جەرگىلىكتى ۋاقىت 8 - ايدىڭ 31 - كۇنى تۇستەن بۇرىن قىرعىزستان زۇڭتۇڭى جاپاروۆ جۇڭگو مەملەكەت ءتوراعاسى شي جينپيڭمەن بىشكەكتەگى ىنتىماق سارايىندا كەڭەس وتكىزدى. جاپاروۆ شي جينپيڭگە ارناپ قارسى الۋ سالتىن وتكىزدى. سۋرەتتە: ەكى ەلدىڭ مەملەكەت باسشىلارى قۇرمەت قاراۋىلىن كوزدەن كەشىرۋدە.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
جەرگىلىكتى ۋاقىت 8 - ايدىڭ 31 - كۇنى تۇستەن بۇرىن قىرعىزستان زۇڭتۇڭى جاپاروۆ جۇڭگو مەملەكەت ءتوراعاسى شي جينپيڭمەن بىشكەكتەگى ىنتىماق سارايىندا كەڭەس وتكىزدى.
□سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
جەرگىلىكتى ۋاقىت 8 - ايدىڭ 31 - كۇنى تۇستەن بۇرىن قىرعىزستان زۇڭتۇڭى جاپاروۆ جۇڭگو مەملەكەت ءتوراعاسى شي جينپيڭمەن بىشكەكتەگى ىنتىماق سارايىندا كەڭەس وتكىزدى. كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن قىرعىز رەسپۋبليكاسىنىڭ جاڭا داۋىردەگى جاپپاي ستراتەگيالىق سەرىكتەستىك قاتىناستى جوعارى ساپالى دامىتۋ جونىندەگى بىرلەسكەن جارناماسىنا»، «جۇڭحۋا حالىق رەسپۋبليكاسى مەن قىرعىز رەسپۋبليكاسىنىڭ ماڭگىلىك تاتۋ كورشىلىك، دوستىق سەلبەستىك شارتىنا» بىرگە قول قويدى، ەكى جاقتىڭ قارجى قوسۋ، قاتىناس، كەدەن، دوس قالا سياقتى سالالارداعى ەكى جاقتى سەلبەستىك حۇجاتتارىن اۋىستىرۋىنا كۋا بولدى.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
شينحۋا اگەنتتىگىنىڭ 8 - ايدىڭ 31 - كۇنى بىشكەكتەن بەرگەن حابارى (تىلشىلەر لي جۇڭفا، حۋ شياۋگۋاڭ). جەرگىلىكتى ۋاقىت 8 - ايدىڭ 31 - كۇنى تۇستەن بۇرىن قىرعىزستان زۇڭتۇڭى جاپاروۆ جۇڭگو مەملەكەت ءتوراعاسى شي جينپيڭمەن بىشكەكتەگى ىنتىماق سارايىندا كەڭەس وتكىزدى.
بىشكەكتە كۇزدىڭ سالقىن سامالى ەسىپ تۇر. شي جينپيڭ مەن حانىمى پىڭ لييۋان اۆتوكولىكپەن ىنتىماق سارايىنا جەتكەندە، جاپاروۆ پەن حانىمى جاپاروۆا ىستىق ىقىلاسپەن قارسى الدى.
جاپاروۆ شي جينپيڭگە ارناپ قارسى الۋ سالتىن وتكىزدى. شي جينپيڭ جاپاروۆپەن بىرگە كوزدەن كەشىرۋ مىنبەسىنە شىقتى. اسكەري وركەستر جۇڭگو − قىرعىزستان ەكى ەلدىڭ مەملەكەت ءانىن ورىندادى. ەكى ەلدىڭ مەملەكەت باسشىلارى قۇرمەت قاراۋىلىن كوزدەن كەشىردى. شي جينپيڭ قۇرمەت قاراۋىلىنىڭ ورتاسىنا كەلىپ، قۇرمەت قاراۋىلىنىڭ مۇشەلەرىنە قىرعىز تىلىندە امانداستى، قۇرمەت قاراۋىلىنىڭ مۇشەلەرى: العا! العا! - دەپ جاۋاپ بەردى. ەكى ەلدىڭ مەملەكەت باسشىلارى ەكى جاقتان سەرىك بولىپ كەلگەندەرمەن جەكە - جەكە قول الىسىپ قۇرمەت ءبىلدىردى. شي جينپيڭ جاپاروۆپەن بىرگە سالتانات قاتارىن كوردى. ەكى ەلدىڭ مەملەكەت باسشىلارى مەن حانىمدارى ىنتىماق سارايى زالىنا كىرىپ، ەكى ەلدىڭ مەملەكەت تۋى الدىندا سۋرەتكە ءتۇستى.
قارسى الۋ سالتىنان كەيىن ەكى ەلدىڭ مەملەكەت باسشىلارى كەڭەس وتكىزدى.
شي جينپيڭ الدىمەن جۇڭگو ۇكىمەتى مەن جۇڭگو حالقى اتىنان قىرعىزستاننىڭ تاۋەلسىزدىك كۇنى مەرەكەسىن قۇتتىقتادى.
شي جينپيڭ بىلاي دەپ اتاپ كورسەتتى: سوڭعى جىلدارى ءبىزدىڭ ورتاق جەتەكشىلىك ەتۋىمىزدە جۇڭگو − قىرعىزستان قاتىناسى قارىشتاپ دامۋدى جۇزەگە اسىرىپ، ءار سالاداعى سەلبەستىك جاپپاي گۇلدەنىپ، ەكى ەلدىڭ دامۋىنا شىنايى دەم بەرىپ، قالىڭ حالىق بۇقاراسىن يگىلىككە كەنەلتتى، سونداي - اق ءوڭىردىڭ بەيبىتشىلىگىن، ورنىقتىلىعىن، گۇلدەنىپ - كوركەيۋىن جەبەدى. بيىل − جۇڭگو كوممۋنيستىك پارتياسى قۇرىلعاندىعىنىڭ 105 جىلدىعى، سونداي - اق جۇڭگونىڭ ”15 - بەسجىلدىعىنىڭ“ باستاما جىلى، جۇڭگو جاق جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە. قىرعىزستان جاق تا ”2030 - جىلدان بۇرىنعى مەملەكەتتى دامىتۋ باعدارلاماسىن“ كۇش سالا اتقارۋدا. جۇڭگو جاق قىرعىزستان جاقپەن قول ۇستاسىپ، تىزە قوسا وتىرىپ، دامۋ ستراتەگيالارىن ءتۇيىلىستىرۋدى كۇشەيتىپ، ەل باسقارۋ تاجىريبەلەرىن اۋىستىرۋدى تەرەڭدەتىپ، اناعۇرلىم كوپ سەزىنە الاتىن، يگىلىكتەنە الاتىن ناقتى سەلبەستىك جەتىستىكتەرىن تۇلعالاپ، جۇڭگو − قىرعىزستان تاعدىرلاس ورتاق تۇلعاسى قۇرىلىسىنىڭ تەرەڭدەۋىن، ناقتىلانۋىن ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: جوعارى دەڭگەيلى ساياسي ءوزارا سەنىمدىلىك پەن باتىل تۇردە ءوزارا قولداۋ − جۇڭگو − قىرعىزستان قاتىناسىنىڭ ورنىقتى قاداممەن الىسقا جەتۋىنىڭ ماڭىزدى قامتاماسىزدىعى. جۇڭگو جاق قىرعىزستاننىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن باتىل قولدايدى، قىرعىزستان جاقتىڭ ءوز مەملەكەت جاعدايىنا ۇيلەسەتىن دامۋ جولىمەن ءجۇرۋىن قولدايدى، قىرعىزستان جاقپەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز باتىل تۇردە ءوزارا قولداۋ كورسەتۋدى قالايدى. جۇڭگو − قىرعىزستان ماڭگىلىك تاتۋ كورشىلىك، دوستىق سەلبەستىك شارتىنا قول قويۋ ەكى ەلدىڭ ۇرپاقتان - ۇرپاققا جالعاسقان دوستىعىنا، ءوزارا باتىل قولداۋ كورسەتۋىنە ماڭىزدى زاڭدىق نەگىز ازىرلەيدى.
شي جينپيڭ بىلاي دەپ اتاپ كورسەتتى: جۇڭگو − قىرعىزستان ەكى جاق ەكى ەلدىڭ ناقتى ىستەر سەلبەستىگىن تەرەڭدەتىپ، ەكى ەل ۇكىمەتتەرى اراسىنداعى ەكونوميكا - ساۋدا سەلبەستىگى جوباسىن ويداعىداي تياناقتاندىرىپ، ساۋدا تۇرلەرىن مولايتىپ، سيفرلى ساۋدا، شەكارا اتتاعان ەلەكتروندى ساۋدا سياقتى جاڭا ارتۋ تۇيىندەرىن كەڭەيتۋى؛ جۇڭگو − قىرعىزستان − وزبەكستان تەمىر جولى سىندى وسى وڭىردەگى حالىقتىڭ دامۋ ءۇمىتىن ارقالاعان ”قاتىناس كۇرە تامىرىن“ جوعارى ساپالى ويداعىداي قۇرىپ، شەكارا وتكەلدەرىن وسىزامانداندىرا جاڭالاۋدى اتقارىپ، ءتۇزىم، ولشەم، ەرەجە سياقتى ”جۇمساق ۇلاستىرۋدى“ تەرەڭدەتۋى؛ قايتا تۋىندايتىن ەنەرگيا، بايلىقتى اينالمالى پايدالانۋ سياقتى سالالاردا اناعۇرلىم كوپ بەلگى سيپاتتى نىسانداردى اتقارىپ، جاسىل كەن سەلبەستىك حۇجاتىن ويداعىداي تياناقتاندىرىپ، تۇتاس كاسىپ سالاسى تىزبەگى سەلبەستىگىن ورىستەتۋى؛ ”ءبىر بەلدەۋ، ءبىر جول“ بىرلەسكەن تاجىريبەحاناسىن بىرگە ويداعىداي قۇرىپ، جاساندى زەردە سياقتى جاقتارداعى سەلبەستىكتى كۇشەيتىپ، عىلىم - تەحنولوگيادا جاڭالىق اشۋ ارقىلى ەكى ەلدىڭ سەلبەستىگىنە قۋات ۇستەپ، ونىمدىلىكتى ارتتىرۋى؛ ەكى ەل ادامدارىنىڭ بارىس - كەلىسىن ونان ارى جەبەپ، جاستار، مەديا، ساياحات، دەنە تاربيە، ەمدەۋ، جەرگىلىكتى ورىندار سياقتى جاقتارداعى سەلبەستىكتى كۇشەيتىپ، جۇڭگو − قىرعىزستان دوستىعىنىڭ قوعامدىق جانە حالىق تىلەگى نەگىزىن ۇزدىكسىز بەكەمدەۋى كەرەك.
شي جينپيڭ بىلاي دەپ اتاپ كورسەتتى: جۇڭگو − قىرعىزستان ەكى جاق زاڭ اتقارۋ، حاۋىپسىزدىك سەلبەستىگىن كەڭەيتىپ، ”ءۇش ءتۇرلى كۇشكە“، ەسىرتكى ساۋدالاۋعا جانە ەل ارالىق قىلمىستارعا قول ۇستاسا سوققى بەرىپ، ءوڭىردىڭ بەيبىتشىلىگى مەن ورنىقتىلىعىن بىرگە قورعاۋى كەرەك. جۇڭگو جاق قىرعىزستان جاقتىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، قىرعىزستان جاقپەن بىرلەسكەن مەملەكەتتەر ۇيىمى جۇلگەسىندە ىستەستىكتى ونان ارى كۇشەيتىپ، ءتورت ۇلكەن الەمدىك باستامانى بىرگە امالياتتا ايگىلەپ، زورەكەرلىككە جانە وكتەمدىك ساياسيعا قارسى تۇرىپ، ناعىز كوپ جاقتىلىققا تاباندى بولىپ، حالىقارالىق ادىلدىك پەن ادىلەتتىلىكتى قورعاپ، اناعۇرلىم ءادىل، ۇيلەسىمدى الەمدىك باسقارۋ جۇيەسىن ورناتۋدى ىلگەرىلەتۋدى قالايدى. شاڭحاي سەلبەستىك ۇيىمىن قۇرۋشى مۇشە ەل رەتىندە، جۇڭگو − قىرعىزستان ەكى ەل تيانجين باسشىلار ءماجىلىسىنىڭ جەتىستىكتەرىن ويداعىداي تياناقتاندىرۋدى ىلگەرىلەتىپ، وسى ءوڭىردىڭ بىرگە دامۋىن جەبەپ، شاڭحاي سەلبەستىك ۇيىمى دامۋىنىڭ تىڭ ساتىعا كوتەرىلۋىن ىلگەرىلەتۋى كەرەك.
جاپاروۆ مىنالاردى ءبىلدىردى: قىرعىزستاننىڭ 35 جىلدىق تاۋەلسىزدىك كۇنىندە ءتوراعا شي جينپيڭنىڭ ساپارلاي كەلگەنىن قارسى العانىمدى اسا ماقتانىش سەزىنەمىن، بۇل ساپار قىرعىزستان مەن جۇڭگو اراسىنداعى تەرەڭ دوستىقتى جانە جوعارى دەڭگەيلى ساياسي ءوزارا سەنىمدىلىكتى ىشكەرىلەي ايگىلەدى، بۇل ەكى ەل قاتىناسىنىڭ دامۋ تاريحىنداعى ماڭىزدى بەلەس، قىرعىزستان − جۇڭگو ماڭگىلىك تاتۋ كورشىلىك، دوستىق سەلبەستىك شارتىنا قول قويۋ ەكى ەل قاتىناسىنا اناعۇرلىم كەڭ ءورىس اشادى. قىرعىزستان مەن جۇڭگو كورشى ەلدەر، بايىرعى جىبەك جولى ەكى ەلدى تىعىز بايلانىستىرىپ تۇرادى. سوڭعى جىلدارى قىرعىزستان مەن جۇڭگونىڭ جاڭا داۋىردەگى جاپپاي ستراتەگيالىق سەرىكتەستىك قاتىناسىنىڭ جەدەل دامۋىنا بايلانىستى ەكى ەل قاتىناسى التىن داۋىرگە ءوتىپ، تاريحتاعى ەڭ جوعارى دەڭگەيدە تۇر. قىرعىزستان جاق جۇڭگو جاقتىڭ قىرعىزستاننىڭ دامۋىنداعى ءاربىر شەشۋشى ساتتە قالتقىسىز قولداۋ كورسەتكەندىگىنە جانە كومەكتەسكەندىگىنە العىس ايتادى. قىرعىزستان جاق جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن، ”15 - بەسجىلدىق“ جوبانى تياناقتاندىرۋ ءۇردىسىن باستاعاندىعىن قىزۋ قۇتتىقتايدى، ءتوراعا شي جينپيڭنىڭ باسشىلىعىندا، جۇڭگونىڭ قول جەتكىزگەن شۇعىلالى دامۋ تابىستارىنا سۇيىنەدى، جۇڭگونىڭ ەل باسقارۋ تاجىريبەلەرىنەن، اسىرەسە، ءتوراعا شي جينپيڭنىڭ ”وزىممەن ساناسپاي، حالىقتىڭ ءۇمىتىن اقتايمىن“ دەگەن سۇيىسپەنشىلىگىنەن ۇيرەنۋدى قالايدى. جۇڭگو − باستان - اياق قىرعىزستاننىڭ ديپلوماتيالىق ساياساتىنىڭ الدىمەن ەسكەرىلەتىن بەتالىسى، قىرعىزستان جاقتىڭ ەڭ جاقىن دوسى جانە ەڭ سەنىمدى سەرىگى. قىرعىزستان جاق ءبىر جۇڭگو پرينسيبىنە تاباندىلىقپەن بويسۇنادى، ءبىرىن - ءبىرى قۇرمەتتەۋ، تەرەزەسى تەڭ تۇرعىدا ءوزارا پايدا جەتكىزۋ نەگىزىندە جۇڭگومەن تاتۋ كورشىلىك، دوستىق قاتىناستى ىشكەرىلەي دامىتۋدى قالايدى. قىرعىزستان جاق جۇڭگو جاقپەن ساۋدا، قارجى قوسۋ، ۇلاستىرۋ - تۇتاستىرۋ، عىلىم - تەحنولوگيادا جاڭالىق اشۋ، ەنەرگيا، كەن، جاسىل ەكونوميكا سياقتى سالالارداعى سەلبەستىكتى جيىلەتىپ، وقۋ - اعارتۋ، دەنساۋلىق ساقتاۋ، مادەنيەت، جاستار سياقتى سالالارداعى اۋىس - كۇيىستى جيىلەتىپ، ”ءۇش ءتۇرلى كۇشكە“ بىرگە سوققى بەرىپ، ءوڭىردىڭ حاۋىپسىزدىگىن قورعاۋدى قالايدى. قىرعىزستان جاق جۇڭگو − قىرعىزستان − وزبەكستان تەمىر جول قۇرىلىسىن بەلسەنە ىلگەرىلەتىپ، ونى جاڭا داۋىردەگى ”قۇرىش جىبەك جولىنا“ جانە قىرعىزستان − جۇڭگو دوستىق قاتىناسىنىڭ جاڭا دانەكەرىنە اينالدىرۋدى قالايدى. ءتوراعا شي جينپيڭ العا قويعان ءتورت ۇلكەن الەمدىك باستاما ءار ەلدىڭ ورتاق سىن - سايىستارعا قول ۇستاسا توتەپ بەرىپ، اناعۇرلىم ءادىل، ورنىقتى حالىقارالىق ءتارتىپ ورناتۋىنا ءتيىمدى. قىرعىزستان جاق جۇڭگو جاقپەن بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، جۇڭگو − ورتا ازيا مەحانيزمى، دۇنيە جۇزىلىك جاساندى زەردە سەلبەستىك ۇيىمى سياقتى كوپ جاقتى تۇعىرلاردا تىعىز سايكەسىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاۋدى قالايدى.
جاپاروۆ قىرعىزستان ۇكىمەتى جانە حالقى اتىنان جۇڭگو شيزاڭ جيلۇڭىنىڭ لاي كوشكىنى اپاتىنا ۇشىراعاندىعى جونىندە شىنايى حال سۇرادى. شي جينپيڭ بۇعان العىس ايتاتىندىعىن ءبىلدىرىپ، بىلاي دەپ اتاپ كورسەتتى: جۇڭگو پارتياسى مەن ۇكىمەتى ەل ءىشى - سىرتىنداعى دەرەكسىز كەتكەندەردى ىزدەۋ - قۇتقارۋ، اپاتقا ۇشىراعان بۇقارانى كوشىرىپ ورنالاستىرۋ، جارالىلاردى قۇتقارۋ، ەمدەۋ، سونداي - اق قوسالقى اپاتتاردان ساقتانۋ سياقتى قىزمەتتەردى كۇش سالا جاقسى ىستەۋدە، سونداي - اق نەپالعا شۇعىل كومەك كورسەتتى. جۇڭگو جاقتىڭ اپاتتى جەڭىپ، مەكەندى قايتا قۇراتىن قابىلەتى، سەنىمى بار.
كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن قىرعىز رەسپۋبليكاسىنىڭ جاڭا داۋىردەگى جاپپاي ستراتەگيالىق سەرىكتەستىك قاتىناستى جوعارى ساپالى دامىتۋ جونىندەگى بىرلەسكەن جارناماسىنا»، «جۇڭحۋا حالىق رەسپۋبليكاسى مەن قىرعىز رەسپۋبليكاسىنىڭ ماڭگىلىك تاتۋ كورشىلىك، دوستىق سەلبەستىك شارتىنا» بىرگە قول قويدى، ەكى جاقتىڭ قارجى قوسۋ، قاتىناس، كەدەن، دوس قالا سياقتى سالالارداعى ەكى جاقتى سەلبەستىك حۇجاتتارىن اۋىستىرۋىنا كۋا بولدى. ساپار كەزىندە ەكى جاق عىلىم - تەحنولوگيا، وقۋ - اعارتۋ، گۋمانيتارلىق ىستەر، مەديا سياقتى سالالارداعى 20 نەشە سەلبەستىك حۇجاتىنا قول قويدى.
سول كۇنى تۇستە جاپاروۆ پەن جاپاروۆا ىنتىماق سارايىندا شي جينپيڭ مەن پىڭ لييۋانعا ارناپ قارسى الۋ قوناعاسىن وتكىزدى.
ساي چي، ۋاڭ ي قاتارلىلار جوعارىداعى قيمىلدارعا قاتىناستى.
