ورايدان بىرگە يگىلىكتەنىپ، دامۋدى بىرگە جوسپارلادى
− ءتوراعا شي جينپيڭ الەمدىك دامۋ باستاماسىنىڭ شاڭحاي سەلبەستىك ۇيىمىنداعى ەلدەردە تياناقتانىپ تامىر تارتىپ، وڭىردەگى ءار ەل حالقىن باقىتقا كەنەلتۋىن ىلگەرىلەتۋگە جەتەكشىلىك ەتتى
□ شينحۋا اگەنتتىگىنىڭ تىلشىلەرى چياۋ جيحۇڭ، دىڭ چيان، جوۋ سىيۇي
دامۋ بارلىق ماسەلەنى شەشۋدىڭ باس كىلتى.
”جۇڭگونىڭ الەمدىك دامۋ باستاماسىن العا قويۋى حالىقارالىق قوعامنىڭ دامۋ ماسەلەسىنە وسكەلەڭ ءمان بەرىپ، الەمدىك دامۋ سەرىكتەستىك قاتىناسىن ورناتۋدى ىلگەرىلەتىپ، اناعۇرلىم تەبىندى، جاسىل، اقاۋسىز الەمدىك دامۋدى جۇزەگە اسىرۋىن ءۇمىت ەتۋ بولماق. جۇڭگو ءار جاقپەن بىرگە باستامانىڭ وسى وڭىردە تياناقتانىپ تامىر تارتۋىن ىلگەرىلەتىپ، ءار ەلدىڭ باياندى دامۋدى جۇزەگە اسىرۋىنا دەم بەرۋدى قالايدى“. 2022 - جىلى ءتوراعا شي جينپيڭ شاڭحاي سەلبەستىك ۇيىمىنىڭ سامارحان باسشىلار ماجىلىسىندە وسىلاي دەدى.
الەمدىك دامۋ باستاماسى العا قويىلعان 5 جىلدان بەرى ءداۋىر اعىمىنا سايكەسىپ، ءار ەل حالقىنىڭ تاماشا تۇرمىسقا دەگەن تالپىنىسىنا جاۋاپ قايتارىپ، دامۋ بارىسىنداعى حاۋىپ - قاتەرلەر مەن سىن - سايىستارعا بەتپە - بەت كەلىپ، شاڭحاي سەلبەستىك ۇيىمى ۇلكەن شاڭىراعى مۇشەلەرىنىڭ ايرىقشا قۇپتاۋىنا جانە بەلسەنە ءۇن قوسۋىنا يە بولدى.
5 جىلدان بەرى، شاڭحاي سەلبەستىك ۇيىمىنا مۇشە ەلدەر ”شاڭحاي رۋحىنىڭ“ جەتەكشىلىگىندە، ناقتى ىستەر سەلبەستىگى ارقىلى الەمدىك دامۋ باستاماسىندا العا قويىلعان ماڭىزدى ۇستانىمداردى امالياتتا ايگىلەپ، وسى باستامانى تياناقتاندىرۋدىڭ ماڭىزدى تۇعىرىنا اينالىپ، كورشىلەس ەلدەرمەن سەرىكتەسەتىن ءبىراق وداقتاسپايتىن، حاۋىپسىزدىكتى، ورنىقتىلىقتى بىرگە ساقتايتىن، دامۋدى، گۇلدەنۋدى بىرگە جەبەيتىن جاڭاشا وڭىرلىك سەلبەستىك ۇلگىسىن قاراستىرىپ، ءار ەلدىڭ بىرگە دامۋىنا، حالىقتىڭ باقىتتى دا تاماشا تۇرمىس كەشىرۋىنە ۇزدىكسىز قۋاتتى قوزعاۋشى كۇش ۇستەدى.
ءار ەل ەكونوميكاسىنىڭ توعىسۋى مەن جەتىستىكتەردەن ورتاق يگىلىكتەنۋىن جەبەدى
2013 - جىلدان بەرى، ءتوراعا شي جينپيڭ ءار جىلى شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ ماجىلىسىنە قاتىناستى ءارى ماڭىزدى ءسوز سويلەدى.
”جاڭالىق اشا، سايكەستى، جاسىل، اشىق، بىرگە يگىلىككە كەنەلەتىن دامۋ كوزقاراسىن قۋاتتاۋدان“ ”وسى ۇيىمدى مۇشە ەلدەردىڭ بىرگە گۇلدەنىپ - كوركەيۋىن جۇزەگە اسىرۋداعى سەنىمدى سۇيەنىشىنە اينالدىرۋعا“ دەيىن؛ ”ەسىك اشۋ، توعىسۋ جولىمەن ءجۇرۋدى“ دارىپتەۋدەن ”دامۋ ۇقىعىن قورعاۋدى“ باسا دارىپتەۋگە دەيىن؛ ىنتىماقتى، ءوزارا سەنىمدى، بەيبىت، تىنىش، گۇلدەنىپ - دامىعان، تاتۋ كورشى، دوس بولىپ وتەتىن، ءادىل دە ادىلەتتى ورتاق مەكەن قۇرۋدان ”بىرگە اقىلداسۋ، بىرگە قۇرۋ، بىرگە يگىلىكتەنۋ بارىسىندا وڭىرلىك دامۋدىڭ قوزعالىس قۋاتىن كۇشەيتىپ، حالىقتىڭ قۇت - ىرىسىن ارتتىرۋعا“ دەيىن ءتوراعا شي جينپيڭنىڭ شاڭحاي سەلبەستىك ۇيىمىنا جاساعان جوباسى مەن ويى ادامزاتتىڭ ورتاق مۇددەسىن باستان - اياق كوزدەپ، دامۋ سىندى ءتۇبىرلى ماسەلەگە باستان - اياق نازار اۋدارىپ، ءار ەلدىڭ بىرگە دامۋىنا وراي ازىرلەۋگە، قوزعاۋشى كۇش ۇستەۋگە كۇش سالدى.
5 جىل ىلگەرى وڭىرلىك قاقتىعىس شيەلەنىسكەن، ساۋدا قاجالىسى كۇرت ارتقان، الەمدىك ەكونوميكانىڭ تۇراقسىزدىعى جوعارىلاعان كۇردەلى جاعداي الدىندا، ءتوراعا شي جينپيڭ 76 - كەزەكتى بىرلەسكەن مەملەكەتتەر ۇيىمى جينالىسىنىڭ جاي تالقىسىندا الەمدىك دامۋ باستاماسىن بايىپتىلىقپەن العا قويىپ، الەمدىك دامۋ ىستەرىن جەبەۋگە ”جۇڭگو جوباسىن“ ارنادى.
”دامۋدى الدىمەن ويلاستىرۋعا تاباندى بولۋ“، ”حالىقتى وزەك ەتۋگە تاباندى بولۋ“، ”جالپىعا ءتيىمدى، سيىسىمدى بولۋعا تاباندى بولۋ“، ”جاڭالىق اشۋ ارقىلى دەم بەرۋگە تاباندى بولۋ“، ”ادام مەن تابيعاتتىڭ جاراسىمدى قاتار ءومىر سۇرۋىنە تاباندى بولۋ“، ”ارەكەت بەتالىسىنا تاباندى بولۋ“ − الەمدىك دامۋ باستاماسىنداعى 6 ”تاباندى بولۋدىڭ“ وزەكتى مازمۇنى، ”دامۋ − ءار ەلدىڭ ماقرۇم ەتۋگە بولمايتىن ۇقىعى“ دەگەندى بارىندە باسا دارىپتەپ وتىردى، بۇل ”شاڭحاي رۋحىنداعى“ ”بىرگە دامۋعا تالپىنۋمەن“ ايرىقشا قابىستى.
”الەمدىك دامۋ باستاماسى قازىرگى دۇنيە ءجۇزىنىڭ رەال قاجەتىن ءداپ باسىپ تاپتى ءارى كەڭ سەلبەستىك تورىن قالىپتاستىرىپ، شاڭحاي سەلبەستىك ۇيىمىنداعى ەلدەردى قامتىعان ءار ەلگە بىرگە دامۋ ورايىن ازىرلەدى“، - دەدى «قازاقستان شارۋاشىلىق گازەتىنىڭ» باس رەداكتورى سەرىك قورجىمبايەۆ.
”جىبەك جولى ەكونوميكالىق بەلدەۋىن“ قۇرۋدى قولداۋ باستاماسىنان نازاردى استىق، ەنەرگيا حاۋىپسىزدىگى جانە ءوندىرۋ، قامداۋ تىزبەگىنىڭ ورنىقتىلىعىن قورعاۋعا شوعىرلاندىرۋعا، دۇنيە ءجۇزىنىڭ ادىلدىگىن، تاتۋلىعىن، دامۋىن ىنتىماقتاسا بىرگە جەبەۋدى العا قويۋدان كوپ جاقتى ساۋدا ءتۇزىلىسىن قورعاۋدى باستاماشىلدىقپەن دارىپتەۋگە دەيىن شاڭحاي سەلبەستىك ۇيىمى بىرگە دامۋ، سەلبەسىپ دامۋ ۇستانىمىن وڭىرلىك دامۋ اياق الىسىمەن توعىستىرىپ، اناعۇرلىم جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتۋ ءۇشىن امالياتتىق جول قاراستىردى.
ازەربايجان جۇڭگو باستاماسى، دامۋى جانە مادەنيەت زەرتتەۋ ورتالىعىنىڭ مەڭگەرۋشىسى ەمين قاسىموۆ بىلاي دەپ قارادى: 5 جىلدان بەرى، الەمدىك دامۋ باستاماسىنىڭ ماڭىزدىلىعى ۇزدىكسىز جوعارىلادى، شاڭحاي سەلبەستىك ۇيىمىنداعى ەلدەردى قامتىعان قالىڭ وركەندەپ كەلە جاتقان ەلدەر ”دامۋ قابىلەتىن بىرگە جوعارىلاتۋعا“ كۇش سالدى، بۇل الەم ەكونوميكاسىنىڭ باياندى دامۋى جونىنەن ءمانى زور.
الەمدىك سەلبەسە دامۋدى ىلگەرىلەتۋ ءۇشىن ”شاڭحاي سەلبەستىك ۇيىمىنىڭ جاۋاپكەرشىلىگىن“ ايگىلەدى
”ءبىز’ ءبىر بەلدەۋ، ءبىر جولدى‘ بىرگە قۇرۋ سەلبەستىگىن الدىمەن باستادىق، ءبىر توپ بەلگى سيپاتتى ينجەنەريالار مەن ’شاعىن ءارى كوركەم‘ حالىق تۇرمىسى نىساندارى تياناقتانىپ تامىر تارتتى، كاسىپ سالاسىنا قارجى قوسۋ سەلبەستىگى بەلسەنە ىلگەرىلەدى، ءوڭىردىڭ دامۋىنىڭ، گۇلدەنۋىنىڭ قوزعاۋشى كۇشى اناعۇرلىم جەتكىلىكتى بولدى. مەن العا قويعان جۇڭگو مەن شاڭحاي سەلبەستىك ۇيىمىنداعى باسقا ەلدەردىڭ جالپى ساۋدا سوماسىن 2 تريلليون 300 ميلليارد دوللاردان اسىرۋ نىساناسى كۇنى بۇرىن جۇزەگە استى. ستەرەولدى ۇلاستىرۋ - تۇتاستىرۋ تورى اناعۇرلىم كەمەلدەنىپ، مۇشە ەلدەر اراسىندا حالىقارالىق تاس جول تاسىمال جەلىسى 14 مىڭ كيلومەترگە تايادى، قاتىناعان جۇڭگو − ەۆروپا كەزەكشى پويەزى جيىنى 110 مىڭنان استى“. 2025 - جىلى ءتوراعا شي جينپيڭ شاڭحاي سەلبەستىك ۇيىمىنىڭ تيانجين باسشىلار ماجىلىسىندە سەلبەسە دامۋداعى سۇبەلى تابىستاردى ەگجەي - تەگجەيلى ساناپ كورسەتتى.
5 جىلدان بەرى، جۇڭگو شاڭحاي سەلبەستىك ۇيىمىنداعى ءارقايسى جاقتارمەن بىرگە الەمدىك دامۋ باستاماسىن تياناقتاندىرىپ، ەكونوميكانىڭ جاھاندانۋىنىڭ دۇرىس بەتالىسىنا تاباندى بولىپ، دامۋدى الدىمەن ويلاستىرۋعا تاباندى بولىپ، ءوزارا ءتيىمدى سەلبەستىكتىڭ ”بالكۇلشەسىن“ ۇلكەن جاساۋعا قۇلشىنىپ، دامۋ جەتىستىكتەرىنەن ءار ەل حالقىن اناعۇرلىم كوپ، اناعۇرلىم ءادىل يگىلىكتەندىردى.
الەمدىك دامۋ باستاماسىنىڭ جەبەۋىندە شاڭحاي سەلبەستىك ۇيىمىنىڭ ستەرەولدى، كوپ نەگىزدى ۇلاستىرۋ - تۇتاستىرۋ تورى كۇن سايىن كەمەلدەندى. كاسپي تەڭىزىن اتتاعان حالىقارالىق تاسىمال ءدالىزىنىڭ تاسىمال قۋاتى جەدەل ارتىپ، جۇڭگو − قىرعىزستان − وزبەكستان تەمىر جولى ناقتى قۇرىلىس جۇرگىزۋدەن قامال الۋ كەزەڭىنە ءوتتى، جۇڭگو − تاجىكستان تاس جولى ورنىقتى ىلگەرىلەدى... اناعۇرلىم ءجيى تەمىر جول، تاس جول جانە كوپ فورمالى ۇلاسپالى تاسىمال تورى ىشكى قۇرلىقتاعى ەلدەردىڭ جاعراپيالىق كەدەرگىلەردى تالقانداپ، ەكونوميكا - ساۋدا سەلبەستىگىنىڭ تەرەڭدەۋىنە قاتىناس تىرەگىن ازىرلەدى ءارى سايكەستى كاسىپ سالالارىنىڭ قۇرىلۋىنا، شوعىرلانۋىنا جەتەكشىلىك ەتىپ، ”قاتىناس ءدالىزىن“ ”ەكونوميكالىق دالىزگە“ اينالدىردى.
”قىرعىزستان سىندى ىشكى قۇرلىقتىق تاۋلى ءوڭىر مەملەكەتى جونىنەن العاندا، نەگىزدىك قۇرىلعى قۇرىلىسى قاتىناستىڭ قولايلىلانۋ دەڭگەيىن جوعارىلاتىپ قانا قويماي، اۋەلى، ەكونوميكالىق دامۋدىڭ شەشۋشى فاكتورى سانالادى“، - دەدى قىرعىزستاننىڭ ەكونوميسى تولوبەك ابدروۆ.
شاڭحاي سەلبەستىك ۇيىمى ەلدەرىنىڭ كەدەيلىكتى ازايتۋ جانە دامۋ جونىندەگى زەرتتەۋ، ءبىلىم اسىرۋ كۋرسىندا بەلورۋسسيا، ارمەنيا سياقتى ەلدەردەگى كۋرسانتتار جۇڭگونىڭ كەدەيلىكتى ازايتۋ تاجىريبەلەرىن زەرتتەپ ۇيرەندى؛ جۇڭگو مەن پاكيستان كاسىپورىندارى بىرگە سىناق جاساعان، سۇرىپتاپ بۋدانداستىرعان قىشى جاڭا سورتى پاكيستاندا جەرگىلىكتى شارۋالارعا جاڭا تيىمدىلىكتەر اكەلدى؛ جۇڭگو مەن موڭعۇليا شولەيتتەنۋدەن ساقتانۋ جانە ونى وڭاۋ سەلبەستىك ورتالىعىن قۇرىپ، موڭعۇليانىڭ ”ءبىر ميلليارد ءتۇپ اعاش جوسپارىن“ قولدادى... كەدەيلىكتى ازايتۋ، استىق حاۋىپسىزدىگى سياقتى ”شاعىن ءارى كوركەم“ نىساندار جۇرت كوڭىلىن جەلپىندىرىپ، الەمدىك دامۋ باستاماسىندا قۋاتتالعان ”حالىقتى وزەك ەتۋ”، ”جالپىعا ءتيىمدى، سيىسىمدى بولۋ“ سياقتى ۇستانىمداردى ايقىن ايگىلەپ، ءار ەل حالقىن دامۋ جەمىستەرىنەن بىرگە يگىلىكتەندىردى.
ءتوراعا شي جينپيڭ بىلاي دەدى: ”وڭىردەگى ءار ەل حالقىنىڭ تاماشا تۇرمىس كەشىرۋى ءبىزدىڭ جەتۋگە تالپىنعان ورتاق نىسانامىز“. ءار جاقتىڭ قۇلشىنۋىندا، ءتوراعا شي جينپيڭ بىلتىر شاڭحاي سەلبەستىك ۇيىمىنىڭ تيانجين باسشىلار ماجىلىسىندە ورتاعا قويعان قاجەتى بار مۇشە ەلدەردە 100 ”شاعىن ءارى كوركەم“ حالىق تۇرمىسى نىسانىن اتقارۋ جوسپارىنىڭ قازىر ۇشتەن ەكىسىنەن استامى نىسانعا ەنگىزىلدى.
وزبەكستان ەكونوميكالىق سەلبەستىك قوعامىنىڭ ءتوراعاسى مۇحتور ۇماروۆ بىلاي دەپ قارادى: قوعامدىق ەكونوميكالىق ونىمدىلىككە تىكە يە نىساندار وركەندەپ كەلە جاتقان ەلدەر جونىنەن توتەنشە ماڭىزدى. بۇل نىساندار ”شاعىن ءارى كوركەم، حالىق تۇرمىسىنا تيىمدىلىك جاسايدى، تەز ءونىم بەرەدى“، قاراپايىم بۇقاراعا سەلبەستىك جەتىستىكتەرىن شىنايى سەزىندىرەدى.
ءبىرىن - ءبىرى تابىسقا جەتەلەپ، بولاشاقتى بىرگە اشۋ بارىسىندا وسىزاماندانۋعا قادام تاستادى
ەگيپەتتىڭ سۆەيش كانالى بويىنداعى ونەركاسىپ باقشا رايونىندا ”بەيدوۋ“ ورىن تۇراقتاندىرۋ جۇيەسى مەن ”ءبىر تور، ءبىر بۇلت، ءبىر تۇعىر“ كاسىپورىندارعا سيفرلى قىزمەت وتەدى؛ ىشكى موڭعۇلدىڭ عانشىمود شەكارا وتكەلى شوفەرسىز اۆتوماتتى جول باستاۋ اۆتوكولىگىن ورنالاستىرۋ ارقىلى جۇڭگو مەن موڭعۇليانىڭ شەكارا اتتاعان جۇك تاسىمالىنىڭ 30 سەكۋندتا كەدەننەن تەز ءوتۋىن جۇزەگە اسىردى؛ ورتا ازيا قۇرلىعىندا جاڭاتاس جەل ەلەكتر الاڭى، تۇرعىسىن سۋ ەلەكتر ستانسياسى سياقتى نىساندار تازا ەنەرگيانىڭ دامۋ كومەسكى كۇشىن جارىققا شىعاردى... شاڭحاي سەلبەستىك ۇيىمىنىڭ سەلبەستىگى اناعۇرلىم جاسىل، اناعۇرلىم زەردەلى باعىتقا قاراي دامىپ، زەردەلى ءداۋىردىڭ دامۋ پايداسىنان بىرگە يگىلىكتەندىردى.
”وسىزامانداندىرۋدى جۇزەگە اسىرۋ − وسى ۇيىمعا مۇشە ەلدەردىڭ ورتاق نىساناسى“. ءتوراعا شي جينپيڭ بىلاي دەپ اتاپ كورسەتتى: جۇڭگو باستان - اياق ءوزىنىڭ دامۋىن شاڭحاي سەلبەستىك ۇيىمىنىڭ دامۋىمەن بايلانىستىرادى، مۇشە ەلدەر حالقىنىڭ تاماشا تۇرمىسقا دەگەن تالپىنىسىمەن بايلانىستىرادى.
ءار جاقپەن ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدىڭ 8 ءتۇرلى ارەكەتىن جاپپاي تياناقتاندىرىپ، اۋىل شارۋاشىلىعىنان ۇلگى كورسەتۋ بازاسى، جەرگىلىكتى ەكونوميكا - ساۋدادان ۇلگى كورسەتۋ رايونى، ەكولوگيالىق ورتانى قورعاۋدان جاڭالىق اشۋ بازاسى سياقتى تۇعىرلاردان ويداعىداي پايدالانىپ، وڭىرلىك سەلبەستىكتى جەبەۋدەن شاڭحاي سەلبەستىك ۇيىمى مەملەكەتتىك سيفرلى وقۋ - اعارتۋ وداعىن قۇرىپ، شاڭحاي سەلبەستىك ۇيىمىنداعى مۇشە ەلدەرمەن دامۋ تاجىريبەلەرى مەن ەڭ جاڭا تەحنولوگيالىق جەتىستىكتەردەن بىرگە يگىلىكتەنۋگە دەيىن، ونان مۇشە ەلدەردە 10 ”لۋبان شەبەرحاناسىن“ قۇرىپ، جەرگىلىكتى ورىننىڭ دارىندىلاردى باۋلۋىنا دەم بەرۋگە دەيىن تالاي جىلدان بەرى، جۇڭگو باستان - اياق ارەكەتتى باعدار ەتۋگە تاباندى بولىپ، باتىلدىقپەن جاۋاپكەرشىلىك ارقالاپ، شاڭحاي سەلبەستىك ۇيىمىنداعى مۇشە ەلدەردىڭ قول ۇستاسا دامۋىن ىلگەرىلەتۋگە كۇش سالدى.
ەگيپەت پراميدا ساياسي جانە ستراتەگيالىق زەرتتەۋ ورتالىعىنىڭ ورىنباسار مەڭگەرۋشىسى احمەد كانديل مىنالاردى ءبىلدىردى: جۇڭگونىڭ جاسىل جاڭالىق اشۋ مەن باياندى دامۋدى ىلگەرىلەتۋ جاعىندا اناعۇرلىم زور رول اتقارىپ، وسى ارانىڭ قابىلەت قۇرىلىسىن ىلگەرىلەتۋىن، سونداي - اق شاڭحاي سەلبەستىك ۇيىمى مەن قازىرگى حالىقارالىق مەحانيزم اراسىنداعى سايكەستىكتى كۇشەيتىپ، وركەندەپ كەلە جاتقان ەلدەردىڭ ءسوز بيلىگى مەن ۋاكىلدىك سيپاتىن ارتتىرۋىن ءۇمىت ەتەمىن.
پاكيستان وڭتۇستىك عىلىم جانە تەحنولوگيا ارقىلى باياندى دامۋدى جەبەۋ كوميتەتى ءىسلاماباد داشۋەسى جۇڭگو زەرتتەۋ ورتالىعىنىڭ مەڭگەرۋشىسى ساديا حايدەل بىلاي دەپ قارادى: شاڭحاي سەلبەستىك ۇيىمى الەمدىك دامۋ باستاماسىنىڭ كوڭىلدەگىدەي اماليات تۇعىرى، ”تۇرلىشە ساياسي تۇزىلىستەگى ەلدەر مەن ەكونوميكالىق تۇلعالاردىڭ ەشقانداي شارت قويماۋ العى شارتىندا، ورتاق نىسانانى ارقاۋ ەتە وتىرىپ قالاي ورتاق تانىمعا كەلۋىن ايگىلەدى“.
يراداسى بەرىك ادامنىڭ جەتپەيتىن جەرى بولمايدى. 2026 - جىلعى شاڭحاي سەلبەستىك ۇيىمى باسشىلار ءماجىلىسى اشىلۋ الدىندا تۇر، بولاشاققا بەت العاندا، جۇڭگو ءار ەلمەن بىرگە ”شاڭحاي رۋحىن“ ونان ارى جالعاستىرىپ جانە ساۋلەلەندىرىپ، الەمدىك دامۋ باستاماسىن امالياتتا ايگىلەپ، بەلسەنە جاۋاپكەرشىلىك ارقالاپ ىسكەرلىك كورسەتىپ، اناعۇرلىم ناقتى شارالار ارقىلى ءار ەلدىڭ بىرگە دامۋىن جەبەپ، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تاسقىنداعان قوزعاۋشى كۇش قوسادى.
(شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى)
