جىجياڭ وزەنى بۋىرقانا اعىپ، بىرگە بايۋ كارتيناسىن كەسكىندەدى
− جىجياڭنىڭ جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋى جونىندەگى شولۋ
□ شينحۋا اگەنتتىگىنىڭ تىلشىلەرى سۇن تيەشياڭ، ۋي ي - جۇن، تاڭ تاۋ
بىرگە بايۋ − سوتسياليزمنىڭ ماندىك تالابى، جۇڭگو ۇلگىسىندەگى وسىزامانداندىرۋدىڭ ماڭىزدى ەرەكشەلىگى.
2021 - جىلى 6 - ايدا «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ جىجياڭنىڭ جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋىن قولداۋ جونىندەگى پىكىرى» رەسمي جاريالاندى. پىكىردە 2025 - جىلعا بارعاندا جىجياڭ ولكەسىنىڭ جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋىن ىلگەرىلەتۋدە كورنەكتى ماندىك ىلگەرىلەۋشىلىككە قول جەتكىزىلەتىندىگى؛ 2035 - جىلعا بارعاندا جىجياڭ ولكەسىنىڭ جوعارى ساپالى دامۋىندا اناعۇرلىم زور تابىسقا قول جەتكىزىلىپ، بىرگە بايۋ نەگىزىنەن جۇزەگە اسىرىلاتىندىعى العا قويىلدى.
2023 - جىلى 9 - ايدا باس شۋجي شي جينپيڭ جىجياڭدا قىزمەت تەكسەرگەندە: جىجياڭ بىرگە بايۋدى ىلگەرىلەتۋ بارىسىندا الدىمەن ۇلگى كورسەتۋى كەرەك، - دەپ باسا دارىپتەدى. پارتيا ورتالىق كوميتەتىنىڭ بەلگىلەگەن ماڭىزدى بورىشى مەن باس شۋجيدىڭ ماڭىزدى نۇسقاۋىن، تالابىن كوزدەگەن جىجياڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ ينجەنەرياسىن“ جەتەكشى ەتىپ، زاتتىق جاقتا مول، رۋحاني جاقتا باي، ەكولوگياسى كوركەم بولۋ سىندى سايكەسە بىرگە ىلگەرىلەۋدىڭ الدىمەن اتقارۋ جولىن اشتى. جىجياڭنىڭ بايتاق دالاسىندا ۇلگى الۋعا، كوشىرىپ قولدانۋعا بولاتىن جاندى امالياتتار بۇكىل ەلدىڭ بىرگە بايۋدى تىڭعىلىقتى ىلگەرىلەتۋىنە جاندى، باي مازمۇندى ”جىجياڭ جاۋاپناماسىن“ جازۋدا.
نازاردى ”بالكۇلشەنى ۇلكەيتىپ جاساۋعا“ شوعىرلاندىرىپ، جوعارى ساپالى دامۋ ارقىلى بىرگە بايۋدىڭ زاتتىق نەگىزىن بەكەمدەدى
چۇيجوۋ قالاسى كىچىڭ رايونى شىشى اۋىلىندا بەكىرە بالىق بايۋدىڭ تۇتاس كاسىپ سالاسى تىزبەگىن قالىپتاستىرۋدا: ۋشيجياڭ وزەنىنىڭ سۋىق سۋ بايلىعىنا سۇيەنىپ، جەرگىلىكتى ورىن ساپالى تۇقىم جەتىلدىرۋدەن، جىنتىكتەي وڭدەۋدەن ونەركاسىپ ساياحاتىنا دەيىنگى تۇتاس كاسىپ سالاسى تىزبەگىنىڭ تۇيىق اينالىمىن قالىپتاستىردى.
وسى كاسىپ سالاسى تىزبەگى سان مىڭداعان وتباسىلارىن قۇن تىزبەگىندە تىعىز بايلانىستىردى − ”سەرىكتەستىك + بازا + ولشەمدەندىرۋ“ سىندى تاپسىرىستىق اۋىل شارۋاشىلىعى ۇلگىسى ارقىلى قاتىناسقان شارۋا وتباسىلارىنىڭ جىلدىق ورتاشا كىرىسىن 100 مىڭ يۋانعا جەتكىزىپ، بۇكىل رايوندا 1600دەن استام ادامدى جۇمىستانۋعا، شارۋاشىلىق قۇرۋعا جەتەكتەدى. 2025 - جىلى كىچىڭ رايونىنىڭ بەكىرە بالىق كاسىپ سالاسىنىڭ جالپ−ى ءونىم قۇنى 770 ميلليون يۋانعا جەتىپ، بالىق ۋىلدىرىعى قويمالجىڭىنىڭ ءونىم مولشەرى دۇنيە ءجۇزى بويىنشا ءبىرىنشى ورىندى يەلەپ، دۇنيە ءجۇزى بازارىنداعى ۇلەسى ％36تەن استى.
شىشى اۋىلى بەكىرە بالىق كاسىپ سالاسىنا سۇيەنىپ بىرگە بايۋدى، دامۋدى ىلگەرىلەتتى، بۇل جىجياڭنىڭ جوعارى ساپالى دامۋ ارقىلى بىرگە بايۋدىڭ زاتتىق نەگىزىن بەكەمدەۋىنىڭ جاندى ىقشام كورىنىسى. ”14 - بەسجىلدىق“ مەزگىلىندە جىجياڭ ولكەسىنىڭ وڭىرلىك ءوندىرىس جالپى قۇنى ءۇرتىس 7 تريلليون يۋاندىق، 8 تريلليون يۋاندىق، 9 تريلليون يۋاندىق 3 بەلەستەن اسىپ، جان باسىندىق وڭىرلىك ءوندىرىس جالپى قۇنى 2020 - جىلعى 105 مىڭ يۋاننان 2025 - جىلى 140 مىڭ يۋان شاماسىنا كوتەرىلدى.
بۇل تەك سيفردىڭ ەسەلەپ ارتۋى عانا ەمەس، ونان دا ماڭىزدىسى، دامۋ لوگيكاسىنىڭ تەرەڭدەۋى، ايقىندالۋى. 5 جىلدان بەرى، جىجياڭ باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ”ەكونوميكالىق ءىرى ولكە جۇكتىڭ اۋىرىن كوتەرۋ“ جاۋاپكەرشىلىگىن باتىل ارقالاپ، جاڭالىق اشۋدى ءبىرىنشى قوزعاۋشى كۇش، كاسىپ سالاسىن بەرىك تىرەك ەتىپ، ەكونوميكانىڭ جالپى مولشەرىنىڭ ”بالكۇلشەسىن“ ۇزدىكسىز ۇلكەيتىپ جاسادى.
”بالكۇلشەنى ۇلكەيتىپ جاساۋدا“ جىجياڭ الدىمەن نازاردى عىلىم - تەحنولوگيادا جاڭالىق اشۋ سىندى وسى وزەكتى قوزعالتقىشقا اۋداردى. جۇڭحاۋ شينيىڭ (حاڭجوۋ) عىلىم - تەحنولوگيا شەكتى سەرىكتەستىگىنىڭ تاجىريبەحاناسىنا بارعانىمىزدا، ەلىمىزدە وندىرىلگەن جاساندى زەردە چيپتەرىن زەرتتەۋ - اشۋ ۋاقىت ۇتا جۇرگىزىلىپ جاتىپتى. ۇلكەن مودەل ۇعىمى ءالى قالىپتاسا قويماعان كەزدە، جىجياڭنىڭ دارىندىلاردى باعالاۋ مەحانيزمىندە جاڭالىق اشۋ جانە ەرتە كەزدەگى كومەكتەسۋ - سۇيەمەلدەۋ ساياساتى ارقىلى كاسىپورىنداردىڭ ”0دەن 1گە دەيىنگى“ سەرپىلىس جاساۋ جولىمەن جۇرۋىنە كومەكتەسكەندىگى سەرىكتەستىكتىڭ قۇرۋشىسى ياڭگۇڭ يفاننىڭ كۇنى بۇگىنگە دەيىن ءالى ەسىندە.
”14 - بەسجىلدىق“ مەزگىلىندە جىجياڭ «315» عىلىم - تەحنولوگيادا جاڭالىق اشۋ جۇيەسى قۇرىلىسى ينجەنەرياسىن ىشكەرىلەي اتقارىپ، جوعارى دەڭگەيلى جۇمساق بولشەك، زەردەلى زات ينتەرنەتى، جاڭا ەنەرگيالى اۆتوكولىك سىندى 3 ۇلكەن جاڭادان گۇلدەنگەن كاسىپ سالاسى شوعىرىنىڭ شارۋاشىلىق كىرىسىن ءبىر تريلليون يۋاننان اسىرۋدى ىلگەرىلەتتى؛ ولكە دارەجەلى عىلىم - تەحنولوگيا تيبىندەگى ورتا، شاعىن كاسىپورىندار، ولكە دارەجەلى ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىندار جەكە - جەكە 131 مىڭعا، 14 مىڭ 400گە جەتتى.
وسىزاماندانعان كاسىپ سالاسى جۇيەسىنىڭ جەدەل قالىپتاسۋىنا بايلانىستى، جىجياڭنىڭ اۋىل - قىستاقتارىنداعى كاسىپ سالاسىنداعى ولقىلىقتار دا بىرتىندەپ تولىقتانىپ، ەرەكشەلىككە يە حالىقتى بايىتۋ كاسىپ سالاسى ۇزدىكسىز جەتىلدىرىلىپ، زورايتىلىپ، اۋىل - قىستاقتىڭ دامۋ نەگىزى بارعان سايىن بەكەمدەلدى.
جياشيڭ قالاسى نانحۋ رايونى فىڭچياۋ قالاشىعى سانشيڭ قىستاعىنا بارساڭىز، 1000 مۋلىق شاپتول ورمانى قاۋلاپ ءوسىپ، رەتتى دە تازا جاياۋلار جولى ايقاسىپ، وسىزاماندانعان تۇرعىن ۇيلەردىڭ رەتتى دە قاتارلانا ەڭسە كوتەرىپ تۇرعاندىعىن بايقايسىز.
”ءبىز گۇل تاماشالاۋ - تەرۋ، اۋىل - قىستاقتا زەرتتەۋ - ۇيرەنۋ، حالىقتىق تۇسەلحانانى سەزىنۋ سياقتى كوپ نەگىزدى جاڭا كاسىپ كۇيلەرىن بەلسەنە قالىپتاستىرىپ، قىستاق تۇرعىندارىنىڭ ’تابيعاتقا سۇيەنىپ كۇنەلتۋ‘ سىندى ءداستۇرلى ۇلگىگە قوش ايتۋىنا مۇمكىندىك جاسادىق“، - دەدى سانشيڭ قىستاعى پارتكومىنىڭ شۋجيى شۇي ليجۇن.
جىجياڭدا اۋىل شارۋاشىلىعى وسىزاماندانعان ءىرى كاسىپ سالاسى بولىپ قۇرىلۋدا. 2025 - جىلى جىجياڭنىڭ ”جەرگىلىكتى ەرەكشەلىككە يە ونىمدەر ارقىلى بايۋ“ تۇتاس كاسىپ سالاسى تىزبەگىنىڭ جالپى ءونىم قۇنى 342 ميلليارد يۋانعا جەتىپ، قىستاق كوللەكتيۆ شارۋاشىلىعىنىڭ ساۋدالىق كىرىسى 500 مىڭ يۋاننان اساتىن اكىمشىلىك قىستاقتاردىڭ سالىستىرماسى ％68كە جەتىپ، جاراسىمدى، كورىكتى اۋىل - قىستاقتارمەن قامتىلۋ مولشەرى ％73كە جەتتى.
جەكە تۇيىندە سەرپىلىس جاساۋدان جۇيەلى قايتا سومداۋعا دەيىن جىجياڭنىڭ جوعارى ساپالى دامۋىنىڭ جاندى امالياتى جۇيە كوزقاراسىن ءادىس، دامۋدىڭ ساپاسى مەن ونىمدىلىگىن جان - جاقتى جوعارىلاتۋدى جول ەتكەن بەلسەندى وزگەرىسكە اينالىپ، بىرگە بايۋدىڭ زاتتىق نەگىزىن ۇزدىكسىز بەكەمدەۋدە.
”ءۇش ۇلكەن پارىقتى“ ازايتىپ، ءتۇزىم قۇرىلىسى ارقىلى بىرگە بايۋ جولىن قاراستىردى
جازعى دەمالىستا ي - ۋ قالاسى حوۋجاي ءمالىسى ليزۋ قىستاعىندا ساياحاتشىلار قايشالىستى. بۇرىنعى مەشەۋ، كەدەي قىستاقتىڭ بۇگىنگى تاڭدا قىستاق كوللەكتيۆىنىڭ ساۋدالىق كىرىسى ءبىر ميلليون 386 مىڭ يۋانعا جەتكەن، قىستاق تۇرعىندارىنىڭ جان باسىندىق قولداعى تابىسى 70 مىڭ يۋانعا جەتكەن ”بىرگە بايۋدان ۇلگى كورسەتەتىن قىستاققا“ اينالارىن كىم ويلاعان.
بۇرىنعى ”لاس، بىلىققان، ناشار“ بولۋدان بۇگىنگى تاڭدا جاس جاڭالىق اشۋشىلار توپتالىپ، جاڭا، كونە قىستاق تۇرعىندارى توعىسۋعا دەيىن ليزۋ قىستاعى جىجياڭنىڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىن جەتەكشى ەتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتكەندىگىنىڭ جاندى كارتيناسى، ول جىجياڭنىڭ جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋداعى قالا، اۋىل، ءوڭىر، كىرىس جاعىنداعى ”ءۇش ۇلكەن پارىقتى“ ءونىمدى ازايتۋ سىندى وزەكتى تاقىرىپقا دالمە - ءدال جاۋاپ بەردى.
اۋدان ءوڭىرىن اتتاعان تاۋلى وڭىرلەر مەن تەڭىز جاعالاۋىنداعى وڭىرلەر سەلبەستىگىنەن قىستاق - قالاشىق اتتاعان اۋماقتار بويىنشا ۇيىرمە قۇراۋعا دەيىن، ونان كوپ ءتۇرلى شارانى قاتار قولدانىپ، بۇقارانىڭ كىرىسىن ارتتىرۋدى جەبەۋگە دەيىن جىجياڭ جۇيە وي جەلىسى ارقىلى ساتىعا، تۇرگە ايىرۋعا، كوشىرىپ قولدانۋعا، جالپىلاستىرۋعا بولاتىن ”پارىقتاردى ازايتۋ“ جولىن قاراستىرۋدا.
كەڭىستىك جۇيەسىن قايتا تۇلعالاپ، بايلىقتى ءبىر تۇتاس جوسپارلاپ، قالا مەن اۋىلدىڭ پارقىن ازايتتى. 5 جىلدان بەرى، جىجياڭ جوعارى دەڭگەيلى تۇزىمدىك جوبالاۋ مەن نەگىزگى ساتىداعى بۇقارانىڭ ءتول جاسامپازدىعىنا قوس باعىتتا كۇش سالۋعا تاباندى بولىپ، اكىمشىلىك رايوندارعا ءبولۋ، فاكتورلاردىڭ اۋىسۋى جانە بايلىقتى ورنالاستىرۋ قامالىن كۇش سالا تالقاندادى. 87 ”اۋدان ورتالىعى − ورتالىق قالاشىق − ءتۇيىندى قىستاق“ دامۋ ءوسىن كۇشەيتىپ قۇرىپ، ولكە دارەجەلى 105 ورتالىق قالاشىق قۇرىلىسىن تۇرلەر بويىنشا ىلگەرىلەتىپ، 226 ءتۇيىندى قىستاقتىڭ ۇيىرمە قۇراۋ اۋماعى قۇرىلىسىن باستادى، جىجياڭ جوبا، كاسىپ سالاسى، الەۋمەتتىك قىزمەت وتەۋ سياقتى بايلىقتاردى ءوڭىر اتتاپ ءبىر تۇتاس جوسپارلاۋدى ىلگەرىلەتىپ، فاكتورلاردىڭ ەركىن اۋىسۋ ارناسىن ءونىمدى اشتى.
وڭىرلىك قامالدى بۇزىپ، توپتاسىپ، بىرگە بايىپ، وڭىرلىك پارىقتى ازايتتى. تاۋلى وڭىرلەردەگى، شەت - شالعاي وڭىرلەردەگى بايلىقتىڭ بوس قالۋى، دامۋ قوزعالىس قۋاتىنىڭ جەتكىلىكسىز بولۋى سياقتى ولقىلىقتارعا مەڭزەس، جىجياڭ اۋماقتار بويىنشا ۇيىرمە قۇراۋ، بىرلەسىپ ارەكەتتەنىپ دامۋ ۇلگىسىن كۇش سالا اتقارىپ، ءارقايسى قىستاق ”جەكە دارا شايقاسۋ“ سىندى دامۋ شەكتەمەسىن تالقانداپ، وڭىرلىك بايلىقتى بىرىكتىرۋدى، ارتىقشىلىقتار ارقىلى ءبىرىن - ءبىرى تولىقتاۋدى، توپتاسىپ كىرىستى ارتتىرۋدى ىلگەرىلەتتى.
تيانتاي اۋدانىندا داتاحوۋ اۋماعى قىستاق شەكاراسىن بۇزىپ، توڭىرەكتەگى 7 اكىمشىلىك قىستاق پەن ءبىر الەۋمەتتىك اۋماقتى باستاپ، ”حالىقتىق تۇسەلحانا + كۇتىنۋ“ سىندى بىرگە بايۋ جولىن كۇش بىرىكتىرە اشتى. 2025 - جىلى وسى اۋماق كورنەكتى جاۋاپناما تاپسىردى: 2 ميلليون 130 مىڭ ساياحاتشى (رەت) قابىلداپ، ساياحات جالپى كىرىسى 390 ميلليون يۋاننان اسىپ، كوللەكتيۆ جالپى كىرىسى 9 ميلليون 450 مىڭ يۋاننان اسىپ، سايكەس مەزگىلدەگىدەن ％67. 23 ارتتى. ”جەكە دارا شايقاس جۇرگىزۋدىڭ شىعار جولى جوق، توپتاسىپ دامۋ عانا ناعىز كوكتەمدى قارسى الدى“، - دەدى تاحوۋ قىستاعى پارتيا باس ياچەيكاسىنىڭ شۋجيى چىن شياۋشيڭ.
كىرىستى ارتتىرۋ دانەكەرىن ورناتىپ، حالىقتى بايىتۋ ارناسىن كەڭەيتىپ، كىرىس پارقىن ازايتتى. سۇڭياڭ اۋدانىندا بىرگە بايۋ شەبەرحانالارى شاي كاسىبىن بەتالىس ەتىپ، شاي قۋىرۋ، قوراپتاۋ، تىكە تاراتۋ ارقىلى زات ساتۋ جالپى تىزبەگىن ارقاۋ ەتىپ، ۇيدە قالعان ايەلدەر مەن تومەن كىرىستى شارۋا وتباسىلارىن جۇمىسقا قابىلدادى؛ سانمىن اۋدانىندا بىرگە بايۋ شەبەرحانالارى قىزىل ۇلۋ باعىمشىلىعىن ورىستەتىپ، بۇقارانىڭ ەسىك الدىندا يكەمدى جۇمىسقا ورنالاسۋىنا، كىرىسىن ورنىقتى ارتتىرۋىنا مۇمكىندىك جاسادى... اۋىل - قىستاقتا تامىر تارتقان وسى بىرگە بايۋ شەبەرحانالارى ”ەسىك الدىندا بايۋعا“ دەم بەرەتىن تىڭعىلىقتى شاراعا اينالدى.
ءبىر جاعىنان، حالىقتى بايىتۋ دانەكەرىن كۇشەيتىپ قۇرىپ، ەندى ءبىر جاعىنان، ءتۇزىم جوباسىن كەمەلدەندىردى. جىجياڭ شاعىن شارۋا وتباسىلارىنىڭ ءىرى بازارلارمەن ۇشتاسۋ ارناسىن ىركىلىسسىزدەندىرىپ، جۇمىسقا ورنالاستىرۋ، كىرىستى ارتتىرۋ مەن حالىق تۇرمىسىن ەڭ تومەنگى شەكتەن تۇسىرمەۋگە تەڭ ءمان بەرىپ، بۇقارانىڭ كىرىسىن ارتتىرۋ جولىن كوپ ارنامەن كەڭەيتىپ، كىرىس پارقىنىڭ ۇزدىكسىز ازايۋىن ىلگەرىلەتتى.
”14 - بەسجىلدىق“ مەزگىلىندە جىجياڭ تۇرعىندارىنىڭ جان باسىندىق قولداعى تابىسى 70 مىڭ يۋاننان استى، قالا - قالاشىقتار مەن اۋىل - قىستاق تۇرعىندارىنىڭ جان باسىندىق قولداعى تابىسى جەكە - جەكە 80 مىڭ يۋاننان، 45 مىڭ يۋاننان اسىپ، ءارقايسى ولكەلەر (رايون) بويىنشا 1 - ورىندى يەلەدى، كىرىستىڭ ەسەلىك پارقى 96. 1دان 81. 1گە ازايدى؛ تۇرعىلىقتى حالىقتىڭ قالا - قالاشىقتانۋ مولشەرى ％72تەن ％76 اينالاسىنا جوعارىلادى.
جىجياڭ ولكەلىك دامۋ جوباسىن زەرتتەۋ ورنىنىڭ ورىنباسار باستىعى جوۋ شىفىڭ بىلاي دەدى: جىجياڭ ءتۇزىم قۇرىلىسىن ءتۇبىرلى سۇيەنىش ەتىپ، جۇيەلى جوبالاۋ مەن نەگىزگى ساتىنىڭ ءتول جاسامپازدىعىنىڭ ءتيىمدى ىقپالداستىعى بارىسىندا ۇكىمەت ءىس تىندىراتىن، بازار ءونىمدى بولعان، بۇقارا بىرگە قۇرىپ، بىرگە يگىلىكتەنەتىن بىرگە بايۋدىڭ جاڭا جولىن قاراستىردى.
”الدىمەن ۇلگى كورسەتۋدى“ باتىلدىقپەن ارقالاپ، ”جىجياڭ ۇلگىسى“ ارقىلى بىرگە بايۋدىڭ بولاشاق كارتيناسىن ايگىلەدى
حۋجوۋ لۇيشىڭ ەكولوگيالىق اۋىل شارۋاشىلىق شەكتى سەرىكتەستىگىنىڭ سەحىندا ”90 - جىلداردىڭ تۇلەگى“، اۋىل شارۋاشىلىق جاسامپازى ليۋ ۋىنچاۋ ەكرانعا قادالا قاراپ زەردەلى شارلاۋشى قۇلتەمىردىڭ دەر كەزىندە جەتكىزگەن كورىنىستەرى مەن تەمپەراتۋرا، ىلعالدىق دەرەكتەرىن مۇقيات تەكسەرىپ جاتتى. بۇرىن قالا ينتەرنەت سالاسىندا قۇلشىنعان وسى جاس قازىر اۋىلىندا 9 سيفرلانعان تاۋىق قوراسىن سالۋعا جەتەكشىلىك ەتىپ، ءداستۇرلى باعىمشىلىققا عىلىم - تەحنولوگيانىڭ قاناتىن جالعادى.
ليۋ ۋىنچاۋدىڭ اۋىل - قىستاققا الاڭسىز تامىر تارتۋ جىگەرى ءتۇزىمنىڭ بەرىك قامتاماسىزدىعىنان كەلگەن. بيىل 5 - ايدا «حۋجوۋ قالاسىنىڭ جاستاردىڭ اۋىلعا كەلىپ دامۋىن جەبەۋ ەرەجەسى» رەسمي اتقارىلدى، بۇكىل ەل بويىنشا، ەڭ الدىمەن، العا قويىلعان ىزدەنىس ناتيجەسى رەتىندە، ەرەجە جاس دارىندىلاردىڭ اۋىلعا كەلۋىنە جول اشتى.
بۇل حۋجوۋدىڭ عانا جاندى امالياتى ەمەس، ونان دا ماڭىزدىسى، جىجياڭنىڭ بىرگە بايۋ قۇرىلىسىنىڭ ”بىر جەردە جاڭالىق اشۋدىڭ، بۇكىل ولكەدە جالپىلاستىرۋدىڭ“ جاندى كورىنىسى. 5 جىلدان بەرى، جىجياڭ نازاردى جالپىلىق ماسەلەلەردى شەشۋگە شوعىرلاندىرىپ، جەرگىلىكتى جاعدايعا قاراي ىزدەنىس جاساپ، كادرلار مەن دارىندىلار بايلىعىن بەيىمدەۋ، شوعىرلاندىرۋ رەفورماسى، مادەنيەت ارناۋلى قىزمەتكەرى ءتۇزىمى، ەكولوگيالىق ونىمدەردىڭ قۇنىن جۇزەگە اسىرۋ مەحانيزمى سياقتى تۇڭعىش توپتاعى 15 بىرگە بايۋ جولى ۇلگىسىن قالىپتاستىردى.
ءجۇز شاقىرىم جولدىڭ توقسان شاقىرىمىن باسساڭ دا، جارتى جولدا ءجۇرمىن دەپ ءبىل، جەڭىس كۇن سايىن جيناقتالعان تاباندىلىقتان كەلەدى. ”15 - بەسجىلدىق“ جوبا باستالعان جىلدىڭ جاڭا باستاماسىندا تاۋلى وڭىردەگى حايداۋ اۋدانىنىڭ دامۋى، الەۋمەتتىك قىزمەت وتەۋدى ءبىر تۇلعالاندىرۋ، قالا مەن اۋىلدىڭ تەرەڭدەي توعىسۋى سياقتى سالالاردا ورىن تەۋىپ وتىرعان كەدەرگىلەر الدىندا، جىجياڭ ۋاقىت كۇتىپ تۇرمايدى دەيتىن كوكەي تەستىلىك سەزىممەن قيىندىقتاردى جەڭىپ، قامال الدى.
بيىل 7 - ايدا «جىجياڭ ولكەسىنىڭ ”15 - بەسجىلدىقتا“ جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋ جوباسى» جاريالاندى، جوبادا كەزەڭدىك دامۋ كوورديناتاسى بەلگىلەنىپ، بىرگە بايۋدىڭ ايقىن كارتيناسى كەسكىندەلدى −
2030 - جىلعا بارعاندا ەكونوميكالىق ءىرى ولكەنىڭ جەتەكتەۋ جانە تىرەكتىك رولى جاپپاي كۇشەيىپ، قالا مەن اۋىلدىڭ وڭىرلىك دامۋى، قالا مەن اۋىل تۇرعىندارىنىڭ كىرىسى مەن ءىس جۇزىندىك تۇتىنۋ دەڭگەيىندەگى پارىق ونان ارى ازايىپ، ادامنىڭ جان - جاقتى دامۋى مەن قوعامنىڭ جاپپاي العا باسۋى تىڭ ورەگە كوتەرىلىپ، تۇرمىسى باي، باي - باقىتتى، رۋحاني سەنىمى كۇشتى، ورتاسى قونىستانۋعا، كاسىپتەنۋگە قولايلى، قوعامى جاراسىمدى، تاتۋ - ءتاتتى، الەۋمەتتىك قىزمەت وتەۋ جالپىلاسقان، جالپىعا ءتيىمدى بىرگە باييتىن تاماشا قوعام جەدەل جۇزەگە اسىپ، كوشىرىپ قولدانۋعا، جالپىلاستىرۋعا بولاتىن اناعۇرلىم كوپ جول ۇلگىسى قالىپتاسىپ، الدىمەن ۇلگى كورسەتۋ رولى تولىق ايگىلەنەدى.
جوبا جاسالىپ بولدى، جىجياڭنىڭ جەر - جەرى ۇدەرە العا تارتۋدا.
نيڭبو قالاسى يىنجوۋ رايونى ”قىستاقتى گۇلدەندىرۋدەگى 8 ءىس“ ارەكەتىن اتقارىپ، اۋىل - قىستاق مادەنيەت - ساياحات نىساندارىن ءبىر تۇتاس جوسپارلاپ، تۇتاستىرىپ تۇلعالاپ، قىستاق كوللەكتيۆىنىڭ كىرىسىن ارتتىرۋعا جەتەكشىلىك ەتتى؛ جينحۋا قالاسى پان - ان اۋدانى مايلى شايمەن بىرگە بايۋ شەبەرحاناسىن تۇتاستىرىپ قۇرىپ، جەردى جارناعا قوسىپ پايدا ءبولىسۋدى جولعا قويىپ، تومەن كىرىستى بۇقارانىڭ قالتاسىن قامپايتتى؛ ۋىنجوۋ قالاسى دۇڭتوۋ رايونى تاۋ - تەڭىز سەلبەستىگىن تەرەڭدەتىپ، حاڭجوۋ قالاسى يۇيحاڭ رايونى بىرلەسىپ تەڭىز ارالدارىنداعى بالىقشىلىق ونىمدەرىن سىرتقا ساتۋ ارناسىن اشتى... وسى جاندى نەگىزگى ساتى امالياتتارى جىجياڭنىڭ قۇلشىنا دامۋىنىڭ ىقشام كورىنىسى عانا ەمەس، ونان دا ماڭىزدىسى، ونىڭ ”الدىمەن ۇلگى كورسەتۋ“ بورىشىن باتىلدىقپەن ارقالاۋىنىڭ سەنىمى سانالادى.
”ءبىر جەردە جاڭالىق اشۋدان“ ”بۇكىل ولكەدە جالپىلاستىرۋعا“ دەيىن جىجياڭ بىتىراندى ىزدەنىستەردى جالپىعا ۇيلەسەتىن تۇزىمدىك جەتىستىككە اينالدىردى − ”بالكۇلشەنى ۇلكەيتىپ جاساۋعا“ كۇش سالۋمەن بىرگە، ونان دا ماڭىزدىسى، جۇيە وي جەلىسى ارقىلى ”بالكۇلشەنى ويداعىداي ءبولىپ“، وڭىرلىك دامۋدىڭ بىركەلكى، تولىق بولماۋى ماسەلەسىن شەشۋگە پايدالانۋعا بولاتىن ۇلگى ازىرلەدى.
جىجياڭ ولكەلىك پارتكومداعى نەگىزگى جاۋاپتى جولداس بىلاي دەدى: جاڭا دامۋ باستاماسىندا جىجياڭ باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن جانە جىجياڭدا قىزمەت تەكسەرگەندە سويلەگەن ماڭىزدى ءسوزىنىڭ رۋحىن جاپپاي دايەكتىلەندىرىپ، تياناقتاندىرىپ، ”سەگىز - سەگىز ستراتەگياسىن“ ىشكەرىلەي امالياتتا ايگىلەپ، جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋ سىندى وزەكتى مىندەتتى مىقتاپ يگەرىپ، نازاردى ”تياناقتاندىرۋعا“ شوعىرلاندىرىپ، جوعارى ساپالى دامۋدى ماڭداي الدى مىندەت، ”ءۇش ۇلكەن پارىقتى“ ازايتۋدى نەگىزگى قامال الۋ بەتالىسى، رەفورما جاساپ، جاڭالىق اشۋدى ءتۇبىرلى قوزعاۋشى كۇش، حالىقتىڭ تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتىپ، تەز، ورنىقتى، تىڭعىلىقتى ىستەپ، بىرگە بايۋدى ىلگەرىلەتۋ بارىسىندا الدىمەن اتقارىپ، الدىمەن ۇلگى كورسەتىپ، كوشىرىپ قولدانۋعا، جالپىلاستىرۋعا بولاتىن، جىجياڭنىڭ پارىقتاۋ دارەجەسىنە يە اناعۇرلىم كوپ بەلگى سيپاتتى جەتىستىكتەردى قالىپتاستىرۋ جونىندە ىشكەرىلەي ىزدەنىس جاساپ، جوعارى ساپالى دامۋ ارقىلى بىرگە بايۋدان ۇلگى كورسەتۋ رايونىن قۇرۋدا شەشۋشى ىلگەرىلەۋشىلىككە قول جەتكىزۋدى ىلگەرىلەتىپ، سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ جاندى كارتيناسىن الدىمەن ايگىلەپ، بۇكىل ەلدىڭ كەلەلى جاعدايىنا كوبىرەك ۇلەس قوسادى.
(شينحۋا اگەنتتىگىنىڭ 8 - ايدىڭ 11 - كۇنى حاڭجوۋدان بەرگەن حابارى)
