□ شينحۋا اگەنتتىگىنىڭ تىلشىلەرى جاۋ يان، ما جويان، جياڭ يوۋلين
كۇز باسىنداعى بىشكەك جاسىل جەلەك جامىلعان، تاۋلار الىستا اسقاق بوي سوزىپ تۇر.
8 - ايدىڭ 30 - كۇنى تۇستەن كەيىن مەملەكەت ءتوراعاسى شي جينپيڭ ارناۋلى ۇشاقپەن قىرعىزستاننىڭ استاناسى بىشكەككە جەتتى، 2026 - جىلعى شاڭحاي سەلبەستىك ۇيىمى باسشىلار ماجىلىسىنە قاتىناسادى ءارى قىرعىزستاندا مەملەكەتتىك ساپاردا بولادى.
قالانىڭ نەگىزگى كوشەلەرىندە ”قىرعىزستان مەن جۇڭگو ءبىر - بىرىنە شىنايى مامىلە جاساپ، ءوزارا تەرەڭ دوستىق ورناتتى“ دەگەن سياقتى ۇراندار شۋاقتى كۇن نۇرىندا ەرەكشە كوز تارتادى.
ماناس حالىقارالىق اۋەجايىندا تۋلار جەلمەن جەلبىرەپ تۇر. قىرعىزستان زۇڭتۇڭى جاپاروۆ پەن حانىمى وسى اراعا ەرتە كەلىپ، ءتوراعا شي جينپيڭ مەن حانىمى پىڭ لييۋاندى قارسى الدى.
”قىرعىزستانعا ساپارلاي كەلگەنىڭىزدى قىزۋ قارسى الامىز“! ءتوراعا شي جينپيڭ مەن حانىمى ۇشاق باسپالداعىنان تۇسكەندە ەكى ەلدىڭ مەملەكەت باسشىلارى ءبىر - ءبىرىنىڭ قولىن قىسا ۇستادى.
”ءسىز وتباسىمىزدىڭ مۇشەسىسىز“. جاپاروۆ زۇڭتۇڭ ءتوراعا شي جينپيڭگە: ”ءسىزدىڭ وسىندا كەلگەنىڭىز بەينە ۇيىڭىزگە قايتىپ كەلگەنمەن ۇقساس“، - دەدى.
جەرگىلىكتى ورىنداعى جاس قىزدار ءتوراعا شي جينپيڭ مەن حانىمىنا ءداستۇرلى نان - باۋىرساق، بال ۇسىنىپ، ەڭ قۇرمەتتى قوناقتى ءداستۇرلى سالتپەن قارسى الدى.
ءتوراعا شي جينپيڭ اۋەجايدا جازباشا ءسوز سويلەپ: جۇڭگو مەن قىرعىزستاننىڭ ءداستۇرلى دوستىعى ارىدان باستاۋ العان، اسقار تيانشان تاۋى ەكى ەل حالقىنىڭ مىڭ جىلدان اسقان دوستىق بارىس - كەلىس تاريحىنا كۋا، - دەپ اتاپ كورسەتتى. ءتوراعا شي جينپيڭ مىنالاردى ءبىلدىردى: ساپار كەزىندە جاپاروۆ زۇڭتۇڭمەن جۇڭگو − قىرعىزستان قاتىناسى، ەكى ەلدىڭ ءار سالاداعى سەلبەستىگى، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، جۇڭگو − قىرعىزستان تاعدىرلاس ورتاق تۇلعاسىن قۇرۋعا جاڭا جوبا جاسايمىز.
تاۋ - وزەندەرى جالعاسىپ جاتىر، تىنىستاس، تاعدىرلاس بولىپ، ءبىر - ءبىرىن تابىسقا جەتەلەدى.
بۇل ءتوراعا شي جينپيڭنىڭ قىرعىزستاندا 3 - رەت ساپاردا بولۋى. 2013 - جىلى 9 - ايدا ءتوراعا شي جينپيڭ قىرعىزستاندا تۇڭعىش رەت مەملەكەتتىك ساپاردا بولىپ، جۇڭگو مەن قىرعىزستان ستراتەگيالىق سەرىكتەستىك قاتىناس ورناتقاندىعىن جاريالادى. وسىدان كەيىنگى 10 نەشە جىلدا جۇڭگو − قىرعىزستان قاتىناسى ستراتەگيالىق سەرىكتەستىك قاتىناستان جاپپاي ستراتەگيالىق سەرىكتەستىك قاتىناسقا، ونان جاڭا داۋىردەگى جاپپاي ستراتەگيالىق سەرىكتەستىك قاتىناسقا دەيىنگى تاريحي قارىشتاۋدى جۇزەگە اسىردى.
كونە دوستار ۇنەمى بارىس - كەلىس جاساپ تۇردى. بىلتىر ءبىر جىلدا ءتوراعا شي جينپيڭ جاپاروۆ زۇڭتۇڭمەن 3 رەت ديدارلاستى. ەكى ەلدىڭ مەملەكەت باسشىلارى جۇڭگو مەن قىرعىزستاننىڭ جاڭا داۋىردەگى جاپپاي ستراتەگيالىق سەرىكتەستىك قاتىناسىن اناعۇرلىم تەرەڭدەتۋ، تاتۋ كورشى، دوس، گۇلدەنۋدەن بىرگە يگىلىكتەنەتىن جۇڭگو − قىرعىزستان تاعدىرلاس ورتاق تۇلعاسىن قۇرۋدى ىلگەرىلەتۋ جونىندە ماڭىزدى ورتاق تانىمعا كەلىپ، ەكى جاقتى قاتىناستىڭ تىڭ پاراعىن اشتى.
اۋەجايدا ەكى ەلدىڭ مەملەكەت باسشىلارى مەن حانىمدارى جەرگىلىكتى ورىننىڭ ءداستۇرلى مۋزيكا اسپاپتارىمەن ورىندالعان ءان - كۇي جانە بۇركىت، تازى، ءداستۇرلى سايىسكەرلەر شارشى توبى، اتتىلار اترەتى، كيىز ءۇي سياقتى مادەنيەت كورسەتىلىمىن بىرگە تاماشالادى، جاپاروۆ زۇڭتۇڭ ءتوراعا شي جينپيڭگە ءبىر - بىردەن ءتۇسىندىردى.
اۋەجايدىڭ سيلى قوناقتار زالىندا جەرگىلىكتى جاستار مەن ورەندەر جۇڭگو ءانىن جۇڭگو تىلىندە شىرقاپ، الىستان كەلگەن سيلى قوناقتارعا ءوز كوڭىلدەرىن ءبىلدىردى.
19 جاستاعى داشۋە وقۋشىسى سادات قارسى الا شىققان ادامداردىڭ اراسىندا ەدى. ”بۇگىن ءتوراعا شي جينپيڭدى كورىپ قاتتى اسەرلەندىم“! ول تىلشىگە: ”مەن ءتوراعا شي جينپيڭگە: ءسىزدىڭ قىرعىزستاندا ىستەرىڭىزدىڭ ءساتتى بولىپ، ۇمىتىلماس ساتتەردى وتكىزۋىڭىزدى ءۇمىت ەتەمىن دەپ ايتقىم كەلەدى“، - دەدى.
(شينحۋا اگەنتتىگىنىڭ 8 - ايدىڭ 30 - كۇنى بىشكەكتەن بەرگەن حابارى)
