بۇيرىقتى ەستي سالا اتتانىپ، ءتۇرلى قيىندىقتاردى جەڭدى
− ازاتتىق ارميا جانە قارۋلى ساقشى بولىمدەرى ءتوراعا شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، تياناقتاندىرىپ، شيزاڭنىڭ جيلۇڭ اۋدانىندا تۋىلعان لاي كوشكىنى اپاتىنداعى قاتەردەن اراشالاۋ، قۇتقارۋ - كومەكتەسۋ قىزمەتىن ورىستەتتى
□ شينحۋا اگەنتتىگىنىڭ تىلشىلەرى ليۋ ي، حۋاڭ يچىن، ليۋ يانميڭ
بۇل توسىن تۋىلعان اپات بولدى: 8 - ايدىڭ 26 - كۇنى ساعات 10نان 30 مينۋت وتكەندە نەپال جاقتا لاي كوشكىنى اپاتى تۋىلعاندىقتان، شيزاڭ رىكازى قالاسى جيلۇڭ اۋدانىنىڭ جيلۇڭ شەكارا وتكەلىندە اۋىر ءولىم - ءجىتىم تۋىلىپ، ادامدار دەرەكسىز كەتتى.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ وسكەلەڭ ءمان بەرىپ، دەرەۋ ماڭىزدى نۇسقاۋ بەرىپ، بىلاي دەپ اتاپ كورسەتتى: كەزەكتەگى شۇعىل مىندەت − دەرەكسىز كەتكەندەردى ءتۇرلى ءادىس - امالدارمەن ىزدەپ - قۇتقارىپ، حاۋىپكە ۇشىراعان بۇقارانى كوشىرىپ ورنالاستىرىپ، جارالىلاردى قۇتقارۋدى، ەمدەۋدى مىقتى يگەرىپ، ءولىم - ءجىتىمدى ەڭ جوعارى شەكتە ازايتۋ قاجەت. باقىلاۋ - ولشەۋدى، ساقتاندىرۋدى كۇشەيتىپ، عىلمي قۇتقارۋعا ءمان بەرىپ، قوسالقى اپاتتاردىڭ تۋىلۋىنان ساقتانۋ كەرەك.
باتىس بولىك سوعىس رايونى شۇعىل جاعدايعا توتەپ بەرۋگە ءۇن قوستى! شيزاڭ اسكەري رايونى، قارۋلى ساقشى شيزاڭ باس اترەتى شۇعىل جاعدايعا توتەپ بەرۋگە ءۇن قوستى! ازاتتىق ارميا مەن قارۋلى ساقشى بولىمدەرىندەگى نەشە جۇزدەگەن وفيتسەر - اسكەر بۇيرىقتى ەستي سالا اتتانىپ، قاتەردەن اراشالاۋعا، قۇتقارۋ - كومەكتەسۋگە ات سالىسىپ، گيمالاي تاۋى ورتا بولەگىنىڭ وڭتۇستىك باۋرايىنداعى جيلۇڭ شەكارا وتكەلىنە قاراي تارتتى.
(1)
8 - ايدىڭ 26 - كۇنى ساعات 11دەن 50 مينۋت وتكەن مولشەردە قارۋلى ساقشى رىكازى تارماق اترەتىنىڭ جيلۇڭ قالاشىعىندا تۇراتىن وفيتسەر - اسكەرلەر الدىن الا بارىپ جيلۇڭ شەكارا وتكەلىنىڭ جاعدايىن بارلاۋ بۇيرىعىن تاپسىرىپ الدى. ليۋ لاچۇن مەن 2 بارلاۋشى شەكارا وتكەلىنەن 3 كيلومەتر قاشىقتىقتا لاي كوشكىنى ءتۇسىپ، وزەن اڭعارىنداعى 216 - مەملەكەت تاس جولىن توسىپ قالعانىن كوردى.
شيزاڭ اسكەري رايونى جيلۇڭ شەكارا قورعانىس ليانىندەگى لين جيڭ - ي، گۇڭگا جياسان، لۋ بين، ۋي شياۋلياڭ قاتارلى 4 وفيتسەر - اسكەر دە وسى ارادا توقتاپ قالدى. جول جوق بولعاندىقتان ولار ەكى جاقتاعى تاۋعا قاراي ورمەلەپ، تاۋ جوتاسىمەن توقتاۋسىز ءجۇرىپ، بارلاۋ ناتيجەسىن جوعارىعا مالىمدەدى.
كوپ ارنالى ينفورماتسيا باتىس بولىك سوعىس رايونى بىرلەسكەن قولباسشىلىق ورتالىعىنا جينالىپ، ءارقايسى ورىن قاربالاس، ءتارتىپتى تۇردە اپات تۋىلعان ءوڭىردىڭ اسكەري كۇشى، ەمدەۋ، قاتىناس سياقتى ءىس جۇزىندىك جاعدايىمەن ۇشتاستىرىپ قاتەردەن اراشالاۋ، قۇتقارۋ - كومەكتەسۋ مىندەتىن عىلمي ورنالاستىردى −
شيزاڭ اسكەري رايونى الدىڭعى شەپ قولباسشىلىق گرۋپپاسىن اپات بولعان وڭىرگە جىبەردى ءارى شۇعىل جاعدايعا توتەپ بەرۋ قۇتقارۋ - كومەكتەسۋ كۇشتەرىن شۇعىل اتتاندىردى؛ شيزاڭ رىكازى بولىمشە اسكەري رايونى بەلگىلى بولىمىنەن 130 نەشە ادام جانە قۇرىلىس ماشينا جابدىقتارى اتتانۋعا ساقاداي ساي تۇردى؛ قارۋلى ساقشى شيزاڭ باس اترەتى رىكازى تارماق اترەتىندەگى 140 نەشە وفيتسەر - اسكەر كاسىپتىك اپاتتان قۇتقارۋ جابدىقتارىن الىپ ءبىرىنشى شەپكە اتتاندى...
سوعىس رايونى اۋە ارمياسىنىڭ بەلگىلى ءبولىمى بۇيرىق بويىنشا باقىلاۋ - ولشەۋدى، ساقتاندىرۋدى كۇشەيتتى. جاساندى سەرىك بۇلت سۋرەتى، راداردىڭ قايتپا تولقىنى، جەر بەتى باقىلاۋ پۋنكتىنىڭ دەرەكتەرى جانە سيفرلى الدىن الا مالىمەت بەرۋ ونىمدەرىمەن ۇشتاستىرىپ، ءۇستىرت اۋا رايىن زەرتتەۋمەن 20 جىلعا جۋىق شۇعىلدانعان گاندۇڭ تىرەكتى كادرلاردى باستاپ تۇجىرىم جاساۋعا كىرىستى.
”ءدال قازىر چيڭحاي − شيزاڭ ءۇستىرتىنىڭ جاڭبىرلى ماۋسىمى، تۇستەن كەيىن كونۆەكتسيا وزگەرىسى تەزدەپ، اۋە جولىندا جاڭبىرلى تۇيدەك بۇلت جانە ناجاعايلى جاڭبىر وتە وڭاي پايدا بولادى“. گاندۇڭ بىلاي دەدى: ”اۋا رايى جاعىندا قامتاماسىز ەتۋدى تاسىمال ۇشاعى، تىك ۇشاق، ۇشقىش اپپارات سياقتى تۇرلىشە ۇشاق تۇرلەرىنە باعىتتاي وتىرىپ، ءدال ۋاقىتىندا جەدەل جاڭالاۋ كەرەك“.
8 - ايدىڭ 26 - كۇنى ساعات 20 مولشەرىندە ۇستىرتتەگى بەلگىلى اۋەجايدا قىسقا ۋاقىت ورنىقتى اۋا رايى جارىققا شىقتى، سوعىس رايونى اۋە ارمياسىنىڭ ۇشقىش اپپاراتى ۇشۋعا بولاتىن ۋاقىت ورايىن مىقتى يگەرىپ، جيلۇڭ شەكارا وتكەلىنە بارىپ بارلاۋ جۇرگىزدى.
وسى كەزدە رىكازى قالالىق قوعام حاۋىپسىزدىگى مەكەمەسى جيلۇڭ شەكارا وتكەلى بولىمشە مەكەمەسىندە ۋاقىتتىق قولباسشىلىق ورنى قۇرىلىپ، ارميا مەن جەرگىلىكتى ورىننىڭ قۇتقارۋ - كومەكتەسۋ كۇشتەرىن ءبىر تۇتاس جوسپارلاپ سايكەستىردى. لين جيڭ - ي مەن ليۋ لاچۇن تۇستەن كەيىن شەكارا وتكەلى جاققا قايتا - قايتا ىشكەرىلەي بارىپ سول ارادا بارلاۋ جۇرگىزۋ جاعدايىنان مالىمەت بەرىپ: جيلۇڭ شەكارا وتكەلىنىڭ جوعارعى اعارىندا بوگەت كول پايدا بولدى، جەر قۇرىلىمى تۇراقسىز، تومەنگى اعارداعى قۇتقارۋ - كومەكتەسۋ جۇمىسىنا حاۋىپ توندىرۋدە، جول اشۋ توتەنشە قيىن، - دەدى.
”سوڭعى شەكتە ويلاۋعا، تومەنگى شەكتە ويلاۋعا تاباندى بولامىز، ءبىز ەڭ قيىن جاعدايدى تياناق ەتىپ، مىندەت دايىندىعىن جاسادىق“. رىكازى بولىمشە اسكەري رايونىنىڭ باسشىسى بىلاي دەپ تانىستىردى: ”ءبىرىنشى، سىرتتا جۇرگەن بارلىق ادامدى شاقىرىپ اكەلىپ ۇيىمداستىرۋدى، قولباسشىلىق ەتۋدى كۇشەيتتىك؛ ەكىنشى، الدىڭعى شەپتە كۇزەت قويىپ اپات جاعدايىن قاداعالاي باقىلادىق؛ ءۇشىنشى، بولىمشە رايونداعى 130 نەشە ادامدىق كومەكشى كۇش قۇرىلىس ماشينا جابدىقتارىن الىپ جيلۇڭ قالاشىعىنا جەتىپ، الدىڭعى اسكەري بولىمدەرمەن بىرگە قاتەردەن اراشالاۋ، قۇتقارۋ - كومەكتەسۋ قىزمەتىن ورىستەتتى“.
(2)
بۇل ءتۇن ۇيقىسىز ءوتتى.
8 - ايدىڭ 27 - كۇنى تاڭ سارىدە باتىس بولىك سوعىس رايونى اۋە ارمياسىنىڭ بەلگىلى ءبولىمى ءبىر يۇن − 20 ۇشاعىن شىعارىپ، باتىس بولىك سوعىس رايونىنىڭ جەتەكشىلىك گرۋپپاسىن شيزاڭعا جەتكىزۋ جوسپارى بۇيرىعىن تاپسىرىپ الدى.
اپات دەگەنىمىز بۇيرىق. اپات تۋىلعاننان كەيىن بۇل اسكەري ءبولىم كوپتەگەن ىسىلعان ۇشاق قىزمەتكەرلەرى گرۋپپاسىن تاڭداپ الىپ، اۋە جولى جوباسى، ءۇستىرت اۋا رايى، زاپاس اۋەجاي سياقتىلاردى ارقاۋ ەتىپ زەرتتەۋ جۇرگىزدى. ۇشاق قىزمەتكەرلەرى ۇشاقتاردى جاپپاي تەكسەرىپ، قاتىستى پارامەترلەردى سىناقتان وتكىزدى ءارى يۇن − 20 ۇشاعىنىڭ قۇرىلىمىن اۋىستىرۋعا ۇيىمداستىرىپ، زات ورنىقتىرۋ قوندىرعىسى، ەمدەۋ - قۇتقارۋ قۇرىلعىلارى سياقتىلاردى كوبەيتىپ ورناتتى.
”بيىك ءۇستىرت اۋە جولى جايشىلىقتاعى ءبىزدىڭ ءتۇيىندى جاتتىعۋ ساباعىمىز“. يۇن − 20 ۇشاعىن جۇرگىزەتىن ۇشاق باستىعى: ”ءبىز قاي - قاشان دا دايىنبىز“، - دەدى.
تۇندەلەتىپ ادام تاڭداپ قۇرالعان شايقاس رايونى جەتەكشىلىك گرۋپپاسى ساعات 8دەن 2 مينۋت وتكەندە يۇن − 20 ۇشاعىنا وتىرىپ باتىس وڭتۇستىكتەگى بەلگىلى اۋەجايدان ۇشتى. ارميا مەن جەرگىلىكتى ورىننىڭ اۋە قاتىناسىن باسقارۋ تاراۋلارى ۋاقىتتى سايكەستىرىپ جوبالاۋ ارقىلى يۇن − 20 ۇشاق قىزمەتكەرلەرى كەڭىستىكتە قارقىندى ۇدەتە جاقىنداپ، قاۋىرت ۇشۋ ۋاقىت بولىگىنە سوقپاي، ساعات 10 مولشەرىندە شيزاڭنىڭ بەلگىلى ءۇستىرت اۋەجايىنا الدىن الا جەتتى.
سوعىس رايونى جەتەكشىلىك گرۋپپاسى دەرەۋ ناقتى ورىنعا بارىپ ارميانىڭ ءتۇرلى قۇتقارۋ - كومەكتەسۋ كۇشتەرىن جاپپاي ءبىر تۇتاس جوسپارلاپ ورنالاستىرىپ، قاتەردەن اراشالاۋ، قۇتقارۋ - كومەكتەسۋ مىندەتىن ءبىر تۇتاس جوسپارلاپ ورنالاستىردى −
شيزاڭ اسكەري رايونىنىڭ الدىڭعى شەپ قولباسشىلىق گرۋپپاسى اپات جاعدايىن ۇستىندە بارلاپ، جاعدايعا تۇجىرىم جاساپ، جەرگىلىكتى ورىنمەن سەلبەسىپ ءتۇرلى قاتەردەن اراشالاۋ، قۇتقارۋ - كومەكتەسۋ مىندەتىن ىلگەرىلەتتى؛ ازاتتىق ارميا مەن قارۋلى ساقشى بولىمدەرىنەن جيىنى 500دەن استام ادام (رەت)، نەشە ونداعان اۆتوكولىك قۇتقارۋ - كومەكتەسۋ قيمىلىنا قاتىناستى؛ شيزاڭ اسكەري رايونىنىڭ بەلگىلى لۇيى وتكەرمەلەپ تاسىعان تۇڭعىش زات جەتكىزۋ اۆتوموبيلى تاڭەرتەڭ ەرتە جيلۇڭ قالاشىعىنا جەتىپ، ماقتالى شاتىر، بۇكتەمەلى توسەك، سىزدان ساقتانۋ توسەنىشى سياقتى 9000نان استام زاتتى شۇعىل تاسىمالدادى؛ شيزاڭ اسكەري رايونى باس شيپاحاناسىنىڭ شۇعىل جاعدايعا توتەپ بەرۋ ەمدەۋ اترەتى شۇعىل جاعدايعا توتەپ بەرۋ، ىزدەۋ، قۇتقارۋ، ءبىر جاقتى ەتۋ، شۇعىل وپەراتسيا جاساۋ، اۋىر جارالانعانداردى قۇتقارۋ، ەمدەۋگە قاتىستى ەمدەۋ جابدىقتارىن تولىقتاپ، جينالىپ بۇيرىق كۇتتى.
جول توسىلعان، توك توقتاعان، ينتەرنەت ۇزىلگەن شارت - جاعدايدا جۇرتتى ەڭ الاڭداتقانى تاعى دا اپاتقا ۇشىراعان ءتۇيىندى ءوڭىردىڭ جاعدايى بولدى. 8 - ايدىڭ 27 - كۇنى ساعات 13 مولشەرىندە اسپاننان گۇرىلدەگەن داۋىس ەستىلدى، شيزاڭ اسكەري رايونى بەلگىلى قۇرلىق اۋە لۇيىنىڭ 2 تىك ۇشاعى جيلۇڭ شەكارا وتكەلىنىڭ اۋە كەڭىستىگىنە ۇشىپ باردى.
ۇشقىش سۋ ۋيلۇڭ بۇرىن ديڭرى جەر سىلكىنىسىندە قاتەردەن اراشالاۋ، اپاتتان قۇتقارۋ مىندەتىن اتقارعان، وسى جولى تاعى دا سوعىس سۇڭقارىن جۇرگىزىپ ءبىرىنشى شەپكە اتتاندى. ول بىلاي دەدى: ”ۇستىرتتە اۋا اعىسى ورتاسى كۇردەلى، ۇشقاننان كەيىن جاۋىن - شاشىنعا، بۇلت جامىلعان تاۋ سياقتى جاعدايلارعا جولىقتىق، ۇشۋدان بۇرىنعى تولىق دايىندىق كورۋدىڭ جانە اۋا رايىنان دالمە - ءدال الدىن الا مالىمەت بەرۋدىڭ ارقاسىندا ءبىز كۇردەلى جەر بەدەرىنەن ءساتتى ءوتىپ، اپات جاعدايىن بارلاۋ، قۇتقارۋ جولىن بەلگىلەۋ سياقتى مىندەتتەردى ءساتتى ورىندادىق“.
تىك ۇشاقتىڭ تەرەزەسىنەن سىرتقا كوز جىبەرگەندە، اڭعار - قۇلاما قۇزدار كورىنەدى، ماڭايىندا ءالى دە ءبىرسىپىرا مۇزدىق، مۇز كولدەر جاتقان، گەولوگيالىق اپات كومەسكى قاتەرى بار ەدى، جيلۇڭ شەكارا وتكەلىندەگى قۇرىلىستاردى لاي - باتپاق باسىپ قالعان، جول اۋىر دارەجەدە ءبۇلىنىپ، قاتەردەن اراشالاۋ، قۇتقارۋ - كومەكتەسۋ اسا زور قيىنشىلىققا تاپ بولعان ەدى.
(3)
كەزەكتەگى شۇعىل مىندەت دەرەكسىز كەتكەندەردى ءتۇرلى ءادىس - امالدارمەن ىزدەپ - قۇتقارۋ بولدى.
جيلۇڭ شەكارا وتكەلى جۇڭگو − نەپال شەكارا ساۋداسىنىڭ ماڭىزدى ارناسى، مەملەكەتتىك 1 - تۇردەگى قۇرلىق جولى شەكارا وتكەلىنە جاتادى، ساۋداسى شوعىرلى، قىزمەتكەرلەر مەن قۇرىلىس قۇرىلعىلارى كوپ.
حالىقتى بارىنەن جوعارى قويدى، ءومىردى بارىنەن جوعارى قويدى. 8 - ايدىڭ 28 - كۇنى كۇنى تاڭەرتەڭ جەرگىلىكتى ورىنداعى قولباسشىلىق شتابىنىڭ تالابى بويىنشا اسكەري بولىمدەر باتىل ارەكەت جاسادى −
قۇرلىقتا ازاتتىق ارميا مەن قارۋلى ساقشى بولىمدەرىنىڭ قۇتقارۋ - كومەكتەسۋ كۇشتەرى ءتىرى قالعانداردى بارلاۋ اسپابى مەن ۇشقىشسىز ۇشاق سياقتى جابدىقتاردى الىپ جيلۇڭ شەكارا وتكەلىنە قاراي ىلگەرىلەپ، ادامداردى ىزدەۋ، قۇتقارۋ، جول اشۋ، لاي - باتپاقتى ارشۋ سياقتى مىندەتتەردى اتقاردى، بارلاۋدى، ءبىر - بىردەن تەكسەرۋدى، گەولوگيالىق حاۋىپ - قاتەر مەن قاتىناۋ شارت - جاعدايىن تەكسەرۋدى ءبىر ۋاقىتتا ورىستەتتى.
قارۋلى ساقشى شيزاڭ باس اترەتى رىكازى تارماق اترەتىندەگى لي چيپۋ بىلاي دەدى: ”ءبىز ۇيىمداستىرۋى قاتاڭ، تۇتقيىل سوققىلاۋ قۋاتى كۇشتى بولۋداي ارتىقشىلىعىمىزدى تولىق ساۋلەلەندىرىپ، مىندەت جاپالى جەرلەردە قامال الىپ جۇمىس جۇرگىزدىك“.
اۋەدە باتىس بولىك سوعىس رايونى اۋە ارمياسىنىڭ ءبىر ۇشقىش اپپاراتى ءبىر ۋاقىتتا بارلاۋ جۇرگىزدى. ناقتى ۋاقىتتا جولدانعان سۋرەتتە كورسەتىلۋىنشە، بەلگىلى قارلى تاۋدان كوشكىن ءتۇسىپ، ودان پايدا بولعان مۇز پارشالارى بوگەت كولگە قۇيىلعان. سوعىس رايونى اۋە ارمياسى دەرەۋ حابارلاپ ساقتىق دابىلىن قاقتى. قولباسشىلىق قۇرىلىمى جاعدايدان حابار تاۋىپ تۇجىرىم جاساعاننان كەيىن، ارميا مەن جەرگىلىكتى قاتىستى تاراۋلاردىڭ شۇعىل جاعدايعا توتەپ بەرۋ بويىنشا بىتىراتىپ ورنالاستىرۋ قىزمەتىن ويداعىداي ىستەۋىنە جەتەكشىلىك ەتتى.
”ءبىز ءۇرتىس 3 كۇن بويى ۇشقىش اپپارات ۇشىرىپ، اپاتقا ۇشىراعان وزەكتى رايونعا ۇزاق ۋاقىت ۇشىپ، كەڭ كولەمدە، جاقىن ارالىقتا بارلاۋ جۇرگىزىپ، بوگەت كول مەن توڭىرەگىندەگى تاۋلاردىڭ بەرىكتىگىنە قاداعالاي نازار اۋدارىپ، قوسالقى اپات تۋىلۋ حاۋىپ - قاتەرىنە تۇجىرىم جاساپ، ءار دارەجەلى قاتەردەن اراشالاۋ، اپاتتان قۇتقارۋعا ۇزدىكسىز عىلمي دەرەك تىرەگىن ازىرلەدىك“، - دەپ تانىستىردى سوعىس رايونى اۋە ارمياسى بەلگىلى ءبولىمىنىڭ جاۋاپتىسى.
8 - ايدىڭ 28 - كۇنى ساعات 10 مولشەرىندە حاۋىپ - قاتەر العاشقى ادىمدا الاستالعاننان كەيىن، قۇتقارۋ - كومەكتەسۋ قىزمەتى قاۋىرت ورىستەتىلدى. باتىس بولىك سوعىس رايونى جەتەكشىلىك گرۋپپاسى مەن مىندەت وتەپ جاتقان اسكەري بولىمدەردىڭ قولباسشىلارى اپات جاعدايىن ۇزدىكسىز بارلاپ، ءبىر جاقتى ەتۋ جوباسىنا تۇجىرىم جاساپ، اسكەري بولىمدەردىڭ ۇزدىكسىز ارەكەت جاساۋىنا قولباسشىلىق ەتىپ، كەيىنگى قۇتقارۋ - كومەكتەسۋ مىندەتىنىڭ ورنىقتى ىلگەرىلەۋىنە نەگىز قالادى.
بارلىق جەردى الىپ جاتقان قۇي - باتپاق، قورىم تاستاردىڭ اراسىنا نارت قىزىل پارتيا تۋى تىگىلدى. شيزاڭ اسكەري رايونى رىكازى بولىمشە اسكەري رايونىنداعى شۇي شيڭگو پارتيا مۇشەلەرى اتويشىلدار اترەتىنىڭ ءبىر مۇشەسى. ولار كۇرەك - قايلالارىن سەرمەپ، ءىرى تۇرپاتتى قۇرىلىس ماشينالارىمەن سايكەسىپ جول اشتى. 100 مەتر، 500 مەتر، 800 مەتر... جيلۇڭ شەكارا وتكەلىنە ىشكەرىلەي كىردى.
”ءبىز، ءسوز جوق، باتىل دا پارمەندى شارامەن، عىلمي، جوعارى ءونىمدى ءادىس - امالمەن ءتۇرلى قىزمەتتەردى ويداعىداي تىڭعىلىقتى ىستەيمىز“. باتىس بولىك سوعىس رايونى جەتەكشىلىك گرۋپپاسىنداعى دىڭ ۋي بىلاي دەدى: ”قازىر قاتەردەن اراشالاۋ، قۇتقارۋ - كومەكتەسۋ قىزمەتى قاربالاس، ءتارتىپتى ورىستەتىلۋدە، بۇقارانى ورنالاستىرۋ، سوڭعى جۇمىستاردى ىڭعايلاستىرۋ سياقتى قىزمەتتەر جاپپاي قولعا الىندى“.
جيلۇڭ اۋدانى جيفۋ قىستاعىنداعى ۋاقىتشا ورنالاستىرۋ تۇيىنىندە شيزاڭ اسكەري رايونى بەلگىلى ءبولىمىنىڭ ەمدەۋ شاعىن بولىمشە اترەتى شاتىر، دەنساۋلىق ساقتاۋ ءدارى - دارمەگى سياقتى زاتتاردى الىپ وسى اراعا كوشىرىپ ورنالاستىرىلعان اپاتقا ۇشىراعان بۇقاراعا ەمدەۋ، ءدارى - دارمەك جەتكىزىپ، قاتىستى قىزمەتتەردى تىڭعىلىقتى، ەگجەي - تەگجەيلى، ويداعىداي ىستەدى.
بۇيرىقتى ەستي سالا بار قايراتپەن اتتاندى. ازاتتىق ارميا مەن قارۋلى ساقشى بولىمدەرىنىڭ وفيتسەر - اسكەرلەرى قاتەردەن اراشالاۋ، اپاتتان قۇتقارۋدىڭ ءبىرىنشى شەبىندە ۇزدىكسىز ەرلىكپەن شايقاس جاساپ، قىزمەت مىندەتى مەن بورىشىن ادالدىقپەن اتقارۋدا.
(شينحۋا اگەنتتىگىنىڭ 8 - ايدىڭ 28 - كۇنى لحاسادان بەرگەن حابارى)
