شينحۋا اگەنتتىگىنىڭ 8 - ايدىڭ 15 - كۇنى كوكحوتتان بەرگەن حابارى. 8 - ايدىڭ 15 - كۇنى «جۇڭحۋا حالىق رەسپۋبليكاسىنىڭ ەكولوگيالىق ورتا زاڭناماسى» اتقارىلعان العاشقى كۇن، 2026 - جىلعى مەملەكەتتىك ەكولوگيا كۇنى نەگىزگى الاڭ قيمىلى ىشكى موڭعۇلدىڭ حۇلۇنبەرىندا وتكىزىلدى، نەگىزگى تاقىرىبى − ”جۇڭگو ۇلگىسىندەگى وسىزامانداندىرۋدىڭ جاسىل نەگىزىن بەكەمدەۋ“.
نەگىزگى الاڭ قيمىلىندا مەملەكەتتىك دامۋ جانە رەفورما كوميتەتىنىڭ قورشاعان ورتا جانە بايلىق مەكەمەسى اينالمالى ەكونوميكاعا قاتىستى ساياساتتاردى ءتۇسىندىردى، مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتى، ەڭ جوعارى حالىق پروكۋراتۋراسى، كوممۋنيستىك جاستار وداعى ورتالىق كوميتەتى، ونەركاسىپ جانە ينفورماتسيالاندىرۋ مينيسترلىگى، جاراتىلىستىق بايلىق مينيسترلىگى، ەكولوگيالىق ورتا مينيسترلىگى، سۋ يگىلىگى مينيسترلىگى، مەملەكەتتىك ورمان شارۋاشىلىعى جانە جايلىم مەكەمەسى، ىشكى موڭعۇل اۆتونوميالى رايوندىق دامۋ جانە رەفورما كوميتەتى ەكولوگيالىق وركەنيەت قۇرىلىسىن ىلگەرىلەتۋگە قاتىستى زاڭ - ساياساتتاردى جەكە - جەكە ءتۇسىندىردى، ءوز سالاسىنىڭ نەمەسە ءوز ءوڭىرىنىڭ ەكولوگيالىق وركەنيەت قۇرىلىسىنىڭ جەتىستىكتەرىن جاريالاپ، كورىكتى جۇڭگو قۇرىلىسىنىڭ جەتىستىكتەرىن تولىق ايگىلەدى. قاتىستى كاسىپتىك قوعامدار 2026 - جىلعى مەملەكەتتىك ەكولوگيا كۇنىنىڭ جاسىل، تومەن كومىر قىشقىل گاز ارەكەت باستاماسىن جاريالادى، حۇلۇنبەر 2026 - جىلعى مەملەكەتتىك ەكولوگيا كۇنى حۇلۇنبەر باستاماسىن جاريالاپ، قوعامداعى ءار جاقتى جاسىل دامۋ ۇستانىمىن امالياتتا ايگىلەۋگە، كورىكتى مەكەندى قول ۇستاسا بىرگە قۇرۋعا جۇمىلدىردى. نەگىزگى ساتى ۋاكىلدەرى، جەرگىلىكتى ۋاكىلدەر، حالىقارالىق ۇيىمداردىڭ ۋاكىلدەرى جەكە - جەكە ەكولوگيالىق وركەنيەت قۇرىلىسىنىڭ نەگىزگى ساتى حيكايالارى، ەكولوگيالىق وركەنيەت قۇرىلىسىنىڭ تاجىريبەلەرى، جۇڭگو ەكولوگيالىق وركەنيەت قۇرىلىسى جانە جاسىل دامۋ ۇستانىمىنىڭ حالىقارالىق ءمانى سياقتى نەگىزگى تاقىرىپتاردى ارقاۋ ەتىپ پىكىر اۋىستىرىپ تاجىريبە ءبولىستى.
نەگىزگى الاڭ قيمىلىندا تاعى ەكولوگيالىق وركەنيەت قۇرىلىسىنىڭ تابىستارى مەن ەكولوگيالىق ونىمدەردى تانىستىرۋ، كورسەتۋ ارناۋلى اۋماعى قۇرىلىپ، جەر - جەردىڭ ەكولوگيالىق وركەنيەت قۇرىلىسىنىڭ تاجىريبەلەرى، ادىستەرى جانە تابىستارى شوعىرلى كورسەتىلىپ، جەر - جەردىڭ ۋاكىلدىك سيپاتقا يە ەكولوگيالىق ونىمدەرى تانىستىرىلدى، كورسەتىلدى.
2026 - جىلعى مەملەكەتتىك ەكولوگيا كۇنى نەگىزگى الاڭ قيمىلىن مەملەكەتتىك دامۋ جانە رەفورما كوميتەتى قاتىستى تاراۋلارمەن جانە ىشكى موڭعۇل اۆتونوميالى رايوندىق حالىق ۇكىمەتىمەن بىرگە وتكىزدى. سول كۇنى جەر - جەر قيمىلدىڭ نەگىزگى تاقىرىبىن ارقاۋ ەتىپ، جەرگىلىكتى ەرەكشەلىككە يە مەملەكەتتىك ەكولوگيا كۇنى قيمىلىن ورىستەتىپ، ەكولوگيالىق ورتا زاڭناماسىن ۇيرەنىپ، دايەكتىلەندىرىپ، ەكولوگيالىق وركەنيەت ۇگىت - تاربيەسىن كۇشەيتىپ، جاسىل، تومەن كومىر قىشقىل گازدى تۇرمىس ءتاسىلىن جالپىلاستىرىپ، كەڭەيتىپ، تۇتاس قوعامدا ەكولوگيالىق وركەنيەتتى قاستەرلەيتىن تاماشا سالتتىڭ قالىپتاسۋىن ىلگەرىلەتتى.
