8 - ايدىڭ 31 - كۇنى تۇستەن بۇرىن شينجياڭ ۇيعۇر اۆتونوميالى رايوندىق 15 - كەزەكتى سپورت جارىسى جانە 11 - كەزەكتى ۇلتتار ءداستۇرلى دەنە تاربيە جارىسىنىڭ بايىنعولين وبلىسى كورلا قالاسىنداعى بولىمشە الاڭىندا (ات ويىندارى) جارىس دابىرالى وتكىزىلدى. 8000 مەترلىك بايگە، كوكپار سىندى ەرەكشەلىككە يە جارىستار ارت - ارتىنان باستالىپ، قيانكەسكى باسەكەدەن سوڭ سانجى وبلىسى ۋاكىلدەر ۇيىرمەسىنىڭ شاباندوزى امان ەلنۇر 8000 مەترلىك بايگەنىڭ اعا جۇلدەگەرلىگىنە يە بولدى. كوكپار جارىسىندا ىلە كومانداسى 9:4 ۇپايمەن قاشقار كومانداسىن جەڭىپ، شاعىن گرۋپپا جارىسىندا جەڭىسكە قول جەتكىزدى.
