− اۆتونوميالى رايوندىق 15 ـ كەزەكتى سپورت جارىسىنىڭ جانە 11 ـ كەزەكتى ۇلتتار ءداستۇرلى دەنە تاربيە سپورت جارىسىنىڭ باستالۋ سالتىنان ەستەلىك
□ انار بۇلت \ شينجياڭ گازەتىنىڭ ٴتىلشىسى سۇڭ ۋيگو
ٴتۇن قاراڭعىلىعى تۇسكەندە ىلە وليمپيادا دەنە تاربيە ورتالىعىندا الۋان ساۋلە توگىلىپ كوزدىڭ جاۋىن الدى. اۆتونوميالى رايوندىق 15 ـ كەزەكتى سپورت جارىسىنىڭ جانە 11 ـ كەزەكتى ۇلتتار ٴداستۇرلى دەنە تاربيە سپورت جارىسىنىڭ باستالۋ سالتى 8 ـ ايدىڭ 21 ـ كۇنى كەشتە وسى ارادا سالتاناتپەن وتكىزىلدى. تيانشان الابىنداعى ٴار ۇلت سپورتشىلار، جاتتىقتىرۋشىلار وسى ارادا باس قوسىپ، بۇكىل شينجياڭداعى دەڭگەيى ەڭ جوعارى، كولەمى ەڭ ۇلكەن، ىقپالى ەڭ كۇشتى وسى جالپىلىق دەنە تاربيە سالتاناتىنا بىرگە اتتاندى.
بۇل شينجياڭداعى ٴار ۇلت پەرزەنتتەرىنىڭ كەلبەتىن ايگىلەيتىن، جۇڭحۋا دەنە تاربيە رۋحىن ساۋلەلەندىرەتىن دەنە تاربيە سالتاناتى. وسى كەزەكتى جارىستا ىلە، قاشقار سىندى ەكى جارىس رايونى قۇرىلدى ٴارى ات ويىندارىنىڭ كورلا بولىمشە جارىس الاڭى ورنالاستىرىلدى. جارىستا باسكەتبول، فۋتبول، ۇستەل دوپ، ٴجۇزۋ سياقتى كوپكە تانىس باسەكەلىك جارىس تۇرلەرى دە، بۇقا تارتىس، حىچيۋ دوبى، دار ويىنى، ايداعار ٴبيى، ارىستان ٴبيى سياقتى ەرەكشە تۇرلەر دە، كوكبار، قىزقۋار سياقتى ٴداستۇرلى ات ٴۇستى سپورت تۇرلەرى دە بار، ٴار ۇلت دەنە تاربيە ساڭلاقتارى جارىس الاڭىندا سايىسىپ، تاسقىنداعان ىنتا، ىنتىماقتاسا سەلبەسۋ رۋحىن، تاماشا باسەكەلىك جارىس دەڭگەيىن ايگىلەپ، سايىسۋ جانە باسىپ وزۋ، ارمانعا قۇلاش سەرمەۋ جانە ارماندى جۇزەگە اسىرۋ جونىندەگى اڭگىمەلەردى بىرگە جازادى.
ساعات 22 مولشەرىندە تۋ قورعاۋشىلار اترەتىنىڭ 8 مۇشەسى بەس جۇلدىزدى قىزىل تۋدى ۇستاپ، ەكپىندى دە رەتتى قادام تاستاپ جينالىس الاڭىنا كىردى، بۇكىل الاڭداعى كورەرمەندەر مەملەكەت تۋىنا قاراپ قۇرمەت ٴبىلدىردى. اسقاق مۋزيكاعا ىلەسە، قويۋ وتانشىلدىق سۇيىسپەنشىلىك الاڭداعى ٴاربىر ادامنىڭ جۇرەگىندە تولقىپ تۇردى.
وسىدان كەيىن بۇكىل شينجياڭداعى 14 ايماق، وبلىس، قالادان جانە بيڭتۋاننان ۇيىمداسقان 16 ۋاكىلدەر كومانداسى رەتىمەن الاڭعا كىردى، سپورت ساڭلاقتارى ەكپىندى قادامدارى ارقىلى سەنىمدى، تاباندىلىقتى، كوتەرىڭكى رۋح ارقىلى ەكپىندەي ىلگەرىلەۋ بەينەسىن ايگىلەدى، كورەرمەندەر تۇعىرىندا شاتتىق ٴۇنى، شاپالاق ٴۇنى تولاستامادى، اسقاق سەزىم شارق ۇردى.
وسى رەتكى باستالۋ سالتى كورەرمەندەرگە جانە قالىڭ سايتتاستارعا كورىكتى شينجياڭنىڭ كەلبەتىن تولىق كورسەتتى. بارابان ٴبيى «گۇلدەنگەن داۋىردەگى اسقاق بارابان مۋزيكاسىندا» ەكپىندى بارابان مۋزيكاسى مەن ۇلكەن ەكرانداعى تيانشان سالتاناتتى كورىنىسى ٴوزارا توعىسىپ، شينجياڭنىڭ ايبىندى دا كوركەم تاۋ ـ وزەندەرىنىڭ كارتيناسىن ايگىلەدى؛ ۇلتتىق مۋزيكا ٴبيى «گۇلدەي قۇلپىرعاندا» ۇلتتىق كيىم كيگەن ارتيستەر بۇرالا بيگە باسىپ، شينجياڭداعى ٴار ۇلت پەرزەنتتەرىنىڭ پارتيا مەن ۇلى وتانعا قىزۋ سۇيىسپەنشىلىگىن بەينەلەپ، جۇڭحۋا ۇلتىنىڭ ٴبىر ٴۇيلى جانداي ەتەنە بولىپ، قول ۇستاسا جاڭا داۋىردە ەكپىندەي ىلگەرىلەۋىنىڭ رۋحاني ٴمانىن ٴتۇسىندىردى؛ جاڭاشا RAP شوۋى «بولاشاق كەلدىدە» قۇلتەمىر قويىلىمى مەن ٴان ايتۋ ونەرى توعىستىرىلىپ، تۇتاس كونسەرتكە عىلىم ـ تەحنولوگيالىق ومىرشەڭ كۇش قوستى.
تارتىمدى ويىن نومىرلەرى كورەرمەندەردى جەلپىندىردى جانە شاتتىققا بولەدى. وسى سالتاناتتى جينالىسقا ٴۇيىنىڭ جانىندا كۋا بولعان قۇلجا قالاسىنىڭ تۇرعىنى ياڭ جيڭ ەرەكشە تەبىرەنىسپەن بىلاي دەدى: ”كونسەرت وتە دۋماندى بولدى، جۇڭحۋا مادەنيەتىنىڭ باۋرامدىلىعىن ايگىلەۋمەن بىرگە، ۇلتتار ىنتىماعى، العاباسارلىعىنىڭ كۇشىن دە ايگىلەدى. سالتاناتتى جينالىستىڭ باستالۋ سالتىن ۇستىندە كورىپ تاماشالاعانىما ٴوزىمدى ەرەكشە باقىتتى سەزىنەمىن“.
كورەرمەندەر تۇعىرىندا شانشي قۇرىلىس ماشينالارى قۇرىلىس جۇرگىزۋ توبى شەكتى سەرىكتەستىگىنىڭ باس جوراسى يۇي زۇڭراڭ قاتتى تەبىرەندى، ويتكەنى ىلە وليمپيادا دەنە تاربيە ورتالىعىنىڭ نەگىزگى تۇلعالىق ينجەنەرياسىن وسى سەرىكتەستىك مىندەتىنە الىپ سالعان ەدى. يۇي زۇڭراڭ نىسان مەڭگەرۋشىسىمەن، قۇرىلىسشىلاردىڭ ۋاكىلدەرىمەن بىرگە باستالۋ سالتىنا كەلىپ، الاڭ ـ سارايلاردىڭ جابدىقتارىن قامتاماسىز ەتۋ قىزمەتىن ويداعىداي ىستەۋگە سايكەسۋدەن سىرت، وسى سالتاناتتى جينالىستىڭ باستالۋىنا بىرگە كۋا بولدى. ”باستالۋ سالتىنداعى كونسەرت نومىرلەرىنەن وزىندىك ەرەكشەلىككە يە ۇلتتار مادەنيەتىن كورىپ، جۇڭحۋا مادەنيەتىنىڭ ىشكى مازمۇنىن سەزىندىم. وسى سالتاناتتى جينالىسقا قاتىناسقانىمدى، وسى سالتاناتتى جينالىسقا كۋا بولعانىمدى ەرەكشە ماقتانىش سەزىنەمىن“، ـ دەدى يۇي زۇڭراڭ.
تارتىمدى نومىرلەر، شىن جۇرەكتەن شىققان الاقايلاعان ۇندەر باستالۋ سالتىنداعى اسەرلى ساتكە اينالدى. كوپشىلىك بارلىق سپورتشىلاردىڭ جارىستا ۇزدىكسىز تىڭ ناتيجەلەرگە قول جەتكىزۋىن كۇتەدى، كورىكتى شينجياڭنىڭ اناعۇرلىم كوركەم بولاشاعىن، تىپتەن، كۇتەدى.
