− قالىڭ پارتيا مۇشەلەرى، كادرلار «شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومىن ىشكەرىلەي ۇيرەندى، ەگجەي - تەگجەيلى ءتۇسىندى
□ شينحۋا اگەنتتىگىنىڭ تىلشىلەرى شيۇڭ فىڭ، حۋ لياۋران
يدەيا تۋى جاڭا جورىققا جەتەكشىلىك ەتىپ، نازاريا شۇعىلاسى ەكپىندەي ىلگەرىلەۋ جولىن نۇرلاندىردى.
جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى بايلانىسىمەن، جۇڭگو كوممۋنيستىك پارتياسى ورتالىق كوميتەتى پارتيا تاريحى جانە حۇجات زەرتتەۋ مەكەمەسى رەداكسيالاعان «شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومى ورتالىق حۇجات باسپاسىنان شىعىپ، بۇكىل ەلدە تاراتىلدى.
بىرنەشە كۇننەن بەرى ورتالىقتان جەرگىلىكتى ورىندارعا، قالادان اۋىل - قىستاقتارعا دەيىن بۇكىل ەلدەگى قالىڭ پارتيا مۇشەلەرى، كادرلار دەن قويا بايىپپەن ءتۇپ نۇسقانى وقىپ، اۋەلگى ءماتىندى ۇيرەنىپ، قاعيدانى ءتۇسىنىپ، ىشكەرىلەي ۇيرەنۋ، ەگجەي - تەگجەيلى ءتۇسىنۋ بارىسىندا شي جينپيڭ پارتيا قۇرىلىسى يدەياسىنىڭ اقيقات كۇشى مەن امالياتتىق ۇلى كۇشىن سەزىنىپ، جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋ اسقاق جىگەرىن ۇيىستىردى.
قۇزىرلى وقۋلىق نازاريالىق نەگىزدى بەكەمدەدى
«شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومدارى ”ون تورتكە تاباندى بولۋدى“ مىقتاپ ارقاۋ ەتىپ، شي جينپيڭ پارتيا قۇرىلىسى يدەياسىنىڭ باي مازمۇنىن، عىلمي جۇيەسىن جانە ماڭىزدى ءتول جاسامپازدىق ۇلەسىن تولىق بەينەلەدى.
”شي جينپيڭ پارتيا قۇرىلىسى يدەياسى جاڭا داۋىردەگى پارتيانى باسقارۋ، پارتيانى جونگە سالۋ، پارتيانى گۇلدەندىرۋ، پارتيانى قۇدىرەتتەندىرۋ كەلەلى تاقىرىبىنا جاۋاپ بەرۋ بارىسىندا قالىپتاستى جانە دامىدى“. چيڭحۋا داشۋەسى ماركسيزم شۋەيۋانىنىڭ پروفەسسورى سۇڭ ۋي بىلاي دەدى: پارتيا 18 - قۇرىلتايىنان بەرى، پارتيانى جاپپاي قاتاڭ باسقارۋ تاريحي سيپاتتى، جاسامپازدىق سيپاتتى تابىستارعا قول جەتكىزىپ، جان - جاقتى، تەرەڭ قاتپارلى ىقپال تۋدىردى، پارتيا توڭكەرىستىك شىڭدالۋ بارىسىندا اناعۇرلىم بەرىك، پارمەندى، تەبىندى بولدى، بۇل، تۇپتەپ كەلگەندە، باس شۋجي شي جينپيڭنىڭ جول باستاپ، رول ۇستاۋىنىڭ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ، اسىرەسە، شي جينپيڭ پارتيا قۇرىلىسى يدەياسىنىڭ عىلمي جەتەكشىلىگىنىڭ ارقاسى.
«پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋدەن» «ورتالىقتىڭ سەگىز ءتۇرلى بەلگىلەمەسى ۇزاق ۋاقىت ءونىمدى تەمىردەي قاعيدا، قاتاڭ ولشەم» دەگەنگە دەيىن، «ساياسي ءتارتىپتى قاتايتىپ، پارتيانىڭ ىنتىماعىن، بىرلىگىن سانالى قورعاۋدان» «ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن سومداۋعا» دەيىن... ماڭىزدى حۇجاتتار جاڭا داۋىردە پارتيانى جاپپاي قاتاڭ باسقارۋدىڭ ايبىندى بارىسىن ەستەلىككە الىپ، شي جينپيڭ پارتيا قۇرىلىسى يدەياسىنىڭ قالىپتاسۋ، بايۋ جانە دامۋ بارىسىن جۇيەلى بەينەلەدى.
”شىعارمالاردان تاڭدامالىلاردىڭ مازمۇنى جۇيەلى دە تولىق، لوگيكاسى كەمەلدى دە ءتارتىپتى بولىپ، كوممۋنيستەردىڭ پارتيانى باسقارۋ، پارتيانى جونگە سالۋداعى سەرگەكتىگى مەن تاباندىلىعىن ايگىلەۋمەن بىرگە، باستان - اياق اينىماعان اۋەلگى ماقساتى مەن بورىشىن جانە ساياسي قاسيەتىن دە ايگىلەدى“. جۇڭگو پۋدۇڭ كادرلار شۋەيۋانى وقىتۋدى زەرتتەۋ ءبولىمىنىڭ ورىنباسار مەڭگەرۋشىسى ليۋ جىشين بىلاي دەپ قارادى: ۇيرەنۋ ارقىلى شي جينپيڭ پارتيا قۇرىلىسى يدەياسىندا قامتىلعان مۇرات - سەنىمدى بەكەمدەۋدى، وسكەلەڭ تاريحي ىرىقتىلىقتى، ايقىن ماسەلە باعدارىن، كۇشتى بورىش ارقالاۋدى، تەرەڭ حالىقتىق سۇيىسپەنشىلىكتى، عىلمي يدەيالىق ءادىستى ىشكەرىلەي تۇسىنگەن قالىڭ پارتيا مۇشەلەرى، كادرلار شي جينپيڭ پارتيا قۇرىلىسى يدەياسىنىڭ اقيقات كۇشى مەن ادامگەرشىلىك كۇشىن شىنايى سەزىندى، سول ارقىلى ساياسي، يدەيا، نازاريا، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتتى.
پارتيانىڭ نازاريادا جاڭالىق اشۋى ءبىر ادىم ىلگەرىلەگەن سايىن، نازاريامەن قارۋلانۋ دا ءبىر قادام العا باسادى.
بۇل شىعارمالاردان تاڭدامالىلار شي جينپيڭ پارتيا قۇرىلىسى يدەياسىنىڭ نازاريالىق تامىرىن جۇيەلى ايگىلەپ، ماڭىزدى بايىمداۋلاردىڭ اۋەلگى ءمانىن، ماعىناسىن ساقتاۋمەن بىرگە، عىلمي ورنالاستىرۋ ارقىلى قالىڭ پارتيا مۇشەلەرىنىڭ، كادرلاردىڭ يدەيانىڭ جالپى جاعدايىن يگەرۋىنە كومەكتەستى.
«شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومىن تاپسىرىپ العاندا، حىنان اۋىل شارۋاشىلىق داشۋەسىنىڭ دوتسەنتى ۋاڭ ساۋ 100دەن استام ماقالانىڭ اۋىرلىعىن عانا ەمەس، ونان دا ماڭىزدىسى، ”ءبىر نازاريا سارايىنىڭ“ سالماعىن سەزىندى. كىتاپتىڭ بەتىن اشقاندا ول باس شۋجي شي جينپيڭ ورتاقتاسقان كىتاپ وقۋدان العان اسەرىن ەرىكسىز ەسىنە الدى، ”قايتالاپ وقۋ، شىن ىقىلاسپەن وقۋ، ماركسيزمدىك ءتۇپ نۇسقا شىعارمالارىن ’ىشكەرىلەي وقۋ، مايەگىن يگەرىپ وقۋ‘ كەرەك“.
”نەعۇرلىم ىشكەرىلەپ وقىعان سايىن، شي جينپيڭ پارتيا قۇرىلىسى يدەياسىنىڭ امالياتتان كەلگەندىگىن، سونداي - اق امالياتقا جەتەكشىلىك ەتىپ، ماركسيزمنىڭ نازاريالىق نۇر - شۇعىلاسىن شاشقانىن سولعۇرلىم سەزىنە الامىز“، - دەدى ۋاڭ ساۋ تەبىرەنە.
بۇكىل پارتياعا عىلمي نازاريامەن جەتەكشىلىك ەتۋگە، بۇكىل پارتيانى عىلمي نازاريامەن قارۋلاندىرۋعا تاباندى بولۋ − پارتيامىزدىڭ تاڭداۋلى ءداستۇرى جانە وراسان زور ارتىقشىلىعى.
ورتالىق كوميتەت پارتيا تاريحى جانە حۇجات زەرتتەۋ مەكەمەسى مىنالاردى ءبىلدىردى: وسى ماڭىزدى شىعارمانى مۇقيات ۇيرەنۋ بۇكىل پارتيانىڭ ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋىن، ”ەكىنى قورعاۋدى“ باتىل ورىنداۋىن ىلگەرىلەتىپ، پارتيانىڭ جاسامپازدىق نازارياسىمەن قارۋلانۋىن تەرەڭدەتىپ، بۇكىل پارتيانىڭ يدەيالىق، نازاريالىق دەڭگەيىن ۇزدىكسىز جوعارىلاتۋىن ىلگەرىلەتىپ، پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ ورنىقتى قاداممەن الىسقا جەتۋىن ىلگەرىلەتۋ جونىنەن توتەنشە ماڭىزدى ءمان الادى.
«شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومىنىڭ باسپادان شىعىپ تاراتىلۋى قالىڭ پارتيا مۇشەلەرىنىڭ، كادرلاردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ پارتيا قۇرىلىسى يدەياسىن ىشكەرىلەي ۇيرەنۋىنە، دايەكتىلەندىرۋىنە قۇزىرلى وقۋلىق ازىرلەپ، بۇكىل پارتيانىڭ ۇيرەنۋ ونىمدىلىگىن جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىلگەرىلەتۋدىڭ جاندى امالياتىنا اينالدىرۋىن شىن مانىندە ىلگەرىلەتتى.
ىشكەرىلەي ۇيرەنىپ، ەگجەي - تەگجەيلى ءتۇسىنىپ، اقيقاتتىڭ كۇش - قۋاتىن سەزىندى
بيىل 6 - ايدا ورتالىق كوميتەت پارتيا قۇرىلىسى قىزمەتى باسشىلىق گرۋپپاسى «شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ جونىندەگى حابارلاندىرۋدى» باسىپ تاراتىپ، شي جينپيڭ پارتيا قۇرىلىسى يدەياسىن ۇيرەنۋ، دايەكتىلەندىرۋ كەزەكتەگى جانە مۇنان بىلايعى ءبىر مەزگىلدەگى بۇكىل پارتيانىڭ ماڭىزدى ساياسي مىندەتى ەكەندىگىن باسا دارىپتەدى.
2 ايدان استام ۋاقىتتان بەرى، «شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومىن ىشكەرىلەي ۇيرەنۋ، ەگجەي - تەگجەيلى ءتۇسىنۋ ورلەۋى بۇكىل ەلدىڭ جەر - جەرىندە ۇزدىكسىز كوتەرىلدى.
گۋاڭدۇڭ ولكەسى جياڭمىن قالاسى پىڭجياڭ رايونىندا بۇكىل رايوندى قامتىعان ۇدايىلانعان ۇيرەنۋ مەحانيزمى كادرلار قوسىنىنىڭ رۋحاني بەت - بەينەسىن بىرتىندەپ وزگەرتۋدە.
باسشى كادرلار رايوندىق پارتكوم نازاريا ۇيرەنۋ وزەكتى گرۋپپاسىنىڭ ءار ماۋسىمداعى ارناۋلى تاقىرىپتا زەرتتەۋ - تالقى جۇرگىزۋىنە سۇيەنسە، جاس كادرلار پارتيا مەكتەبىنىڭ نەگىزگى كلاستارىندا ”مىندەتتى ساباق“ وقىپ شىڭدالدى، نەگىزگى ساتىداعى پارتيا مۇشەلەرى ءار ايداعى «پارتيا ىستەرى قىزمەتى تىزىمدىگى» ارقىلى دەر كەزىندە ىلەسە ۇيرەندى؛ ”ۇلگىنىڭ كۇشى“ اتتى سۇحبات تۇرىندەگى وقىتۋ وزات تيپتەردى بەتپە - بەت پىكىر اۋىستىرۋعا ۇسىنىس ەتىپ، كۋرسانتتارعا حيكايالاردى ەستۋ بارىسىندا جاۋاپكەرشىلىك ارقالاۋ رۋحىن سەزىندىردى... تۇرلىشە توپقا قاراتا ”جۇمىس ورنىنا قاراي وقىتۋ“ سىندى ۇيرەنۋ مەن قولدانۋدى ۇشتاستىرعان جابىق اينالىم مەحانيزمى نازاريا ۇيرەنۋدە تاتىمدى ءتالىم بەرىپ، ءۇن - ءتۇنسىز ءنار سيلادى.
ءتۇپ نۇسقانى وقىپ، اۋەلگى ءماتىندى ۇيرەنىپ، قاعيدانى تۇسىنگەندە عانا ونىڭ سەبەبىن، نە ءۇشىن ولاي بولاتىندىعىن، ونىڭ ماعىناسىن، ونىڭ ءجونىن ءتىپتى دە بىلۋگە بولادى.
ىشكەرىلەي ۇيرەنىپ، ەگجەي - تەگجەيلى ءتۇسىنۋدىڭ ماڭىزدىلىعى ءىس جۇزىندىكپەن ۇشتاستىرىپ وي جۇگىرتىپ، كوكەيگە قوندىرۋدا. قالىڭ پارتيا مۇشەلەرى، كادرلار ءسوز - سويلەمى بويىنشا زەرتتەپ وقۋ بارىسىندا شي جينپيڭ پارتيا قۇرىلىسى يدەياسىنىڭ عىلمي جۇيەسى مەن وزەكتى ءمانىن جۇيەلى يگەرىپ قانا قويماي، ونان دا ماڭىزدىسى، ءوز قىزمەتىمەن ۇشتاستىرىپ، نازاريا ۇيرەنۋدى ءىس جۇزىندىك ماسەلەلەردى شەشۋمەن تىعىز ۇشتاستىرىپ، ولقىلىقتارعا وي جۇگىرتىپ، بەتالىستى ايقىنداپ، ۇيرەنۋ بارىسىندا ىستەپ، ىستەۋ بارىسىندا ۇيرەندى.
جەر - جەر، تاراۋلار ”ءۇش جيىن، ءبىر ساباق“، نەگىزگى تاقىرىپتىق پارتيا كۇنى سياقتى ءونىمدى دانەكەرلەرگە سۇيەنىپ، قالىڭ پارتيا مۇشەلەرىن، كادرلاردى «شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومىن مۇقيات ۇيرەنۋدى ىلگەرىلەتۋگە ۇيىمداستىردى.
جياڭسۋ ولكەلىك راديو - تەلەۆيزيا مەكەمەسىندەگى پارتيا ياچەيكالارى «شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومىن وزەكتى ۇيرەنۋ ماتەريالى ەتىپ، ولكەلىك پارتكوم پارتيا مەكتەبىنىڭ ماماندارىن جۇيەلى تۇسىنىك، بايىمداۋ جاساۋعا ۇسىنىس ەتتى؛
انحۇي ولكەسى شىتاي اۋداندىق پارتكومنىڭ نازاريا ۇيرەنۋ وزەكتى گرۋپپاسى شىعارمالاردان تاڭدامالىلاردى شوعىرلى زەرتتەپ وقىدى، ماجىلىسكە قاتىناسقان جولداستار كوڭىلدى ورنىقتىرىپ، بار ىنتا - پەيىلىمەن ماقالا بويىنشا ۇيرەنىپ، سويلەم بويىنشا ءتۇسىنىپ، ۇلگى كورسەتىپ، تۇتاس اۋداننىڭ ۇيرەنۋ، دايەكتىلەندىرۋ قىزمەتىن ىشكەرىلەي، ناقتى ىستەۋىنە جەتەكشىلىك ەتتى؛
يۇننان ولكەسى ۋىنشان جۋاڭزۋ - مياۋزۋ اۆتونوميالى وبلىسى شيچوۋ اۋدانىندا جەرگىلىكتى ورىن ”جەر وشاق ءماجىلىسى“ سىندى بۇقارانىڭ قىزۋ قارسى الۋىنا يە بولعان فورماعا سۇيەنىپ، نازاريا ۇيرەنۋدى قىستاقتاعى جەر وشاق باسىنا كوشىرىپ اپاردى. كادرلار مەن بۇقارا جەر وشاق جانىندا قورالانا وتىرىپ، دامۋ ءىس جۇزىندىگىمەن ۇشتاستىرىپ شىعارمالاردان تاڭدامالىلاردى ۇيرەنىپ، پارتيانىڭ جاسامپازدىق نازارياسىن قاراپايىم دا ۇعىنىقتى ءتىل ارقىلى ايقىن ءتۇسىندىردى، انىق ۇعىندىردى؛
...
كوپتەگەن ورىندار باسشى كادرلار باستاماشىلدىقپەن ۇيرەنۋگە تاباندى بولىپ، ”شەشۋشى ازشىلىقتىڭ“ ۇلگىلىك، جەتەكشىلىك رولىن ساۋلەلەندىرىپ، الدىمەن ۇيرەنىپ، ىشكەرىلەي ۇيرەنىپ، ساتىلار بويىنشا ىلەسەتىن، بارلىق ادام ۇيرەنەتىن قويۋ راي قالىپتاستىرۋعا باستاماشىلدىق ەتتى.
ۇيرەنۋ بارىسىندا كوپشىلىك شي جينپيڭ پارتيا قۇرىلىسى يدەياسىنىڭ باي دا تەرەڭ مازمۇنى مەن جۇيەسىنىڭ كەمەلدىلىگىن ”نە ءۇشىن يگەرەمىز“ دەگەن تەرەڭ قاتپارلى لوگيكانى ايقىن تۇسىندىرۋمەن بىرگە، ”قالاي يگەرۋ“ ءادىسىن، جولىن ايقىن كورسەتىپ بەرگەندىگىن، ءاربىر ماڭىزدى تۇجىرىمنىڭ ءداۋىر تاقىرىبىنا جاۋاپ قايتارىپ، ءاربىر ورنالاستىرۋدا، تالاپتا تاۋقىمەت تانىمى مەن تاريحي جاۋاپكەرشىلىك قامتىلعاندىعىن بارعان سايىن سەزىندى.
اقيقاتتىڭ ءدامى بارعان سايىن ءتاتتى بولىپ، سەنىمنىڭ نەگىزى بارعان سايىن بەكەمدەلە ءتۇستى، كوپشىلىك وقىعان سايىن ءشولى قانعانداي، ۇيرەنگەن سايىن تولىسىپ جەتىلگەندەي سەزىنىپ، ۇيرەنۋى، ءتۇسىنۋى ۇزدىكسىز تەرەڭدەدى، ناقتىلاندى، كوكەيگە ۇيالادى.
شىنايى سەنىپ، شىنايى اتقارىپ، ەكپىندەي ىلگەرىلەۋدىڭ جاڭا جاعدايىن اشتى
كىتاپتى قانشالىقتى كوپ وقىساڭ، الداعى ساپارىڭ سولعۇرلىم ءساتتى بولادى. شي جينپيڭ پارتيا قۇرىلىسى يدەياسىن ىشكەرىلەي ۇيرەنۋدى، دايەكتىلەندىرۋدى ەڭ سوڭىندا ”ارەكەتتە“ تياناقتاندىرۋ كەرەك.
ۇيرەنۋ ارقىلى رۋحتى سومداپ، ۇيرەنۋ ارقىلى اقىل - پاراساتتى ارتتىرىپ، ۇيرەنۋ ارقىلى ستيلدى دۇرىستاپ، ۇيرەنۋ ارقىلى ىستەۋدى جەبەدى. ”15 - بەسجىلدىقتىڭ“ باستاما جىلىندا قالىڭ پارتيا مۇشەلەرى، كادرلار ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، پارتيانىڭ جاسامپازدىق نازارياسىن سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ كۇشتى يدەيالىق قارۋىنا اينالدىرۋعا كۇش سالدى.
8 - ايداعى فۋجيان ولكەسى سانميڭ قالاسى شاشيان رايونى شياماۋ قالاشىعىنىڭ يۇيباڭ قىستاعىنداعى بۇلاق سۋى سىلدىراپ اعىپ جاتىر. قىستاقتىڭ كىرە بەرىسىندەگى جەڭىل تاعامدار اسحاناسىندا تاماقتىڭ بۋى بۇرقىراپ، ساياحاتشىلاردىڭ اياعى ۇزىلمەدى. وسى ”شاشيان جەڭىل تاعامدارى ءبىرىنشى قىستاعىنىڭ“ قىستاق كوللەكتيۆ كىرىسى بۇرىن نەبارى 170 مىڭ يۋان عانا بولاتىن، قازىر ءبىر ميلليون يۋاننان اسىپ، جىلىنا 200 مىڭ ساياحاتشى قابىلدايدى.
”شىعارمالاردان تاڭدامالىلارداعى ’جوعارى مەن تومەن تۇتاسقان، اتقارۋى پارمەندى ۇيىمدىق جۇيەنى كەمەلدەندىرۋ‘ جونىندەگى مازمۇندى تەرەڭ سەزىندىك. نەگىزگى ساتىنىڭ پارتيا قۇرىلىسى تياناقتانسا، حالىقتى بايىتۋ جولى كەڭەيەدى“. يۇيباڭ قىستاعى پارتيا ياچەيكاسىنىڭ شۋجيى جاڭ چاڭسۇڭ بىلاي دەدى: شىعارمالاردان تاڭدامالىلار باسپادان شىعىپ تاراتىلعاننان كەيىن، قىستاق پارتيا ياچەيكاسى بارلىق پارتيا مۇشەلەرىن زەرتتەپ وقۋعا ۇيىمداستىرۋدى كوپشىلىكتى باستاپ ىستەۋمەن ۇشتاستىرىپ، نازاريالىق ۇيرەنۋدى قىستاقتى كۇشەيتىپ حالىقتى بايىتۋدىڭ ارەكەت كۇشىنە شىنايى اينالدىردى.
نازاريانىڭ ۇلى كۇشى اۋىل - قىستاقتى گۇلدەندىرۋدىڭ وزگەرىسىندە ايگىلەنىپ قانا قويماي، قالانىڭ نەگىزگى ساتىلارىن باسقارۋدىڭ ”نەرۆ ۇشتارىن“ دا جانداندىردى.
تيانجين قالاسى حىپيڭ رايونى شينشيڭ ءمالىسى ۋيجين جولى الەۋمەتتىك اۋماعىندا نەگىزگى تاقىرىپتىق پارتيا كۇنى قيمىلى كونە شاعىن اۋماقتاردىڭ دارەجەسىن جوعارىلاتىپ جاڭالاۋ جۇمىس باسىنا كوشىرىلدى. بارلىق پارتيا مۇشەلەرى شىعارمالاردان تاڭدامالىلارداعى ”حالىقتى بارىنەن جوعارى قويۋعا تاباندى بولۋ“ جونىندەگى ماڭىزدى بايىمداۋلارعا ىشكەرىلەي وي جۇگىرتىپ، جاڭا جوباداعى كولىك تۇراقتارىن جانە قارتتارعا ۇيلەسەتىن قۇرىلعىلاردى جۇمىس باسىندا تەكسەرىپ، تۇرعىندار اڭىس ەتكەن ناقتى تالاپ - تىلەكتەرگە مەڭزەس، جۇمىس باسىندا مىندەتتى تانىپ، شەكتى ۋاقىت ىشىندە شەشتى.
”ۇيرەنۋ، تالقىلاۋ جانە ىشكەرىلەي تەكسەرۋ - زەرتتەۋ ارقىلى كوپشىلىك شىعارمالاردان تاڭدامالىلارداعى نازاريالىق بىلىمدەردىڭ قاي - قاشان دا نەگىزگى ساتىنىڭ قىزمەت امالياتىنا جەتەكشىلىك ەتەتىندىگىن سەزىندى“. حىپيڭ رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى دۇڭ شۋەچىن بىلاي دەدى: ۇيرەنۋدى ناقتى ىستە تياناقتاندىردى، پارتيا مۇشەلەرى مەن بۇقارا ماڭايىنداعى ىستەردى شەشۋدە شي جينپيڭ پارتيا قۇرىلىسى يدەياسىنىڭ امالياتقا ۇيلەسەتىندىگىن شىنايى سەزىنىپ، نازاريا ۇيرەنۋدىڭ كوكەيگە ۇيالاۋىن، ارەكەتتە ايگىلەنىپ ونىمدىلىك كورسەتۋىن شىنايى ىلگەرىلەتتى.
ۇيرەنگەندى امالياتتا قولدانىپ، ونى امالياتتا ايگىلەۋ بارىسىندا بەكەمدەۋ كەرەك. قالىڭ پارتيا مۇشەلەرى، كادرلار ”ۇيرەنۋدىڭ“ شىعار ءتۇيىنى مەن تابان تىرەر تياناعىن ”قولدانۋعا“ قويىپ، ۇيرەنۋ ونىمدىلىگىن جوعارى ساپالى دامۋدى ىلگەرىلەتۋ قابىلەتىنە اينالدىردى.
تاياۋدا شىنجىننان شىعىس وڭتۇستىككە قاراي جۇرگەندە 200 كيلومەتر جەردەگى جۋجياڭ قۇيعانى ويپاتى تەڭىز ايدىنىندا دۇنيە جۇزىندەگى تۇڭعىش 16 مەگاۆاتتىق قالقىما جەل ەلەكتر تۇعىرى ”حاييوۋ انلان“ لۋفىڭ مۇناي الابى ەلەكتر تورىنا ءساتتى جالعانىپ، تەڭىزدەگى مۇناي الابىن جاسىل ەلەكترمەن رەسمي توتە قامدادى.
2 ايدان استام ۋاقىتتان بەرى، تەڭىز - مۇحيت مۇناي ينجەنەرياسى شەكتى جارنا سەرىكتەستىگى پارتكومىنىڭ نازاريا ۇيرەنۋ وزەكتى گرۋپپاسى باستاماشىلدىقپەن ۇيرەنىپ، ۇيرەنۋدى جەبەپ، شىعارمالاردان تاڭدامالىلاردى قاز - قالپىندا زەرتتەپ وقىدى ءارى نازاريا ۇيرەنۋگە سۇيەنىپ، ءتۇيىندى قىزمەت مىندەتى تىزىمدىگىن جاساپ، نازاريا ۇيرەنۋدىڭ تياناقتانىپ كادەگە جاراۋىن ىلگەرىلەتتى.
”ءبىز ۇيرەنۋ مەن قولدانۋدى ۇشتاستىرۋعا تاباندى بولىپ، تەرەڭ تەڭىز جەل ەلەكترىن اشۋ سىندى دۇنيە جۇزىلىك دەڭگەيدەگى تەحنولوگيالىق قيىن ماسەلەنى ءجىتى قاداعالاپ، پارتيا قۇرىلىسى كۇشىن قامال الۋدىڭ ءبىرىنشى شەبىنە ۇيىستىردىق“، - دەدى سەرىكتەستىكتىڭ ”حاييوۋ انلان“ نىسانىنىڭ ۇنەمىلىك ىستەرگە جاۋاپتى ورىنباسار باس مەڭگەرۋشىسى ۋي شيۇڭبياۋ.
ۇيرەنۋ قانشالىق تەرەڭ بولسا، ءبىلىم سونشالىق ايقىن، ارەكەت سونشالىق تىڭعىلىقتى بولادى.
قالىڭ پارتيا مۇشەلەرى، كادرلار «شي جينپيڭ پارتيا قۇرىلىسى جونىندەگى شىعارمالارىنان تاڭدامالىلاردىڭ» 1 -، 2 - تومىنان قابىلداعان اقيقات كۇشىن تاۋ جولىقسا جول اشاتىن، سۋ جولىقسا كوپىر سالاتىن ناقتى ىستەۋ قايراتىنا اينالدىرىپ، نازاريالىق سەرگەكتىك ارقىلى ساياسي تاباندىلىقتى ساقتاپ، ناقتى ءىس ىستەۋ، ناقتى ناتيجە شىعارۋ ارقىلى ءداۋىر جاۋاپناماسىن جازىپ، ۇيرەنۋ ونىمدىلىگىن مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋدىڭ ايبىندى امالياتىنا ۇزدىكسىز توعىستىرىپ، ەكپىندەي ىلگەرىلەۋدىڭ جاڭا جورىعىندا تەلەگەي كۇش تاسقىنداتتى.
(شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى)
