باسقارۋدىڭ جۇيەلى دامۋىن جۇيە كوزقاراسى ارقىلى ىلگەرىلەتىپ، قاتاڭ باسقارۋ مەن سۇيىسپەنشىلىك، تەجەۋ مەن شابىتتاندىرۋ سياقتى قاتىناستاردى ديالەكتيكالىق ويلاۋ ارقىلى ويداعىداي ءبىر جاقتى ەتىپ، سالىستىرمالى وي جۇگىرتۋ بارىسىندا جاڭا ماسەلەلەردى شەشۋدىڭ جاڭا وي جەلىسىن، جاڭا ءادىسىن بايىتىپ، پارتيانى باسقارۋ، پارتيانى جونگە سالۋ دەڭگەيىنىڭ جالپى تۇلعالىق جوعارىلاۋىن ىلگەرىلەتتى.
ەرەن باسشىلىق ونەرىن ايگىلەدى
100 جىلدىق ءىرى پارتيا جالىندى دا ارىندى بولدى، پارتيانى باسقارۋ، پارتيانى جونگە سالۋ ماڭگى توقتامايدى.
دۇنيە جۇزىندەگى 100 جىلدىق وزگەرىس جەدەل دامىپ، ۇلتتىڭ گۇلدەنۋى شەشۋشى كەزەڭگە ءوتتى، پارتيا 18 - قۇرىلتايىنان بەرى، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىق، حاۋىپ - قاتەر، سىن - سايىستاردىڭ كوپتىگى پارتيانىڭ وزىندىك قۇرىلىسىنا، پارتيانىڭ بيلىك جۇرگىزۋ قابىلەتىنە جانە باسشىلىق دەڭگەيىنە تىڭ دا اناعۇرلىم جوعارى تالاپتار قويدى.
جاڭا جاعداي، جاڭا مىندەت الدىندا، شي جينپيڭ پارتيا قۇرىلىسى يدەياسى پارتيانى باسقارۋ، پارتيانى جونگە سالۋ امالياتىندا ەرەن باسشىلىق ونەرىن ايگىلەدى.
كورەگەندىكپەن وي جۇگىرتىپ، ءداۋىر ورنىن يگەردى −
پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ ەكىنشى جالپى جيىنىندا باس شۋجي شي جينپيڭ ”جەر كەپە سۇراۋىنا“ توقتالدى ءارى ىقىلاستى تۇردە بىلاي دەپ ەسكەرتتى: ”پارتيا قۇرىلعاندىعىنا 100 جىل بولعان ساتتە ءبىز امانشىلىقتا جامانشىلىقتىڭ بولارىن ويلاۋىمىز، ءبىزدىڭ 100 جىلدىق ءىرى پارتيامىزدىڭ كارىلىك قاۋساتقان دارمەنسىزگە، اۋرۋ مەڭدەتكەن ءالجۋازعا اينالىپ قالۋىنان ءاردايىم قىراعى بولۋىمىز كەرەك“.
”جەر كەپە سۇراۋى“ جونىندەگى تولعانىس شي جينپيڭ پارتيا قۇرىلىسى يدەياسىنىڭ قازىرگى جاعدايدى تياناق ەتىپ، بولاشاقتى كوزدەپ، پارتيا قۇرىلىسىنىڭ ىشكى زاڭدىلىعىن يگەرىپ، ماسەلەنىڭ قىلپىنان ءمانىن اڭعارۋ، الدىن الا ساقتانۋ سىندى كورەگەندىكپەن وي جۇگىرتكەندىگىن ايگىلەدى.
شي جينپيڭ پارتيا قۇرىلىسى يدەياسى پارتيانىڭ بيلىك جۇرگىزۋ ورتاسىنىڭ كۇردەلىلىگىن، پارتيانىڭ العاباسارلىعىنا اسەر ەتەتىن، پارتيانىڭ كىرشىكسىزدىگىن السىرەتەتىن فاكتورلاردىڭ كۇردەلىلىگىن كوزدەپ، پارتيا ىشىندەگى يدەيانىڭ، ساياسيدىڭ، ۇيىمنىڭ، ستيلدىڭ كىرشىكسىز بولماۋى ماسەلەسىنىڭ ۇزاق ۋاقىتتىعىن كۇش سالا شەشىپ، جاڭا ماسەلەلەردى ۇزدىكسىز شەشىپ، جاڭا سىن - سايىستارعا توتەپ بەرىپ، پارتيانىڭ ماڭگى قاسيەتىنىڭ وزگەرمەۋىنە، ءتۇسىنىڭ وزگەرمەۋىنە، سيپاتىنىڭ وزگەرمەۋىنە، باستان - اياق قۇدىرەتتى جاسامپازدىق قۋاتقا، ۇيىستىرۋ قۋاتىنا، جاۋىنگەرلىك قۋاتقا يە بولۋىنا شىنايى كەپىلدىك ەتتى.
جالپى جاعدايلىق جوبا ارقىلى جوعارى دەڭگەيلى جوبانى كەمەلدەندىردى −
2026 - جىلى 7 - ايدىڭ 30 - كۇنى جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشىپ، بيىل 10 - ايدا بەيجيڭدە پارتيا 20 - كەزەكتى ورتالىق كوميتەتىنىڭ بەسىنشى جالپى ءماجىلىسىن اشۋدى ۇيعاردى، مۇنداعى ماڭىزدى كەڭەستىك ءتارتىپ − پارتيانى جاپپاي قاتاڭ باسقارۋدى تاباندىلىقپەن ىلگەرىلەتۋدەگى ءبىرقانشا كەلەلى ماسەلەنى زەرتتەۋ.
پارتيا 18 - قۇرىلتايىنان كەيىن، باس شۋجي شي جينپيڭ ”پارتيانى جاپپاي قاتاڭ باسقارۋدى“ العا قويىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن قالىپتاستىرعاننان پارتيا 18 - كەزەكتى ورتالىق كوميتەتىنىڭ التىنشى جالپى ماجىلىسىندە پارتيانى جاپپاي قاتاڭ باسقارۋدى ارناۋلى تاقىرىپتا زەرتتەگەنگە، ونان پارتيا 19 - قۇرىلتايىندا ”پارتيانى جاپپاي قاتاڭ باسقارۋعا تاباندى بولۋدى“ جاڭا داۋىردە جۇڭگوشا سوتسياليزمگە تاباندى بولۋ مەن ونى دامىتۋ نەگىزگى جالپى جوباسىنىڭ ءبىرى ەتىپ تۇراقتاندىرعانعا دەيىن...
جاڭا داۋىردەگى پارتيا قۇرىلىسى سىندى جاڭا ۇلى ينجەنەريانى ۇزدىكسىز ىلگەرىلەتۋدى كوزدەي وتىرىپ، شي جينپيڭ پارتيا قۇرىلىسى يدەياسى پارتيانى جاپپاي قاتاڭ باسقارۋدى باستان - اياق كەلەلى جاعداي اۋقىمىنا قويىپ وي جۇگىرتىپ، جوبالاپ، پارتيانى جاپپاي قاتاڭ باسقارۋ قىزمەتتەرىنىڭ داۋىرلىك سيپاتىن اناعۇرلىم ويداعىداي ايگىلەۋىنە، زاڭدىلىقتى يگەرۋىنە، جاسامپازدىققا باي بولۋىنا مۇمكىندىك جاسادى.
تۇتاس تۇلعالىق ىلگەرىلەتۋ ارقىلى ءتۇزىم جۇيەسىن ساپالىلاندىردى −
شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتۋگە تاباندى بولۋ شي جينپيڭ پارتيا قۇرىلىسى يدەياسىنداعى ”ون تورتكە تاباندى بولۋدىڭ“ ىشكى ءمانىنىڭ، وزەكتى مازمۇنىنىڭ ءبىرى.
پارتيا 18 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە ”شىرىكتەسۋگە باتىلدىق ەتكىزبەۋدىڭ، شىرىكتەسۋگە مۇمكىندىك بەرمەۋدىڭ، شىرىكتەسۋدى ويىنا الدىرماۋدىڭ ءونىمدى مەحانيزمىن قالىپتاستىرۋدى“ العا قويۋدان پارتيا 20 - قۇرىلتايىندا ”شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتۋگە تاباندى بولۋدى“ باسا دارىپتەگەنگە، ونان باس شۋجي شي جينپيڭنىڭ 20 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە ”ءبىر تۇلعالاندىرىپ ىلگەرىلەتۋگە اناعۇرلىم زور كۇش سالۋدى“ ايقىن العا قويۋىنا دەيىن...
نازاريا مەن امالياتتىڭ تەرەڭدەۋى شي جينپيڭ پارتيا قۇرىلىسى يدەياسىنىڭ بىتىراڭقى بولۋ، كەزەڭگە ءبولىنۋ، ءىشىنارالانۋ سىندى باسقارۋ وي جەلىسىنەن ارىلعانىن، جاڭا داۋىردەگى پارتيا قۇرىلىسىنىڭ جالپى تالابىن نەگىزگى جەلى ەتىپ، پارتيانىڭ ءار جاقتاعى قۇرىلىسىنىڭ ءارقايسىسىنىڭ باسا ءمان بەرەتىن جاعى بولۋىن ءارى ءوزارا تىرەك بولۋىن ىلگەرىلەتىپ، ءوزارا بايلانىسقان، ساباقتاسقان تىعىز ءبىر تۇتاس تۇلعا قالىپتاستىرعانىن ايگىلەدى.
عىلمي نازاريانىڭ جەتەكشىلىگى بار، ءوزىنىڭ دامۋ، العا باسۋ زاڭدىلىعىن يگەرگەن پارتيا قوعامدىق وزگەرىسكە جەتەكشىلىك ەتەتىن، ادىلەت ىستەرىن ىلگەرىلەتەتىن كۇشتى سانالىلىقتى ازىرلەدى، العان بەتىنەن قايتپايتىن، بوگەۋ بەرمەيتىن العا باسۋ قابىلەتىن ازىرلەدى.
شي جينپيڭ پارتيا قۇرىلىسى يدەياسىنىڭ جەتەكشىلىگىندە، عىلمي يدەيالىق ءادىستى يگەرىپ، پارتيانى جاپپاي قاتاڭ باسقارۋ قىزمەتتەرىن اناعۇرلىم جوعارى ولشەممەن، اناعۇرلىم ناقتى شارامەن ويداعىداي يگەرگەندە عانا پارتيامىزدى اناعۇرلىم قۋاتتى، قۇدىرەتتى ەتىپ قۇرىپ شىعىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ تەلەگەي كۇشىن ۇزدىكسىز ۇيىستىرۋعا بولادى.
(شينحۋا اگەنتتىگىنىڭ 8 - ايدىڭ 10 - كۇنى بەيجيڭنەن بەرگەن حابارى)
