”شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ جولىمەن ءجۇرۋ“
□ شينحۋا اگەنتتىگىنىڭ تىلشىلەرى جوۋ رۇي، جاڭ شياۋجيە
48 - كەزەكتى دۇنيە جۇزىلىك شەبەرلىك جارىسىنىڭ باستالۋىنا ءبىر اي ۋاقىت قالدى. 70كە جۋىق مەملەكەت پەن رايوننان شامامەن 1400 شەبەر جۇڭگونىڭ شاڭحايىندا باس قوسىپ، باسەكەلىك سالتاناتتى جينالىسقا قاتىناسادى.
2017 - جىلى باس شۋجي شي جينپيڭ بەينە ەكران ارقىلى دۇنيە جۇزىلىك شەبەرلىك ۇيىمىنىڭ بارلىق مۇشەلەر جينالىسىندا ارناۋ ءسوز سويلەپ، بىلاي دەپ اتاپ كورسەتتى: دۇنيە جۇزىلىك شەبەرلىك جارىسىنىڭ جۇڭگودا وتكىزىلۋى جۇڭگونىڭ ءار ەلمەن شەبەرلىك سالاسىنداعى اۋىس - كۇيىسىن، ءوزارا ۇلگى الۋىن ىلگەرىلەتۋگە ءتيىمدى، جۇڭگوداعى بۇكىل ەل حالقىن، اسىرەسە، 200 ميلليونعا جۋىق جاستار مەن ورەندەردى شەبەرلىك قيمىلىنا نازار اۋدارۋعا، ونى قىزۋ سۇيۋگە، وعان ات سالىسۋعا جەتەكتەپ، جۇڭگو حالقىنىڭ دۇنيە جۇزىلىك شەبەرلىك سپورتىنىڭ دامۋىنا ۇلەس قوسۋىنا وراي جاراتادى.
دۇنيە جۇزىلىك شەبەرلىك جارىسى − شەبەر دارىندىلاردىڭ ”جۇلدىزدى ءساتى“. 2010 - جىلى دۇنيە جۇزىلىك شەبەرلىك ۇيىمىنا كىرگەننەن بەرى ەلىمىز 7 كەزەك دۇنيە جۇزىلىك شەبەرلىك جارىسىنا قاتىناسىپ، ءۇرتىس 4 كەزەك التىن مەدال تاقتاسىندا، توپتىق جالپى نومىردە دۇنيە ءجۇزى بويىنشا ءبىرىنشى ورىندى يەلەدى. كوپ جىلدان بەرى توپ - توپ تاڭداۋلى جاستار شەبەرلىك ۇيرەنۋ، جارىسقا قاتىناسۋ ارقىلى ەسەيىپ - ەرجەتىپ، دارىندى بولىپ، تاماشا ءومىردى جۇزەگە اسىرىپ، شەبەر دارىندىلار قوسىنىنىڭ كولەمىن كەڭەيتۋگە، قۇرىلىمىن ساپالىلاندىرۋعا، ساپاسىن جوعارىلاتۋعا جەتەكشىلىك ەتتى، دەم بەردى.
باس شۋجي شي جينپيڭ ەلىمىز شەبەر ساڭلاقتارىنىڭ 45 - كەزەكتى دۇنيە جۇزىلىك شەبەرلىك جارىسىندا تاماشا ناتيجەگە قول جەتكىزگەندىگى جونىندە ماڭىزدى نۇسقاۋ بەرىپ، تۇتاس قوعامدا كەمەلدەندىرە ءتۇسۋ سىندى ۇستا رۋحىن ساۋلەلەندىرىپ، قالىڭ جاستاردى شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ جولىمەن جۇرۋگە شابىتتاندىرۋ كەرەكتىگىن باسا دارىپتەدى.
شەبەر دارىندىلار − جۇڭگو جاساۋىنا، جۇڭگو جاسامپازدىعىنا تىرەك بولاتىن ماڭىزدى كۇش. باس شۋجي شي جينپيڭ جاس شەبەر دارىندىلاردىڭ ەسەيىپ - ەرجەتۋىنە باستان - اياق كوڭىل ءبولىپ، قامقورلىق جاساپ كەلەدى.
2015 - جىلى گۇيجوۋ ولكەلىك مەحانيكا - ونەركاسىپ مەكتەبىنىڭ ناقتى جاتتىعۋ بازاسىندا باس شۋجي وقۋشىلاردى: ”ءار سالا، ءار كاسىپ قىرۋار عىلىم - تەحنولوگيا دارىندىلارىن قاجەت ەتەدى، سونداي - اق زور توپتاعى شەبەر دارىندىلاردى دا قاجەت ەتەدى، كوپشىلىك ءوز بولاشاعىنا تولىق سەنىم ارتۋى كەرەك“ دەپ شابىتتاندىردى؛
2019 - جىلى گانسۋ ولكەسى جاڭيە قالاسىنىڭ شاندان پەيلي مەكتەبىندە باس شۋجي بىلاي دەپ اتاپ كورسەتتى: ”ەلىمىز ەكونوميكاسى ناقتى ەكونوميكانى تىرەك ەتۋگە سۇيەنۋى كەرەك، بۇل قىرۋار كاسىبي تەحنولوگيالىق دارىندىلاردى قاجەت ەتەدى، كوپتەگەن ءىرى ەل ۇستالارىن قاجەت ەتەدى. كاسىپتىك وقۋ - اعارتۋدىڭ كەلەشەگى جارقىن، بولاشاعى نۇرلى“؛
2021 - جىلى فۋجيان ولكەسى فۋجوۋ قالاسى مينجياڭ شۋەيۋانىندا باس شۋجي ”قوعامعا قاجەتتى دارىندىلار پراميدا فورماسىندا بولادى. جوعارى مەكتەپتەر زەرتتەۋ تيبىندەگى دارىندىلاردى تاربيەلەۋمەن بىرگە، قولدانىلمالى مەكتەپ باسقارۋ ۇستانىمىن ورناتىپ، جاس ۇرپاقتاردى قوعامنىڭ قاجەتىنە ۇيلەسەتىن شەبەرلىككە باۋلۋى كەرەك“ دەپ باسا دارىپتەدى؛
...
جاستاردىڭ شەبەرلىكتى جوعارىلاتۋ، شەبەرلىكتى زەرتتەۋ ىنتاسىن تاسقىنداتىپ، شەبەرلىك دارىندىلارىن تاربيەلەۋ، ىستەتۋ، باعالاۋ، شابىتتاندىرۋ ءتۇزىمىن اقاۋسىزداندىرۋ كەم بولسا بولمايدى.
”اۋىل - قىستاق وڭىرلەرىنىڭ، ۇلتتار ءوڭىرىنىڭ، كەدەي وڭىرلەردىڭ كاسىپتىك وقۋ - اعارتۋىنا قولداۋ كورسەتۋ تەبىنىن ارتتىرۋ“، ”كاسىپتىك وقۋ - اعارتۋدىڭ ءتۇرىن، ورنىن تۇراقتاندىرۋدى ساپالىلاندىرىپ، ءوندىرىس پەن وقىتۋدىڭ توعىسۋىن، مەكتەپ پەن كاسىپورىننىڭ سەلبەستىگىن تەرەڭدەتۋ“، ”شەبەر دارىندىلاردىڭ مامىلە دەڭگەيىن جوعارىلاتىپ، شەبەر دارىندىلاردىڭ كاسىپتىك دامۋ ارناسىن ىركىلىسسىزدەندىرىپ، شەبەر دارىندىلاردى شابىتتاندىرۋ ساياساتىن كەمەلدەندىرۋ“... باس شۋجي شي جينپيڭ دامۋ قاجەتىنە ۇيلەسەتىن اناعۇرلىم كوپ شەبەر دارىندىلاردى تاربيەلەۋ جونىندە ايقىن باعدار كورسەتتى.
تاياۋدا 48 - كەزەكتى دۇنيە جۇزىلىك شەبەرلىك جارىسىنا قاتىناساتىن جۇڭگو ۋاكىلدەر ۇيىرمەسى رەسمي قۇرىلدى، جارىسقا قاتىناساتىن 71 شەبەردىڭ ورتاشا جاسى 21 جاس، جۇڭگو اتىنان بارلىق 64 تۇردەگى جارىسقا قاتىناسىپ، جۇڭگو شەبەر دارىندىلارىنىڭ شەبەرلىك كەلبەتىن ايگىلەيدى.
”تاڭداۋلى داستۇرگە مۇراگەرلىك ەتىپ، داۋىرمەن بىرگە العا باسىپ، مۇقيات ۇيرەنىپ، اناعۇرلىم كوپ قولدانىلمالى شەبەرلىك يگەرىپ، مەملەكەتكە جارامدى، مەملەكەت قاجەت ەتەتىن دارىندىلاردان بولۋعا قۇلشىنىڭدار“. باس شۋجي شي جينپيڭنىڭ ىقىلاستى تاپسىرماسى جۇڭگو جاس ەڭبەكشىلەرىن اناعۇرلىم تاسقىنداعان ىنتامەن، اناعۇرلىم اسقاق جىگەرمەن شەبەرلىك ارقىلى دارىندى بولۋ، شەبەرلىك ارقىلى وتان ءۇمىتىن اقتاۋ سىندى كۇرەس جولىندا ۇمتىلا العا تارتۋعا جىگەرلەندىرۋدە.
(شينحۋا اگەنتتىگىنىڭ 8 - ايدىڭ 23 - كۇنى شاڭحايدان بەرگەن حابارى)
