ەركىن تۇنياز جۇندۇڭ ەكونوميكالىق - تەحنولوگيالىق اشۋ رايونىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
ەكونوميكانىڭ جاڭالانۋعا، ساپالىلانۋعا، جاقسارۋعا قاراي بەت الۋىن ىلگەرىلەتۋگە اناعۇرلىم زور ۇلەس قوسۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 8 - ايدىڭ 29 - كۇنى ۇرىمجىدەن حابارلايدى. 8 - ايدىڭ 29 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز جۇندۇڭ ەكونوميكالىق - تەحنولوگيالىق اشۋ رايونىنا كەلىپ، قاتىستى كاسىپورىندارعا دەيىن بارىپ، كاسىپ سالاسىن دامىتۋ، كەلەلى نىساندارعا قارجى قوسۋ قۇرىلىسى، كومىر قىشقىل گازىن شىعارۋدى ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ قىزمەتى سياقتىلار جونىندە تەكسەرۋ - زەرتتەۋ جۇرگىزىپ، سول جەردىڭ وزىندە جۇمىس ءبىتىرىپ، كاسىپورىنداردىڭ تالاپ - تىلەگىن سايكەستىرىپ شەشتى. ول بىلاي دەپ باسا دارىپتەدى: پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، جاڭا دامۋ ۇستانىمىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، اۆتونوميالى رايوندىق پارتكومنىڭ تالابى بويىنشا نىسانانى كوزدەپ، قايراتتانا ەكپىندەي ىلگەرىلەپ، نەگىزدى كۇش سالا ورنىقتىرىپ، ارتىقشىلىقتاردى ساۋلەلەندىرىپ، ولقىلىقتاردى تولىقتاپ، بۇكىل رايون ەكونوميكاسىنىڭ جاڭالانۋعا، ساپالىلانۋعا، جاقسارۋعا قاراي بەت الۋىن ىلگەرىلەتۋگە تىڭ دا اناعۇرلىم زور ۇلەس قوسۋ كەرەك.
يحۋا كەن كاسىبى ۋساي - ۋان 1 - ءنومىرلى اشىق كومىر كەنىندە ەركىن تۇنياز ءوندىرىس شارۋاشىلىعى، سىرتقا تاسىمالداۋ قابىلەتى، زەردەلى كەن قۇرىلىسى سياقتى جاعدايلاردى ۇعىستى. ول كاسىپورىننىڭ دامۋ سەنىمىن بەكەمدەپ، ءوندىرىس قۋاتىن عىلمي جارىققا شىعارىپ، زەردەلىلەندىرۋ، تومەن كومىر قىشقىل گازدى بولۋ، جاسىل بولۋ جاعىندا ۇلگى كورسەتۋگە قۇلشىنىپ، ەل ىشىندە بىرەگەي وسىزاماندانعان زەردەلى كومىر كەندى جەدەل قۇرۋىن ءۇمىت ەتتى.
دۇنحۋا جاسىل كومىرتەگى تەحنولوگيالىق جارنا شەكتى سەرىكتەستىگىنىڭ جىلىنا 150 مىڭ توننا كومىرتەگى قوس توتىعىن جيناپ سۇيىلتۋ نىسانى، گوتاي شينحۋا كەن كاسىبى جارنا شەكتى سەرىكتەستىگىنىڭ شىعارعان كومىرتەگى قوس توتىعىن جيناپ الىپ بىرىكتىرىپ مەتيل سپيرتىن جاساۋ نىسانى جۇمىس باسىندا ەركىن تۇنياز بىلاي دەپ باسا دارىپتەدى: عىلمي زەرتتەۋ قۇرىلىمدارىمەن ءتۇيىلىسۋدى كۇشەيتىپ، تەحنولوگيالىق جولدى، ءونىمنىڭ ورنىن اناعۇرلىم ايقىنداپ، كومىرتەگى قوس توتىعىن جيناۋ، پايدالانۋ تەحنولوگياسى جونىندەگى عىلمي زەرتتەۋدەن قامال الۋدى ىلگەرىلەتىپ، ونى تياناقتاندىرىپ، كادەگە جاراتىپ، پايدالانۋدى كەڭەيتىپ، ”كومىر قىشقىل گازى جۇگىن“ ”كومىر قىشقىل گازى بايلىعىنا“ اناعۇرلىم ويداعىداي اينالدىرىپ، كومىر قىشقىل گازىن شىعارۋدى ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن تياناقتاندىرۋعا تىڭ جول اشۋ كەرەك.
ەركىن تۇنياز شاننىڭ حيميا ونەركاسىپ شەكتى سەرىكتەستىگىنىڭ جىلىنا 800 مىڭ توننا كومىردەن ولەفين ءوندىرۋ، دۇڭميڭ پلاستماسسا شەكتى سەرىكتەستىگىنىڭ جىلىنا 800 مىڭ توننا كومىردەن ولەفين ءوندىرۋ نىسانىنا ناقتى ورىندا تەكسەرۋ - زەرتتەۋ جۇرگىزىپ، جۇمىس باسىندا ماسەلەنى شەشۋگە قۋزاپ، جەتەكشىلىك ەتتى. ول بىلاي دەپ باسا دارىپتەدى: قازىر كومىردەن ولەفين الۋدىڭ وزىندىك قۇن ارتىقشىلىعى كورنەكتى، نىسان قۇرىلىسىنىڭ اياق الىسىن، ساپاسىن جانە حاۋىپسىزدىگىن ءبىر تۇتاس ويداعىداي جوسپارلاپ، نىسانداردىڭ ەرتە وندىرىسكە قوسىلىپ، ەرتە ونىمدىلىك كورسەتۋىن ىلگەرىلەتۋ كەرەك. ول قاتىستى تاراۋلاردى فاكتورمەن قامتاماسىز ەتۋدى كۇشەيتىپ، بەلسەنە الدا ءجۇرىپ قىزمەت وتەپ، بوگەتتەردى، قيىن ماسەلەلەردى ويداعىداي شەشۋگە قۋزادى.
جۇندۇڭ كاسىپ سالاسى مەن وقۋ - اعارتۋدى توعىستىرۋ بويىنشا عىلىم - تەحنولوگيادا جاڭالىق اشۋ باقشاسىندا ەركىن تۇنياز كومىر قىشقىل گازىن ولشەۋ قىزمەتىنە تەكسەرۋ - زەرتتەۋ جۇرگىزىپ، كوپ ەنەرگيانى توعىستىرىپ جاڭالىق اشۋ ارالىق سىناق بازاسىنا كەلىپ، باقشا رايونىنداعى ءتۇيىندى كاسىپورىنداردىڭ كاسىپ سالاسى، مەكتەپ عىلمي زەرتتەۋ قۇرىلىمدارى جاعىندا سەلبەسىپ قامال الۋدى تەرەڭدەتۋ سياقتى جاعدايلاردى تىڭدادى. ول بىلاي دەپ اتاپ كورسەتتى: كومىردەن تازا، جوعارى ءونىمدى پايدالانۋدى ارقاۋ ەتىپ، كومىر قىشقىل گازىن ولشەۋگە قىزمەت وتەۋ قابىلەتىن كۇشەيتىپ، ەل ىشىندەگى ماڭداي الدى جوعارى مەكتەپتەرمەن جانە عىلمي زەرتتەۋ اكادەميالارىمەن، ورىندارىمەن سەلبەسىپ قامال الۋدى تەرەڭدەتىپ، اناعۇرلىم كوپ جاڭالىق اشۋ جەتىستىكتەرىنىڭ تياناقتانىپ كادەگە جاراۋىن ىلگەرىلەتۋ كەرەك.
تەكسەرۋ - زەرتتەۋ بارىسىندا ەركىن تۇنياز سانجى حۇيزۋ اۆتونوميالى وبلىسىنداعى، جۇندۇڭ ەكونوميكالىق - تەحنولوگيالىق اشۋ رايونىنداعى جاۋاپتى جولداستار قاتارلىلارمەن اڭگىمە وتكىزىپ، پىكىر اۋىستىردى. ول بىلاي دەپ باسا دارىپتەدى: سانجى وبلىسى نىسانا - مىندەتتەردى كوزدەپ، كىرىسۋ وتكەلىن ءدال تاۋىپ، جاڭالىق اشۋ وي جەلىسى جانە رەفورما جاساۋ باتىلدىعى ارقىلى دامۋ بارىسىنداعى قيىنشىلىقتار مەن ماسەلەلەردى شەشۋ كەرەك. كومىر حيميا ونەركاسىبى، جاڭا ماتەريال سياقتى ابزال كاسىپ سالالارىن ساپالىلاندىرۋدى، كۇشەيتۋدى ارقاۋ ەتىپ، جاساندى زەردە ارقىلى جاڭاشا ونەركاسىپتەندىرۋگە قۋات ۇستەپ، كاسىپ سالاسىنىڭ جاسىل، تومەن كومىر قىشقىل گازدى تيپ جاڭالاۋىن ىلگەرىلەتۋ كەرەك. نازاردى حالىق تۇرمىسىنا شوعىرلاندىرىپ، دامۋدى جەبەپ، اۋىل شارۋاشىلىعى، اۋىل - قىستاق، شارۋالار قىزمەتىن شىن مانىندە ويداعىداي يگەرىپ، اناعۇرلىم كوپ بۇقارانى كىرىستى ارتتىرىپ بايۋعا باستاۋ كەرەك. دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىمەن ۇشتاستىرىپ، ورتالىقتىڭ شارلاۋدا، قازىنالىق باقىلاۋدا، ەكولوگيالىق ورتانى قورعاۋدى باقىلاۋ - تەكسەرۋدە اڭىس ەتىلگەن ماسەلەلەردى رەتتەۋ - تۇزەتۋدى تىڭعىلىقتى ويداعىداي ىستەپ، جاۋاپكەرشىلىك ارقالاۋدى كۇشەيتىپ، حاۋىپسىزدىك تومەنگى شەگىن بەرىك ورناتىپ، ءوندىرىس حاۋىپسىزدىگى سياقتى ءتۇيىندى سالالارداعى حاۋىپ - قاتەرلەردەن، كومەسكى كىناراتتاردان كۇش سالا ساقتانىپ جانە ونى جويىپ، تاماشا دامۋ ورتاسىن قالىپتاستىرۋ كەرەك.
