(جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ماجىلىسىندە 2026 ـ جىلى 8 ـ ايدىڭ 22 ـ كۇنى ماقۇلداندى)
جۇڭگو كوممۋنيستىك پارتياسى 20 ـ كەزەكتى ورتالىق ٴتارتىپ تەكسەرۋ كوميتەتىنىڭ التىنشى جالپى ٴماجىلىسى 2026 ـ جىلى 8 ـ ايدىڭ 22 ـ كۇنى بەيجيڭدە وتكىزىلدى. بۇل رەتكى جالپى ماجىلىسكە ورتالىق ٴتارتىپ تەكسەرۋ كوميتەتىنىڭ 116 مۇشەسى قاتىناستى.
جالپى ٴماجىلىستى ورتالىق ٴتارتىپ تەكسەرۋ كوميتەتىنىڭ تۇراقتى كوميتەتى باسقاردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ٴتارتىپ تەكسەرۋ كوميتەتىنىڭ شۋجيى لي شي ٴسوز سويلەدى.
جالپى ٴماجىلىس شي جينپيڭ جاڭا ٴداۋىر جۇڭگوشا سوتسياليزم يدەياسىن، اسىرەسە، شي جينپيڭ پارتيا قۇرىلىسى يدەياسىن ىشكەرىلەي ۇيرەندى، دايەكتىلەندىردى. ٴماجىلىس مىنالاردى اتاپ كورسەتتى: شي جينپيڭ پارتيا قۇرىلىسى يدەياسى − شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ پارتيا قۇرىلىسى ٴبولىمى، جاڭا داۋىردە پارتيانى جاپپاي قاتاڭ باسقارۋدىڭ امالياتتىق تاجىريبەلەرىنىڭ جۇيەلى قورىتىندىسى جانە نازاريالىق جاقتان تىڭ بەلەسكە كوتەرىلۋ، ويى شۇلەن، مازمۇنى باي، يدەياسى تەرەڭ، جۇيەسى شىمىر بولىپ، بۇكىل پارتيانى باستاپ 100 جىلدىق ٴىرى پارتيانىڭ وزىنە ـ ٴوزى توڭكەرىس جاساۋىنىڭ تىڭ ٴورىسىن اشىپ، پارتيانى باسقارۋعا، پارتيانى جونگە سالۋعا، پارتيانى گۇلدەندىرۋگە، پارتيانى قۇدىرەتتەندىرۋگە ٴتۇبىرلى بويسۇنۋ ولشەمىن جانە ارەكەت باعدارناماسىن ازىرلەدى. ٴتارتىپ تەكسەرۋ، باقىلاۋ ـ تەكسەرۋ ورگاندارى پارتيانى جاپپاي قاتاڭ باسقارۋدى ىلگەرىلەتۋدەگى ماڭىزدى كۇش، ٴسوز جوق، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، بۇلجىماستان شي جينپيڭ پارتيا قۇرىلىسى يدەياسىنىڭ تاباندى سەنۋشىسى، ادال امالياتتا ايگىلەۋشىسى بولىپ، شىرىكتەسۋگە قارسى تۇرۋدىڭ جۇڭگوشا جولىمەن تاباندىلىقپەن ويداعىداي ٴجۇرىپ، اناعۇرلىم جوعارى ولشەم، اناعۇرلىم ناقتى شارالار ارقىلى جاڭا ٴداۋىردىڭ جاڭا جورىعىنداعى ٴتارتىپ تەكسەرۋ، باقىلاۋ ـ تەكسەرۋ قىزمەتىنىڭ جوعارى ساپالى دامۋىن ىلگەرىلەتۋ كەرەك.
جالپى ٴماجىلىس 2026 ـ جىلدىڭ العاشقى جارتىسىنداعى ٴتارتىپ تەكسەرۋ، باقىلاۋ ـ تەكسەرۋ قىزمەتىن قورىتىندىلاپ، كەلەسى كەزەڭدەگى قىزمەتتەردى ويداعىداي ىستەۋ جونىندە تالاپتاردى العا قويدى. ٴماجىلىس مىنالاردى باسا دارىپتەدى: يدەيالىق جەتەكشىلىكتى اناعۇرلىم كۇشەيتىپ، شي جينپيڭ پارتيا قۇرىلىسى يدەياسىنىڭ اقيقات كۇشىن، امالياتتىق ۇلى كۇشىن تەرەڭ ٴتۇسىنىپ، مايەكتى ٴمانىن، امالياتتىق تالابىن دۇرىس يگەرىپ، سانالى تۇردە وي ـ سانانى قارۋلاندىرىپ، امالياتقا جەتەكشىلىك ەتىپ، ٴتارتىپ تەكسەرۋدىڭ، باقىلاۋ ـ تەكسەرۋدىڭ بارلىق قىزمەتىنە ٴبىر تۇتاس باسشىلىق ەتۋ كەرەك. قىزمەتتى تياناقتاندىرۋدى اناعۇرلىم كۇشەيتىپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، ساياسي باقىلاۋدى كۇشەيتىپ، ساياسي شارلاۋدى تەرەڭدەتىپ، كەزەك اۋىستىرۋ ٴتارتىبىن قاتايتىپ، بۇلجىماي ستيلدى دۇرىستاپ، ٴتارتىپتى قاتايتىپ، شىرىكتەسۋگە قارسى تۇرىپ، بۇقارانىڭ ماڭايىنداعى بۇرىس ستيلدەر مەن شىرىكتەسۋ ماسەلەلەرىن شوعىرلى وڭاۋدى ۇزدىكسىز تەرەڭدەتىپ، تۇتاس جىلداعى مىندەتتەردى جوعارى ساپامەن ورىنداۋعا شىنايى كەپىلدىك ەتۋ كەرەك. جۇيەلى ويلاۋدى، تومەنگى شەكتە ويلاۋدى ونان ارى كۇشەيتىپ، نەگىزگى، ماڭىزدى ىستەردى يگەرىپ، ٴبىر تۇتاس جوسپارلاپ ىلگەرىلەتىپ، قىزمەت بىرىككەن كۇشىن اناعۇرلىم ويداعىداي قالىپتاستىرىپ، حاۋىپسىزدىك تومەنگى شەگىن باتىل ساقتاۋ كەرەك. قوسىن قۇرىلىسىن اناعۇرلىم كۇشەيتىپ، ساياسيدا سىننان وتكەن، قابىلەتى مىعىم، ستيلى تاماشا، پاكتىك جاعىندا ىسىلعان بولۋ ماڭىزدى تالابىنا ساي، ”ٴتارتىپ تەكسەرۋ، باقىلاۋ ـ تەكسەرۋ قىزمەتىن ارناعا ٴتۇسىرۋ، زاڭمەن باسقارۋ، جۇيەلىلەندىرۋ قۇرىلىسى جىلى“ ارەكەتىن ۇزدىكسىز ويداعىداي يگەرىپ، ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل، شەبەر ٴتارتىپ تەكسەرۋ، باقىلاۋ ـ تەكسەرۋ قۇرىش قوسىنىن سومداۋ كەرەك.
جالپى ٴماجىلىس پارتيا ۋستاۆىنداعى بەلگىلەمە بويىنشا، جاۋ شىيۇڭ جولداستى جۇڭگو كوممۋنيستىك پارتياسى ورتالىق ٴتارتىپ تەكسەرۋ كوميتەتىنىڭ ورىنباسار شۋجيلىگىنە، جاڭ جۇڭ جولداستى جۇڭگو كوممۋنيستىك پارتياسى ورتالىق ٴتارتىپ تەكسەرۋ كوميتەتى تۇراقتى كوميتەتىنىڭ مۇشەلىگىنە، ورىنباسار شۋجيلىگىنە سايلادى.
(شينحۋا اگەنتتىگىنىڭ 8 ـ ايدىڭ 22 ـ كۇنى بەيجيڭنەن بەرگەن حابارى)
